من الأخير... احذروا من الكيراتين

العناية بالشعر

يابناااات نصيحة لوجه الله اتركوا الكيراتين والله هو ضرر اكثر من ماهو نفع
انا بحثت في مواقع اجنبية كثيرر وعرفت وشو الكيراتين وانه مضر لكن للاسف كنت ابي حل سريع وماصلح لي الفرد واقنعتني اسوي الكيراتين وياليتني والله ماسويته
غير انه بدى يروح وهو ماكمل شهر النتيجة تكسررر فالشعر.. لاحظوا شعرتي قووية لكن ماقدر يصمد امام حرارة السيراميك والمواد الكيماوية الحارقة

مقولة ان الكيرايتن مفيد ومعالج للشعر مقولة كاذبة وخاطئة
الكيراتين معه سيلكون وشمع وفورمالين كله يلصق عالشعر بالحرارة الشديييدة
يعني النتيجة تكسير للشعر وحرق وتلف
والبعض نسبة الفورمالين عالية وتؤدي الى تلف للشعرة نفسها
اتمنى الناس تعي هالشيء
وبلاش نلعب على الخلق ونقول معالج






للتوضيح كلمة ( خالي من الفورمالدهايد) غير صحيحة, قد لايحتوي على نفس المركب لكن يحتوي على فورمالين وmethylene glycol والذي يتحول الى غاز الفورمالدهايد عند تعرضه للحراارة والكلام هذا نصاً من موقع اوبرا
لأن الفورمالين هي السبب في حفظ الكيراتين فترة تصل للاشهر على الشعر.. وبعدم وجود الفورمالين يزول الكيراتين مع اول غسله



كلامي هنا عن حقيقة الكيراتين أعرضه للفائدة للي مترددة في عمل الكيراتين وكثقافة لكم...البعض تجربته ربما كانت جيدة لكن رجاءاً لا أحد يغلطني إلا بكلامي علمي وموثق...
12
3K

يلزم عليك تسجيل الدخول أولًا لكتابة تعليق.

تسجيل دخول

استالين
استالين
كلام سليم

واصلا الكيراتين لو تبحثين ف المواقع الاجنبية يطلع لك السمن والبيض والافوكادوا

لان عندهم معنى الكيراتين نفسه البروتين

ههههههههههههه

واحنا يالعرب مافي اغباء منا
1rooroo
1rooroo


بالعكسس :happy:
انا شعري جعد جدا جدا وحتى مشط الاسنان مايدخل فيه
ولاكن السنه الماضيه جربت اسوي كيراتين
و زبط معي
صار شعري يتمشط و اقدر استشورة و افرده :happy:
اما اول كان بالقوه يتمشط لا و يرجع يتعقد مره ثانيه
انا سويت الكيراتين في مشغل دنادن في جده بـ 1700 ريال
وبعد ما سويته اعطوني شامبو وبلسم الواحد بـ 150 ريال
الكيراتين مفروض الوحده تفكر قبل ماتسويه اذا كان شعرها مرررره جعد تسويه مافي مشكله
لاكن اذا كان يستشور و ينفرد عادي ويتمشط
وخصوصا انه خفيف ... راح يتضرر بقووووه
في وحده اعرفها شعرها جعد شوي
راحت سوت الكيراتين على طووووول صار له زي الي صار لك
ولو كانت حمدت ربي عليه كان احسن !:happy::happy:
الكيراتين بس للي مررررررررررره محتاجه له
وشكرا :happy:
أنا الحلوهـ أنا
انا سويت لبنتي كراتين معالج فقط خالي من ماده الفورماليد بالعكس شعرها مافرد بس صرت مااتعب بالتمشيط لانه راحت النفشه
وصار بسرعه يستشور
كل صباح للمدرسه معاناه معاها الحين الكل يسال حتى ابوها شعر البنت تغير لان سويته من غير مايدري لانه رافض فكره على باله انه تمليس
اقول لا انا طايحه فيه بلسم
مع ان كل شي مافاد كريمات شعر والبلسم اذا جات تروح مدرسه احط لها مثبت ومع هذا يكش
الحين ارتحت مره

ممكن النوع الي استخدمتيه ماكان اوكيه
Chill Out
Chill Out
للتوضيح كلمة ( خالي من الفورمالدهايد) غير صحيحة, قد لايحتوي على نفس المركب لكن يحتوي على فورمالين وmethylene glycol والذي يتحول الى غاز الفورمالدهايد عند تعرضه للحراارة والكلام هذا نصاً من موقع اوبرا
لأن الفورمالين هي السبب في حفظ الكيراتين فترة تصل للاشهر على الشعر.. وبعدم وجود الفورمالين يزول الكيراتين مع اول غسله



كلامي هنا عن حقيقة الكيراتين أعرضه للفائدة للي مترددة في عمل الكيراتين وكثقافة لكم...البعض تجربته ربما كانت جيدة لكن رجاءاً لا أحد يغلطني إلا بكلامي علمي وموثق...
طيبة الحجازي
طيبة الحجازي
شفت وحدة سوته مرتين
اول مرة ضبط
ثاني مرة تحزن فقدت كمية كبيرة من الشعر
لما تدني واطل في رأسها أشوف فراغات