ظلع @thlaa

محررة برونزية

من الصدمه رحت واتصلت عليها

صباح الخير
انا تعرفوني من كثر ما كتبت لكم عن حالي انا عمري 32 غير متزوجه المهم السالفه وما فيها ان لي صديقه نقول اسمها مثلا سحر انا واياها اكثر من الاخوات وكانت اسرارها عندي واسراري عندها وكنت دائم اقولها اني اكره احد يجيبلي معدد او معيل خاصه اذا كان شايب واكره ما عندي اذا جلسو يقنعوني ويقولون انت كبيره ومن يبيك ومالك الا زي ها النوعيه ايعني كنت اذا سمعت مثل عبارات ها التجريح اتصل علبها واقعد افضفض لها وهي كانت تهديني وتخفف علي وارتاح وكانت تقولي ارمي كلام الناس ورى ظهرك اذكر مره اتصلت علي وحده تشاورني عن اخو زوجها كبير في السن ويبغى يعدد انا قلت ما يصلح واخذت الحرمه تقولي انت كبيره وانت وانت ولازم تقبلين وما ادري ايش انا خلاص تحطمت وعلى طول اتصلت بصديقتي سحر وفضفضت لها وبكيت وجلست تهديني ساعه كامله يعني بختصار انا اذا ضاق صدري من ها الشي الي مسبب لي عقده افضفض لها وهي دائما تفضفض لي عن ما يضايقها
المهم اليوم تفاجئة ان امها ما ادري اختها داقه على امي وحنا ما بيننا اي علاقه ولا معرفه وتقول للوالده انه فيه واحد في اواخر الخمسين وعياله متزوجين وشرايكم فيه انا من حقي اني ارفض بكل سهوله ولاهم بيغصبوني لكن انصدمت قلت الحين صديقتي هذي عارفه ان هذا الشي مسبب لي عقده وياما بكيت عندها واتصلت عليها وانا متضايقه واخرتها تجيبلي شايب شايب شايب يعني اشد وافنع وش قصتها ها البنت هل هي نسايه او الدعوه عناد او نجاسه ليش تسوي كذا المهم قلت وش رايي اتصل عليها واعرف وش السالفه معقوله ما تعرفني
واتصل على سحر وكانت عند اهلها وراحت لغرفتها وقلتلها ان امك تو اتصلت على امي قالت عارفه قلت وانا منضايقه ونبرة صوتي حاده بس يا سحر انا مستغربه وشلون تجيبونلي شايب يعني كنك ما تعرفيني او هل يعني عمري في الثلاثين قالو اهلك ما لها الا ها الشويب احس الي يسوي لي كذا كنه يقلل من قيمتي وشلون كذا
سحر هذه حلفت ايمان مغلظه انها لاهي ولا اهلها لهم دخل في الموضوع ولا ذكروني لها الشايب ولا يحزنون قلت كيف بعني قالت ان اخوي الكبير يجتمع مع ربعه في استراحه ومنهم ها الشايب وكان يبي يتزوج والرجاجيل في الاستراحه كانو يتحدثون عنك قلت عني كيف يعني من اي ناحيه قلت انك بنت عاقله ومتربيه ودخل اخوي علينا وقال كلمو اهل البنت وامي راحت وكلمتكم
والشي الثاني ترى والله واخذت تحلف ان لا اهلي ولا الرجاجيل في الاستراحه يعرفون عمرك ولا تتعقدين ولا شي
وتصدقين انه توه خطب بنت اختي وهي ام 18 وكانت البنت ميته تبيه تقول ما ابي شاب ابي معدد وكبير واهلها فرحو به بس شافها الرويه الشرعيه وقال سمينه وفيها وما فيها ولا والله اهلها ميتين عليه والناس بس يهدون له بناتهم وهن اعمارهن 17 و8 1
انا قلت معقوله احس ان مافيه زود شايب وماديته عادي
وان اقول بنفسي ان سالفة ان الناس يهدونله بناتهم وان بنت اختها ام 8 1 ميته هي واهلها تبيه مع انه عاب فيها وقال دبه وشينه ومع ذالك هي واهلها ميتين عليه ما دخلت فكري احس في الامر كذبه يعني معقوله بنت ام18 او 17 هي واهلها يموتون بشايب وهو سوى فيهم كذا مو معقوله ابدا
وانا يا بنات احس اني متضايقه من الي حصل ونفسيتي زوفت
واخيرا يا بنات ترى ما احلل ما احلل اي وحده تدخل وتكتب لي وتنصحني بمعدد او معيل وتقول ما تدرين يمكن المعدد هو الي يسعدك قلت ما احلل ما احلل

