$من أجل عيناكي يا * أمـــــي *

بسم الله الرحمن الرحيم

يمكن تستغربو عنوان الموضوع

لكن اول عنوان خطر على بالي وعجبني

وففكرت تحت هذا العنوان نجمع انا واخواتي في منتدى حواء كل شي يخص الام

من اشعار

من كلمات

من صور

حتى لو كانت وسائط


طبعا ممكن البعض يشك ان الموضوع بمناسبة عيد الام

لكن والله ماهو هذا السبب

السبب انه امي الله يحفظها من عضوات عالم حواء <<<< يا زينك يمه وانتي تقرائي اللي اكتبه عنك :D

ودايما تقلي >> فين تكتبي في حواء ؟؟ ليه ما اشوفلك رد ؟؟ فيه بنت السعودية غيرك والا بس انتي ؟؟ <<< هذا علشان لا قرات امي الموضوع تعرف انه بنتها اللي كاتبته :p


يالله ببدء انا

اجمل ما قيل عن الام

ابو علاء المعري

لعَيْـشُ مَاضٍ فَأَكْـرِمْ وَالِدَيْـكَ بِـهِ

والأُمُّ أَوْلَـى بِـإِكْـرَامٍ وَإِحْـسَـانِ
وَحَسْبُهَا الحَمْـلُ وَالإِرْضَـاعُ تُدْمِنُـهُ
أَمْـرَانِ بِالفَضْـلِ نَـالاَ كُلَّ إِنْسَـانِ

وهذي القصيدة للشاعر حامد زيد

قصيدتي زاد بعيوني جمالها
واخذت أنقي بالمعاني جزالها
واكتب معانيها من الشوق والغلا
لأمي وأنا اصغر شاعر ٍمن عيالها

كتبتها في غربتي يوم رحلتي
لما طرالي بالسفر ماطرالها
امي وانا بوصف لها زود حبها
وان ماحكيت لها قصيدي حكالها
امي لها بالقلب والجوف منزله
مكانة ماكل محبوب نالها
اقرب من ظلالي وانا وسط غربتي
وانا تراي اقرب لها من ظلالها
ماشافت اعيوني من الناس غيرها
ولا خلق رب الخلايق مثالها
اغلا بشر في جملة الناس كلهم
واكرم من ايدين المزون وهمالها
اتبع رضاها ورتجي زود قربها
واللي طلبته من حياتي وصالها
الصدق مرساها والاشواق بحرها
والعطف واحساس الغلا راس مالها
اهيم فيها وابتسم يوم قلبها
يسأل وانا قلبي يجاوب سؤالها
وان اطلبتني شي فزيت مندفع
اموت أنا واحمل تعبها بدالها
واصبر على الدنيا والاحزان والتعب
واحمل على متني فطاحل جبالها
واسهر اعذب راحة القلب بالشقا
واعيش اعاني بس يرتاح بالها
تربية ابوي اللي على الطيب بذكرة
اللي وهبني الحياه ومجالها
نور لي ادروبي وانا طفل مبتدي
حتى تركني واحد من رجالها
الوالدين اولى بالاحسان لجلهم
وأولى بتكريم النفوس وعدلها
اقولها وانا على الله متكل
والله عليم بقدرتي واحتمالها
ياكلمة اغلى من الناس كلهم
ياشمس بقلبي بعيد زوالها
يافرحة تملي لي الكون باكمله
ياشجرة تكبر ويكبر ظلالها
تضحك لي الدنيا ليا شفت زولها
مثل السما تزها بطلة هلالها
والبعد عنها ياهل العرف ماقدره
لاشك ناري زايدة بشتعالها
ماعيش ببلاد ولاهيب بأرضاها
ولابي عيوني كان ماهي قبالها
أرض ٍ تدوس امي بالاقدام رملها
اموت فيها واندفن في رمالها


يالله اشوف ردودكم الحلوة

ويارب امي تشوف الموضوع وتعرفني :hahaha:

تحياتي للجميع