من اسرار الحريم

انا لما كان عندي بيت لا ينكسر خاطركم بنات الحين مطلقه بس بلا ذنب المهم كان سر من اسرار بيتي النظيف الي ياما بكيت عليه بدل الدموع دم بكيت بحرقه لا يعلمها الا الله اسفه دخلتكم في متاهات ها ها ا مااقصد المهم كان سر من اسرار نظافه بيتي بفضل الله ثم جهدي الشغل اول بأول لو ميته مابخلي شغلي خاصه المطبخ اشتغل التنظيق الكنس التبخير وتعطير المنزل كله اول باول وكان بفضل الله يضرب به المثل بنظافه وهذا سري انا بااستمرار الكرف يابنات اول باول لكن يابنات قبل لا انحرم من بيتي بكيت حتى الموت احب بيتي يابنات احب بيتي انحرمت منه لكن الله كريم بنات احبكم في الله


انا انقع الفرن وعيونه بخل ابيض وافركها بعدين 2احط غطاء ديتول بخاخ وازود ماء وابخ علي الدواليب وش بعد واعطر مفرش النوم بريما من الماجد لان ريحه تدوم كثير



من اسراري لما اريد احط مناكير احمر او اسود على اضافري , لازم احط قبله مناكير شفاف عشان مايعلق اللون الاحمر بالاضافر

من اسراري استعمال البخاخ من منضفات المنزل الى زيت القلي الى منتجات التجميل لانه فعال و اقتصادي في الوقت و لمجهود

من اسراري اللي تخلي وجهي منور من اول استعمال و بدون ماسكات ولا خرابيط هو وضع ماء الورد في بخاخ و رش وجهي به كل ليلة قبل النوم و بعد الخروج من الحمام مباشررررررة يادوب 3 دقايق الاولى بعد الحمام رشو وجهكم بماء الورد

من اسراري عند قلي السمك او افخاد الدجاج وضع البقسماط او الطحين في كيس بلاستيكي (القدر الكافي ) و وضع السمك فيه ثم رج الكيس , هدي الطريقة تخلي المطبخ نضيف و ايديك نضيفة و تخلي الطحين ممرر جيدا على السمك او الدجاج

من اسراري دهن الركب و اليدين و القدمين كل ليلة قبل النوم لانه الترطيب هو اول الطريق لبشرة شابة

من اسراري هو عدم تجميع شغل البيت مرة واحدة , بمعنى : لا تخلي المطبخ او الحمام او الغرف فوقاني تحتاني لين وقت تنضيفه , بالعكس ' فرق تسٌد ' مثلا لما تقومي من النوم لا تنتظري حتى تفطري عشان ترتبي غرفتك بالعكس لما تفيقي تطوي الفرش و افتحي النوافد و بعد الفطار اتممي تنضيم البيت , لو انتهيت من الاواني اغسليهم في نفس الوقت و انت تطبخين لا تنتظري حتى تنهي الطبخ ثم الاواني , يعني بيصير الشغل طول الوقت بس على شكل دفعات بسيطة ماراح تحسي فيها لو انت من ربات البيوت , بس للموضفات الامر مختلف بس عندي سر للموضفات , انها تخصص كل يوم كل يوم ولو انها تكون ميتة من التعب تخصص بس 60 دقيقة من وقتها بانتضام بمعنى :
1: كل يوم ربع ساعة لبيتها و ربع ساعة لنفسها , اول ربع ساعة تعمل فيها اي شيء لصالح المنزل لكن مش من الاشياء اليومية مثلا اليوم تفرك اواني الفضة لربع ساعة و بعدو تهتم بالدولاب لربع ساعة فقط من حيت التعطير او التنظيم .... الخ و بعدو تنضف مفارش الطاولة و المناديل لربع ساعة فقط ..... لو خصصت كل يوم ربع ساعة فقط في نهاية الاسبوع راه تربح وقت اكبر للراحة ,
2 : و ربع ساعة الثانية كل يوم لنفسها يعني اليوم تحط سنفرة غدا تحط كريم مغدي للبشرة لربع ساعة و بعدو تخصص ربع ساعة لعمل لائحة مشترياتها الخاصة او تاخد ربع ساعة استرخاء
3 : ربع ساعة لزوجها او اولادها كل يوم تفتح دولاب واحد فيهم و تشوف شنو اللي لازمه كوي أو تنضيف او او او ....
4 : ربع ساعة للذكر و التقرب من الله
طبعا هاد الساعة هي خارجة تمااااااما على الروتين اليومي من صلاة و عبادة و تنضيف و طبخ و استحمام و اعتناء بالزوج و الاطفال و اللي مايقدر يخليها 10 دقايق مكان ربع ساعة و اللي مايقدر ياخد ساعة يوم اه و يوم لا






