موسيقى تصويرية : ترم ترم ترم ترم تررررررم ترم << موسيقى بنك بانثر
( من أدلخ واحد فيهم ) ؟
مسلسل من حلقة واحدة ( يبي لي كورس عند أنزور )
بطولة :
رشيد و علي الطالبان في جامعة الملك سعود
ضيف الشرف : أرشد
المكان : شقة عزابية في منفوحة ( صحيح بعيدة عن الجامعة بس أرخص شقة لقوها )
الزمان : قبل أذان الفجر بربع ساعة في يوم السبت 12/9/ 1426<<<< داري ماتنكتب في السيناريو بس كتبتها
يتململ رشيد في فراشه
يقوم ويطفي المكيف
ويلقي نظرة على الساعة
زوووووم على الساعة
يرفس رشيد خويه علي : قم
مايجي علي شي لأن البطانية مكومة على شكل واحد نايم
يدور رشيد على علي ويلقى له بطانية ثانية مكومة على شكل واحد نايم ويرجع ورى شوي ويتحمى ويجي طاير ويشوتها
رشيد يطيح على الأرض ويقعد يصيح
اثر علي حاط جوا البطانية خيشة مليانة رمل << على باله بيمزح مع رشيد
ويحمق رشيد ويقعد يلعن في علي
ويطلع علي من الحمام اللي متوزي فيه ويوم ناظر الساعة وهو يفز : كل ذالوقت وانت نايم ؟
اثره متوزي في الحمام من الساعة 12 وهو يحتري رشيد يقوم ويسوي فيه هالمقلب!!!!
ويوم ناظر الساعة مرة ثانية قال لرشيد وش نسوي ماباقي الا شوي ويذن وانا ماعندنا سحور؟
قال رشيد : كله منك انت ومزحك بس الشرهة مهيب عليك الشرهة على اللي يخاوي دلخ زيك بس تدري اذا ماسحرتك
سحور يحبه قلبك ترى منيب رشيد
ويقول لعلي : هات التلفون بس
ويرد علي : أي تلفون الشقة مافيها تلفون
- اجل هات الجوال
- ( في مخباتك يالذكي)
ثم يتناول رشيد الجوال و(يدق) على الرقم ويرد عليه
يقول له علي : من تدق عليه؟
يجاوبه: على المطعم اللي يوصل لنا الطلبات
وقام رشيد ( يملي طلباته ) بالجوال ويوم قضى قال كم الحساب ؟
ويوم علمه بالحساب علمه رشيد – بدوره – على رقم الاشتراك
ويوم صك السماعة – أي سماعة الجوال مافيه سماعة كله قطعة وحدة – اقصد يوم انهى المكالمة قال لعلي
جب خمس وعشرين
قال علي سلفني
قال رشيد يصير اللي اطلبك ثلاثميه وخمس وثلاثين
قال علي الثلاثمية وعارفها
والخمسة وعشرين حقت السحور بس هالعشرة من وين جت؟
قال رشيد : وانت ماتعرف حق الخدمة
من اللي متصل؟ ومن اللي معطيه الطلبات؟ ومن اللي مختار من المينو ( يقصد المنيو بس غلط مايعرف يقولها)
استغل علي هالفرصة وقال : ايه وش عرفك حدك بسكوت مينو وجاي هاذي ( النيمو ) يالدلخ !!!
( بيني وبينكم علي قبل يومين توه يشوف فلم نيمو ) !!!
وفي خضم هالجدال والتريقة ماسمعوا الا المذن يذن
وما امداهم الا كل واحد ياخذ له شوي موية من ( الجيك اللي قدامهم)
ويوم توضوا راحوا للمسجد بيصلون الفجر وكل واحد منهم يلوم الثاني :
اللي يقول كله منك انت ومزحك واللي يقول كله منك انت ياخيشة النوم
ويوم رجعوا للبيت – كعادتهم في صفاء نيتهم وصداقتهم الطويلة – تسامحوا من بعض وعلى وعد انهم مايكررون
هالمشاكل وهالمزح البايخ
بس بيني وبينكم كان كل واحد منهم في نفسه انه يرد على خوية بمزحة او مقلب اكبر
وسموا باسم الله الرحمن الرحيم وتعوذوا من الشيطان وكل واحد اندس في فراشه
وما امداهم يتساوون في فرشهم
وما امدى رشيد ينام نومته المشهورة ( يديه تحت راسه ورجله اليمين على رجله اليسار المتشكلة على شكل زاوية حادة )
الا والجرس يقرع
وينقز علي ويفتح الباب
والاه (ضيف الشرف ارشد) جايب السحور
قال علي قم يارشيد حاسب الرجال
قام رشيد وقال له كم الحساب قال خمسين
قال خمسين ؟ وشو له؟
قال وقبل مايدري وش في الاكياس : أصلا انا ماطلبنا مكرونة بالبشاشمير ( يقصد باشميل)
تبي اربعين عطيناك
قال ارشد خمسين والا برجع الطلب ولا اجيب لكم أي شي ثاني
قال علي لارشد تعوذ من الشيطان وخذ هالاربعين
وعيا ارشد الا يبي خمسين والا يبي يروح ويرجع الطلب
وتشاور علي ورشيد انهم يقنعونه بخمس وربعين
ويوم عيا ارشد
طلع علي من مخباته خمسة ريال وحطها مع الخمس واربعين حقت رشيد وعطاها ارشد
ويوم راح ارشد
تهاوشوا علي ورشيد تدرون وش السبب ؟
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
رشيد يعاتب علي : ( من وين جبت الخمسة ) !!!