فيه مثل شعبي يقول (حرّص منه ولا تخونه) وطبعاَ هذا يقي من الصدمات والأفعال

التي انتشرت من الخادمات .....! لكن ياأخت ((حنين)) انتي تدعين الى التساهل معهم

وذلك هو الخطأ الذي وقع في الكثير من النساء فنجد المرأة تمنحها السلطة على

مملكتها الخاصه حتى في التفاصيل وصولاً الى غرفة النوم !!! انا لا ادعوا الى التشدد

مع الخادمه وإنما فلنتبع ماأختار خير البشرية علية افضل الصوات في قولة: ( خير

الأمور اوسطها ...) ... ولو لاحظنا أيضاَ أن سلبيات الخادمة الأندونسية أصبحت تغلب على

الجنسيات الأخرى ..!! ,,,هذا والله أعلم

صادقة والله أسرار 100%
ونحن لا نعمم ... ولكنها للأسف ظاهرة ....
ظاهرة قدومهم بأرقام هاتف أكثر من الأرقام الموجودة في نوتاتنا ...
ظاهرة هروبهم بلا رادع ..
بالتأكيد هناك من لهم أسباب ...ولكن الأغلبية العظمى معروفة أسبابهم ...
ولا تخفى على أحد ....
يعني المواطن المسكين يتحمل تكلفة الاستقدام ...وتجي الواحدة منهن مرتبة نفسها على الهروب في أول فرصة ...وتشتغل ولما تجي تسافر ...تسافر بدون أي عقاب ....
وتقضي إجازتها وتعاود الكرة ويستخدمها مسكين آخر وتهرب منه وتروح وتجني الألوف على حسابه ..
كل هذا والقوانين تحميهم ...
وكأنه لا وجود لشيء أسمه بصمة الكترونية يمكن عن طريقها معرفة الهاربة من بصمتها ...
تاريخ هروبها عند المغادرة ..مسائلتها وين كانت إذا كانت حجتها إساءة المعاملة ... طيب فين راحت وعند مين أشتغلت .....وليش ما راحت سفارتها إذا كانت صحيح مظلومة .... وتعمم البصمة بحيث ما يسمح لها بالدخول مرة ثانية المملكة ....والله إحنا المواطنين ما عندنا الحرية اللي عندهم ...يتنقلون من منطقة لمنطقة ما تعرفي كيف ...أيش وسائلهم ..من اللي يسهل لهم .....وإحنا نخاف نسافر بدون البطاقات والإثبااتات ...

كان عندنا شغالة ...ويشهد الله يشهد الله اني كنت أخاف الله فيها... لها وقتها وراحتها ..
أكلها ينغرف قبلنا ... لوازمها وطلباتها مجابة أول بأول ...
المهم يوم هربت ..وتركت رسالة ... قالت فيها أنها آسفة بس هي عندها صداع وتعبانة وعشان كذا هربت ...وهي تحب ماما والأولاد وما أدري ايش

المهم قبل شهر بالضبط وبعد مرور 5 سنوات على هروبها ... يتصل واحد من الترحيل في الرياض ..( نحن في جدة ).وعلى جوالي ... الهانم أعطته رقمي حسب ما قال .. المهم قلت له نعم كانت عندنا وهربت من 5 سنين وما عندنا بالطبع أي أوراق لها .. ترحلوها ... ولا تخلوها مالنا شغل فيها ..طلب رقم محضر التبليغ بالهروب ..طبعاً ما كان موجود ...
المهم قلنا له ويش لنا فيها وانتهى الموضوع
الغريب انهم يطالبون بحقوقهم ..طيب فين حق المواطن اللي استقدم ودفع من دم قلبه ...وبعدين تروح هي وتجني الأرباح على ظهره وحسابه ولما تمل تروح بكل بساطة للترحيل ويرحلوها وهي الكسبانة ....
أنا معك أختي صاحبة الموضوع أن هناك إفتراء في الشغالات من قبل البعض ...
أعرف ناس والله العظيم الشغالة قدامها الحلى والأكل ما تذوق منه شي..إن طلع لها جناح دجاجة خير ..حتى الرز يعطوها كأنهم يعدونه عليها ...,والشغالة ما تلاقي اكثر من ست ساعات نوم في اليوم كله ان مو اقل...
بس مو الكل ..والعجيب أن هذه الفئة شغالاتهم راضيات ومستكنات....ويشتغلون أضعاف المطلوب منهم
والله العظيم ومو من باب التفاخر أنا عندي ثلاث شغالات (( وانا في شقة .. شقة مو فيلا يعني ))واحدة اندونسية على كفالتي واثنين حبوش من هنا ..,أنا أعلم أن هذا خطأوأن في هذا تشجيع مني على تشغيل هذه العمالة لكن ايش الحل تعبنا من الاستقدام والهروب وبعدين نحن ندور ونبلغ ونتعب وهي تكون راحت بيت ثاني ولا الله اعلم مع مين وتتهنى على حسابنا ... أختصرنا الموضوع وجبنا من هنا بالذات هنا في جدة تقعد كم شهرالشغالة وتهرب ....بس واحدة ربي بارك لي فيها وقعدت وطلعت طيبة .....
المهم بس بسبب ظروفي مع الوالد يدخل المستشفى أيام وأسابيع وأنا مرافقته تكون معاي الاندونيسية والأثنين في البيت يراعون الاولاد
وطبعا عشان الإجازة الاسبوعية خليتهم اثنينهم بحيث تروح واحدة تكون الثانية موجودة بالبيت
وأخليهم يروحون السوق ...والبقالة ويطبخو اللي يتمنوه ... ووالله ماني خالصة
حرررررررررررررب ضروس بينهم ... ...والله يستر من خروجهم في الإجازات وبلاويهم ...والله خوف حتى من أمراض ممكن تكون فيهم وحنا ما ندري...
والأثنين ..ولا هوانم جاردن سيتي .. يصحون الساعة عشرة وأنا أخرج عملي الساعة سبعة وعيني عليهم وهم فاتحين المكيف ونايمين إلى الساعة الحادية عشر
الأكل والمقاضي ما نشوفها إذا ما لحقنا عليها وسألنا عنها تروح من ثاني يوم تختفي ...ولاأحاول اسالهم أو أجرح شعورهم أقول يالله مو مشكلة .... والله الواحدة جات شكل والآن شكل ..والآن نحن على وشك أستقدم مرة ثانية من أندونبيسيا والله يستر ...