الفلاش يدمر السرميك

من اسراري اني مخصصة شنطة لكل الاوراق الهامة والبطاقات وكروت التطعيم وشهادات الميلاد ولا يمكن نحط انا وزوجي بغير هذا المكان حتى لما يبغى اي ورقة يعرف مكانها وانا كذلك
وايضا لما اسوي ورق العنب والمكرونة والكبسة احط شوي حلبة وللامانة هذي من عالم حواء

واسرار بشرتى التنظيف بزيت زيتون وشوى مويه وامسحى بقطن قبل النوم وبس اذا تذكرت كملت لانكم تستاهلون عيونى موبس اسرارى



من اسراري
الرز احطله كشنه وماجي وفلفل بارد ومسمار وهيل
واحط عليه شوي ماء واخليه يغلي واغسل الرز وعلطول احطه اذا كان الوقت ضيق واخليه على نار هاديه
واذا تشرب احط عليه شوية زيت وحشوواغطيه بقصديرواوطي النار قوه
ويطلع رزولااروع طبعا اللحمه او الدجاج اطبخه لحال
وسري الثاني
النسكافيه اضيفله قليل من الدريم ويب ويطلع حلوطعمه
وسري بالنسبه لجسمي صابون الطاووس رهيب
يبيض ويشيل الخلايا الميته
اغسل جسمي واتركه شوي وبعدي ابدا افرك ماتصدقون وش يطلع
وبالنسبه لطلبات البيت
اطلب الشي قبل لايخلص علشان يمكن يجيك احد فجاه ويصير مثلا السكر مخلص او البن
وكل اموري اسويها قبل وقتها وارتب وقتي اهم شي




المرايا تكون تلمع جبي فنايلة قطن وغسليه ووووووووووووووووووووووووووووو روووووووووووعه ووووومسحي\\\\\\\\\المكنسهالكهر باء اذ نظفتي القماش الى فيه حطى عطر ثم سكريه شوفي الريحه الحلوه

انا من اسراري

بما انه الفلاش خطر وريحته تكتم
استخدم للمرحاض الله يكرمكم هاربيك
روووووووووووعه يخلي الحمام نظيف وريحه جنان



بنات ابي اسالكم عن اس الاقراص الملونة حقت السيفون الافرنجي
او صورة له
لاني مااعرف له شكل ولااعرف وين ينباع
ساعدوني الله يوفقكم


انا اخذ ورق نشاف واحطه في المطبخ تحت علب الزيوت عشان مايوصخ لي الدرج وبين فتر وفتره اغيره

لبقع الفيمتو رشي عليه ملمع الزجاج ومسحيه يروووووح على طول مثل السحر

تبين طبخك يكون اطعم اذا حمستي البصل خليه يتحمر شوي وبعده كملي طبخك عادي

للحمام اخذي صوابين معطره وابشريها وحطيها في كيس اورقانزا وحطيها في الحمام , انا مسويتها ولها اكثر من شهرين وريحت الحمام تهبل

اذا مسحتي الفرن وخلصتي حطي شوي خل على الفرن ومسحيه بمناديل يخلي الفرن يلللللللللللمع

اذا كان عندي عزيمه اجهز اغراضي قبله بليله واسوي كشنه للكبسه واحطها في الثلاجه واسوي الحلا وفي يوم العزيمه الظهر اسوي السلطات

اذا بخرت البيت وانا امشي بالبخور ارش عطر والريحه ياسلاااااااااام
ومشكوراااااااااااااااااااااااا اااااااات الموضوع لايوقف

انا سري يمكن يكون تافه بس انا دائمن استخدم صابونة البابايا 4في 1 الصراحة صرت بيضاء وانا كنت سمراء بس استخدم بعدها عادة كريم فير اند لفلي او جليسوليد عشان بشرتي جافه وبتزيد جفاف على الصابونة عشان كذا استحدم الكريم عشان الترطيب
مرتين في اليوم

أسراري يمكن معروفة

لإزالة الحبر والألوان من الملابس رشي عليها سبراي الشعر قبل الغسيل واتريكها
أنا أتركها ساعة تقريبا
ثم اغسليها بالغسالة عادي


