من أهل الله زي مايقولون

السلام عليكم ورحمة الله وبركاته
اخواتي لي قريبه بنت اختي من الرضاعه
من أهل الله،، وشخصيتها ياعمري مررره ضعيفه وعلى نياتها
الشخصيات الطيبه اللي على نيتها البريئه اللي ماتعرف الكره ابدا شخصية طفل
احبها وارحمها ودائما كنت متواصله معاها نطلع كثير وتجيني بيتي كبرنا سوى انا تزوجت ومازلت متواصله وجبت اطفال وكبرو الاطفال ولازال فيه تواصل هي ماتزوجت ابدآ صار عمرها
٣٣ وخطبها شخص
تمت الموافقه وتزوجو
بعد الزواج اكتشف زوجها شخصيتها وما اعجبته
وقال اهلك لعبو علي اهلك نصابين انا ابي فلوسي
رجعولي المهر
اهل البنت رفضو من وين؟ نجمع لك مهر واذا بتطلق طلق ماراح تطلق براحتك الأمر راجعلك وتركوه
حاول يضغط عليهم سحب جوال البنت ومنعها من التواصل مع اهلها سنه كامله والأهل تااااركينه وساحبين عليه
بعدها وش اللي حصل قالها هذا جوالك اخذيه و روحي اهلك وطلقها بالكلام فقط الى الان ماطلقها رسمي
السؤال ألان
هذا الرجل منعها من صديقاتها من اخذها قبل ٤ سنوات وقبل جلس يهدد اي بنت تتواصل معاك والله ارفع قضيه تخبيب وبيننا المحاكم
وهو حق محاكم ورفع قضايا وله بآل طوويل الهذي الأمور
كان جوال البنت معاه هو وفجئه عطاها الجوال وقال روحي بيت أهلك ماعطاها آلا الجوال فقط
انا وسوست لايصير حاط برنامج تجسس يبي يبلاهم في قضيه ولا بلى
دقت البنت تفضفض ماعطيتها وجه وحاولت اقفالها خفت محنا ناقصين مشاكل هل ممكن يتجسس عليها
انا ما ارتحت له ابدا احس وراه بلوى والله اعلم زي مايقولون هدوء ماقبل العاصفة
وياعمري البنت فرحانه ومو مصدقه لكن انا على قد ما ارتحت انها ارتاحت على قد مامغصني قلبي وأبي اتاكد لكن مدري شلون