من أحسن التجارب

السلام عليكم ورحمة الله وبركاته



انا اليوم بحكي لي لكم تجربتي الي سمعتها من شيخ الجبير الله يحفظه ،.. بيوم من الايام سمعت مقطع باليوتيوب منه كيف انك تترك عاده سيئه محرمه ماتبغاها يعني .. مثلا انك تسمع اغاني او انك تناظر شي محرم او تسوي شي محرم وهالشي مضايقك بس انت مو قادر تتركه كل مره ترجع له وتندم وعلى هالحاله وضعك ..
طبعا اختكم بالله كانت تسمع اغاني وكنت ابكي منها تزيد حزني وتضيق صدري ومشكله انا مو راعيه اغاني بس اسمعها لاضاق صدري بعد ازيد الطين بله 😢💔 وكل مره بتركها ورجع اسمع ضليت ع هالحال لمن سمعت هالمقطع وبعدها ولله الحمد تركتها مو تدريجي بطيي لاتركتها بشكل سريع .. وحبيت بهالحساب الرائع اني اذكركم فيها ..
والي هي انك تحلفين بالله انك لو سويتي هالذنب مثلا (اغاني -فلم-مسلسل-عاده سيئه تسوينها) راح تتوضين بعدها وتصلين على الأقل ركعتين ثم تفتحين المصحف وتقرين ماتيسر من القران ثم تستغفرين بأي عدد والله ان ابليس نفسه اذا جا يجرك للهالمعصيه وذكرتي انك بتسوين هالاشياء كلها تتركينها وتقولين خلاص خلاص موب لازم ،،،
اول الايام كنت اصلي كل يومين ومع الوقت كل اسبوعين ثم كل شهر وحاليا ولله الحمد ولامره والله 😢❤️❤️❤️❤️ كلها هذا بفضل الله ثم باصراري اني ماترك هالشي وحلف اليمين اني راح اسوي كل هالتكفير وكثير منكم اتوقع متضايق من عاده عندها يجربها ويشوف كيف راح يرضى عن نفسه ثم يكون طاير من الفرحه انه ترك هالشي القبيح فعلا واخيرا يكفيكم هالايه العظيمه قال تعالى ((134) وَالَّذِينَ إِذَا فَعَلُوا فَاحِشَةً أَوْ ظَلَمُوا أَنفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَن يَغْفِرُ الذُّنُوبَ إِلَّا اللَّهُ وَلَمْ يُصِرُّوا عَلَىٰ مَا فَعَلُوا وَهُمْ يَعْلَمُونَ (135)
(135) أُولَٰئِكَ جَزَاؤُهُم مَّغْفِرَةٌ مِّن رَّبِّهِمْ وَجَنَّاتٌ تَجْرِي مِن تَحْتِهَا الْأَنْهَارُ خَالِدِينَ فِيهَا ۚ وَنِعْمَ أَجْرُ الْعَامِلِينَ (136)
تخيلو هذا جزائنا 😩❤️❤️❤️❤️ ياربي اجعلنا جميعا من اهل الجنه ووالدينا وجميع المسلمين والمسلمات ❤️

* منقول و كثير سووها وفعلا ماشاءالله ربي وفقهم على ترك الذنب وكسبوا رضى الله