كيف حالكم ياحوائيات جميعا
بناء على طلب عديد من الاخوات الي يبون يعرفون كيف طريقة عصير الزبيب الاسود
صورت لكم الخطوات كامله
اولا اشتريت 3كيلو زبيب اسود
وبعدها نظفته ونقيته من الاعواد او اي شي مو كويس
هذي يد حمودي جالس ياكل زبيب
وبعدها صار الزبيب نظيف من الاعواد
غسلته بمويه اكثر من مره لحد ماصار نظيف تماما
وبعدها نقعته بمويه مغليه وساخنه ليه اولا حتى يتعقم ثانيا حتى تنتفخ الحبات ويطلع منها العصير
وبعدها غطيته بغطا وتركته ينقع لفتره 3ساعات
في هذا الاثناء مليت براد المويه الحار مويه وغليتها وطفيت عليها تبرد عشان استخدمها اثناء العصر احنا نبي كل شي يكون مغلي ومعقم
بعد 3ساعات جهزت عدة الطحن وتجهيز العصير زي ما انتو شايفين
يتبع
يعني مو حار
وخلطته وطبعا الكوب الي عندي زجاج
بعدها اجلس اصب شويه شويه في الشخال المصفاه الي تحبون تسموها واجلس اشخل العصير
واطلع كله
شوفو كيف طلعته وما بقى غير القشر
وهذا شكل العصير بعد ما صفيته
واعبيه في هل العلبه احب استخدمها عشان تتحمل التفريز او اي جيك
وهذي بعد ما مليتها
طبعا بعدها بحطه في الفريزر
وما بطلع الي اذا صرت خلاص بستخدمه يوميا
وانا بطلعه من اول ليلة في رمضان تحت في الثلاجه وهو بيذوب على راحته باخذ منه بمغرفه نظيفه عشان ما يلوث بشي ويعفن واحطها في كوب اذا ابيه مركز خلاص وفي ناس تحب تخففه بمويه
وتفضلو احلى عصير مركز مغذي لزبيب الاسود ومفيد جدا في رمضان الي يشرب كوب في السحور
بيضمن عدم الجوع او العطش طوال اليوم حتى لو بذل مجهود
انا بعمل منه اذا قربت ولادتي وبشربه في نفاس كل ليل كوب كويس جدا بعوض الدم الي تفقده الوحده اذا ولدت او للي عندها فقر دم
وكمان في رمضان عشان ماتحسين بعطش وخصوصا الناس الي تعمل طوال النهار
وفي وصفه مجربه عندنا واكيد اغلبكم بيعرفها
الوحده الي تشتكي من ظهرها اوعندها دائما تعب في ظهرها او نفاس وتعبان ظهرها
تستخدم عصير الزبيب مع الصمغ العربي المطحون تاخذيه من عند العطار ودقيه ناعم وتحطي ملعقه على العصير وتشربيه اضمن لك في خلال 10 ايام تكوني زي الحصان انا كنت تعبانه في نفاسي بولدي الثاني وسوتلي زوجة اخوي الله يسعدها هل الوصفه بس عملتها عشره ايام وراح وجع الظهر كامل كنت ما اقدر اوقف ظهري زي المفتوح
ورجولي مفككه رووعه اكثر من وحده جربتها وارتاحت عليها بس تنتبه الي عندها خياطه ما تستخدمه الابعد ما تطيح الرتق ماينفع الصمغ لانه يسبب امساك بس تشرب الزبيب لوحده بعد ما تطيب خياطتها تستخدم الصمغ مع الزبيب ان شاء الله اكون افدتكم
تقبلو ودي وتحياتي
شوقي الجنان