من أرادت دعوه في ظهر غيب تدخل وتساعدني

انا بنت اختى كذا مدلعه ليش الام تدلع وما تدري جات عندنا تبغى حل كل شي تبغاه البنت وما عطيناها تصيح وعلى هالحال حتى صارت اختى اذا بكت بدون سبب قوي تضربها وتطنشها لااااااااااااازم التطنيش تبكي وتبكي حتى تتعب وتسكت وهكذا حتى صارت ماتبكي الا لسبب والحمدلله تعدلت

الله يخليها لك.............فوق لعيونك

حبيبتي..

ولدي بيكمل ثلاث سنوات عقب شهرين.

ومن كم شهر حاول ... اقول حاول يرفع صوته ويصرخ يوم بغا شي.

هي نظرة حازمة وكلمتين يهزون البدن (اذا تبا تكلمني وطي صوتك وتكلم عدل بدون صراخ وبدون صياح .. اما اذا تميت تصارخ وتصيح فانا ما ابا اكلمك) .. ورحت عنه ولا طالعته .... فطبعاً الحبيب اضطر انه يسكت عشان اكلمه.

هذا وولدي كان عمره سنتين وشوي .. فكيف عاد بنتج اللي ما شاء الله عليها كبيرة.

شوفي حبيبتي .. التساهل هو أكبر غلطة نسويها مع عيالنا .. وكلمة (حليله بعده صغير) توصلنا لمشاكل احنا في غنى عنها ..... يعني لو انج من أول مرة صرخت فيها أو صاحت صياح ماله داعي كنتي حازمة وياها ما كانت تمادت.

مب قصدي الومج حبيبتي .. وانتي الحين تقدرين تتداركين الموضوع بس لازم تكونين حازمة وما تتساهلين معاها اذا كنتي فعلاً شايفة انها تتدلع.

الشي الثاني .. ليش عندها لعب وايد؟؟؟؟؟؟؟؟؟؟؟؟؟؟؟؟؟

غلط حبيبتي نشتري الألعاب كل وقت وبمناسبة وبدون مناسبة .. لأن الطفل يزهد فيها ويتملل منها بسرعة وعمره ما بيعرف قيمتها .... والأهم انه ما بيشبع وبيتم طول عمره يطلب ويطلب حتى لو ما كانت عنده رغبة حقيقية في اللعبة .. بس مجرد انه ياخذ اي شي يباه وخلاص.

مثلاً .. انا اشتريت لولدي سيارة .. وعقب اسبوعين او ثلاث طلعنا وشاف سيارة ثانية في محل الألعاب .. طبيعي بيطلبها لكني اقول له (يا ماما انت عندك سيارة .. يعني خلاص ماله داعي نشتري سيارة واحنا عندنا وحدة حلوة في البيت)

وصدقيني ولدي عمره ما أذاني في محل الألعاب لأن دايما هالكلمتين اللي اقولهم يقنعونه فيسكت وما يصمم يشتري شي انا مب راضية عنه .... لكن بين فترة وفترة اذا كانت تصرفاته حلوة ويسمع الكلام فلازم أكافأة بشيء .. واقول له سبب شراء اللعبة .. مثلاً (انت اليوم كنت شاطر وخلصت أكلك كله عشان جذي انا اشتريت له كرة) .. أو (انت اليوم كنت بطل وما وسخت ثيابك ودخلت الحمام مثل الأبطال الكبار وعشان جذي يبت لك هالسيارة).

غيري أسلوبج مع بنتج وخلج قوية وحازمة وياها .. وان اشاء الله طبعها بيتغير للأحسن.

الله يصلحهاااا ويخليهاا لك

لكن عليك با الحزممممممممم وبتعدل ان شاء الله


وفووووووووووق كرماال عيونك