الفصل الرابع عشر

عيونك اخر آمالي وليلي اطول من اليم
كيف القى كلام عذب يوصف داخل احساسي
عشقتك قبل ما اشوفك وشفتك صرت كلي حلم
ابي رمشك يغطيني وابيك اقرب من انفاسي
هجم علي بشراسه...ماكان طبيعي بالمرة..كأنه مهتاج..فمه مسعبل وكل مافيه يخوف..صوت لهاثه وانفاسه المقرفة...ولون عيونه...ووضعيته بالهجوم ....وصوت نباحه الغريب..هذا مو بوبي المسالم اللي دوم اسمع صوته...هذا شيطان متلبس فيه...

صررررخت بذعر..بجنون...بأعلى صوت...لصقت بالجدار...حاولت احمي نفسي بكل شي القاه..رميت عليه تحف كثيرة وحتى الاباجورة الكبيرة الضخمة..لكــــــــنه ما تأثر حجمه كبير...وثقيل وهو يطب فوقي..ويغرز انيابه فيني..

بدأ ينشب اسنانه بجسمي وبكل مكان بعنف..مثل الاسد الجايع اللي اخيرا لقى الفريسة...كان يعض ساقي...ثم يتركها ويطلع لفخذي..وبعدها يرجع لايدي اللي احتمي فيها واحاول اغطي عيوني عن مخالبه...

صوتي انبح من كثر ما اصرخ....ماكنت احس بالـــــــــــــم...فعلا فقدت الاحساس بالالم وهاذا من رحمة رب العالمين... الخوف هو اللي حركني..ايه كنت خايفه...مو متالمه....خايفه من الموت.. من التشوه..من المرض..هذا كلب مسعور.. او متوحش...يعني بكل بساطه..إذا ما مت يمكن ينقل لي المرض...

رافست بقوة..عشان اخليه يبعد عن وجهي وصدري..وانقلبت على بطني..فهجم على ظهري.. وآآآآآآآآآآآآآآآه.. حسيت بمخالبة تنغرز بظهري من عند رقبتي لآخر شي...

شفت بصيص امل..انا لازم ارمي نفسي من الشباك الكبير اللي قدامي...زحفت وانا اقاوم كل الآلام اللي احس فيها...ابي افتح الشباك ابي ارمي حالي..على الاقل راح اطيح في المسبح..يعني بأذن الله ماراح اموت...او يمكن اموت..لكــــن مو مهم..اهم شي ما اموت بهالطريقة البشعه...
لكن..الكلب كان اقوى مني ومنعني اتحرك واهو...يعض رجولي وسيقاني باقوى ماعنده...كان صراع قوي...صراع القوة مع الضعف..صراع الانسان مع حيوان بري مهتاج...صراعي انا مع حظي اللي كل ماله ويردى اكثر..

سمعت صوت مرتفع عند الباب...وشفت قفل الباب يدور كذا مرة بدون ما ينفتح...سمعت اصوات مختلطه..وماقدرت اميز صوت مين؟؟...كان الباب يتحرك بقوة..وكأنه بينكسر..

جاتني قوة اكبر..قوة التشبث بالحياة...حاولت ارفس الكلب على خشمه...لكنه عضني بقوة...زحفت مو مهتمة باسنانه اللي بتقطع لحمي..وصلت عند الشباك اخيرا..مسكت الاباجورة الكبيرة اللي طايحه على الارض..وكسرت فيها القزاز بقوة...

عيوووونه...آآآآآآآآآآه لو تدرون كيف عيونـــــــــــــــــــه؟؟؟

رفع وافي راسه يوم سمع كسر القزاز...وقف يطالعني مفجوع..وبفمه السيجارة متدلية..
مديت ايدي له...لا شعوريا...وصرخت فيه يساااعدني...
جا بوبي فوقي وبيعض وجهي ...وحاولت ابعده عني قد ما اقدر..جمعت كل القوة اللي فيني..وحاولت ازيحه...لكن وكأنه جبل ما يتزحزح...قووووووي....
حسيت اني خلاص راح اطيح....بس قطعني قزاز الشباك المتهشم..حاولت اني اقلبه عشان هو يطيح على الاقل...لكن ولا كأني قمت باي مجهود..
بالعكس انسعر اكثر..آآآآآآآآآآآآآآآآآآآآآه....
رميت نفسي من الشباك على الارض..بعد مارفست بوبي باقوى ماعندي على وجهه...كان تحت غرفتي في زي التل مزروع بمختلف انواع الورد...حضنتني الورود باشواكها..وحسيت بالموت والاشواك تنغرز فيني من كل صوب..وتدحرجت وطحت بالمسبح...

