بسم الله الرحمن الرحيم
احمدالله عزوجل على الصحة والعافية واساله جل علاه ان يبلغنا شعبان ورمضان ونحن في تمام الصحة والعافية وان يعيننا على صيام رمضان وقيامه وان يجعلنا من المغفورين لهم في هذا الشهر ...
راح اكتب لكم بعض الخطوات والامور اللي اسويها لرمضان استعدادا لاستقبال هذا الشهر الفضيل.طبعا انا ابدا من 15 شعبان.
وهذي تجاربي..
قبل كل شي لاننسى ان نسبح الله 33ونكبره ونحمده كذلك كما اوصى الرسول عليه الصلاة والسلام فاطمة بان ذلك خيرا لها من خادم وانا ماعندي شغالة والحمدلله راضية..
اول شي المطبخ
امسكه يوم كامل اطلع المواعين والقدور وكل شي اغسله وانظفه وامسح الدواليب من جوا بالمطهر
ومن فوق وارجع وارتب كل شي بطريقة جديدة وبعض الحاجات اغير لها مكانها عشان اغير شكل المطبخ والفرن والثلاجة انظفهم تنظيف كامل بعد ماتخلصين راح تحسين بجد ان رمضان عالابواب ..
ثاني شي غرفة النوم..
يوم كامل اعيد ترتيب الملابس واقوم بتغيير منظر التسريحة انزل الستارة اغسلها وانظفها واغيرلحاف السرير واغسل البطانية امسح كل شي بالغرفة واكنسها بعد كذا ابخرها..
المجالس ..
اسحب الكنبات اكنس وراها وامسحه وانظف الكنب واللوحات امسح السيراميك والاهم من هذا كله جدار البيت كلها نمسحها تحسي بريحة النظافة تفوح ببيتك..
باقي الصالة والحمامات اكرمكم الله..
اجيب فلاش ارشه عالحمامات واسكرعليها الباب افتح الشفاط واخليه ساعة اواكثر بعدكذا اجي انظفها بالفرشاة والكلوركس والصابون وارتب كل شي من جديد واغير ترتيب بعض الاغراض..
اما الصالة ..
اكنسها وامسحها وطبعا نسيت المفارش حتى اللي بالمجالس اخلي زوجي يوديها للمغسلة بعد مايجيها اشتري النايلون اللي يجي باللفة بعض الناس يجلدون فيه الكتب بس مواللي فيه غراء لا النوع الثاني اغلف المفارش كاملة واحط عليها شطرطون واخليها مفروشة طبعا على مااخلص كل اشغالي هذي يكون باقي 5ايام اوااقل على رمضان على حسب وبكذا والله راح تحسين برمضان حتى ببيتك سبحان الله وهذا الشي يهيئك نفسيا للاستعداد له انا اضرب عصفورين بحجر لاجا العيد يكون شغلي خفيف مرة تنظيف بسيط والحمدلله..
في رمضان الوحدة مننا احيانا يضيق عليها الوقت لين ياذن وهي حايسة بالمطبخ والسبب في هذا مافي تنظيم للوقت سهر بالليل عالقنوات الفضائية ونوم بالنهار تصحى العصر وياالله تلحق عالطبخ..
ايش اشسوي انا؟؟
بصراحة انا متعودة مااسوي ا كل كثير يعني مثلا بالليوم شوربة سمبوسة حلى واي وجبة ثانية رئيسية على حسب ومااكثر على قدنا..
كيف انظم وقتي واكسب رمضان للعبادة..
اسوي المفروم الخاص بالسمبوسة واحطه باكياس على قد حاجتي وافرزه 30 كيس كل يوم واحد ..
الدجاج اقطعه على حسب الطبخات واغسله واكيسه..
الثوم ابشره بمبشرة ناعم واحطه بعلبة..
البصل اقطعه واكيسه على قد الحاجة وافرزه..
هذا يخفف عنك الوقت والجهد..
نجي ليوميات رمضان..
طبعا راح ابدا من اول مااصحى اصحى قبل الظهر اطلع دجاجي ومفرومتي والبصل واسوي عجين السمبوسة والحلى ..باختصار اجهز كل شي..
اذن الظهر اصلي واجلس اقرا قران على احيانا لاذان العصر واحيان لا على حسب..
اصلي العصر واجلس على الاذكار والاستغفار نص ساعة
قبل الاذان بساعة ونص ادخل المطبخ واجهز للفطور
اذن المغرب فطرنا وصلينا وجلسنا شوي احيانا اخذ غفوة بعدها اصحى اغسل الصحون واستعد لصلاة التراويح بالمسجد القريب من بيتي (لاننسى صلاة المراة في بيتها افضل)لكن احب اروح للمسجد واصلي مع الناس واخشع اكثر بالبيت شوي تلفون وشوي جوال .........الخ..... ..
ارجع من الصلاة اجيب حلى واقعد مع زوجي:arb: واحيانا عند اهلي اوخالتي ام زوجي على حسب..
الساعة2بالكثير انا ببيتي ...
اصلي واجلس اقرا قران لين 3بعدكذا اجهز للسحور نتسحر وعلى مانخلص قرب الاذان اقوم اغسل الصحون بعد كذا اصلي الفجر وانام ..:)
هذا كل شي اسويه برمضان وفقني الله واياكم لمايحبه ويرضاه:39:
العصفورة البريئة @alaasfor_albryy
كبيرة محررات
من اجل رمضان حلول منزلية(¸ღ¸° فعالية {استعداد وهمه✿لاستقبال شهر الرحمه}¸ღ¸°
146
23K
يلزم عليك تسجيل الدخول أولًا لكتابة تعليق.
الصفحة الأخيرة
أسأل الله ان يبلغنا رمضان