انا حامل في شهري الأخير و ثقلانه و فيني زلال
مشكلتي لما أركب السياره رايحين مكان و اتصلت ام زوجي نمرها
نأخذها مكان لازم انزل واركب ورى وتجي تركب هي
حتى لو المشوار من البيت الين البقاله
احس تصرفها يقهر لازم انزل بنتي من حضني واشيل شنطتي واركب ورى
والله يوم اني ولدت ببنتي وقت خروجي من المستشفى جات مع زوجي
و اخذت بنتي وركبت قدام وانا ورى والخياطة تألمني ماعرفت اجلس او شسوي
لان المقعد القدام اقدر اخليه ينزل شوي و أصير منسدحه شوي
وزوجي لازم أمه تركب قدام انا والله عادي ماادقق في هالامور بس فيه ظروف
ما تراعيها أمه ولا زوجي المصون
والمشكلة هالمره يقول انتي بتكونين تعبانه بجيب امي تطلع المولود عنك
:eek: نفس الحكايه تنعاد وانا هالمره طالبه خياطه تجميليه بعد الولاده يعني ألم اكثر
ولا أتحمل الجلوس ورى ياربي ايش اسوي
اللي عندها حل تقولي ؟ وهل انا حساسه والا اللي أشوفه في نظري هو الصح ؟
يلزم عليك تسجيل الدخول أولًا لكتابة تعليق.
اميره بيتي
•
خلاص دامه يوم واحد تحملي ولك اجر واشوف انها طيبه جايه تشيل المولود عنك والله وين تلقين ام زوج كذا
و انا اختك سهليها تسهل و صعبيها تصعب
احتسبي الاجر و اتحملي و اجرك ع الله
صعبة بيني و بينك امه ورا يوم واحد بس او بالاصح لحظة وحدة بسسس ^^
و الله يسهل عليك ولادتك
احتسبي الاجر و اتحملي و اجرك ع الله
صعبة بيني و بينك امه ورا يوم واحد بس او بالاصح لحظة وحدة بسسس ^^
و الله يسهل عليك ولادتك
منجو
•
الشكوى لله يابنت الحلال خلاص مابيدك حل غير ترضين بالأمر الواقع
يعني مارح يقول لأمه لا تجين ولا ماراح نمرك ولا لاتركبين قدام
يعني مارح يقول لأمه لا تجين ولا ماراح نمرك ولا لاتركبين قدام
الصفحة الأخيرة