أممم وش بعد

إيه لو زاد عليك الملح بالطبخ ضعي شرائح البطاطس

ولو بدأ الأكل يحترق وفيه ريحة إحراق ضعي عليه شريحة صامولي أو توست




انا احط اوراق ذكر حولي عشان اذكر نفسي واهل بيتي بالله

انا اغسل عيون الفرن علشان تصير ذهبي بمستر مصل الي يشيل الترسبات الكلسيه وبقايا الصابون تطلع روووعه كنها جديده ذهبيه

انا استخدم منظف 401 مره روعه لرخام المطبخ والمغاسل حقت اليدين والسرميك والفرن مره مرتاحه عليه

وانقع عيون الفرن بالشطه ثم افركه ترجع كانه جديده



امسح رخام البيت بفيري .. روعه ولمعان يدووووم هههه..بجد والله ..عشان الريحت البخور تطول بلبيت .. احط البخور مااي ااغليهااا .. واحطهاا بعلبه بعد ماتبرد وارش بلبيت وع الكنب والستاير روووعه ...تبقى ريحت البخور احلا من انك تحرقيهاا بلجمر ..


بالنسبة لغسيل الملابس الأبيض انقعه من الليل في آريال من غير اضافات لا كلوركس ولا فانيش ولا شيء بس بعد اول لفتين اكب الموية واغيرها واخليه طول الليل تقريبا سبعة ساعات واشغلها كل بعد شويه وتطلع الملابس ناصعة البياض.
لما ابخر شعري ابخره وهو مبلول تمسك فيه الريحة اكثر من اسبوعين حتى لو اتغسل برضو موجودة الريحة
لما اتذكر شيء ثاني ان شاء الله ارجع لكم

جربت خلطه بياض الثلج شهر كامل احطها ساعتين واتروش بصابون مغربي اخلط معه شوي سدر وافرك جسمي مره جنان يطلع منك جلد الميت بكثرة ولما اخلص احط جلوسوليد مع ليمون.والله يابنات طلع جسمي لوته واحد بس للاسف تركتها بعد شهر
ولحين صلحت خلطة الصابونات حطيت صابونه البابايا وصابونه زيت الزيتون وصابونه دوف بشرتها وحطيتها على النار مع علبه ماءورد لحد ماتتجانس الصابونات صبيها وهي حاره في علبه لانها اذا بردت راح تجمد وحطيها في الحمام وكل استحمام استخدميها والله نتايجها روعه ...

سرررري مع الفيمتو اذا انكب على الموكيت على طول اكب فوقه مللللللللح لين يتشرب الفيمتو واخليه شوي بعدين منظف الزجاااج ارش عليه وامسح

ولا كان الفيمتو جاء على الموكيت


وبرضو لغرف النوم خذي شرشف سرير او جلال صلاه ماتبينه وغسليه ب الماء لين ينظف ونشفيه زين بعدين ياحلوه


حطي عليه مخلطاتك اواللي تبين كل وحده وذوقها وحطيه بكيسه وبالفريزرخليه يوم كاامل بعدين

فكي الشرشف قبال المكيف مثلا علقيه على شماااااعه وبخري غرفتك وقفلي الباب


من اسراري
لدورات المياة بخاخ كمفورت وديتول الشخصي وكلونيا واعطر الباب والجدران تطلع خيال
واذا احد بيجيني امسح الجدران بماء ومعاه دهن عود وعطر وابخر الغرف ويكون المكيف شغال حتى يمسك الريحه
ثلاجتي دايما مرتبه ارتبها مرة كل شهرين واذا ابحط شي بترتيب ويطلع شكلها على طول نظيفه ومرتبه
افرزن المجمدات كبه وسمبوسه و الحشوات للتوست والمعجنات لو احد يجيني فجاة بس اقليها واقدمها
مجلس الحريم والرجال على طول نظيف مانجلس فيه اقفله واذا بيجوني ضيوف بس اعطره
السيرميك والحمامات خلطه بجك احط شويا منه وهو العملاق وكلوريكس وتايد كمفورت دهن عود فيري واغسله يطلع يبرق من النظافه
للموكيت اذا انكبت قهوة امسحه بالليمون على طول يروووح
لشبك المكيف اغسله واذا نشف احط نقاط عطورات مركزة وابخ عليه معطرات جو واذا شغلتيه اسمتتعي بالرائحه الزكيه
المكنسه الكهرباء اغسل كيس الزباله وقبل لاتنشف مرة احط جميع العطورات الخفيفه والمركزة وتطلع روعه اذا كنستي او احط بخور و مع الحرارة كأنك مبخره
الموكيت بعد ماكنسه اجيب المكنسه الطويله ام شعر وطشت يكون فيه عطورات واكنس حتى تمسك الريحه
المفرش السرير اغسله وقبل لايجف احط كل العطورات الموجودة رجالي ونسائي وابخره واكتمه بكيس وبفريزن ليله كامله وبعدها احطه على السرير وهو شويا رطب تطلع ريحه الغرفه لايام روووعه
بدولاب الملابس شمعه المعطرة بنكهه الفواكه او الاظرف من سيتي ماكس وللجزامه كور المعطرة

