كوبونات الراقية تسجيل الدخول

ام ريان999

من الحق معه معاي والا معه تكفون انصفوني!!!!!

الأسرة والمجتمع •

مرحبا حوائياااااات فرجوا لي الله يفرج عليكم دنيا واخره
قبل شوي سوى
ابو الشبااااااااااب حركه صرت اطير من القهر وارجع ارد للارض احساس بداخلي صار يفور مررررررره مالكم بالطويله قبل المغرب جاني زوجي وقال اني عازم رجاجيل ابي قهوه وشاهي وقال صلحي معه حنيني مشتهيييه قلت انششالله مو مشكله عادي هاماك بتجلس بالبيت ماراح تسهر اوكي يهون مع انه قبل امس الاربعا بضو عازم رجاجيل ومسويه عشا معتبر المهم راحو الرجاجيل وطلع لي فوق قال انزلي الرجاجيل راحو اغسلي المواعين طبعا انا سويت كل شي له قهوته واشاهي والحنيني اللي طالبه وطلعت لغرفتي انا ساكنه عند اهله ببيت حموله قلت خلها بكره دوري بالغدا ابغسلها الصبح اذا صحيت مو عجز والله فيني بس حسيته يبي كذا يستقوي علي قبلها واهو عنده الرجال ماراحو دق علي جوال قال انزلي عطيني مكسرات بعدها دق قال انزلي جيبي سفره اكل بعدين قال انزلي غسلي مواعين الحنيني حافظه وصحون وفي الاخير ذلفو اللي عنده وطلع لي فوق وش يقول انزلي غسلي البيالات والفناجيل والترامس رديت حسيت اني من جد تعبت من طلباته قلت خلها ابغسلها الصبح قال شوفي والله ثم والله ان صحيت الصبح وعرفت بس ان اللي غسلها امي لاتلومين الا نفسك انا من طريقته ناظرته بطرف عين بس ولبست ونزلت اغسلها وطلعت ومن طلعت وهو يتميلح يبي يراضي ويسولف وكنه ماصار شي ويضحك وينكت وياعميررررررري يالحرمه من غير شعور انطلقت اسولف معه وياحلوها من سواليف وفجئه جا طاري وقلت اليوم استغربت من اخوك يناديني باام فلان واهو مو كبير لسى اول سنه له بالجامعه قلت مو انت اللي اتمنى اسمعها منك قال ايه ايه وهو يهز راسه وكنه تغير مزاجه وانا عند ربي صادقه جدا جااااف بالكلام المهم بعدها سالني قال اهومرت اخوي اللي ساكنه في نفس البيت تغطت من فلان يقصد اخوه اللي ناداني قلت ايه قال وانتي لا غريبه ليش تغطت قلت ماتدري يمكن رجلها مايبيها تفتش له لانهامن جد ماتستحي اذا فتشت فتشت مو بس الوجه الا الوجه والشعر حتى تفكه عنده وتلبس التنانير السكيني اللي تكون مطلعه شوي من رجلها والبنجابيات يعني بنطلون وتنزل به عيني عينك ولو نزلت غطت وجها بالجلال والشعرطالع من ورا
قلتله تغطت وليتها ماتغطت تغطى وتدق حنك معه عيب والله عيب قال ليه عيب انا ان قابلتني وانا طالع والا جالس ودخلت اسولف معها عادي او نازلها والا طالعه من الدرج وصادفتها تسلم علي وانا عاد اسئلها عن اخوي والا حمودي عادي مافيها شي ومن قال هالكلام وانا منجد طرطعت والله توني ادري منه قلت وليه وبحكم مين تطق حنك معها قال مرت اخوي كنها اختي عادي قلت لاياحبيبي من قال الحمو الموت انتي اللي ماعمري سمعتك مسويه كذا قلت عشاني منيب قويه وجه وبجيحه وماتربيت على هالشي اني اطاول الرجاجيل باللسان قال اهل حنا بيننا وبين بعض قلت ماعمري سمعت اخوك يسئلني وش اخبارك ياام فلان لانه بطبعه خجول ويستحي قال ان كان اهو ماسوى كذا انتي ابدي من عندك واسئليه وخذي واعطي معه قلت ياحبيبي اسمحلي ماتربيت على البجاحه قال هاااااه يعني مرت اخوي بجيحه قلت مو وحده ثنتين قال انا ماودي اتطاق وياك في تالي هالليول وصار يدافع عنها وكني انا بنت الجيران اللي مايعرفها وقام من مكانه قلت ايه يوم سمعتني تكلمت قمت قال ابروح ادخن الكلام معاااك ضايع وانا بكره عندي دوام ورجع وعطاني ضهره ونام وانا اطير من القهر وارجع ثاني بس ودي اصحيه واكمل مابردت حرتي بس تعوذت من الشيطان وطلعت من الغرفه هاذا جزاتي اكررف من اليوم كله عشانه وفي الاخير انا الكخه وغيري الصح مدري ليه احسه يبي يذلني وش السبب مو عارفه تكفووووون انا الصح والا غلطانه ووشش لون اتصرف معاه بكره اكلمه عادي والا ازعل عليه ووش لون اوقف بنت ابليس عن زوجي والله اعرف قصدها تميلح قدامه دايم تقولي زوجك عيونه طويله مو مثل زوجي الله لايخليني
ادعولي بانه ربي ينصرني على من ظلمني ويفرج همي ويسخر رجلي لي ويكفيني شر كل من كان فيه شر لي والا لبيتي وعيالي وادعولي بنات بالوظيفه تكفووووون الله يفرج همها من بترد علي
13
2K