رافست بقوة داخل الماء مدة ثواني بس..لأن وافي رمى نفسه بالموية وسحبني خارجها...ضميته... بقوة وانا اصيح.. حتى بعد ماطلعني من المسبح..جلست متعلقة فيه...كنت مصدومة..لدرجة اني نسيت ان هذا وافي..اللي يكرهني...اللي ممكن يحور اي حدث يصير باللي يناسب عقله المريض.. كنت اصارخ وانا اغرز اظافري بلحم رقبته وانا ضامته بقوة..كنت ارتجف واقول كلام مو مترابط..وانا اشوف بوبي ينبح بشراسه ويستعد انه يقفز علينا..
: آآآآه..شو..شوفه..الكلب..آآآآآآآآآآي..را..ح..يذبحن. .ي..
وضمتيه اكثر وانا اصيح واقول كلام متقطع..كان قلبي يعورني..وجسمي ينزف بغزارة..وملابسي متقطعه لكني ما اهتميت..ابي احس بالامان..
قالي وافي وهو يبعدني عنه شوي: لازم ناخذك المستشفى..
هزيت راسي وانا اصيح..قلتله وانا اتوسله وابكي: اناااا..خا...خااااااااااااااااايفه..اااااه...
ومسكت يدينه بقوة احاول اهدي نفسي وانا اتنافض الم وذعر وخوف..
لاحظت ان وافي مرعوب..وفي عيونه لمعة غريبة..مسح دموعي باصابعه الطويلة السمرا..ولاحظت انه يدور شي في جيبه..وطلع منديل..واخذ يمسح الدم اللي بوجهي..وبرقبتي..
جلس لحظات يطالعني...لاحظت ان في عيونه تردد..كأنه يبي يسوي شي لكنه خايف..ارتعشت شفايفي اكثر..وصرخت بقوة..وانا اشوف بوبي..يرمي نفسه خارج الشباك..تعلقت بوافي بقوة..وانا اصيح ولا افكر باي شي ثاني..غير اني خااااااايفه ...حيل...

كنت لحظات رهيبه..لا يمكن قلمي يوصفها..لو اننا في فيلم سينمائي..كان شفتوني البطلة القوية الغير مرعوبة..اللي بتدور سكين او قطعة خشب او مسدس عشان تذبح هالمتوحش...لكن الحقيقة دايم غير...

رفعت راسي فجأة..ولاحظت سلطان كان واقف عند الشباك..لاحظت بعيونه صدمة وهو يشوفني متعلقة بوافي..نظرة سلطان..نظرته.. الالـــــــــــــــم بعيونه..الطعون اللي في قلبه.. الدمعه اللي ترقرت بعينه...رجعتني للواقع..بعدت عن وافي بسرعه وكأن أفعى لدغتني.. انتبه لي وافي.. فر راسه يطالع مكان نظرتي...انتبه لسلطان..فلاحظت انه وقف..وصرخ بسلطان...بقوة : تعاااااااال تحت.." وراح بعد عني وركض عشان يجيب شي... رفعت راسي لسلطان..لقيته اختفى وشفت عفرا وعمتي نورا مفجوعات والرعب مبيض وجيههم..وكأنهم شايفات اشباح..
طالعت ببوبي...برعب..اخيرا تحرر من الاشواك والورد..صرررخت برعب...و نسيت كل شي يتعلق بسلطان وانا اتراجع وراي ويديني تالمني بسبب القزاز اللي فيها...
رجع بوبي وهجم علي من جديد..غطيت وجهي وتكورت على نفسي..وانا عارفة انها النهاية...
بس..
طاااخ...طاااخ...
صوت الرصاص دوى وهو يخترق صدر بوبي..اللي كان فوقي قاعد يعضني بشراسه... ويسحب يديني من فوق راسي..
حسيت بالدم الحار على جسمي ويديني....بعدته عني وانا اصرخ بقرف..وبخوف..تلمست جسمي بجنون..وكأني اتاكد إذا فقدت جزء مني او لا..
رفعت راسي للي اطلق النار..كان وافي...: انت بخير؟؟..."
سؤال سخيف مو؟؟..لكن تصدقون ان قلبي دق بقوة لهالسؤال السخيف... وحسيت بالخجل من تصرفاتي الطفولية فصديت عنه بعنف..وانا ارتعش..واحاول ابعد عن بوبي اللي قاعد ينزف...بقوة..ويحرك جسمه بالم...
سمعت اصوات ركض البنات وصراخهم..وهم يجون يضموني بقوة...وكل وحده تطمن علي بطريقتها...شفت روعه..تضم بوبي بقوة..وتصيح بحرارة عليه..ضميت عفرا بقوة..وقعدت ارتعش وانا احس بدوخه قوية..شفت سلطان يطالعني من بعيد..فضميت عفرا بقوة..وحاولت اني اخبي وجهي عنه..جسمي كان كله طالع..انتبهت عفرا لحركتي..فاشرت لسلطان انه يبعد...
جا عمي..وقال وهو يوقف قريب وينادي...: جورج...جهز سيااااااااارة.."
قالت عمتي نورا وهي تطالع بعمي: بروح معكم؟؟؟..."
صرخ عمي بروعه اللي قاعده تبوس بوبي اللي لسه مالفظ روحه: اترررررركيه...
هزت راسها بحزن: يتألـــــــــــــــــــــم يا عمي..( وضمت الكلب اقوى)..
جا عمي سحبها بقوة وقال وهو معصب: يا غبيه هذا مسعووووور...
قالت سماح وهي تبعد شعري عن وجهي وتمسك يدي: لا ياعمي...بوبي مو مسعور..بوبي ياخذ تطعيمه كل سنة عن السعار..
جات ميران اخيرا... على صراخنا....كانت لابسه برمودا عنابي ضيق..وقميص اخضر انيق..ومتمكيجة ومرتبة شعرها...ولاحظت الصدمه بوجهها..وهي تطالعني وتطالع الكلب..وصررخت وهي تشوف الكلب يئن..: بوووووووووبي..
وراحت ضمته بقوووووووة واخذت تصيح بحرارة...: مين اللي ذبحه؟؟...مييييين؟؟؟..
طالعتها عفرا بحقد..وضمتني اقوى...: كيف تحسين؟؟...
مارديت عليها...لأني غمضت عيوني..صرخ عمي فيني..: لا تنااامين...
وحط يدينه تحت رقبتي..والثانية تحت ركبي وشالني..
لحقته عفرا وصرخت: بجي معاك..."
سماح: وانااااا بعد....

