من إلي تحب الشعيرية الباكستانية...!!! طبعاً تدخل

السلام عليكم

وصباح الخير


ابحكيلكم حكايتي أمس في بيت أختي :21:

الله يسلمكم امس رحت كالعادة بيت أختي للزيارة وحصلت كل الأخوات مجتمعين هناك... وهات يا سوالف وضحك وغشمره :12: ، ولا يطلعولي أولاد أخواتي بطلعة ما كانت على البال...

خالتي سوي لنا كيكة...:confused:

كيف أسوي كيكة وإي كيكة أسوي :02:


المهم علشان ما أكسر خاطرهم دخلت المطبخ وبديت أسوي الكيكة...


لكن في النهاية الكل إتخبل منها، وصارت وجوههم كذا من ما أكلوها:28: :28:

وألحين بخبركم المقادير المستخدمة...
3 بيض
2/1 كوب زيت
1 كوب حليب سائل
فانيلا مقدار 1 م ط
سكر تقريباً 2/1 كوب
1 علبة قشطة
2 كوب طحين
2/1 كوب شعيرية باكستانية محمرة بشوي زيت
b.p

الطريقة
1) نحط جميع المقادير في الخلاطة الكهربائية ما عدا الشعيرية والطحين والـ b.p
2) بعد كذا نفرغ الخليط في وعاء لخلطه مع الطحين
3) نصب الشعيرية على الخليط ونخلط شوي شوي
4) ألحين نصب الطحين بالتدريج مع إضافة الـ b.p ونخلط المحتوى جيداً
5) نصبه في وعاء الطبخ وندخله الفرن حتى يستوي

نطلعة من الفرن ونبرده ... ونصب عليه التوفي

مقادير التوفي:-
2/1 كوب من السكرالعادي+ السكر البني
نحطه على النار حتى يذوب ونظيف عليه الزبدة ، ثم نظيف عليه القطة
وبعدين يصب على الكيكة
وتاكلونها بالهناء والعافية على قلوبكم :15: ... وبعد ما تاكلونها تصيوا كذا :05:

آه بعد ما تبرد الكيكة تقطعوها قطع وتصبوا عليها التوفي
تحياتي لكم:-
شكوكو