هقاوي الشوق @hkaoy_alshok

عضوة مميزة

من آللي صآر له مثل هآلموقف<<حسبي آلله ونعم آلوكيل ..

((قصتي في آجآزه آلعآم آلمآضي))

صيفنآ بمدينه آبهآ ..آلآكثر من رآئعه في آلطبيعه..

وفي عودتنآ فكرنآ نريح في آلطآيف يومين .. جلسنآ في آلشفآء آبرد جوء ومتوسط عند آلمنتزهآت..

وفكرنآ آننآ نطلع آلعصر نآخذ جوله في آلشفآء.. وبعدهآ ننزل لحديقه آلملك فهد في آلطآيف...

ووقفنآ عند محل نشتري حآجه.. نزل زوجي وشرآ آغرآض.. بعد مآركب آلسيآره..

جآنآ عآمل وطق قزآز آلسيآرهـ قآل زوجي وش عندهـ .. قلت آنآ آفتح وشوف وش يبي..

وآلعآمل مشخص وبيده جوآل كشخه.. يلمع من قوه آنه جديد..

وقآل زوجي خير وش عندك. وجآء آلعآمل ومد آلجوآل .. وقآل آنآ جآي من آلدمآم ..

وحصلت لي ظروف وآظطريت آني آبيع جوآلي ولآكن آلضمآن بآلدمآم مو عندي ..

<<:27: وقلت في نفسي وآلله آلجوآل زين وحسآفه يروح لغيرنآ ..

وزوجي فكر ووده بنفس آلجوآل هذآ .. قآل آخر شي تبيع بـ500..

وقآل آلعآمل وآلله حرآم آنآ شآريه بـ2000 ومشكله آبيعه بـ500 .. حرآم وآحنآ رآحمينه..

وحنآ ويآهـ لين وصلنآ لـ600 ريآل <<تخيلوآ من 2000 لـ600:pinklove:

وجربنآ آلكآميرآ وركبنآ آلشريحه..فللندي وعطينآهـ آلمبلغ ومشينآ ..

آلمهم آخذنآ دورهـ على آلشفآء ..ومرينآ على مكآن مرتفع فيه قرودهـ .. يتفرجون عليه آلبزآرين..

وآحنآ بآلمكآن آللي فيه قرودهـ صدفه شفنآ آلعآمل مع صديقه..ويوم شآفنآ قآم يتصدد وآنآ وآلله وجعن قلبي ..

وقلت لزوجي وآلله في آنآ بآلموضوع آكيد آلجوآل فيه شي ..آلمهم نزلنآ وقلنآ آن كآنه كذب علينآ آن آلله يكشفه.

ونزلنآ آلطآيف وقلت لزوجي آنآ آبي آلجوآل مدآمك متردد وحآس آنه مو آصلي وآخذته وفكرت آن آذآ نزلنآ للطآيف

بمر حقين آلآتصآلات..وقلت وش رآيك خلينآ نمر على محل آتصآللآت مبدأيآ رفض ..

وقآل وش تستفيدين يعني وقلت خلنآ نجرب آلمهم وآفق وقآل خلآص دآمك ملزمه آسآلي ..

ونزلت لمحل آلآتصآلـلات آنآ وولدي وقلت لرآعي آلمحل تشتري آلجوآل بكم تسومه .. وقآلي آنتي بكم شريتيه آصلآ..

قلتله غآلي آنت بس كم تسومه.. قآلي تقريبآ يمكن يجيبلك ميه وهنآ صآرت آلصآعقه:eek: آنآ بوقتهآ آنصدمت..

وقآلي لآتكونين بس من آللي آنلعب عليهم في آلمحطآت وغيره.. لآن قبل يومين جآني وآحد شآريه بـ1000

وبآعه لي بـ100 قلت آنآ شريته بـ600 وهو من آلصدمه صفق جبهته:icon810:

وقلت آجل مآرآح آبيعه <<حسبي آلله عليه ..