في المستشفى

دخل فيني عمي مبنى الطوارىء في مستشفى(.......) وكان يركض بسرعه...بينما راح سلطان عشان يسجل اسمي..ويدفع تكاليف الكشوفات المبدئية....وسماح وعفرا لاحظت انهم محتارين يجون وراي ولا يجلسون يم سلطان...

اول ما شافتني الممرضة والدم ينزل من جسمي من كل مكان...صرخت بالممرضات الثانيات عشان يجيبون سرير..ولاحظت كيف دخول عمي اثار فيهم الرعب..خصوصا ثوبه اللي امتلى دم..وحتى وجهه بسبب ايديني..انا ما انكر..انه لو ان ابوي..ماكان سوى اكثر من كذا...كنت اسمع دقاقت قلبه المرتعبه..وصوته المهتز وهو يوجه الاوامر ويصارخ بالموظفين والدكاتره عشان يجون ويشوفون حالتي... وصرخ بالممرضة..: اعتقد الكلب مسعور...لازم تعطونها الحقن المضاده..." طالعت فيه الممرضة الفليبينه وراحت تركض بسرعه عشان ترسل وحده تآخذ تحليل لدمي..

كنت خلال هالاحداث احاول اتماسك..لكن الالم كان يقتلني بكل ثانية...واستغربت كيف اني ما حسيت بالالم خلال ذيك اللحظات..بينما هالحين احس كأن الموت قاعد يحوم حول راسي...
حطني عمي على سرير ابيض نظيف...وشفت الممرضات مفجوعات وهم يطالعوني...وجا واحد من الدكاتره بسرعه...شكله خليجي...يمكن سعودي...او قطري..ما ادري....والممرضة قاعد تسحب سريري مدري وين...

قال لوحده من الممرضات ولعمي: خذي منه الحاله.."
بعدين كمل بصرامه وهو يطالع بعمي:الله يعافيك وقف هني..مانقدر ندخلك"
وسحبوني لداخل غرفة زرقاء كئيبه.. كلها ريحة كلور..سببت لي الغثيان..لاحظت بطرف عيني..المقصات والسكاكين..فصرخت فيهم...وانا ارتجف...: لااااااااااااااااااااا"
انا اخاف...اخاف من العمليات...مسكوني ثنين من الممرضين وواحد من الدكاتره عشان يثبتوني..حاولت اقاومهم وانا مرعوووبة..انا ما احتاج عملية..ما احتااااااااااااااااج".....
...سمعت الطبيب يصرخ في واحد من الممرضين..عشان يطلب لي تحليل دم بسرعه...وقاموا ثنتين من الممرضات..يقصون لي ملابسي والعباية..لأنهم مايقدرون يفصخونها لي وانا بهاذي الحالة...
حسيت بابرة قوية مرة..تنغرز فيني...ولاحظت ان الممرضين بعدوا عني..وتشوشت الرؤية قدام عيني..وحاولت اقاوم المخدر..وانا اشوف الدكتور يلبس ملابس العملية..لالالا..إلا العملية الله يخليكم...إلا هي...!!!


الساعه 3:00م

ابتسمت بتعب وانا احس بالضوء الدافي لاشعة الشمس على وجهي..فتحت عيوني ببطء...الشمس ... آآآآآآآآآآه يا حلو دفاها...خصوصا مع هوى المكيفات اللي يهد البدن...لفيت البطانية اكثر على جسمي..
تطلعت بتعب بالمكان من حولي وانا مقطبة حواجبي..آآآه...المستشفى.. طالعت بيديني وبرجولي وبكل جزء من جسمي ملفوف بشاش..طالعه كأني مومياء مصرية قديمة..هههههه...تنهدت وانا ارتجف على ذكر ذاك الكلب الشرس المجنون..

حسيت بجفاف بحلقي..ابي ماء...تمنيت وحده من الممرضات تدخل علي...لكن مرت دقايق بدون محد يشرف..قررت اني انا تصرف بنفسي واطلع اجيب لي كاس ماء..
شلت البطانية عن جسمي..وتحركت ببطء..ووقفت مترنحة..ايييي...كأن لي ايام ما مشيت...جلست من جديد على السرير مو قادرة اتحرك..او امشي..صرخت بيأس وبصوت خافت..معقولة صار المستشفى شقيق ايامي..لازم بين كل محطه ومحطه في حياتي اوقف هنا..في هالغرفة البيضاء الكئيبة..اللي تملاها ريحة الكلور القوي...ووجيه الممرضات الغاضبات من كل شيء ولا شيء...

مضت ثواني..وسمعت الباب يفتح...وكانت ممرضة فليبينه قصيرة ونحيفه...ووراها وحده مصرية..طويلة ومليانه...كانوا مبتسمات...
الفليبينة وهي شايلة باقة ورد احمر عملاقة: Good morning...Miss
المصرية وهي تأشر للفليبينة: There...In the crystal vase...
راحت الفليبينة ووقفت قريب من الفازة الكريستال واخذت تطلع منها ورد مجفف ما انتبهت لوجوده..واخذت تشيل الاكياس من حول بوكيه الورد..وترصهم حبة..حبة...في الفازة الانيقة...
قالت المصرية وهي تبتسم: يا ست ملكه...انت لازم ترتاحي..."
: ليش؟؟...آآه..اقصد..الورد؟؟" ورفعت حاجبي لها بنبرة متسائلة...
ابتسمت وهي تشيل رجولي وتساعدني اتمدد من جديد..بس اتسوي لي المخدات عشان اتسند عليهم..
قالت وهي تضحك مبسوطة: ده راجل جميل خالص...ده مارتحش يا ست ملكه..طول وئته( وقته) وهو يدور وينطط عاوز يشوفك...وانا سمحتلو يدخل كزا مرة...
وكملت وهي تغمز: ده انت محزوزة ( محظوظة) يا ست ملكه....ده جوزي ( زوجي) مافكرش يتطمن عليا( علي) من ست شهور..
عضيت على شفايفي..مساعد..آآآه يا مساعد..ليش تسوي كذا؟؟..انت قاعد تذبحني بالحيا؟؟..مالك نصيب عندي..ولا لي حظ معك..ليش قاعد تذر الملح على الجروح اللي احاول اتجاهلها من عرفتك!!...ليش تزيد ذنوبك..وتعصي ربك؟؟...ليش تحملني فوق طاقتي؟؟..
امتلت عيوني دموع....وانسابت براحه فوق خدي....
الممرضة المصرية: ايه ده؟؟....لالالا..ياست ملكه..دنا حزعل كده... ماخلاص..ليه الدموع؟؟؟..
سفهتها ومارديت وقاعدت اشاهق..وانتفض..وضميت المخده بقوة...
قالت الممرضة الفليبينة:she has 2 sleep...
هزت لها المصرية راسها باسى..وقامت تربت على شعري الطويل بحنان...حنان مفتقدته من زمان..ضميتها بقوة..وقعدت ابكي بحرارة اكثر وصوتي يعلى اكثر واكثر..
وبعدها بلحظات دخل الدكتور علي..ومعاه ابرة..وسحبوني من حظن الممرضة المصرية وثبتوني على السرير واعطوني حقنة منومة..


كنت اسمعهم...اسمع كلامهم بس مو قادرة ارد عليهم..مو قادرة افتح عيوني...بس حوارهم وصلني واضح...وااضح لدرجة اني كرهت اسمعه...
عمي سعود وصوته حزين: هذا هو الحل الوحيد....مانقدر نسوي شي ثاني...
عمتي نورا وهي تبكي وصوتها قريب مني: انت تقضى عليها يا سعود..تقضى عليها...عارف ايش يعني مريضة نفسية...عارف ايش يعني هالشي يتسجل بملفها..معناة انها عمرها ماراح تقدر تمارس حياتها بشكل طبيعي...
واخذت تبكي بحرارة..
قال عمي سعود وصوت خطواتها وهو يقرب مني وصوته يعلى ويعلى: انت عارفة ان الدكتور وراني...صور فضيعه لجسمها...
صرخت عمتي نورا: يمكن من الكلـــــــــــب؟؟؟؟؟
عمي سعود وصوته يهتز: ياليــــــــــــــــت....ياليت..يا نورا...لكن لالالا...هاذي صور تعذيب..هاذي صور تثبت انها كانت تمارس هالشي على نفسها بزياده...تخيلي حتى اعقا السجاير كانت تطفيها بظهرها وببطنها...
عمتي نورا وهي تحاول انها تتماسك: هاذي يتيمة يا سعوود...مين راح يعتني فيها غيرنا؟؟....كيف نرميها للسجن النفسي؟؟...كيــــــــــــــف؟؟...ما تخاف ربك.....؟؟...ما تذكر الآية اللي تقول" فأما اليتيم فلا تقهر"
عمي سعود بعصبية: شسوي؟؟...شسوي؟؟..تبينها تموت في بيتنا..تموووت..بكره احنا اللي بنكون مسؤولين يا نورا عنها قدام رب العالمين..
عمتي نورا وهي تتكلم بيأس وصوتها راح من كثر الصياح: عااارفة..لكن مو المستشفى النفسي.. مو المستشفى...
حاولت اتكلم..افتح فمي..اعترض...لكن لا...ماقدرت..حتى اني احرك شفايفي..او اصرخ فيهم واقول...تبون ترموني هناك...عند المجانين..انا مو مجنونة..انا سليمة..انا معافاة...اتحدى اكبر راس فيكم يكون عقله مثل عقلي..لكن..المنوم والمخدر اللي بجسمي كان اقوى مني..