والاذكار تكون بشكل صغير وكيوت عند الباب الشقه دعاء الخروج والدخول وعند الحمامات دعاء الخلاء
و ماتكون بالغرف صور مجلات او جرايد اقلبها خاصه وقت النوم ومااحبها بغرفه النوم المجلات او كتب فيها صور ارواح احطها بالكمودينات او برا الغرفه


انا ام الاسرار لم اسوي عصير سن كويك اعصر عليه برتقال مع الحبيبات يطلع شي ولما امسح السراميك احط شوي عطر يعطيك لمعه وريحه


يازينكن وزين سواليفكن يا بنات حواء
ويازين الي فتحت الموضوع بعد
المهم انا عندي سر والسر ياطويلات العمر هو في عجينتي الي كلن منهبل عليه (وحده واثقه بنفسه)
وسري اني اذا عجنت العجينه ماتطول بالتخمير اذا شفته ارتفعت شوي ابد اشتغلبه
وايذا تذكرت سر ثاني اقولكم يالله مع السلامه



انا لما ابخر البيت احط بخة عطر عالعود ...
ولما اقلي واخلص من القلي وحوسة المطبخ اجيب قدر عندي مخصصته للخلطات !!! احط فيه مويه ونقط من عطر الفواحه واقصر عليه واخليه لحد ما يقرب يتبخر ... بكذا تصير ريحة بيتي فواحه ...
وعجينتي الكل يسألني عنها والسر في ذلك انو لما اعجنها ما المسها بيدي ... طبعا اعجنها بقفاز واذا اختمرت عادي اشتغل فيها بيدي ...
وانقع عيون الفرن بمويه حاره وخل وشرائح ليمون ...
والغلايه لمن تترسب برضه انقعها بخل وليمون ...
لي عوده اذا تذكرت ...

اممممم انا اذا بسلق شي احط معه خل ابيض القدر اواللي اسلق فيه يصير يلمممممممممع
اذا خلصنا غدا او عشا امسح الارض كلور شوووي وديتول وعملاق وابخر بنفس الوقت من معجون العربيه اكون مشغله المكيف اخلص مسح اطفيه بس يجي زوجي او اي احد اشغل المكيف وشموووووووووووووووووووووو ادماااااااااااان
دايم بالفريزر اسوي خلطة ايس كريم احط فيها مكسرات وخرابيط احبها بعلبه بالفريزر ليييش لا جامي احد احط ملعقه كبيره من الايسكريم اسويه بحليب خاص يتسوى فيه الايسكريم بالمحلات اللي تسووي الايسكريم اجيب ملعقه ايسكريم وارش بهرشي توفي وكاكاو واعبيها كورن فلكس مطحوون كانه ايس كريم باسكن روبنز
وسريع وسهل واسوي خلطة القهوه كوب نسكافيه كوب سكر وطكوب حليب سايل وبالفريزر اغلي حليب واحط ملعقه من الخلطه لذييييييذ


من اسراري ّّ اغلف عيون الغاز بالقصدير وبعود الاسنان اخرم الخروم الصغيرة ونفس الفرن انظفة بزماك
من كثر الجرايد استفيد منها فوق اسطح دولايب المطبخ وكل فتره اغيرها
اخلط في علبة الفيري كلوركس ولمعان على طول

من احمر دجاج او لحم او سمك بالفرن ااحط قصدير بالصينية

حتى ارتاح من الفرك من تتحمر الدجاجه اشيل القصدير وارمية والصينية نظيفة

مشاء الله عليكم بنات عالم حواء اسراركم صارت كنز لنا
من اساراي احط دايم كل شهر تقريبا بخور معمول او مبثوث في شاش وربطه عدل واحطه جمب كيس المكنسه الكهرباء من داخل وكل ماكنس ابخر البيت بمكنستي
وسري الثاني اذا خلصة علبت البخور او اي علبه بلاستك امسك الغطاء من فوق واثقبه كم مره تقريبا فوق الثمان مرات واعبي العلبه من سائل العملاق الخضر وشوي كلورس واحطها جواء السيفون وكل محد دخل الحمام وانتو بكرامه ويضغط الماء يعقم مكانه

