يا اختي الله يهديك ويصلحك الواضح ان زوجك صادق معاك ما يكذب لو في تيته شيء كان غير كلمة السر حق أيميله عشان لا تدخلين وتشوفي شيء يفضحه المسألة كلها سببها غيرتك الزائدة راح تتعبي حالك وتحولي حياتك لجحيم أحسني الظن به والحمد لله رده كان معقول يعني ما أثنى على الصورة أو كاتب الموضوع وهذا يوضح حسن نواياه
بعدين تعالي شوية نفترض إن شكك صحيح لا سمح الله هذه أول زلة لزوجك وإنت الحمد لله تمدحين فيه وفي الثقة اللي بينكم فحتى لو تأكدت مئة بالمئة إن شكك في محلة غضي بصرك هذه المرة واحمدي الله على النعمة وأكثري له من الدعاء بالصلاح والهداية ولا تجعلي الشيطان يكرهك في زوجك حبيبك أو يهز ثقتك به كوني عونا لزوجك ولا تكوني عونا للشيطان على زوجك
أسأل الله أن يديم عليكم المحبة والوفاق

ياشيحه كبري عقلك ..ولاتهدمين بيتك بالغيره الزايده ..

واحمدي ربك جالس يناقشك ويتودد لك ويطيب خاطرك والاغيره كان قال راضيه والا طسي بيت اهلك ..وسوي اللي تبين ..انا واثق من نفسي ..

وكويس انك عارفه الباسورد حق ايميله ولاتفتحين عيونه على اشياء يجهلها.. حسسيه انك واثقه من نفسك وانك افضل من هالنساء العاريات كفايه دينك وحجابك ..

انتي غلطانه ميه بالميه اسمحي لي اختي..

زوجك انسان محترم ومؤدب

انتي مبالغة مرره وبتصرفاتك هذي بتطيرين الرجال اجل في حرمه تقوم زوجها من النوم عشان موضوع بايخ جداااا يختي في رجال عندهم بلاوي اكثر

يآ حبيبتي ..
أعانك الله على ما انت فيه ..
أكيد اللي تحسي فيه شي مو سهل ..
بس أحب أقولك من وجة نظري ...
أكيد زوجك هو الغلطان ... ( بس مو بالشكل اللي تتصورينه )
وأنتي ما تنلامين .. خاصة وانه صاحب سلوك مستقيم ولله الحمد والمنة ..
يآعمري .. الرجال فتح المنتدى اللي تقولي عنه سواءا بالصدفة أو بمشورة على ما قال لك ..
طبيعي من الرجل حب الاستطلاع في هذي المواضيع ..
الرجل تشددددددده هذي المواضيع .. وبشدة .. بغض النظر عن قوة تمسكه بدينه ,,
يعني لما فتح الصورة .. وحس انه مشدود ليشوفها ..(( شي طبيعي ))
بس الحين راح تقولين كيف حل المشكلة ..

والحل بوجهة نظري ..
يبدو من كلامك ان زوجك محترم .. وبينكم التقدير
فبشئ من العقلانية والتفاهم ..تقدري تحلي هذا الموضوع ..
الحين اللي راح خلاص .. شي وانتهى ...
تفاهمي معاه .. وبروح محبة .. ان يكون بينكم اتفاق لانك مازلتي في بدايات سنوات الزواج انه يقطع عهد على نفسه .. انه مايسجل بهذي المنتديات ولا يطالع لهذي الصور
وكلميه ان كل شي تسويه راح تشوووووووووووووفه بذريتك
فبصلاحكم .. يصلح ابناؤكم .. بإذن الله
أما سالفة انه ما عرف ان الصور ماتظهر إلا بردود .. معليش هذي أحسها تلفيقة ..

الله يصلح بينكم ..