كوبونات الراقية تسجيل الدخول

** المحترمة**

مني لكم نصايح خفيفة:) من اختكم ** المحترمة**

العناية بالبشرة •

بسمه تعالى
الحمدلله رب العالمين والصلاة والسلام على اشرف الانبياء والمرسلين محمد واله الطيبين الطاهرين
السلاام عليكم ورحمة الله وبركاته
شلونكم عزيزاتي عضوات المنتدى العزيز؟
انشالله انكم بخير
انا الحمدلله بخير
حبيباتي موضوعي اليوم هو عبارة عن بعض النصياح الخفيفة لكم وبالخصوص لمدمنات الخلطات ههههههه اللي مثلي

اولا :
لما تشوفي خلطةزينة والكل يمدح فيها وجربة وحبيتي تجربيها سالي نفسج اذا انتي متاكدة انج تبين تجربينها عشان الافادة لنفسج ام لانج شفتي ربيعاتج بالمنتىد استخدموه؟
فاهتمي انه يكون جوابج لنفسج انج بتستخدمينها عشان تفيدين روحج قبل لا تفكرين انج تبين تسوين مثل ربيعاتج عشان تقدرين تستمرين عليها
ارجوج كوني صريحة مع نفسج,,,,,,

ثانيا:
احين يوم جاوبتي نفسج انج تبين الافادة لنفسج وتاكدتي من شعورج جهزي روحج عشان تشترين الاغراض المطلوبة للخلطة واذا عندج روحي جهزيها وخلج دقيقة فيها عشان ما تصيدج احباط لو ما تحققت لج النتيجة المطلوبة
وتاكدي ان المقادير الطلوبة ما راح تضرج مثلا لو كنتي تعانين من حساسية لا سمح الله او ان بشرتج دهنية او جافة ووو الخ من الاشياء اللي لازم تحطينها بالاولويات

ثالثا:
احين شريتي الاغراض جهزيها يمج وسمي باسم الله قبل لا تخلطين المقادير واسالي الله انه يوفقج باللي قاعدة تسوينه ويبارك لج بعملج

رابعا:
ونتي تخلطين المقادير مع بعضها البعض خلي في بالج ان النتيجة راح تكون مرضية باذن الله وانج عندج ارادة قوية وعزيمة ثابته اتجاه هالعمل اللي تسوينه وموبس لمجرد انج راح تجربينها فادت زين ما فادت نجرب غيرها لا غلط خليج واثقة من نفسج واوعدي نفسج انج راح تسوين اللي باستطاعتج عشان تحصلين النتيجة المرجوة

خامسا:
اول ما تجين بتحطين الخلطة على المكان المطلوب غمضي عينج واخذي نفس عميق وذكري الله وطلبي التوفيق مرة ثانية وقولي بسم الله وحطي الخلطة بالمكان اللي تبينه
طبعا راعي كل شي مطلوب مثلا الوقت والمدة المطلوبة والمكان والجو ... الخ

سادسا:
اذا رحتي بتغسلين الخطلة من على جسمج ذكري ربج مرة ثالثة وغسليها وتاكدى ان ان المرة الاولى ما راح تجيب نتيجة ولا الثالثة ولا حتى الرابعة احتمال كل خلطة على حسب مقاديرها ومفعولها ويبي لج تواضبي على استخدامها ليما تخلص الكمية ولا تستعجلين النتيجة ارجوج
واذا سمعتي روحج ونتي تقولين لروحج لاا شككلها الخلطة ما منها فايدة ما بستخدمها لاعت جبدي ولا اكو نتيجة تريح البال على طول عرفي انه بليس يوسوس لج واتفلي على يسارج ثلاث مرات وقولي اعوذ بالله من الشيطان الرجيم
سابعا:
الصبر مطلوب,,,,
الصبر ثم الصبر ثم الصبر ,,صبري على الوقت والجهد وتحملي الملل اللي راح يصيدج لان خبرج احنا الملل رفيجنا والنتيجة اللي تريح البال يبي لها صبر وعزيمة واصرار اكرر الاصرار
لما تستخدمي شي اصري على انج راح تحققين النجاح منه
ثامنا:

