من أي منطقه بالسعوديه +القرقيعان !!!!!!

مرحبااااا
بقولكم على حاجه يوم كنت بالكويت السنه الماضيه انا وزوجي واطفالي تقريبا بقيت بالكويت سنتين ورا بعض وكنا ساكنين بعماره بسيطه شقق مفروشه والعماره هذي صايره في حي في بيوت
وفي الكويت هناك يقرقعون وحتى وربي يجون الى شقتي يقرعون قلت ياربي وش ذا حنا بالرياض مافي كده بالذات حينا بالرياض مافي كده واستغربت :ohplease: بس زوجي مستانس عليهن يقول والله الكويت و القرقيعان فله ووناسه اشكال الاطفال تضحك وحليوين خصوصا البنات يكونو لابسين زي قديم مثل الخليجي والبخنق وحاملين اكياس من نفس قماش الخليج
حتى لما يجون يقرقعون اقول لهم مامعنا قرقيعان ويطلعو ويكسرو خاطري يطلعو ومنكسين روسهم ومساكين اطفال وربي حتى ابو عمر 3 سنوات يجون فرحانين يبون حلاويات شيبس شي حتى يوم فتح اباب ولدي في اطفال واقفين كثير يقررقعو وواحد منهم يتيم هاليتيم قال لولدي انت معك ابو ؟ قال ولدي ايه قال اليتيم انا مامعي ام ولا اب ولا احد يشتري لي حلاوه انا جدا جدا يوم قالي ولدي هالموقف انكسر خاطري ع الولد قلت مسكين وفوق هاذا بزر ممكن عمرو 6 سنوات
المهم اول سنه يقرقرعون يجون للشقتي بس مااعطيهم لاني مااعرف وش ذا المهم السنه الثانيه قلت لزوجي اكيد الاطفال هالسنه بيجون للشقتنا يقرقرعون ويكسرون خاطري يطلعون او مانفتح لهم الباب مساكين اطفال حتى معاهم يتامى المهم قلت لزوجي السنه هذي اشتر حلاوه او حاجه عشان اذا جاو نعطيهم ع الاقل شي مساكين اطفال عشان يفرحون ع الاقل يفرحون بالحلاوات
الا ولدي الزغير بذاك الوقت كان زغير يوم كنا بالكويت وكانو بس يجون يطقون الباب يقرقعو يقوم ولدي يبكي ويتم ساعات طويله ليه ؟ يبي يروح مثلهم يحمل كيس ويقرقع بس انا وابوه مارضينا نقول فاضي انت حنا بغربه مو في بلدنا وبعدين ماعرفنا القرقيعان الا من هنا الكويت هناك مافي يعني ارقد مكانك واخذناه وديناه هو واخوانه الملاهي وتلعب ونسى شويه

المهم مالكم بالطويله
السنه هذي ماني فالرياض :( ياويلي
المهم ذالحين بالشرقيه حنا عشان زوجي يشتغل واهل زوجي كمان بالشرقيه سكنو والحمدالله انو اخواني واخواتي واهلي يجون من الرياض للشرقيه يتفطرون معايه ويجلسون يومين 3 معايه ولا بحس اني وحيده:hmh:
المهم
البارح وانا رايحه اصلي التراويح انا وجارتي صلينا مع بعض <مسرع كونت لي صداقه :cool:من الجارات من قبيلة الدوسري المهم ماعلينا
صلينا التراويح وتعبدنا الله وجات وجابت عيالها بيتنا وجلسنا نسولف وكذا عاد قالت حنا بالشرقيه اغلب الاحياء يقرقعو قلت لها وش قرقيعان ؟ قالت الاطفال يقرقعو بعدين ذكرت قرقيعان الكويت المهم قالت خلي عيالك يروحو مع عيالي قلت لها عيالي مو متعودين وحنا مب فالرياض حنا بالشرقيه وانا وعيالي مانعرف شي بالشرقيه كثيرررر فأخاف على عيالي
المهم ودي اخليهم يروحو يقرقعو بس ساعات اقول لا شرايكم ؟

بسألكم كل وحده عيالها يروحو يقرقعو تقول هي من أي منطقه بالسعوديه ؟ يعني كل مناطق السعوديه تقرقع ولا كيف ؟ ومتى بالضبط وكم يوم ؟
وسلامتكم :cool: