وليه زوجك طفل تنبشين وراه ليه ماله خصوصيه يعني انتي بتسوين ولي عليه بدل مايصير هو ولي عليك استغفري ترى مايجوز شرعا تتبعين ورى احد

ابقولك شي لو زوجك عنده شي يخفيه عنك ما قعد يحلف لك ..كان غير الرقم السري حق ايميله وقلبها عليك وقال ليش تنبشين وراي

انا معك انها صدمه بالنسبة لك وحسيتي انها خيانه لكن خلاص عديها هالمرة وانسي الموضوع ومااتوقع انه راح يتكرر مرة ثانية لانه عرف وجهة نظرك

الله يشفيك ويصبر زوجك عليك .... اجل كرهتيه ..... انتي اصلا تبين تصيدين اي شي علشان تسوين مشكله ... وتشبعين غرورك وتخلينه يتعذر ويترجى ...

بكره بتجين تكتبين موضوع ان زوجك غير الباسوورد تبع ايميله والا سوى له ايميل جديد وتولولين وتصيحين علينا

الي سويتيه نقص في العقل لااكثر يعني هو واثق فيك ومعطيك ايميله وصارحك بكل شي واعتذر رجعتي تعيدين وتزيدين في السالفه ترأ بكره بيمل ويطفش منك وهاذا وجهي اذا ماغير ايميله او الباس وخلاك تنهبلين صدق

احمدي ربك في حريم مايعرفون ايملات ازواجهم والله العظيم وانتي سجل في منتدى ولاماسجل تراقبينه وتتجسسين عليه
الله يعينك على نفسك صراحه فتحتي على نفسك ابواب مسكره ماراح ترتاحين من الشك والخوف طول عمرك بتصيرين تلاحقينه وتراقبينه لين يطفش منك وتشوفين الوجه الثاني له !!!!

وانا اقرا سالفتك حاااااااااامت كبدي منك وحسيتك غثيثه وحقنه وتدورين النكد لو هو في المريخ وشلون زوجك

طريقتك اسمحي لي تنفر ترضين هو يفتح على ملفك بالمنتدى ويقرا كل مواضيعك وردودك
معليش ترا هو يقدر يوم تقومينه يقولك ايه وش دخلك وش بتسوين يعني بس هو الله يجزاه خير مبين انه يحترمك مايبي يفشلك
لا تخلين الشك يدخل حياتك
وبما انك ملتزمه ترا مايجوز التجسس