من الخبر إلى الدمام تجاربكم مع نقل مدينة السكن

السلام عليكم ورحمة الله وبركاته
جزاكن الله خير مقدماً
يمكن البعض يشوفه موضوع مو مهم لكنه عااااطفي بالنسبة لي
انا زوجي يصر اننا ننتقل إلى الدمام
الحين احنا في الخبر وسبب النقل ارتفاع الإيجار و قلة الجودة وعشان زوجي يقرب من مكان عمله وهذا هو الأهم عنده
انا زوجي يعمل خارج الخبر والدمام لكن الدمام أقرب لدوامه
نفسيا تعبت لاني مواليد الخبر وعشت فيها طول عمري ولي ذكريات هنا مع ابوي الله يرحمه وأهلي ربي يحفظهم
احس قلبي يعتصرررر و احس بخوف كبير هذي اعتبرها مدينتي الحبيبة الي ماعرفت غيرها كسكن دايم بالإضافة إلى ان اهلي هنا واعرف الشوارع
لما اطلع اقدر اتصرف بالخبر لاني الحمدلله اعرفها زين
لكن الدمام مااعرف الا قليل جدااااا
العروض في الدمام أفضل سعر و جودة لكن ما حبيت المكان
بالنسبة لي الخبر أجمل من الدمام كثير وفيها ترفيه أفضل
اليوم تناقشت معاه نقاش شوي عصبي و ما كملت النقاش
لكن تعب عليه المشوار هو لازم يكون قريب من عياله لكن ايش ذنبي انا ارتبط فيهم ... ربي يحفظهم هم مع امهم لكن انا وحدي بالبيت
بنات ايش تنصحوني أصر ابقى هنا واحاول أقنعه ولو بمشاكل؟
ولا اروح الدمام مع عدم رغبتي صح هي كلها نص ساعة
لكن تفرق معاي جدا جدا خاصة اني احيانا اطلع مشاويري لوحدي مع سواق وانا مطمنة لان اعرف الأماكن والمستشفيات هنا أفضل وانا اراجع هنا
كيف تجاربكم بالنقل والي مرت بمثل هالشي كيف حلت المشكلة؟ المسألة صارت عاطفية اولا و مادية ثانياً
وبنفس الوقت مشاويري الى هنا راح ادفع للسواق الدبل
يعني خسارة اموال بعد
تجاربكم يارب يرزقكم الفردوس ويريح بالكم