من الرياض لجدة برا

المسافه الف كيلو تقريبا
الوقت 8 ساعات تقريبا حسب السرعه والتوقيف
تاخذين قهوه وملحقاتها
والباقي الوضح الحين طيب جدا
المحطات متوفره وكثيره ويوجد بها كل شيء
وكذلك المطاعم والمقاهي متوفره على الطريق
اهم شيء دعاء السفر
والاذكار
وتاصلون بالسلامه

الطريق من الرياض لجده تقريبا 8 ساعات وحسب سرعة زوجك

اول شي عيالك لاتنومينهم بالبيت خلي نومتهم بالسياره يروح نص الطريق نوم

بعدين جيبي لهم حلويات واللعاب او قيم بوي للبنت تتلاها فيه والصغير الله يعينك بيطفش ويطفشك

بس انتي جيبيله لعبته المفضله ولاتخليه يجوع وكل ساعتين الى 3 ساعات وقفوهم شوي تغيير ومشي وصلاة عشان الملل

الاكل مافي شي بالطريق يشجع تشترينه انا بطبعي اسوي حلا وقهوة مثل دونات او بسبوسه او شي ممكن مايحوسني بالطريق

واسوي فطاير من بيتي او اذا مامداني اشتري صينية فطاير جاهزه مع ترمس شاهي وعصيرات وكل مانجوع ناكل منها

وطبعا لاتنسين المكسرات تسليكم وقت الطريق

والعيال ضبطي لهم جلسه ورا ينامون فيها ويرتاحون وانتي تتفرغين لابو العيال قهوه شاهي عصير سواليف

واهم شي حصني نفسك وعيالك واقري الورد اليومي وحاولو اذا انتم مسكتين تشغلون قران او محاضرات او اذاعة القران

وامشو بالنهار عشان تتفرجون على ربوع بلادي :)

على فكره فيه طريقين واحد من الرياض للطايف لجده هذا اقرب واوسع صدر

وفيه من الرياض للمدينه لجده هذا طويل حبتين وممل خصوصا القصيم المدينه جديد ومافي محطات

<< خبرت خطوط ههههههههههههههههههههههه

واي استفسار انا جاهزه

الصغار ركبي لهم في السيارة شاشه ونوعي بالاشرطه من اناشيد ومواهب وافكار وافلام كرتون ولاتشغلينه الا اذا بدوا يطفشون من السيارة ...

واذا ماعندك ممكن تحملين لهم مقاطع مسلية في الاب توب ..


الله يعينك على الطريق ...

الله يوصلكم بسلامه

مشكورين حبايبي الله يجزاكم كل الخير عني ياااااااااااااااااااارب