من الاكلات الشعبية ((التمرية)) على طريقتي وبالصور ..

بسم الله الرحمن الرحيم

كيفكم بنات حواء ؟؟ وش مسوين مع البرد ؟؟ الله يعين بس

اليوم جايبة لكم حلى مع القهوة مثل الاكلات الشعبية (( الحنيني , والقشد ))وهذي أول مرة انزل طبق من تصويري الخاص ومن مقاديري ..

وسهل مرررررررررة ولا يبغى وقت وتعب .. (( ولا تدققون بالصور وآسفة على قلة جودتها لانها تصوير جوال وعلى السريع:unsure: ))

بسم الله نبدأ بالمقادير

المقـــادير :
كأس وربع سميد
ربع اصبع زبدة
كأس حليب (( ممكن حليب السعودية أو تذوبين 2ملعقة حليب جاف في كأس ماء))
تقريبا كأس تمر معجون (( حلى حسب نوع تمرك اذا كان حلو مرة او وسط )) أنا وسط

وهذي صورة للمقادير




نضع الزبدة على النار حتى تذوب ..




ثم نضيف السميد ونبدأ بالتحريك حتى يحتمي السميد .. تقريبا 2-3 دقائق (( انتبهي لا يشقر أبدا ))



ثم نسكب كأس الحليب عليه ونحركه فقط حتى يتجانس مع السميد



نضيف التمر المعجون ونحرك جيدا حتى يتداخل مع بعضه ((اذا حسينا الخليط لا ينخلط بسهولة نضيف قليل من الماء ))



وبكذا يكون خلص الحلى ..



وهذا شكله عند التقديم .. وبالهناء والعافية ..






اذا أعجبكم الطبق الرجاء الدعاء لي ولزوجي بالتوفيق وتيسير الأمور والذرية الصالحة ..