مشكووووووووره اختي رموسه على الخلطه الحمد لله تحسن شعري بكثير عن اول ولله الحمد جزاكي الله الف خير ويوفقك دنيا واخره والفوز بالجنه
الصفحة الأخيرة
انا جربت هالخلطة العجيبة و اليكم التفاصيل ...
طبعا عدد المرات المستخدمة يمكن اربع مرات او خمس.. و الله ما يحضرني العدد بالضبط.. بس اكيد مو اكثر من خمس مرات ..
نوعية شعري.. جااف جدا و مجعد بطريقة صعبة للغاية .. و مقصف خاصة من قدام.. و عاد مع النفشة اللي في شعري التقصيفات اللي قدام كله طايرة تبين كأني جنية خخخخ و التجعيدات مأساة .. و على فكرة ترى شعري كائن غير اليف بالمرة و غير قابل للتعايش معاه الا بالتمليس و السشوار.. بس لاني قررت اني اقاطع هالسوالف تماما لانه هي اللي حاست شعري حوسه ما يعلم فيها الا ربنا.. فقررت اني اجرب كل طريقة طبيعية لمعالجته..
طبعا اول مرتين استخدمتها بطريقة الغلي.. و حطيت الخلطة على شعري قبل الغسيل.. النتيجة انه شعري صار اهدا.. لكن الكسرات موجودة و النفشة موجودة بشكل خفيف... و انا عاد دم ضروسي هالنفشة اللي معقدة حياتي..
المرات الباقية استخدمتها مع زيت الزيتون مع كمية قليلة من زيت التاج .. و النتيجة كانت احسن بكثير من طريقة الغلي .. شعري صارت فيه نداوة ملحوظة و صار سهل التسريح و التجعيدات خفت شوي من قدام..
عاد اليوم سويت شيء الاخت ريماس قالت عنه بس انا ما قط سويته و ما اعرف ليش..
عقب ما غسلت شعري.. نشفت شعري عدددل و وزعت من الزيت على شعري و هو مبلول عشان اقدر اتعامل معاه بسهولة... و لبست عليه شيلة و لفيتها لف محكم عشان ما تتجرأ اي شعرة تطلع منية و الا مناك..لحد ما قرب ينشف تماما... و رحت فسخت الشيلة ..
و الله على اللي شفته يا بنااات .. الله ..
شنو نعووومة... شنوووو نعووووومة.. و شنو الشعر طايح على عيني... و شنو لمعة رهيبة رهيبة... و الشعر هاااامد و نااايم... و الله لما كنت اسوي تمليس و اسشور.. ما كان شعري يطلع بهالشكل الرائع..
بس للامانة.. من ورا لا زال فيه كسرات.. بس مو نفس قبل...اخف بكثير كثير عن قبل.. و ملمس الشعر رهيب... نعومة غير طبيعية..
اختي ريماس.. حبيبتي قلبي و الله...
روحي يا اختي... الله يرضى عليج و يرضيج و يعطيج كل اللي في بالج...
بس بنات باوضح لكم شيء عشان لا حد يقول انه الوصف فيه مبالغة...
انا ترى صار لي فترة شانة حملة علاج مكثفة على شعري.. تقريبا من شهر و نص الى شهرين.. و استخدم مع هالخلطة شامبو الاخت حور الجنان و استخدم خلطة ثانية و اخذ فيتامينات للشعر..
بس انا متأكدة انه اللي شفته اليوم... كان من استخدام خلطة الاخت ريماس بعد غسيل الشعر..
و دمتم بود...