اليوم حبيت احط لكم بعض اطباقي الي سويتها برمضان .. في منها لاقتيه من المنتدى وفي من ابتكاري واتمنى تنال اعجابكم .. خلونا نشوفها ويا بعض طريقتها مع الصور..
. . . . . . . . .
أول شي كريم ليزر كيك وهذا لاقيتنه فالمنتدى
المقادير
2 علبه كيك الشوكولاته (الباوند كيك سارا او امريكانا)
4 علب قشطه
2 ظرف دريم ويب
علبة صغيره حليب مركز محلى
2 جلاكسي او ما يساوي كميته من نوتيلا ويكون مسيح بحمام مائي
15 حبة كوكيز بالشوكولاته مطحون ناعم
علبه وربع بسكويت اولكر مطحون ناعم
الطريقة
الطبقة الأولى
يقطع الكيك لشرائح سمكها 1 ونص سم تقريبا ويصف في صينيه قابله للفتج
الطبقة الثانية
في خلاط الكيك نحط 2 قشطه + الشوكولاته السايحه + 1دريم ويب ونخلطم زين وبعدها نحط عليهم الكوكيز المطحون ويصب على الكيك وتدخل فالثلاجة
على ما نجهز الطبقة الثالثة
ملاحظة: اذا كان هالخليط سايح وايد خليها اكثر فالثلاجة علشان تتماسك وتجمد شوي
الطبقة الثالثة
يخلط 2 قشطه + 1 دريم ويب + الحليب المركز في خلاط الكيك ثم نضيق عليه بسكوت اولكر المطحون ونخلطهم زين ونصبهم على الطبقة الثانية ونسوي السطح
بعدها نصب طبقة خفيفه من صوص الشوكولاته الجاهز ونحرك على خفيف بالمعلقه ونحطها بالثلاجة لمده يوم كامل
بعدها نقطعها بقطاعه يكون ارتفاعها عالي شوي انا استخدمت علبه القشطه وممكن تستخدمين اي علبه متوفره عندج وزينيها بحلاوه الماليسترز وبالعافيه
. . . . . . . . .
الحلا الثاني
كيكة باونتي
المقادير
كيكة شوكولاته الجاهزة كويكر او العلالي سويها بالطريقه المكتوبه على الكرتوب
الطقبة الأولى
2 كوب حليب
6 ملاعق سميد
150 غرام زبدة
كوب سكر
3 اكواب جوز هند
الطريقة للطبقة الاولى
نضع كوب السكر في القدر على النار ونضيف عليه السميد والزبدة وجوز الهند والحليب ونحركها على النار لحد ما تتجانس المكونات كلها
ونصبها وهي حاره على الكيكه ونغطيها كااااامله ونخليها تبرد زييين فالثلاجه
الطبقة الثاني للوجه
نسيح شوكولاته في حمام مائي ونضيف لها علبه قشطة او نص كووب كريمه سايله علشان تتكون لنا شوكولاته سايحه وسهله الفرد
نصبها على الطبقه الاولى ونغطيها كامله ونخليها في الثلاجه لحد ما تتماسك زين وتجمد
. . . . . . . . .
ورده الجبن والزعتر
المقادير
علبه ونص لبن اب
ملعقة زبادي كبيره
ملعقتين خميره صغيره
3 فناجين حليب بودره
2 فنجان زيت
بيضه
1 م ص بيكنغ باودر
مقدار ما يساوي علبه السميد علبه ونص طحين رقم 1
2 فنجان سكر
ذره ملح
الطريقه
تعجن كل المقادير مع بعضها وتترك لمده 4 ساعات تتخمر
نقطع العجينه لكور صغيره نحشيها بجبن كيري ونلفها مثل القطايف ونغطيها بزعتر على خفيف ونبدا نصفها في صينيه الفرن اول وحدة المفروض تكون
على شكل كوره بالنص وبعدها نصفصف الباقي حولينها حتى يكون شكلها مثل الورده وندخلها الفرن لحد ما تتحمر
هالكميه من العجين تكفي لعمل صينيتين انا سويت نصها هالشكل والنص الثاني سويته مثل مناقيش اللبنة في جهاز الخمير ورشيته بشوي من السماق والزيتون الاسود والاخضر والنعناع المطحون
وهذا شكله
. . . . . . . . . . .
سندويشات الخبز الرقيقه
المقادير للعجينة
4 اكواب طحين
م ص ملح
م ص بيكنغ باودر
فنجان زيت
5 ونص كوب ماء
الطريقه
تعجن المكونات كلها في الخلاط لتصبح عندنا عجينة شبه سايله قابله للصب
في مقلاه مسطحه نصب مقدار ملعقه صب كبيره ونحرك العجينه بسرعه على سطحها علشان تنفرد وتصير رقيقه ونخليها تحمر على خفيف ونقلبها
بعد ما تحمر من الطرف الثاني نشيلها ونحمرها ع الطرف الثاني على خفيف بعد ونكمل لين نخلص كل العجينه
الحين نمسح كل خبزه بالجبنه السايله وممكن نرش عليها شويه زعتر ونلفها ونكرر هالشي على الكل
وبعد ما نخلص نحمر السندويشات على الجانبين بنفس المقلاة لحد ما تاخذ اللون البني الغامق ونقصها بالنص وبالعافيه
وبالعـــــــافيه
................
دعواتكم لوالديني بالشفاء
يعطيكي الف عافية ...
وجزاكى الله خير ....