ام ليان الله يسعد ايامك من وين ما لقيتي وجهك


وتراني بالخدمه يالغاليه


مرحبتين

كلنا لما نتفرج علي التلفزيون ونشوف اي فنانه سواء بالمجلات او بالفيديو كليب مثل ( اليسا وغيرها نقول شلون الشادو دامجته وعينها كان فيها

سحر ولما نحاول نرسم العين ساعات ما تظبط


طبعا مكياج التلفزيون يختلف نهائيا لوجود فلاتر

واضاءه عاكسه تخلي اللي بشرتها كانها مشخال

حليب تصير مرمر لكن فيه اساسيات لازم نعرفها اولا:


الشادو السموكي او الدخاني يناسب دائما كل العيون ولا تسمعي حد يقولك ما يناسبك لكل عين طريقتها بالرسم


ابتدي اذا عندك مناسبه او عزومه من الليل كحلي

عينك بكحل عربي ( مرود باللغه العاميه او هاشمي ) وكل عين كحليها اكثر من مره ونامي فيه


وقت اللبس والخروج اغسلي عينك راح تلاحظي ان الكحل نزل بشكل غير متساوي تحت الرموش السفلي

اتركيه لا تمسحينه .


حطي الفاونديشن علي وجهك بالطريقه اللي قلت لك

وحظري عندك كوب ماء وفرشه باسفنجه مظغوطه للمزج

وفرشاة وسط او اي فرشاه تلاقينها ساعات بعلبة

البلاشر ( بودرة الخدود )


خلي عندك قلم رمادي ممكن من بودي شوب اسمه

SMOKY BLU رمادي دخاني ازرق او قلم اسود للنظره

الدراماتكيه ( الغامضه ) من ماركة كريستيان ديور


قلم عجيب خاص للشادو الدخاني ومزود باسفنجه

اسمه ( NOIR TRINIDAD) رقم 094


تلاحظين انه دهني بس لا تخافين تراه قلم بودره


قبل وضع مكياج العين امسحي بالفرشه الصغيره علي

اي بودره بيضاء عندك وكثري منه تحت العين وممكن

بودره فيها لمعه خفيفه لؤلؤيه ...


استعملي قلم ابيض داخل العين من اي ماركه وابتدي

خطي تحت العين بخط عريض قلم الشادو وفوق العين

بشكل دائري ببعدها امزجي بالاسفنجه بشكل كانك

تظللي اللون اللي فوق وتحت لا تحاتين امزجي بكل

سهوله بعد المزج خذي الفرشاة المخصصه للشادو

انا افضل المتوسطة الحجم ذات الشعر تلاقونها

بودي شوب واغمسي راس الفرشاة بالماء اللي عندك

وافركيها باي شادو بودره عندك اذا قلم الشادو

رمادي خلي البودره رمادي واذا اسود كذالك البودره اسووود

وحطي فوق العين المرسومه وكملي فوق اللي رسمتيه بالقلم


وبطرف الفرشاة المبلله ارسمي تحت العين

خط مستقيم .... فاهميني طبعا


بعد ما تنتهين لاحظي اي عين تحتاج لتعديل وعدليها

مع الثانيه ... هااه جينا للشي المهم

عظمة الحاجب لا تنسينها وسري الثاني ارسمي

خط بالقلم الابيض اللي استعملتيه داخل العين

اولا ارسمي خط تحت الحاجب بالضبط وبعدين جملي الحواجب بالمسكارا

او بالقلم او بالبودره المخصصه للحاجب


وامسحي بطرف اصبعك خفيف حيل الخط الابيض وبالاسفنجه حطي لون لولي فوقه


الماسكارا لها دور ساحر بالنظره كثر ما تقدرين

كسري الرموش بالعاقصه واذا ما فيه اطلي الرموش

اكثر من مره واسندي رمشك اللي فوق بصبعك علي جنب

وعدي من 1 الي عشره


نرد للبودره البيضاء اللي تحت العين امسحيها

بالفرشه شوي شوي وبعدها جيبي نفس الشادو اللولي

اللي استعملتيه تحت الحاجب وامسحي الفرشه عليه

خفيف ووزعيه علي طرف العين او علي اعلي الخد

عشان يبرز العين بشكل ملفت



يارب اكون فهمتكم عدل


انتظروا المزيد عن اسرار الأيلاينر


مرحبتين

**شادن باشا**
هلا فيك وبالنسبة لي فهمتيني عدل
ماشاء الله عليكي دخول قوي وملفت استمري :27:
موضوعك رائع:26:
اختكoOoأثر:24: oOo

هلاااااااااا وغلااااااااااا والمهلي مايولي يالغاليه ودخولي من اجل عيونكم وتشجيعكم


اللي يشرفني ويسعدني



باستمر بعون الله وبكلماتكم الجميله الراقيه



اشكرك الف مره


مرحبيتين

مشكوره حبيبتي شادن .......

مشكوره عالنصايح ....


تحياتي

حواء الصغيروره ..