من أنا ؟! أتمنى الكل يشاركني ونستفيد

سلام
بفوت بالموضوع وبحاول اوصل المعاناه
جلست قريب ال ٣ اشهر وانا فقط افكر ب ((من انا)) تصدقو ماقدرت اجاوبه للان وتسببلي ذا السؤال باحباط كبيررر وشعور اني مو عايشه اصلا تمنيت الموت بسببه
انا متاكده انه في كثير بناات مثلي مايعرفون همه وش يبغون من الحياه وشلون يقدرون يعرفون فين رايحين اصلا


باختصار خلصت الثانويه بمعدل مرتفع مرا وكنت ادرس ومجتهده دخلت الجامعه وبدات المشكله اني اكره التخصص واصلا مادري وش احب ووش ابغى اتخصص قلت تيجي مثل ماتيجي واستخرت ودخلت تخصص وللاسف ما تجاوزته الا بمعدل سيء جلست اشتغل سنوات في مجال اكرهه ووصلت لمرحله اني جلست في البيت مابغى اشتغل خلاص صابني اكتئاب شديد
حاولت ابحث لي عن مشروع عن هدف عن شغف حاولت اقرا كتب اتعلم اتطور لكن ماوجدت نفسي بشيء ولا قدرت
تقربت من ربنا كثير وادعي لكن اعرف هذا مايكفي دام اني ماغيرت شي في نفسي ولا بديت من نفسي
تواصلت مع مدربه تنميه استشاريه وقالت لي كلام كثير لكن ماستفدت منه بشي لان في مشكله اني ماحب شي في الحياه كلها
ابغى الان تشاركوني وتقولون لي هل تقدرين تجاوبين ذا السؤال وان كان بنعم فقولي وش حققتي انجازات جميله بحياتك ولو كانت بسيطه وشلون الطريقه ؟
وان كان لا هل عندك خطه بس ماقدرتي تمشين فيها؟
💐💐💐💐💐