كوبونات الراقية تسجيل الدخول

بريق الجوهرة
بريق الجوهرة •
ام الخمائل ام الخمائل :
إذا هو زوجي فأكيد باغار عليه بس باسال ربي يثبتني ... اما غيره فسأسأل ربي انه يهديني للخير ويملأ عيني بالحلال وانا استاهل اللي جاني لأني سلكت طريق غلط في العلاقة المحرمة اللي يسمونها الحب........
إذا هو زوجي فأكيد باغار عليه بس باسال ربي يثبتني ... اما غيره فسأسأل ربي انه يهديني للخير...
هذا الكلام وهذه عين العقل انا اعرف واحدة كانت تحب واحد موووووووووووت وتزوج اختها توكلت على الله وصبرت وربي رزقها باللي أحسن منه وتزوجت وهي مرتاحة مع زوجها ونست هذاك تماما

لان الحب الحقيقي مايجي الا بعد الزواج
مدللة
مدللة •
تبوله حامضه تبوله حامضه :
الموضوع شدنى حبيت اعلق مافى احد يستاهل احزن عليه غيرررر دينى ثم اهلى وغيره يتعوض بمشيت الله بتقبل كل شي لان الخيره فى ماختاره الله وشكرا
الموضوع شدنى حبيت اعلق مافى احد يستاهل احزن عليه غيرررر دينى ثم اهلى وغيره يتعوض بمشيت الله بتقبل...
:( الشامخه الله يحفظك يارب مو انا صاحبت القصه صاحبتها اليس انا نسيت ما سويت اقتباس بس عملت كبي بيس ارجعي للموضوع واقرائي الردود بتشوفين الكاتبه حكايتها وبتلقين ردي عليها الصراحه كنت متاثره بقصتها عشان كذا ما ركزت وما سويت اقتباس ومع ذالك شكراًللمرورك الجميل وتسلمين
<الفخامة>
<الفخامة> •
لا خــذلـــك الوقــت ياقلـــبي أبتســـم
الزمن طبعه كذا فرحة وهم
لملم جروحك ياقلبي وخل مافيك ..فيك
يوم إلك ياقلبي وعشرة عليك
أنا شكل الايام كلها علي
انا قصتي غير كل الناس من يوم كنت صغيرة حبيت واحد ولد خالتي
كنت بالمتوسط اول مابلغت ورزة البنات خخخخخخخخ وكنت دايم اكشخ واروح لهم
ويوم صرت باول ثانوي سمعت ان ابوه خطب له بغيت اموت
انهبلت الا شوي وسكت مااحد درى عني الا صديقتي وكانت تقولي هذا حب مراهقة بكرة تضحكين على نفسك يوم ورا يوم جاءله ولد وبعده الثاني قلت مافيه امل بعدين دخلت علي فكرة غريبة مع اني صغيرة وحلوه <<كثري منها
قلت ممكن اكون زوجة ثانية وانا راضية ورجعت على الموال القديم اروح لخواته واكلمهم بعدين يوم دخلت الكلية
ورسبت في أغلب المواد من تفكيري فيه بعدين عدت السنة و في هالسنة اللي عدتها عقلت شوي وقلت انا مجنونة الف من يتمناني وهو الله يوفقه
نسيته او تناسيته بمعنى اصح وادق قررت اقطع علاقتي في خواته ومااروح للزواجات عشان مااشوفهم لحد ماانسى الموضوع نهائي والحمد لله صرت في ثاني كلية وانا الموضوع ماطرى على بالي وكنت انتظر نصيبي وكل ماتقدم واحد واستخرت رفضت رفض قاطع ماادري ليش لكن ماكنت ارتاح
وفجأة نهاية السنة الثانية جاءني خبر ماتوقعته طلق زوجته ورجعت للقلق والعذاب مرة اخرى بعد ماكنت نسيت
وانا اقول في نفسي اكيد انه مكتوب لي ولا ليش كل ماتقدم لي واحد رفضته بعد الاستخارة وهم كل واحد احسن من الثاني
ورجعت لتعلقي فيه وحبي له
ولما صرت في السنة النهائية أصبح الموضوع واضح علي من كثر ماأسال عن اخباره واتابعها و عياله اسال عليهم ويعلم الله اني حبيتهم كانهم عيالي انا
وفجأة




عرف عن طريق اخته أو احد قريباته لا اعلم كيف عرف اني مهتمة فيه واسال عنه وحدثت الطامة بدأيرسل لي مراسيل مع اخته انه ماكان يوم من االايام يحلم فيني وانه اكبر شرف له نسب ابوي وانه لو دار الارض كلها ماراح يلقى احد مثلي وليش مالمحت له من قريب او بعيد لاني ماطريت على باله يقول لاخته ماكنت اعتقد لو واحد في المئة انها تفكر فيني او لو تقدمت لها تقبلني عشان كذا شلت الفكرة من راسي وانا طرت من الارض ماني مصدقة انه كان يتمناني زي ماانا اتمناه


