من أي شهر المفروض ينزل رأس البيبي (خصوصا البكريات)

أنا راح أرد من تجربتي بأول التامن و بالسلامة ان شاء الله

انا بعد نفس الحاله .. في بداية الثامن و بعد راس البيبي ما نزل .. و الدكتورة من آخر السابع و هي تقول لازم راس البيبي ينزل ... انا سالت صديقاتي اللي عندهم عيال .. قالوا عادي ساعات يتأخر نزول الراس لين التاسع .. و حده قالت ان راس البيبي ما نزل الا قبل الولادة بثلاث ايام .. بس ترا صعبه وايد ينزل في التاسع بسبب حجم الجنين .. يعني الأحسن ينزل الحين ..

الدكتورة قالتلي على حركه اسويها تنزل الراس .. و هي اني انام ساعتين في اليوم بدون وساده تحت راسي .. و احط الوسادة تحت الحوض .. يعني تنامين على جنبك الأيمن و تحطي الوسادة تحت الحوض بحيث ان يكون مرتفع شوي .. انشالله فهمتي علي ....

و الله يعينج و يعين كل الحوامل انشالله

انا قريت انه في نهاية الثامن المفروض يكون الوضع تعدل
وسمعت ان كثرة السجود تخليه ينقلب .. لان وضعية السجود تخليه ينقلب ...والله أعلم

البكريه المفروض من الشهر السابع و كذا صار معي في حملي الاول ..

وان شالله راح يتعدل الوضع وتولدين طبيعي وبالسلامه.

هلا حبيبتي اطمني ولا تحاتين
انا بكرية ونزل راس البيبي في السابع
بس اعرف حالات كثيرة تأخر نزول الراس
اختي صار لها كذي حزت الولادة وراس البيبي فوق فقالت لها ام زوجها انها تمشي على ايديها وريولها يعني تحبي في الغرفة وبالفعل قعدت تحبي والممرضات يضحكون عليها واهي تحبي وتقرأ قرأن وبالفعل نزل رأس عبدالله تحت وولدت بالسلامة والله اعتقها من العملية ...... الله يارب يسلمج وتولديين طبيعي
بس اعملي هالحركة وهو في الثامن احسن لان وزنه اقل وحركته سهلة

والله يقومج ويقومنا ويقوم كل الحوامل بالسلامة