اصلا الحب بهذي الطريقة من اساسه غلط سواء كان يدري او مايدري
فكل وحده تستاهل اللي يجيها إذا مرت بمثل هذا الموقف ..

فاللي قالت انه بينهم علاقة حب ومع ذلك تركها وتزوج( هذي العلاقة اساسها كان حرام)
واللي قالت انه حب من طرف واحد وانه مايدري عن حبها له( هذا أردى من العلاقة الاولى..لأنها علاقة وهم وتعلق خاطيء لرجل خاطيء .. فكيف تزعل اذا تزوج وهو اصلا مايدري عنها)

هنا راح تكون المسأله كرامه

من باعنا بعناه ولا كان غالي

وما في احد اغلى من روحي علي
يعني الله لايرده وباعرف انها خيره

تذكرت قصتي ..
و قد كتبته قبل فترة .. نتخيله حباً .. و هو لا يكون .. فمن يحبك يتزوجك رغم كل الظروف ..
الرجل ليس كالمرأة تجبر على الزواج ..
لذا و عن تجربة .. اطوي هذه الصفحة .. مع إنها صعبة جداً ..

أتذكر يوم علمت بزواجه .. كنت واقفة على السجادة .. رفعت يدي لأكبر .. فإذا بوالدتي تخبرني بخبر زفافه .. ابتسمت في وجهها .. كي لا أحسسها بما يجول في داخلي ..
و قلت بكلمات خافتة ( اللهم أجرني في مصيبتي و اخلف لي خيراً منها ) ..
ليلتها بكيت بحرقة .. ذهبت إلى عملي في اليوم التالي .. منكسرة الخاطر ...
عشت لحظات صعبة لا أنساها .. سعدت حينما علمت أن زوجته ليست جميلة .. ( وحدة اتغار ههههه ) ..
إلى الآن حينما أمر بجانب الفندق الذي تم فيه زفافه .. أتذكره ..
مع ذلك أتمنى له الخير .. و أسعد لفرحه .. و ادعو ربي أن يوفقه و يجمع بينه و زوجته على خير ..
أما الآن فهو يتمنى أن يراني أو يكلمني ..
و أنا أتجنب رؤيته .. لا أريد أن أكون السبب في المشاكل التي بينه و زوجته ..

ما مضى كان حلماً .. أمنية و ما أكثرها من أماني ..

أسأل الله أن يعوضني خيراً منه ..

انا بقول لكم قصه حقيقيه صارت لاقرب صديقاتي وانا عشت معاها هاللحظه

ان صديقتي تعرفت على واحد والولد طبعا هو اللي يركض وراها وصارت العلاقه لمدة 3 سنوات وهم يحبون بعض واخت صديقتي الكبيره يوم درت ان اختها على علاقه هزأتها انواع التهزئ وبعدها بفتره
يا بنات هالولد راح يخطب صديقتي شنو تتوقعون صار كان متعرف على صديقتي بس تسليه ويوم راح يخطب الولد راح خطب اختها الكبيره وصديقتي يوم درت اخذت حبوب واكلتهم وترقدت بالمستشفى
وفوق هذا ان اختها قالت انا احبه ولو رحتي فوق ونزلتي تحت انا باخذه باخذه وتزوجو وصديقتي قعدت فتره حالتها حاله والاهل ما يدرون شفتو اشلون ان صديقتي الصغيره طلعت عاقله وما حبت تخرب حيات اختها وفوق هذا الولد مب نادم قال ما ردها بتنسى
والحين صديقتي تزوجت بواحد اوسم من الاولي ويحبها ومنسيها الدنيا وما فيها

يارب ياحي ياقيوم برحمتك استغيث الله لايجيب هذيك اللحظه وربي لأموت بمكاني يارب تجمعني في الشخص اللي احبه وابيه وتيسر امر زواجي منه ويوافقون علييه اهلي يارب