عفرا تكلم سلطان بغضب: حرااام..عليك انك تدخل هني وتشوفها..اهي ميب محرم لك..
صرخ سلطان فيها: حراااام عليك انت...ملكه...راح تفارقنا للابد..راح تروح ولا راح اقدر اسمع صوتها..او اسولف معها..او حتى امتع عيوني بشوفة عيونها...
عفرا وصوتها يهتز: انا عارفة يا سلطان...حاولت اتدخل كثير..لكن ولاحياة لمن تنادي....
سلطان وهو يصرخ بيأس: بس اهي ما تستاهل...حتى لو كانت مجنونة..انا راضي اني آخذها.. راضي فيها مثل ماتكون...بس ابووووي...( وكمل وهو معصب) اي عم هذا؟؟...اي عم هذا اللي يرمي بنت اخوه الوحيده اللي باقية من ريحة اهله بالنار..ويقول انا قاعد اعالجها...
بكت عفرا بحرارة: آآآآآآآآه....ماراح اقدر اتزوج...وملكه ميب معي..ماراح اقدر ارجع لحياتي وملكه بعيده عني..
تحركت بيأس على سريري وفتحت عيوني..كنت بناديهم لكني شفت..سلطان وهو يضم عفرا ويسحبها لبراا...لا تروحون الله يخليكم...قلتها فقلبي لكن ماقدرت اصرخ فيها!!!


قمت من النوم...والشمس على وشك تغرب..حسيت بجمسي متكسر...وشفت الممرضة تزين لي الفازة حقت الورد بورد جديد....التفتت علي يوم سمعت صوتي المبحوح..وقالت بفرح: I'll tell the Doc.
وراحت تركض قبل لا اطلب منها كاسة ماء...
رجع الدكتور بعد لحظات..وابتسم لي..فرديت له الابتسامة وقلت بصراحه: ماء..ابي كاسة ماء..
قال وهو يأشر للمرضات: طبعا..وليش لا...Give her a glass of water
قلت للدكتور مباشرة وبدون لف ودوران: دكتور...انا شفيني؟؟...ليش مقعديني هنا؟؟..
طالع الدكتور فيني..من خلال نظراته الطبية..حسيت بالرعب من نظراته الغريبة...
قال مستغرب: ماتتزكريء شيء؟؟...
قلت له: إلا..قصدك بوبي؟؟..
الدكتور: بوبي؟؟...
: قصدي الكلب..الكلب المسعور الللي هجم علي...
الدكتور وهو يحط يدينه داخل جيوبه: آآآه.....بس الكلب مش مسعور..ده متوحش...يعني اكلو حاجه نية واتوحش...
قطبت حواجبي بحزن: مات؟؟..
تنهد الدكتور: للاسف ايوا...ئتلوه..وحتى لمن اخدوه البيطري..قتلو قتل رحيم...لأنه حيضل كده foreverعلى حد علمي..
هزيت راسي...
الدكتور بشك: بس انتي مش جالسه هنا...عشان الكلب...
رفعت راسي وكأني تذكرت شي: ايه...انا مو مجنونة...
الدكتور وهو يمشي خطوتين بعيد عني: بس انت مريضة..ومحتاجه علاج...
: انا فعلا يا دكتور..ما اعرف شلون هالاثار جت بجسمي؟؟...ولا كنت احس فيها إلا إذا قمت من النوم..
قطب الدكتور حواجبي وقال باسف: يبدوا لي ان الحاله متقدمه جدا...
ضميت نفسي: عمي...حيوديني هناك..عند المجانين...
قرب الدكتور مني وحط ايده على كتفي: ده الحل المسالي( المثالي) يا ملكه..سدئيني( صدقيني) كل مرض وليه علاج.. وانت مردك( مرضك) منتشر جدا في امريكا..يعني حتتعالجي بفترة قياسية...
فركت جبيني بحزن: بس..مافيه علاج ثاني؟؟؟...
طالع فيني الكتور وقال بصراحه: لو جيتي من الاول...وماخبيتيش..كان ممكن نساعدك هنا بالامارات..بس دلوئتي مالكيش إلا U.S
وطالع بساعته وكمل: على العموم..حتجلسي يومين..هنا..لحد ما نتاكد من شفائك بالكامل..وحنسفرك لأمريكا...
وراح...طالعت باظافري...خلاص يا ملكه.. قرروا عنك وخلصوا..يعني ماله داعي الدموع.. وتعب القلب...بعدين انت لازم تشفين وتتعالجين..لأنك يمكن بيوم تنتحري...وانت ماتبين تنتهين بالنار...انت تبين تدخلين الجنة بعد كل هالكفاح على وجه الارض.. وعمي اكيد ماختارلي إلا الانسب من وجهة نظره وانا اثق ببعد نظره..


حسيت بايد حنونة صغيرة..تبوس ايدي...
ريما بنعومة صوتها الحلو: ملوكه..انا احبج..وماراح انساج...يبتلك علوستي...(باربي) عسب تسليك لالحتي بعيد عنا...
فتحت عيوني وابتسمت لريما وضميتها بقوة..وقامت تبكي رغم ان عقلها الصغير ماقدر يفهم الامور او يحللها لكنها بكت...بكت بصدق وباحاسيس متدفقة...
قلتلها وانا ابتسم بتعب: ريمااا..لا تبكين...بعدين تنتفخ شفايفك وتصيرين وععععع..
قالت وهي تمسح دموعها:ليس بتلوحين؟؟...انا احبج..
داعبت شعرها الناعم: وانا احبك بعد...بس لازم اروح...
اعطتني عروستها وكيس صغير وقالت: هاذي علوستي..وفساتينها....خليها معج..عشان تحميج مثل ماكانت تحرسني..
هزيت لها راسي وضميت العروسة بقوة...
سمعت صوت الباب ينفتح..ودخلت علي سماح..
كانت واقفة بعيد..تطالعني وبعيونها لمعة غريبة..لا تكون الشفقة؟؟...
قلت لها: حيا الله سماح..اقلطي...المكان مكانك...
دخلت سماح اللي كانت لابسه بس عبايتها ومخلية شعرها منسدل مثل ماهو بحرية..جلست قريب مني..وقالت لريما: ريما عيوني..روحي جيبي لي عصير من البراده اللي بالسيب...
هزت ريما راسها وهي تاخذ فلوس من سماح وتركض برا..
مسكت سماح ايدي بقوة وقالت بجدية ماتعودتها منها: طالبي بحقك...لا تستكتين..لا تخلينهم يصلخونك وانت حية..
قلت لها وانا ابتسم: سماح....سمعت مخططاتهم كلها..حتى لو توسلت ماراح يفيد شي..هم مخططين وخالصين..حتى انهم كلموا شهار بالطايف..وكانوا..ناووين يرسلوني هناك...بس..
قالت وهي تمتلي عيونها دموع وكأنها تحسبني ما ادري: اهم بيرسلونك لامريكا يا ملكه..لبلاد الغربة...راح تشوفين الموت هناك...الموت..
كملت سماح واهي تماسك وترفع اطراف عبايتها لحظنها: انا وعفرا سووينا اضراب خلال الاسبوع اللي فات حرمنا انفسنا من الاكل..ومن الطلعه..ومن كل شي....لكن ..كأنك يابو زيد ماغزيت..ولا فاد فعمك شي..
كملت واهي تطالع باظافرها: حتى ميران اعترضت معنا...
قلت وانا مستغربة: ميرااان؟؟..اعترضت..ليش؟؟...
سماح واهي تهز كتوفها: لأن اختي مهما كانت شريرة بنظرك..فجواتها قلب مايعرف الشر...لكنها تحب تقلد الناس اللي تحبهم...صدقيني ميران غير بدرية...والله غير...
حبيت اغير الموضوع: ووين روعه؟؟؟..
سماح واهي ترجع دموعها: ماتبي تشوفك ضعيفة...ماتبي تشوفك للمرررة الاخييييرة..آآآآآآآآه...
مسكت ايد سماح بقوة وقلت بتفاؤل: سماح لا تبكين...يمكن فيها خيرة..انا صليت الاستخارة امس بالليل...واحس اني مرتاحه للعلاج..انا فعلا مريضة ومحتاجه للعلاج...تصوري بكرة لو تزوجت وانا كذا..وش ممكن اسوي لزوجي؟؟..او لعيالي؟؟..او لنفسي وانا حامل؟؟..
سماح وهي تصرخ: لا تخلينهم يقنعونك بكذا....
: اقنعوا او ما اقنعوا...هذا هو الصدق..يا سماح..انا مريضة نفسيا..واحاول اثبت وجودي بهالطريقة...انا راضية اني اتعالج..وراح ارجع باذن الله...
سماح وهي تبكي وتغمض عيونها بقوة: يزيد..مرة مريييض..يزيد يحبك يا ملكه..يحبك..!!
ابتسمت لها وانا متفاجئة: على كثر اللي يحبوني....مافيهم واحد قدر ينقذني من مصيري يا سماح.. خلي اخوك يدور على بنت تحبه وتسعده..بنت قوية..اقوى من انها تاذي نفسها عشان تثبت ذاتها..
وكملت بصدق: وسلطان...سلطان يا سماح..لازم ينساني...لااااااازم...
سماح واهي تمسح دموعها: شلون بينساك يا ملكه؟؟...سلطان تارك البيت له يومين..يقول انه ماهو قادر يدخله...يقول ان صوتك بكل مكان يرن حوله...ووافي راح...سافر..اتوقع اهو بعد متاثر...
كنت بضحك ..وافي متاثر...ياحليلك يا سماح...
: تحبينه؟؟...
طالعتني سماح مصدومة..وقالت بصدق:مين؟؟..سلطان...
هزيت راسي لها بمعني ايه..
لاااا...ما احبه يا ملكه...سلطان اخ بالنسبة لي وبعدها صديق....اللي تحب سلطان اهي ميران..بس للصراحه حتى ميران ماراح تقدر تخليه ينساك..
سكت ولا قدرت اقول كلمة....ضمتني سماح بقوة ووقفت يوم دخلت ريما وهي ماسكة علبة عصير برتقال...
ريما وهي تلهث:يبته لك..( وناولته سماح)
التفتت علي سماح وقالت وهي تبوسني على راسي: استودعك الله الذي لا تضيع ودائعه..
ضمتني ريما بقوة..ولا تركتني...فحاولت سماح انها تسحبها..لكنها صرخت تبكي بصوت مرتفع...: آآآآآآآآآآآآآآآآآآآآآع....آآآآآآآآآآآآآآآآآآآآآآآآ آع...
حاولت سماح انها تسحبها فاشرت لها انها تخليها علي..
مسحت على راس ريما اللي كانت ضامتني بقوة..ومتلعقة برقبتي: ريماااا..وش قلنا؟؟..
ريما وهي تشاهق وتضمني اقوى: مابي الوح عنج....مااابي...
دمعت عيوني وعضيت على شفايفي المرتجفة: ريما حبيبتي..لاتزعليني منك...
هزت ريما راسها بقوة وهي تدفنه بصدري: مااابي...ماااااابي...خليهم يلوحون ويتلوكني معج...
ضميتها بقوة مرة واشرت لسماح تسحبها..
اسحبتها سماح بقوة..وريما ترافس وتبكي وتمد ايدها لي...ضميت نفسي بقوة..وانا اشوف سماح قدرت اخيرا على ريما وشالتها لبرا..وسمعت صوت صراخ ريما وهم يبعدون عن غرفتي... سكرت اذاني بقوة..وضميت مخدتي وانا ارتجف وادفن نفسي بقوة واحاول اني ما افكر ببعد بكرة...
اليوم هو اليوم الاخير لي بالمستشفى...واليوم الأخير ل بالامارات كلها..وبالوطن العربي كله من المحيط للخليج....
فكرت بيأس وانا اطل من الشباك...ياااه صعبة افارق وطني الثاني...مو كافي فارقت السعودية...ارجع واعود وافارق امارات الخير....
مديت ايدي خارج الشباك وكأني بلمس الهواء..عشان اتذكر ملمسه وريحته ونسماته الدافية..
تنفست بعمق واخذت اكبر كم من الهوا داخل صدري...وزفرت ببطء...وعيوني مليانه دموع... لا مابي اخر يوم لي في بيت عمي يكون يوم مأساوي..راح اضحك واسولف وبنشر البهجة في البيت..عشان يتذكروني بالخير....

