من البارح ضايق صدري وابكي من سمعت انه بيخطب

مرحبا خواتي انا عضوه معكم ودخلت من معرف اختي وصديقتها اعتبروني اختكم الصغيرة وواسوني وانصحوني لأني بجد تعبانه وابكي واختي مسافره وماقدر أقول لأمي
احس اني وحيده:icon33:
عمري 22 ستة وانخطبت كذا مره ورفضت واحيانا ابوي يرفضهم لأنهم مومناسبين
وانا امنيتي بس زوج صالح هذا أهم شئ عندي انه يكون ملتزم وأخلاقه طيبه
والحمدلله أنا انسانه ملتزمه عشان كذا مابي واحد فلتان لاصلاة ولاخوف من الله
ولاعمري فكرت بأحد معين ولاتمنيت احد
ومره بيوم جمعه كنت نايمه وحلمت بشاب من معارفنا هوانسان ملتزم وبحيااااااااااااااتي مافكرت فيه ولاجاء في بالي
واستغربت من الحلم وأرسلته لشيخ رد علي
أنه بشرى بزواجي من هذا الشخص
وبعد فترة كتبت حلمي في منتدى وفسره الشيخ أن الله بيجمعنا على كتاب الله وسنة نبيه
عاد أختكم في الله طاحت في حبه من غير ماااتحس
والله مدري كيف حبيته:icon33:
وظليت على هذا الحال شهور
والبارح أمي راحت لخالتي وقابلت أم الولد
وخالتي خبرت أمي أن ام الولد جايه تبي تاخذ خالتي معها يخطبون بنت خالي:09: هذي بنت خالي عمرها 34 وقبل يومين متقدم لها واحد ملتزم مطلق من بعيد مايقرب لنا ويمدحونه الله يرزقها بس مدري وافقت عليه أو لا
وانا امس جالسه مع أمي وقالت لي أنها جايه بتاخذ خالتي معها يخطبون لفلان أنصددددددددمت وتماسكت قدام أمي طبعا أمي مايجي في بالها ولاواحد بالميه أني أفكر فيه
ورحت لغرفتي أبكي وأبكي وصليت ركعتين
ياخواتي لاحد يقسي علي انا انسانه مؤمنه بالقدر وادري ان الخيره فيما اختاره الله لكن والله أني احس بحزززززززززن
أسأل الله أن يشرح صدري وصدوركم
اللي ترد أول وحده تقتبس الموضوع وتكبره ماعرفت أكبر الخط مدري وش فيه جهازي