109

11K

يلزم عليك تسجيل الدخول أولًا لكتابة تعليق.

تسجيل دخول

bnt 511 roq • 13 سنة

ادعي + استغفري
مو بس دعاء الاستغفار يجلب الرزق

والله يزوجك باللي تتمنينه واكثر
يارب يجيك شاب اعزب متدين محافظ على نفسه وعاف نفسه عن الحرام
المشكلة مش فيك المشكلة في عزوف الشباب عن الزواج مدري وش فيهم هونو
علشان كذا مايجيك الا المتزوج

يعني المشكلة موش فيك المشكلة بالشباب الباردين نايمين في بيوتهم

لمى20 • 13 سنة

ما بقولك تزوجي معدد
بس بتكلم عن نفسي انا لو عمري 30 سنه ومابعد تزوجت وتقدم لي معدد بوافق
العمر يمضي وانا ابي عيال
مو مهم يكون شاب او شايب المهم يكون عندي عيال بكرا اذا كبرت القاهم حوالي
الشايب ممكن يلبي كل طلباتي ويسعدني بعكس الشاب الي بيكون غالباً عايش على قد حاله
مره ثانيه بقولك انا اتكلم عن نفسي ما اقولك اقبلي بمعدد
انتي حره بنفسك

الله يوفقك ويسعدك ويحقق لك الي في بالك يارب

أميرة الورد الجوري • 13 سنة

ياقلبي ادعي ربك ان يرزقك بالزوج الشاب الصالح ولا يهمك كلام الناس خليك واثقه من نفسك ولساتك صغيره بالسن مو كبيره
عيشي حياتك

لمى20 • 13 سنة

bnt 511 roq :

ادعي + استغفري مو بس دعاء الاستغفار يجلب الرزق والله يزوجك باللي تتمنينه واكثر يارب يجيك شاب اعزب متدين محافظ على نفسه وعاف نفسه عن الحرام المشكلة مش فيك المشكلة في عزوف الشباب عن الزواج مدري وش فيهم هونو علشان كذا مايجيك الا المتزوج يعني المشكلة موش فيك المشكلة بالشباب الباردين نايمين في بيوتهم

ادعي + استغفري مو بس دعاء الاستغفار يجلب الرزق والله يزوجك باللي تتمنينه واكثر يارب يجيك شاب...

عندك اخوي عمره 25 ومتوظف وامي تحاولي فيه بين كل فتره وفتره تقول بخطب لك
لكن يرفض يقول مابي الحين بعدين وهو رافض الفكررره نهائي
قبل ماكنت مهتمه وكنت اقول بكيفه هو ولد متى مابغى يتزوج يتزوج
بس لما شفت مشكله العوانس وكثرتهم
احس ودي امسكه وازوجه اليوم قبل بكرا
ابيه ينقذ فتاة من العنوسه :(

نوووووور 2009 • 13 سنة

والله يااختي جبتيها على الجرح الله على كل شي قدير احسني ظنك بالله راح تاخذين مثل ماتتمنين القضيه اختي من جو واتركي كلام الناس ظني بربك راح يعطيك ظنك