الســلام عليكم ..
مســاء الخير بنات.. بصراحه عاد انا مالي علاقه حميمه مع الحلا بس اضطر اسوي ساعات عشان امي وابوي ادلعهم خخخ
عاد يابنات عن تجربه هـ التشيز كيك من جد سهل ولذيذ وشكل فخم ولد عم تشيز كيك سعد الدين >> تكفين مصدقه نفسك هههه:p
سويته برمضان وصار عمي كل مابيجيي فطر عندنا يكلمني يقول يمدحون التشيز كيك يعني سوي :42:
المهم المقادير :
باكيت بسكوت شاي
اصبع زبده تنزلينها من بدري وتخلينها تصير طريه
20 حبه جبنة كيري
عصير ليمونه
نص علبة حليب نستله المركز الحجم الكبير
ظرفين دريم ويب
نص كاس حليب او على كل ظرف دريم ويب بيالة شاي حليب
وحشوه الفراوله او التوت الازرق يجي جاهز بالسوبرماركت
وطبعا الصينيه اللي لها قاعده
الطريقة:
اولا تخلطين البسكوت مع الزبده طبعا الزبده تكون بدرجه حراراه الغرفه وبعدين تحطينه بقاع الصينيه وترتبينه بيدك
بعد كذا بالخلاط تحطين الجبنه والنستله وعصير الليمون وتخلطين الين تنخلط الجبنه زين
بعدين بخلاط الكيك تسوين الدريم ويب لين يسوي لك كريمه خفيفه
تاخذين خليط الجبن والنستله وتحطينه في باديه كبيره وتحطين عليه الدريم ويب وتخلطينهم زين مع بعض
وبعدين تحطينه فوق البسكوت وتدخلينه الثلاجه وتخلينه لين يبرد ويتماسك زين بعد كذا تحطين عليه الحشوه وترجعينه
مره ثانيه بالثلاجه وكل ماطالت المده له بالثلاجه كل ماكان احسن..
بعد كذا تطلعينه وتقصينخ شكل مثلثات وتحطين بكل صحن قطع فراوله يطلع شكل شيك مره وحلو بعد العشا اذا
جوك ضيوف .. جربوه وعطوني رايكم
والف صحه وهنا:)
عطرـرـر @aatrrr
عضوة فعالة
من أطباقي المجربة : التشيز كيك الالماني البارد شي فخم وسهل ولذيذ ويبيض الوجه
21
10K
يلزم عليك تسجيل الدخول أولًا لكتابة تعليق.
مبتكرة
•
الف شكر حبيبتي وتسلم ايدينك
مبتكرة :
الف شكر حبيبتي وتسلم ايدينكالف شكر حبيبتي وتسلم ايدينك
امممممممممممممممممم يسلموووووووووووووو
الصفحة الأخيرة