يلزم عليك تسجيل الدخول أولًا لكتابة تعليق.

تسجيل دخول

محبة مكه
محبة مكه •
هذا عيب السكن مع بعض

بعدين انت كوني احسن منة ولا تجادلية ولعلمك هو يبغى يستفزك وبس
وانت ماصدقت يكلمك وتثوري
شفايف فراولـه 123
شفايف فراولـه 123 •
انا زيك ساكنه عند اهله
وياويلي لو امه تلمس شئ
:09:
بس محتسبه رب يفرجها
ولااا كلام السم اللي يجيك
منهم .. الله المستعان

الله يفرج لك حبيبتي :44:
شمعــ نهـارــة
شمعــ نهـارــة •



حسيت انه غار من اخوه وحب يستفزك ويردها لك
أم همام ^ـ^
أم همام ^ـ^ •
اذا تبين الحق !!
انت ما تغطي وجهكـ على سلفك !! مع انك تدري ان الحمو الموت
فانت غلطانه بهذا التصرف ؟؟ مهما كان ماله تبرير سلفك مثل اي رجل اجنبي عنكـ
بعدين وزوجكـ اللي بدخن ـ هداه الله ـ ما يجوز له ان يسولف وياخد ويعطي مع مرة اخوه ،، وكمان بشجعك انك تتحدثي مع سلفك !! الله المستعان
والله انا اشوف كلاكما غلطانين بهذه الامور وفي تساهل

نجد السبيعي
نجد السبيعي •
نفس الموقف الي صار لي


بس انا كنت نفاس وهو طاق حنك معها



بس تدرين وش سويت

قعدت ماكلمته 4 ايام


ووريتها هي العين الحمرا


صرت اقولها ترى الرجال مايحبون ولا يحترمون المره الي مافيها حيا


وهي فهمت


بس الحق معك فديتك


واقعدي لاتكلمينه


بس انتبهههههههي احد من اهله يحس ان بينكم شي


تصيرين زي مرت اخوي


حتى الشغاله تدري انهم متهاوشين


الله لايبلانا



الله يهدي سرك انتي وزوجك


وطمنينا عنك


مووووووووووووووووفقه