من أنتِ .. نظام جديدة لحياة جديدة

وعليكم والسلام ورحمه الله وبركاته

هلا وغلا يا قموره ولله ياقلبي مافي احد مرتااااااح المفروض نستغل كل دقيقه من حياتنا بشي يفيدنا بحياتنا وخصوصا في الاخره

بعدين ليش يضيق صدري على شي هو بيد الله سبحان الله موزع الارزق على خلقه يعني حزنت وبكيت راح ينحقق هالشي

احنا نتوكل على الله ونحسن الظن فيه وسبحان الواحد الاحد مايضيع رزق احد كل انسسسان بياخذ رزقه اليوم ولا باكر

الواحد مايضمن عمره نسال الله ان يرزقنا حسن الخاتمه اخواتي خل نكون بصمه صالحه في كل شي في النت وخارجه لا يقع منا

الا الشي الطيب

فديت ألأسلوب
كلامك زي العسل

نا بعد ناااوية اتغير بإذن الله واطلع شي ثاااني

وترى من بداية السنة وانا متحمسة وابيكم تتحمسون معي

اول شي سويتة اني صفيت قلبي على الكل وصرت مآ اهتم بتوافه المرور
واذا ابوي وامي هاوشوني التزم الصمت
طبعا اول كان لساني يرش ويكنس لاني اموووت في الجدل

بس الحين والله بديت اتعدل
حتى امي سارت تحترمني كثييير

وبعد صديقاتي كنت بس اهاوشهم ع الطالعه والنازله واوقف لهم على كل شي

الحين صرت انا اللي اسئل عنهم واحاول اخليهم دايما مروقات حتى لو وحده متضايقه اكلمها واحاول انسيها وابين لها ان الحياة ولا شي

بجد انا مبسوووطه اني بديت اتطور
وراح اتطور للافضل

جزاك الله خييير ويعطيك العافية ع الموضوع

ديالا

اول شي حياج في الموضوع و نورتيه حبيبتي

و ثانيا بالضبط هذا اللي اقصده في كلامي الرزق مكتوب و دام شي في علم الغيب ليش البنات الاكتئاب و الزعل
الوحدة لازم تلتفت لنفسها حياج الله في موضوعي و خبرينا عن الخطط اللي ناوية تسوينيها ان شاء الله في 2011

هدوء فديتج حبيبتي شجعتيني ههههههههه

تدرين انتي سويتي اهم شي و بديتي من داخلج صفيتي الروح و النفسية و هالشي ينعكس على تصرفاتج مع الناس
يعني انتي حققتي هدفين بوقت واحد ..

التغيير يبتدا من الداخل من الروح و العقل و شوي شوي ننشره حولنا ..

حياج الله حبيبتي يالله تعالي كل يوم و كتبي لنا شنو سويتي

بسم الله الرحمن الرحيم


قل هو الله احد (1) الله الصمد (2) لم يلد ولم يولد (3) ولم يكن له كفوا احد (4)


صدق الله العظيم


بنات اليوم بخبركم عن كتاب مفيد جدا جدا و بسيط و اسلوبه خفيف

كتاب حاولت اطبقه بس للاسف الكسل و ما يسوي
بس اليوم بنطبق اللي فيه مع بعض و هو اسمه " سيطر على حياتك " للكاتب د. ابراهيم الفقي

هو كتاب يتكلم عن تنظيم الوقت و تحديد الاهداف

طبعا ما بتكلم لكم ليش احنا ما نحقق اهدافنا لأن لكل وحدة منا اسبابها و ظروفها و تقريبا عارفين احنا ليش

الجزء اللي ابي اركز عليه هو : كيف نحدد اهدافنا ؟

يمكن في بنات يقولون نبي و نبي و مو عارفين من وين يبتدون و انا وحدة منهم فاسهل طريقة نسويها هي

تقسيم الاهداف لخمسة اجزاء :

1- الجزء الروحاني : علاقتنا بالله و بالعبادات و المبادئ .. إلخ
2- الجزء الشخصي : و هو يتكلم عن علاقتنا مع انفسنا و شلون نطور انفسنا من دورات و هوايات و تعامل مع الناس .
3- الجزء المهني : طبعا الموظفة فينا تتكلم عن رضاها المهني و هل هي مرتاحة بوظيفتها و شلون تتطور فيها
و اللي مو موظفة تتكلم عن شلون الطرق اللي ممكن تلقى فيها وظيفة و شلون تطور من نفسها
عشان تلقى وظيفة احلامها ( دراسات و دورات تدريبية )
4- الجزء المادي : و هنا بنتكلم عن الطرق اللي تساعدنا على نزيد من دخلنا المادي او طرق التوفير او المشاريع
الخاصة .
5- الجزء الصحي : و هالجزء يتكلم عن العناية بصحتنا و شلون نهتم فيها و الوقايه من الامراض و متابعة العلاج .. إلخ

يمكن كلنا فكرنا في هالنقاط و هالنقاط مو جديدة علينا لكن الاهم من التفكير فيهم هو تسجيلهم لان الخطط اذا كانت في البال بس ممكن تتداخل و تتفرع لدرجة تخلينا نضيع فيها و في الاخير نحس بالعجز و اليأس و نهملها
و طبعا كلنا مرينا بالنقطة هذي ..

عندي صديقة جزاها الله كل خير علمتني طريقة ( mind mapping ) و هي طريقة ممتعة و حلوة عشان نكتب اهدافنا اللي ذكرناها فوق



في البداية كل وحدة تكتب اسمها وسط الصفحة في وسط دائرة و تطلع منها فروع و هالفروع تتكلم عن الاهداف اللي تبي تحققها و خلي كل فرع بلون مختلف و اذا تبين ترسمين عادي ارسمي و من كل فرع طلعي فروع صغيرة عن طريقة تحقيق هذا الهدف او الاهداف الفرعيه اللي طالعة منه جربوا و صدقوني بتحبونها الطريقة

انتظر رايكم فيها