استخدمتي الخلطة وصار لج مدة وما لاحضتي ت\نتيجة مرضية ليش؟ لانج قالبة ويهج كل ساعة وطالعتي بالمنضرة تبين نتيجة ياختي خلج صبورة وخليها على الله مو انتي سميتي باسم الله قبل لا تبتدين يعني الله معاج باللي تسوينه ولازم في نتيجة بس عاد تكفين سوي اضراب عن المنظرة جم يوم وراح تشوفين النتيجة انشالله
تاسعا:
الحمدلله رب العالمين استخدمتيها وفادت معاج اشكري ربج وصلي ركعتين شكر واذا ما صار ما فادتج فتاكدي انج سويتي شي ناقص بالخلطة او انج كنتي مو على يقين تام انج راح تحصلين النتيجة او انج ما استمريتي عليها كما يجب او ... وهو اهم شي... ان طبيعة جسمج غير عن اللي استخدموها وفادتهم بمدة معينة ونتي خلصت المدة المعينةوما فادت
لان لا تنسين ان حنا كلنا هرمونات ووو الخ من هالسوالف وطبيعة الجلد تختلف وكل شي يختلف
عاشرا:ا
شكر كل من قرا النصايح واستفاد منها وراح يطبقها وابي وعد منك انكم راح تطبقونها انشالله وحتى لو ما لقيت ردود اهتم اني دريت ان احد قرا الموضوع واستفاد وجزاي على الله انشالله
بس تكفون نبي دعائكم ان الحب اللي بوجهي يروح والحساسية اللي بجسمي تروح تكفون تراني اعاني منهم
تحياتي وارجو اني ما ضايقتكم بالكلام الوايد
مع السلامة والحمدلله رب العالمين
16
1K

يلزم عليك تسجيل الدخول أولًا لكتابة تعليق.

تسجيل دخول

هيا بنت الخبر
هيا بنت الخبر •
" المحترمه"

تسلمين ياعيوني على النصائح الذهبيه
وكل كلمه ذكرتيها صحيحه ميه في الميه
اولا واخرا يجب ذكر الله دائما
وثانيا الصبر ثم الصبر
ويعطيكي العافيه ياعيوني
وجعل ثواب نقلها لنا في ميزان حسناتك
ان شاءالله
:27:
ماكو اسامي
ماكو اسامي •
جزاج الله خير
انا عن نفسي دايم اقول اللي تستفيد من شي وما سبب لها ضرر تبتل عليه وتحمد الله خصوصا بالكريمات الواحد ما يصدق يلاقي شي يريحه واحسن ما نكون حقل تجارب واللي ينفع هذي ما ينفع ذيك
احنا عجووووووووولين ما فينا صبر
وبعد ما عندنا ثقه كافيه بالنفس نتأثر بإختيارات الغير لما اي احد يمدح شي معين وتلاقين اللي بعده يمدح تلقين الوحده تتأثر وتقول خلينا نجرب :26:
الخ الخ
وهذا حالنا
تسلمين
** المحترمة**
** المحترمة** •
هلا ساحرة البشر
هلا والله بخويتي
حياج الله
ويسعدني انج استفدتي من نصايحي
وتقبلي تحياتي
** المحترمة**
** المحترمة** •
هيا بنت الخبر
اسعدتيني بمرورك وتعليقج الرائع وذكر الله يبارك كل لحضة
تحياتي لج واشكرج
** المحترمة**
** المحترمة** •
هلا باهل الكويت
هلا بماكو اسامي
ونتي الصاجة
كلامج عدل بس احنا ناقصنا شي اسمه صبر وثقة بالنفس
من نشوف خلطة يديدة قطينا روحنا بالعطار نشتري الاغراض حق الخلطة ههه
تحياتي لج حبيبتي وحياج الله