قاطعت افكاري دقة على الباب..وشفت عفرا وهي تدخل ببطء..ابتسمت لي ابتسامة واسعه وهي تشوفني واقفة...وجات جري وضمتني..." الحمدالله على السلامة يالغالية...بينور البيت برجعتج..."
: الله يخليك...من ذوقك عفاري..
عفرا وهي تنتهد: اممم..لا ذوق ولا غيره...قوليلي..تبيني اسعادج ولا تقدرين تلبسين بروحج؟"
قلت وانا اضحك: وش دعوة؟؟..مو معاقة انا..اقدر البس بروحي..
تنهدت عفاري وهي تعطيني الكيسة: جبتلج ملابس اي كلام...لأني صحيت متاخرة من النوم.. وما امداني اروق واختارلج على رواق يا قميل( جميل بالمصري)..
: هههههههههههه....مو لازم..موب رايحه لحفل..برجع البيت..يله...عطيني مقفاك طال عمرك.. ابي البس..
عفاري: هههههههه....طيب...ناديني إذا خلصتي..
وطلعت.شفت عبايتها تتطاير مع نسمة الهواء القوية اللي جات فجأة..
سكرت الباب وراها..
والتفت انا للكيس..طلعت منه الملابس اللي هي عبارة عن بنطلون جينز كحلي وتي شيرت ابيض نعوم...
لبستهم بصعوبة...لأن كل جزء بجسمي يالمني موووووت...وبعد ماخلصت من هالتجربة الفضيعه..ناديت على عفرا..
: عفاااااااري...تعالي...
انتظرت ثواني ودخلت عفاري...وكانت عيونها مدمعة...
عفاري وهي تاخذ نفس عميق: شلون راح انزل السوق لوحدي؟؟..شلون راح ادخل غرفتج؟؟...شلون راح اشوف ورودج؟؟...
كتمت عبرتي..انا تدربت كثير على مثل هالموقف..
قلت وانا ابتسم ابتسامة واسعه: هههههههه....يا ساتر..نسيتي سماح وروعه وميران وبدرية...عندك بدالي اربع..لابد بيعوضونك عن غيابي...
عفاري وهي تمسح خشمها بعنف: ماحد يقدر يعوضني عن الاخت اللي تمنيت وجودها من زمااان..عن الاخت اللي ماتغار مني..واللي تحفظ اسراري وتوقف معي إذا كنت صادقة..وتوقف ضدي إذا كنت غلطانه...
ماقدرت ابتسم حتى وانا احاول..برقت عيوني..وضميتها بقوة وقعدت اصيح واشاهق...
صدق شلون راح انساهم...شلون راح انسى هبال عفرا...وحنان سماح...وطيبة سلطان...ورجولة محمد...ودلع ريما...آآآآآآآآآآآآآه ياربي صبرني...صبرني على هالبلوى..قويني..
بعدتني عن وجهها وقالت وهي تشاهق: اليوم آخر يوم لج هني...So...لازم ننبسط فيه على الاخير...
: ايه...اكيد..لازم ننبسط ونهيص..ونوسع صدورنا...الله العالم متى راح اشوفك..وبعدين راح تعرسين ويمكن جاسر مايسمحلك ابد تطلعين معاي..
عفاري وهي تشاهق وتحط ايدها البيضاء على فمها: مايهم...راح اعانده عشان اطلع معاااج...بعدين منو قالج اني راح اعرس وانت مب موجوده...
ضميتها بقوة وقلت باذنها: اوعديني انك راح تتزوجين بالعيد مثل ماكان متفق..
عفاري وهي تصيح اكثر: ما اقدر...يا ملكه...صعب افرح بحياتي وانت مرمية هناك..انا انسانة وانتي اكثر من صديقة..
قاطعنا صوت سلطان ورا الباب: بسرعه بنات...ورانا درب..بمشيكم اليوم..
فزعت وصرخت بعفرا: سلطاااااااااان...
ضحكت عفاري وقالت وهي مبسوطة: ايه سلطان حالف ان اليوم مانرجع غير بآخر الليل...
غصيت غصبا علي..وانا البس عباتي...الله لا يحرمني لا من عفاري ولا من سلطان...