موضوع يجنن
انا من اسراري اخذ علبة البخاخ الفاضيه واحط نصها مويه ونصها كومفورت وابخها على الملابس وقت الكوي تطلع ريحتها جنان
وبعد المكنسه بعد ماافضيها واغسلها وتنشف احط في الكيس حقها من فوق شوي بخور مبثوث يصير كل مااشغل المكنسه تحسين اني مبخره بيتي
وبعد النشافه حقة الملابس الي لها فتحه من ورى وتطلع زي القطن من بواقي الملابس وتحوس المكان حطيت حلى الفتحه شراب خفيف عشان تروح الواقي فيه وكل فتره اشيله واغيره تريح مره هالطريقه من تنظيف الحوسه
وبعد لما اولادي يستفرغون على الموكيت ارش شوي ملح قبل مااغسله وتروح الريحه بالمره
وبعد غلاية الميه اذا صار فيها تكلسات من جوه احط شوي خل ومويه وغليها وبعدين اكبها واغسلها ترجع جديده
وسلامتكم هذا الي يحضرني الحين


1/خليط الكيك الجاهز اضيف له 3ملاعق دقيق ابيض علشان يتماسك
2/قشري كمية كبيرة من الثوم وافرميها بقطاعة البصل وضعيها في كيس نايلون واظغطي عليها علشان تطلع رقيقة ما تأخذ مساحة كبيرة في الفريزر وضعيها في الفريزر وعند الطبخ اكسري منها الحجم اللي تبغين
3/عندما ارغب في وضع جالكسي فوق الحلى اجيب كوب كبير واضع فيه ماء حارجدا وادخل الجالكسي بكيسه الى ان يذوب وبعدين اقصه من الطرف واضعه على الصينية
4/إذا كان عندك عزيمة اوناس كثير احرصي على ان يكون عندك ماء مغلي تزيدين على القهوة اوتسوين شاي بسرعة
5/إذا التصق علك في الملابس ضعيها في الفريزر وبعدين طلعيه وبيتفتت العلك ويروح منها اوبخي عليه ريد
6/الليمون اذا عصرتيه ضعي الليمونة في الاناء الذي فيه الصابون تعطي رائحة نظافة
7/صابون الوزير المبشور رائع لغسيل الملابس خصوصا الملابس البيضاء ورائحته جميلة جدا
8/نصيحة لكم كلكم اللي تبغى تعمر اوتشتري بيت تصلح هذا الشي وعيالها صغار لانهم كل ماكبروا كل مازادت طلبتهم ولايرضيهم شي فلحقوا على اعماركم

تابع بقية التجارب :
9/رز المندي اطبخه في قدرواتركه ابيض عادي بعدين واجيب قدر ثاني واسلق فيه رز قليل واضع عليه ماجي وبهارات وكركم ومرقة وعند التحضير اضع من الرز الابيض ومن الاصفر
10/لما نكون مسافرين بالسيارة اخذ معي ملطف جو اوعطر واول مانشم ريحة ابخ بدل مانتبادل الاتهمات والشتائم وتطلع الريحة جاية من برا
11/برضه للسفر في السياره اخذ معي ترمس شاي وصامولي وجبنة وفطاير مأكولات خفيفة واعطي الاطفال في السيارة لاننا ما بنوقف كل شويه
اللي تستفيد من اي شي كتبته تدعي لي بالعفو والعافية والولد الذكر الصالح البار المتعافي وصلاح بناتي وسترهم وتوفيقهم وشفاء امي شفاء عاجلا غير آجل



من اسراري اجيب علبه سائل الزجاج البخاخ احط فيها مويه وشوي مطهر بلاط وشوي كلوركس واستعملها بمسح اسطح دواليب المطبخ .......وكمان الايدام اذا طلع مويته خفيف احط معه ملعقه نشامذوبه بمويه او ملعقتين حسب الثقل اللي ابيه.......
القهوة اذاطلعت شوي مرة وماحطيت بهار بس هيل احط ملعقه حليب نيدو تطلع فاتحه ومايبين طعم المرارة....
والزوليه اذاعليها شعر وخيوط تعلمتها من هنا اجيب اللزق الكبير او تجليده والزقها على الزوليه واشيل وشوفي الاشياء اللي تطلع
...........والمرايا امسحها بجرايد مايترك اثر طبعا مع ملمع القزاز......واذاعنك قدر معدوم سواد من كثر الكرف والافيه زيت جيبي سلكه مع شويه صابون وكلوركس وشويه مويه دعكي وشوفي النظافه ......

جزاك الله خير وفقك

يسلمووو ويعطيك العافيه

يسلموووووو

الله يعطيك العافيه