من الاخت الحياه مبادئ

تكفون بنات ساعدوني الكمبيوتر عندي مش راضي ينزل موضوعي هو احيانا كذا تجيه حالات 
ابيكم تنزلونه في موضوع مستقل واكتبوا انه مني انا والله لو قدرت انزله كان نزلته بس حاوت كذا مره ومافيه فايده
موضوعي
كل اللي قالته فوضت امري الى الله
السلام عليكم ورحمة الله وبركاته 
يابنات قريبتي من بعد ماكانت سليطيه اصبحت الان معاقه , والله كانت تطنز على الناس بشكل رهيب غير طبيعي تؤذي اللي حواليها في وجههم وفي غيابهم وانا من الناس هذولا بس ما احب اكون شريره دائما اكون مسامحه والله العظيم يابنات ..
قبل حاوالي اسبوع اختي زهقت من تصرفات قريبتي وشدة اذائها رغم ان اختي من النوع الصامت نادر ماتكلم و لما خلاص وصلت معها وارتفع ضغطها صارت بس تقول افوض امري الى الله , حسبي الله ونعم الوكيل لما نسالها وش فيك ؟ تقول ماني قادره انسى اذاى فلانه لي ,والله ان صابتها حاله نفسيه ..
هذا من قبل اسبوع الى امس وهذي دعوتها ,اليوم هاديه مادعت, المهم والله العظيم اليوم زرت قريبتي لقيتها صارت معاقه , سالت وش السبب وش صار قالوا بدون سبب ..
والله يابنات انها تكسر الخاطر سالتهم من متى قالوا لها الان اسبوع , لاحول ولا قوة الا بالله ..
تكفون احذروا الظلم , ترى الظلم ظلمات يوم القيامه
والله اني صادقه في كلامي اللي قلته والله يشفينا ويشفي خلقه ولا يورينا عذابه..