وبعد كم مقابلة بيني وبين اخته وكلها تمدح فيني



تدرون وش قال لها تقولي قال انا تعبت مع زوجتي الاولى وابي اتعرف عليها اكلمها وتكلمني واشوفها بسوق او مقهى وتكونين يقصد اخته انتي معنا بس ابي اتعرف عليها عشان اخذها وانا مطمئن وهنا قرعت اجراس الخطر
تذكرت نظرة فابتسامة فموعد فلقاء ورفضت رفض قاطع وقلت حنا ماعندنا شوفة اصلا وشلون يطلب شي مثل كذا وبعد جدال عقيم بيني وبين اخته قال لها هي شكلها معقدة
ماتصلح لي الاخ يبيني متحررة
انسى ديني وانسى اخلاقي اللي هو كان يمدح فيها رجعت حليمة لعادتها القديمة قطعت العلاقة مع العائلة للمرة الثالثة لكن هذي المرة كانت غير


ماقدرت انساه وكان دائما يتصل بابوي واخواني يمكن عشان ارد على التلفون واتأثر واقبل بس انا قطعت عليه الفرصة واول ماتخرجت رحت عندي عمي هذا ماله بنات ولا عيال فعادي اني اقعد عنده وهو زوجته واطول عندهم قعدت فترة بعدين رجعت لبيتنا ورجعت اخته تقول ماغيرتي رايك لانه شاريك بس يبي يتفاهم معك على شي قلت اذا كانوا عياله تراهم بعيوني او اي شي ثاني يبلغك وانتي بلغيني وارد عليه لكن قالت هو مصر على انه على الاقل يكلمك مكالمة وحدة رفضت وقلت اقعد بدون زواج ولا اني اسوي شي ماني راضية عنه

وبعد فترة تقدم لي واحد عمري ماتوقعت انه يتقدم لي مافيه ولا صفة من اللي انا ابيها ورفضت على امل انه يجي احد احسن منه لكنه صار لزقة عنزروت خطبني اربع مرات وانا ارفض والمرة الرابعة حلف علي ابوي اني اخذه واجبرني على الزواج منه وعرسي راح يكون بالاجازة
وانا ماني راضية آه آه
بس ابوي الله يهديه قال لي كلمة كسرت ظهري اذا مااخذته ماراح اكون راضي عنك وقال انتي حمل ثقيل على ظهري شايل همك متى تتزوجين وارتاح بكيت عنده ماخليت شي لكنه مارضى الا يزوجني غصب عني مع اني ابوي رجال دين و حنون لكن انقلب فجأة و أضطريت اني اكذب على كل الناس بما فيهم امي واقول اني رضيته مع ان امي ماكانت راضية بعد بس يوم شافتني اقول اني راضيته سكتت


والمشكلة في ولد خالتي يقول ليش تسوي كذا انا ابيها وهي تبيني وحط العيب فيني انا
المشكلة الثانية وهي الاهم
اني ماني قادرة انساه حتى الحين اتدرب على اسم العريس بس اغلط واقول اسم ولد خالتي تعبت والله وش اسوي



انا قاعدة اكتب لكم وانا غرقت وجهي والكيبورد بالدموع انا
مازلت احبه و ماابي اي رجال في الدنيا سواه واقعد بلا زواج احسن لي من اني اخذغيره لكن بعد اللي قاله ماله امان

بس المشكلة زوجي الحين (زوجي هو متملك علي )
انا مااواطنه ولا ابيه واحس اني راح اظلمه معي لاني قلبي تحجر وماعاد يأمن للرجال ماادري ليش ولد خالتي كسر قلبي الله يسامحه ويزوجه اللي على الموصفات اللي يبيها متحررة وما تكون محافظة على نفسها مثلي عفواً ماتكون معقدة مثلي :( :icon33:
على ورق..
على ورق.. •
اووووووووه سؤال خطيـــــــر جدا :
بأتأمل العالم من حولي مو مستوعبه ؟؟
كيف؟ ليش ؟ متى ومين ؟
بتخنقني العبرة اكيد وبيرغرغ الدمع عيني وراح يزيدني اعتام من كثر دمعي
و لربما سيخرس لساني من الم معاناة دفين
لربما سأنهار من داخل اعماقي وستتهاوى اركان امالي وطموحاتي وسأسمع بيني وبين نفسي اصوات
تكسّــــــــــــــــر مجاديف الامل لكن من الخارج جبل لا يهزه ريح ....
لطالما اشبه نفسي بجبل من زجاج يغرك الشكل ويخدعك ضعف المضمون
هذا ردة فعلي بصراحة لو عشت هالامر
الله يبعد عننا كل مااااااااانكره ....
الشــامخـه
الشــامخـه •
مدللة مدللة :
:( الشامخه الله يحفظك يارب مو انا صاحبت القصه صاحبتها اليس انا نسيت ما سويت اقتباس بس عملت كبي بيس ارجعي للموضوع واقرائي الردود بتشوفين الكاتبه حكايتها وبتلقين ردي عليها الصراحه كنت متاثره بقصتها عشان كذا ما ركزت وما سويت اقتباس ومع ذالك شكراًللمرورك الجميل وتسلمين
:( الشامخه الله يحفظك يارب مو انا صاحبت القصه صاحبتها اليس انا نسيت ما سويت اقتباس بس عملت كبي...
وفزحي فزحااااه

مدللة وانا أختك ايام سوري وربي كنت احسب الموزوع لكي

مرسيه إلك للتنويه