من البارح مانمت جالسه افكر في قرار الطلاق

يابنات انا عمري 30 جامعيه حلوووه وطيوبه لي سنه من زواجي زوجي عمره 35 كان مطلق وعنده ولدين عايشين مع ام زوجي طلق زوجته واتزوج وحده معلمه اكبر منه عمرها 47 وسنه وانا الزوجه الثانيه والحمدالله ع النصيب
مشكلتي معه انه انسان نيااااته شينه ومغرووووووور وعنيد ومايحب الا نفسه المهم في بداية زواجي منه كان دايم يهيني ويتكلم علي وانا صابره واحيانا ازعل واحيان امشي الامور ومره حملت واتوحمت والله لايوريكم من يوم مااتوحمت الين الولاده وانا عند اهلي ماابغى البيت ولاابي زوجي بس ابكي وكنت خايفه من الاسقاط لو رجعت بيتي مع العلم حملت المره الاولى واسقطت كله من مشاكله واخلاقه معي المهم صارت مشاكل كبيررررره كان يدعي علي بالموت ومايصرف علي وانا حامل وتعالي شيلي عفشك من البيت كله كان ايام حملي وماقدر تعبي ومسجات بينا حتى لما ولدت بعمليه ماجاني في المستشفى دفع الحساب وراح بعد ماولدت حسيت نفسيتي استقرت وابوي نادى الرجال ونادى خاله وزوجي وتفاهمو على موضوعي ومن كلام الرجال المهم رجعت بيتي بعد ماشرط ابوي رضوه لي وكانت 5 الالاف بس كان بيدفعوه الثمن المهم ياليتني مارجعت زاد شره اكثر ويكلمني مع طرف خشمه ويقولي زي ماتركتيني 8 شهور راح اتركك يقصد في الفراش ومره قالي انتي ام ولدي وبس واحسه مكتفي عشان زوجته معلمه كل شي ع حسابها حسيت يقصد شي المهم قبل اسبوعين طلبت السوق ابي اشتري اغراض للولد نزل هو وخلاني لحالي في السياره سكت وقلت مشيها كان نفسي انزل معه بس مدام مااحترم رغبتي سكت ماابي المشاكل لما رحت عند اهلي اتصلت عليه قلت العربيه كبيره على ولد ماهي في سنه صغير عليها رد علي قالي انتي حماره انتي غبيه انتي هبلى ماتفهمين وسكر الخط بوجهي ارسلتله مو عيب عليك تقولي الكلام ذا قالي انتي قدمتي السبت وبتلاقين ايام الاسبوع كلها يعني بطلع عينك وانا مااخترت المناسب يقصدني المهم جلست ابكي ومحروقه ارسلتله انت انسان حاقد وادور الشر وانا انسانه ماتلزمني هذي الحياه وفرت عليك وفراقي اريح قام ارسلي بمرك المغرب بتروحين ردي منت رايحه لا تردين وفعلا مارديت لاني ماكنت ابي اروح البيت ونفسيتي تعبانه بعدها بيوم اتصلت عليه طنش اتصالي واليوم الثاني ماني فاضيلك وبعدها ارسلتله مسج ابي اتكلم معاك كلمني طنشني تعبت ابي اتفاهم معه ابي اطلع بقلبي مو سامحلي بعدها ارسلتله اذا ماتبيني كل واحد في الطريق قام ارسلي انا ابيكي قلت تعال خذني انت جبتني تعال خذني قالي براحتك وطنشني اسبوع ماجا اخذني والبارح ارسلت ابي اتفاهم معاك في مكان هادي قامم ارسلي قولي الي عندك برساله قلت ماينفع قام دق علي قالي اخلصي يالله وش عندك بنرفزه واخلاق زفت قلت مابي شي وانت انسان ولا شي وانا استاهل الي اطلب اتفاهم معاك وانت حاقرني قالي انا كل شي وغصبا عن اهلك وقفل الخط بوجهي ابي طلااااااااااقي ترى مره قالي انا رجعتك عشان الولد وربي عذااااااااب مع العلم مره اطيح عليه هو يكلم اخر الليل في غرفة النوم لما يشوفني يقفل الخط ولما اساله يقولي مايخصك ومالك صلاااح اي حياه مع ذا الرجااااال