فرناز @frnaz

عضوة شرف في عالم حواء

من البارح وانا افكر فيهم ؟؟ الله يصبرهم يارب ..

:26:

عارفين البارح واليوم وانا افكر بـ مين ؟؟؟؟

افكر وش احساس ام احمد الغامدي ( اللي قُتل ولدها )..

و الاسره اللي الاسبوع اللي فات فقدت 5 من ابناءها ،، اللي غرقوا ( 3 بنات و 2 اولاد )

يارب تصبرهم يارب .. مصيبه عن مصيبه تفرق ..

لا تنسونهم وادعوا ربي يصبرهم ويربط على قلوبهم ..

ويصبرنا على الدنيا فأكيد مافي شخص الا وقد جرب انه يفقد غالي .. وهذي الدنيا يا نـفقد او يـفقدونا ...

اسأل الله ان يرحم موتانا وموتاكم ويغفرلهم ويجمعنا بهم بالفردوس الاعلى ..

اتمنى نرضى بحياتنا مهما كان فيها من صعوبات .. نحمد الله ونشكره على نعمه التي لا تعد ولا تحصى ..

اذا نبي نرضى نتأمل شوي بأحوال من هم اشد منا ابتلاء ...؟؟ اسره من معارفنا صار عليهم حادث الجميع توفى

الام والاب والابناء ( 8 اشخاص ) راحوا بلمحة بصر .. مابقى منهم الا اللي بالبيت ماراحوا معهم ؟؟

آآآآه يالدنيا ولا ماتسوى شي ،، نحرص عليها و نزعل من امور لو فكرنا شوي لقيناها تافهه ..

اسأل الله ان يرضينا بالمكتوب وان يكون عون لنا في جميع امورنا ..

احيانا تقابلنا مشاكل اذا استسلمنا لها تفقدنا السعاده والراحه وتعيشنا بهموم ..

مثلا زوجك ابناءك يصومون ويفطرون على المسلسلات وغيرها مما لا يرضي الله .. اصبري وادعي لهم لعل الله ان يستجيب ويهديهم ..

فلا تتأزمي و توترين البيت .. اجعلي كلامك وتصرفاتك وهدوءك يحببهم بالالتزام ..

مشاكل مع اهل زوجك ،، كلام يجرحك ،، حاسه انك 24 ساعه وانت زعلانه ومتوتره وتفكري كيف تأخذي حقك وتردين عليهم ..

طيب وبعدين وش الحل ؟؟ معقول اهل الزوج يفقدونك سعادتك ؟؟

لا ياغاليه كوني اقوى .. ابعدي عن المشاكل .. واذا جت لحدك كوني انسانه عاقله ولا تنسي ان تستخيري الله بأي عمل قبل تقدمين عليه ..

مثلا نويتي تروحي لأخت زوجك وتاخذين حقك ؟؟؟ قبل تسوين هالتصرف صلي واستخيري وبعدها ربي بيكون معك

في تصرفك وبقولك وماراح تندمين على شي بعدها بأذن الله ..

عليك ضغط سواء برمضان او غيره وشغل كثير وناس ماتحس فيك ؟؟ احتسبي الاجر واصبري واحمدي الله وتأملي بباقي النعم اللي عندك وفكري باللي

عندها صعوبات اشد ..

تعانين من طليقك وتعامله وضغطه وظلمه عليك ،، يلعب بأعصابك ويهددك بأطفالك ،، ثقي ان الله اقوى وانه لا يرد دعوة المظلوم ..

و لا تنسي ان تكرري اللهم اكفنيه بما شئت .. فبقربك من الله و توكلك عليه ستشعري بالراحه ..

هذي بعض من المشاكل اللي تواجهنا ، وانا مجربه وما اتكلم الا بعد ما تأكدت ان التذمر والزعل ما يفيدنا بشي الا التعب النفسي ..

وثقي غاليتي ان بداية حل اي مشكله هو الرضا بقضاء الله ..

اقابل ناس ماشاء الله تبارك الله يشعرونك بالسعاده .. تشوفينهم كأن ماعندهم مشاكل وهموم .. ولكن الحقيقه غير ..

عندهم ابتلاءت ومشاكل والله انها تبكي الحجر ؟؟ لكنهم ناس صابرين راضين بما كتب الله لهم ،، وعارفين ان هذه الحياة

كلها صعوبات ومافيها راحه ،، فيعملون لآخرتهم ويرضون بما كتبه الله لهم ..

بالله لو انهم حزينين ويفكرون بحالهم ووضعهم وش بيفيد ؟؟ اسأل الله ان يجعلني واياكم من الصابرين المحتسبين ..

واخيرا لا تسمحي لأي شخص ان يفقدك سعادتك الداخليه .. مهما كانت تصرفاته مؤذيه ،،

كوني مع الله والجئي اليه في كل امورك ولن تندمي ..

اذا اردتي الراحه تعاملي مع من يؤذيك بما يرضي الله واياك ان تتعاملي بالمثل ...

117

يلزم عليك تسجيل الدخول أولًا لكتابة تعليق.

تسجيل دخول

عروسة حواء • 13 سنة

ربي ربي اسالك الفرج القريب

oOzahedhOo • 13 سنة

جزاك الله خير
والله يصبرهم ويكون في عونهم
والدنيا ماتسوى يبنات والظالم له يوم وربي يمهل ولايهمل
اذا انظلمتي قولي حسبي الله ونعم الوكيل تهد جبال
وريحوا انفسكم ولاتجلسون تفكرون وتشيلون وتحطون فالهم والانتقام وفالاخر ايامك محسوبه عليك
خسرتيها وخسرتي راحتك
اختي فرناز جزاك الله الف خير على هذا الموضوع وبارك فيك

قلبي فوووشي • 13 سنة

فرناز مشــــــــكوره ..مواضيعك تأثر فيني
جــزاكـ الله خـــير

لس55عة شقاوة • 13 سنة

الله يرحم والدينك يااارب

صيدلانية سنفورة • 13 سنة

جزاك الله خير
الحمد لله حمدا كثيرا طيبا كما يحب ربنا ويرضى