من الأطفال إلى الحريم الكبار منفتنين بالجوال

مرحبا شي يقهرني في المجتمع وبقوة وهو الي تجلس معك وهي مارفعت عينها من جوالها احسه قلة احترام وشي ينرفز المشكلة ها العادة القبيحه منتشره مع الكل من الأطفال الي أعمارهم ٣ سنوات الحريم الكبار كافة الفئات العمرية الأطفال تودينهم لمولات وألعاب ومطاعم وحدائق وماكنهم يشوفون شي عيونهم في الجوالات طب ليش طالعين ولا اذا زرتي احد زي رحت لم استقبال وحده والده تخيلو جالسه على سريرها وترضع النونو وتلعب في جوالها ودخلت اختها وتسلم علينا سلام حار ومشتاقه لكم ومن ثم تجلس رجل على رجل ومدنقة على جوالها طلعت منهم وانا منقهرة ولا قريبة زوجي حرمة كبيرة رحت انا وعمتي نزورها وسلمت وعلى طول طاقة نظارات القراءة وتنغز في ها الجوال طول الوقت والي تسير على حمولتها وعندهم ناس وتجلس رجل على رجل وعلى الجوال والأشد والافنع من كذا الي تروح لم أهلها هي وعيالها وطول جلستها مع امها ماسكة جوالها وعيالها ايبادات ولاكن امها جالسه معها وهذا من العقوق طب ليش جايين ولا اخت زوجي اروح أسير عليهم قهوة مغرب نص ساعه وجالسه قدامي صنم على جوالها وماقد شفتها الا والسماعات في اذانها طب احترمني على الاقل انا منيب مطلوله ولا يوم اعزمت امي خالتي دخلت وهي وبناتها وعلى طول طلعو جوالاتهم وهي عطت جوالها بنتها الصغيره انا صراحه تقهرني ها الحركات انا صحيح عندي جوال واحب البرامج لكن مو مدح لنفسي مستحيل اذا سيرت على احد اطلع جوالي من الشنطه الا اذا ابتصل او لضرورة ومستحيل امي جالسه معي والتهي عنها بجوالي لاني ما ارضى بنتي تعاملني نفس الاسلوب وبعدين اقول اوكيه لاحقة على الجوال اذا رحت لبيتي لكن الناس صارو أعوذ بالله زادو عن الحد تطلعين تجتمعين معهم مافيه سوالف الا اصنام جوالات انا لو عندي بنت اقولها اذا بتعكفين على جوالك لا تروحين تسيرين مع ولا تخرجين عند الضيوف اجلسي بغرفتك ودي اذا شفت الي كذا امسك جوالها وصقعها فيه استغفر الله