عندي زميلة في العمل تقول ذبحوني بالأسحار أستقدمت 5 هذه السنتين بس كل واحدة تجي مع سحرها ...
سواقنا هرب مع شغالة الجيران وكنا نقول عنها الله عليها .... الله يبارك لها على رعايتها ربة البيت العجوز ...
أتضح انها عملت علاقة مع السواق وكانوا آخذين راحتهم من ورانا والآن هي هربت معاه وعايشين في تبات ونبات ..ونحن في ورطات ..ما يعلم بها إلا الله
مدارس ...عمل ..مستشفى ..
الله يعلم بحالنا مع مشاوير المدارس وزوجي وعمله وذهاب الوالد 3 مرات للغسيل الكلوي في المستشفى ...

ما نقول إلا حسبنا الله ونعم الوكيل ...
ولكن هذا ما يعني اننا ما نتقي الله فيهم وعند الله الحساب
آآآآآآآآآآآآآه ...
موضوع أثار شجوني ...طلعت المستخبي ...
مشكورة أختي على موضوعك وعلى نيتك الطيبة بس المستخبي أكثر ترى

لافض فوووووووووووووك ياحنين

بالفعل تفيض المجالس بذكرهن وذكر سيئاتهن وكم من حسنه

كسبنها من ألسنتهتن وكم من سيئه قذفت في صحيفة من جارت عليهن

بالظلم أنا هنا لأ أزكي جميع الخادمات ولكن لتنظر كل من أساءت لها الخادمه

ماذا قدمت لها وهي ماذا قدمت لها بالمقابل ثم لنصصح العباره

والمضمون



أحبتي أذكر مر على شريط كيف نعامل الخادمات لأحد المشائخ

وكان من ضمن ماأختتم به ان تحاول ربة المنزل توديعها كما يجب

بأن تحللها وتبيحها وأن تهدي لها غير ماأعطتها من مستحقات

وإن تقبلها فيكفي أنها أختها فالإسلام ولايمنع أن تهديها شهادة

شكر وتقدير وعرفان على ماصنعت عندك تقدمها لربة المنزل الجديده إذا عادت مره أخرى

بالفعل كان شريط يجعلنا نحاسب أنفسنا ألف مره لنتعامل مع هذه الشريحه


وجوزيت الجنه حبيبتي

بصراحه قرات اكثر من موضوع عن الخادمات وكنت ابغا ارد واقول ان فيه بعض الاسر بتقهر الخادمات ولكن بصراحه كنت لااكتب لااني كنت اقرء تعليقات بعض العضوات بلهجوم علي العضوة التي تدافع عن الشغاله
بصراحه يااخت حنين انتي هتجعليني اتكلم عن شيء شفته امام عيني عن صديقه لي ساحبه خادمتها في كل مكان تذهب اليه - كنت عامله عشاء لبعض صديقاتي وكانت واحدة منهن عندها شغاله وجات عندي وبعد العشاء واتقهونا الغساله عندي مليانه صحون وطلبت من شغالتها انها تدخل مطبخي وتنظف وترتب وتغسل الصحون بعد طبعا العزومه هيه بتعمل كدة عشان ترضيني واني مااتعب بعد مايمشون وطبعا انا رفضت انها تدخل مطبخي وتغسل وتنظف وقلت لها اني انا بسوي كل هذا بعد ماتمشون ردت صديقه اخري وقالت لي اتركيها تنظف وخلينا حنا نتونس ببعض عشان بعد مانطلع تنامين مو لسه هتنظفي لما بتيجي عندي بتخلي شغالتها تعمل نفس الشيء اش فيها يعني (وانا رفضت للمرة الثانيه وسكرت باب المطبخ وقلت لها شغالتها جايبتها عشانه هي مو عشان كل ماتروح بيت الشغاله تقوم فيه) بيحصل فعلا انه فيه بعض الاسر وليس الكل طبعا بيكون قاسين مع الشغالات
مشكورة كتير علي موضوعك عشان اتحتي لي اني تكلمت وشجعتيني صراحه

بسم الله الرحمن الرحيم
السلام عليكم ورحمة الله وبركاته..
لون الغيم..
جزاك الله خيراً..
انا لاادعو الى التساهل معهم ابدا وذكرت انه لابد من الرقابة عليهم ولكن مع الرفق وعدم الترفع هو المطلوب..
ففي اسر كثيرة ادى بهم التساهل الى ما لا يحمد عقباه..
واما ماذكرت من أن سلبيات الجنسية الإنونسية تغلب على الاخرى فاعتقد من وجهة نظري لأن هذا الجنس هو الأكثر في السعودية...

*.*.*.حنيــــن*.*.*