آلمهم ركبت آلسيآره وقآل زوجي هآآآهـ بكم بعتي:o قلت جآبلي 1000:42: وآنآ آضحك عليهم ..

لآكن آللي يشوف وجهي :06: :(

قلت لعيآلي خلآص بنرجع مو لآزم نتمشى لآني حآس قلبي آني بنشوفه.. ورجعنآ مرهـ ثآنيه للشفنآ ..

وحنآ رآجعين وآنآ بس آتحسب وآدعي عليه .. وقآل زوجي مآرآح نشوفه من بين آلعآلم ..

قلت آن شآءآلله من ربي نشوفه .. وآنآ آتحسب وآدعي آلله آنه يكشفه ..

وقآل زوجي بنوقف نعبي بنزين ..بآلمحطحه بعد صلآه آلمغرب وبعدهآ بندور يمكن نشوفه بآحد آلمحلآت ..

ووقنآ نعبي بنزين وآنآ آلتفت يمين وآثر آلبآكستآني آلحرآمي يمشي شكله يدورله على صيده ثآنيه ..

وقلت لزوجي آنزل آمسكه وقله يطلع آلفلوس ويآخذ جوآله بدون ضرب وكآنت آلمحطه مليآنه نآس ..

ويوم رآح له زوجي مسك كتفه وآهو مآآنتبه له مآدرى ويوم آلتفت آنصدم وقآل لزوجي تعآل نتفآهم على جنب ..

قآل زوجي مآفي تفآهم طلع آلفلوس ولآ ترآ آلشرطه قريبه.. ومن آلخوف طلع آلفلوس ..على طول ..

وهو يتصدد بين آلسيآرآت آلمهم عبينآ بنزين ومشينآ .. قلت آجل آلحين بننزل مره ثآنيه للطآيف ..

وقآل زوجي وآلله مشوآر قلت يلآ بس نص آلفلوس للبزآرين ونصهم نتعشى فيهم ..:42:

ونزلنآ وآستنسى آلحمدآلله .. :tongue3:

~~~

وآتمنى مآيصير لكم مثل آللي صآرلي لآنهم منتشرين بكثره ..

((حسبي آلله عليهم))

..

يلزم عليك تسجيل الدخول أولًا لكتابة تعليق.

تسجيل دخول

om sa3ode • 15 سنة

المفروض بلغتي عنه عشان ما يلعب علي احد ثاني

غنوة الحب • 15 سنة

ربي يحبكم ماطلعتووو بخساره

اذكر وحده كاتبه زي قصتك صارت لها بالطايف لكن شرو كاميرا مو جوال ..!!

قهر هالعمــال يلقون ناس يلعبون عليهم ..

الحلوهـ ام الحلوهـ • 15 سنة

ماشاءالله-عليك
تعجبيــــــــــــني الواحد المفروض مايسكت على حقه ابد هذول العماله ماااا ينسكت لهم
كفايه-انهم ناهبين البلد نهبببببببب

رأي حر • 15 سنة

صارت لزوجي عندنا في الرياض نفس قصتكم بالضبط و بمحطة بنزين و ورشة
باعه له عامل يماني و زوجي جاني فرحان انه اشتراه بـ 500 ريال >>الجوال N95
و لما جاء بيبيعه قالوا له هذا تقليد و نشتريه بمية
و تحسف فيه و اعطاه اخته.

من جد نصب في نصب .. الواحد مايشتري الا من المحلات الخاة بالجوالات..

هقاوي الشوق • 15 سنة

وش لي بالعمر :

لا يمكنك مشاهدة هذا التعليق لانتهاكه شروط الاستخدام.

هو مكتوب عليه من جوآ فلندي ويوم سآلنآ رآعي آلمحل قآل صيني

لآن مميزآته مو مضبوطه ..

بغينآ نتصل على حقين لشفآء بس يوم فكرنآ قلنآ آكيد فيه بدآل آلوآحد 1000

حقنآ ورجعلنآ وآلبآقي لهم آلله ..

ومشكوورهـ عالمرور خيتو

^_^