صباحكم حلاوه..ياحوائيات
اليوم راح أتكلم عن عنايتي الخاصه في تنظيف البشره الدهنيه وبعض الأسرار التي اكتشفتها
من واقع تجربه وخبره...ومثل ما إنتم شايفين بالصورتين حتكلم عن العنايه اليوميه والتنظيف السطحي اليومي
بإستخدام الصابونه الشفافه(ماركة نيتروجينا )
والخاصه بالبشره الدهنيه وهذي مفعولها روعه بعد اسبوع من الاستخدام حتلاحظي ولكن السر في كيفية استخدامها
ابقولك كيف:
1/ إغسلي وجهك بماء عادي وبعدين وايدك مبلله خذي الصابوونه بين راحة يدينك وافركيها لحد ماترغي وامسحي وجهك فيها وخليها دقيقه ع وجهك(علشان تتغلغل الرغوه داخل البشره)وخذي ليفه(مغربيه)او ليفة(بودي شوب)وتكون خاصه لوجهك فقط..وبلليها بماء فاتر شوي وافركي بحركات دائريه من غير ضغظ ع وجهك (علشان يقشر الطبقه الميته)واشطفي بعدها بالماء الفاتر ثم ماء ورد مثلج ..ونشفي بالطبطبه(مناديل ناعمه)واستخدمي كريم مرطب الخاص بالبشره الدهنيه ..وانا استخدم كريم مرطب (لايت من غارنييه)بخلاصة الليمون
النتيجه:
*بشره نظيفه ونضارة وتفتيح بعد سبوعين من الاستخدام اليومي .
ملاحظه مهمه:طبعا لازم تستخدمي الصن بلوك(واقي الشمس )فوق نسبة50% بالنهار.
نجي للتنظيف العميق للبشره الدهنيه:
وطبعا فيه منتجات تساعد في اعطاء نتيجه سريعه ومن اول استخدام حتلاحظي....
طبعا هالطريقه استخدمها مره في الاسبوع...وخطواتها كالتالي:
1/اشيل شعر وجهي بالشمع الخاص(فييت).وادهن (بكريم سودو )علشان يهدي حساسية البشره نتيجة إزالة الشعر والجلد الميت اخليه طول اليوم ع وجهي لحد ماحس ان تشرب الكريم كله .
2/انظف البشره بأسكينول الليمون وراح يزيل بقايا كريم السودو وينظفلي البشره بعد عمليه الازاله .
3/بشرتي بتكون نظيفه ومهيئه للتنظيف العميق استخدمت صابونة(فيزبلي كلير)قمة النظافه والتبييض وازالة أي حب شباب وحتى البثور تنقي الوجه وتخليه قطعه وحده(من واقع تجربه وبإمكانك تستخدمينها كل يوم).طبعا امسحي ع وجهك من الرغوه وخليها دقيقه عالاقل وراح تحسين بلسعه(هنا بدأ التنظيف العميق ).واغسلي وجهك بماء .
4/مثل ما إنتم شايفين غسول وقناع فيزبلي كلير (تحفه) خذي منه شوي وامسحيه عوجهك وخليه لحد ماينشف(كقناع) وبعد ماينشف اشطفي بماء فاتر شويه وبعدين ماء بارد.
5/بخي كم بخة ماي ورد وخليه ينشف ع بشرتك وادهني أي كريم مرطب تحبينه ويناسبك..ونعيما..
دعواتكم لي بالرزق والسعاده..وتحقيق مرادي..:27:
الله ينول لك اللي ببالك ويحقق مرادك
احي المواضيع المرتبة زي موضةعك
الله يعطيك العافيه