او كما يسميها البعض { تارت التفاح }
اي عجينه ترتاحين لها ولكن اضيفي عليها سكر زيادة بـ 3 ملاعق ..
قطعي التفاح شرايح وحطيهم بالمقلاة ..
واضيفي على التفاح ( 4 تفاحات استخدمت )عصرة ليمون قطرات بس .. مع ملعقتين ماي مع ملعقتين سكر مع ملعقة صغيرة قرفه ..وحركيهم شوي على النار لمن ينشف الماي ..
بعدين اخذي طبقة عجينة وفرشيها على الصينيه بعد ما تدهنيها وحطي رشة قرفة وصبي فوقها شوية حليب محلى .. وتالي حطي حشوة التفاح ..
وبعدين فرشي الطبقة الثانية من العجينة فوق الحشوة .. وهم رشي عليها قرفة مع حليب محلى ولوتدهنين وجها قبل بالبيض عشان يطلع معاك لون التحمير حلو يكون افضل .. ورشي فوقها شوية مكسرات ودخليها بالفرن الى ان تستوي ..
وبعدين قطعيها وقدميها بصحن التقديم ..
وبالهناء والعافية ..