: آآآآآآآآآآآآآآآآآآآآآآآآآآآه...سلطان حرااااااااااام عليك....
قال سلطان وهو يضحك ويلف الطاره بسرعه: يا الخوااااافه....
: لا خوااااف..آآآآآآآآآآآآآآآه..سلطاااااااااااان!!!!!
عفاري: سلطان حرام عليك...تسوي ببنت عمك جذي..
قال سلطان وهو يرجع شعره للورا ويطالع في المراية: ملكه..هاذي هديتي انا وعفاري لك...
عفاري طالعت فيني من فوق المقعد وقالت لي: ايه صح..تذكرين لمن مرة قلتيلي انج تبين تفحطين بسيارة...
قلت وانا اصيح قهر: ماااااااااااابي...حراااااااااام عليكم..انا توني صغيرونة مابي اموووووت...
ضحكت عفرا وسلطان وقالوا: ههههههههههه....مالك مفر...شدي حزام الامان..
شديت حزام الامان..وكان الهوا يلفح بقوة..ويحرك برقعي يمين وشمال...اما عفرا تطايرت الشيلة عن شعرها وصار شعرها يتحرك بقوة ومعطيها شكل طفولي حلو..وسلطان كانت سواقته مخيفه على الاخير..خصوصا انا طلعنا عن دبي..وخذينا درب صحراوي...وكنا مشترين ساندويشات كثيرة وبباسي عشان ناكلهم بالطريق...
وصلنا لطعس معتبر...وحسيت براسي راح فيها يوم ضرب بالسقف باقوى شي..
: آآآآآآآآآىىه..خلاص..حرااام عليكم..راسي ضرب بالسقف للمرة المليووون...
وقعدت المس راسي اللي كان يعورني...
: بيطلع لي صعروووووور...
طالع سلطان بعفرا ولفوا علي باهتمام: صعروووووووور؟؟؟؟..
قلت وانا معصبة: ايه صعرور...ماتعرفون وشو الصعرور؟؟؟...بالله انتم سعوديين؟؟..اشك بهالشيء..
عفرا وهي من صدق مستغربة: وش هالصعرور؟؟...يعني صارور؟؟...
: لاااااااااااااااااا...(واخذت نفس عميق وكملت) الصعرور يا طوييلن العمر...هو شيء ينبت بالراس بعد الصفقات المحترمة والكفخات المعتبرة اللي انا لقيتها من ركبت هالسيارة..
سكتوا الثنين يقيمون كلامي بعدين بدون سابق انذار: ههههههههههههههههههههه.... ههههه هههه هههه ههههههههه...هوووووووووو...ههههههههههههه.صعرور..قال ت صعرور.... هههههههههه هههههههه .....ههههههههههه...
عفرا: آآآآآآآآآآآآآآآآآىي بطني..ملكة نعنبو ذا الويه...من وين تيبين هالالفاظ؟؟؟........ هههههههههه هههههههه صعرور..ههههههههه..عندي صعرور.....هههههههههههههه...
سلطان: هوووووووووو...آآآه..صعر...صع...صعرووووووووور..هههه هههههههههههه....
ودمعت عيونهم مرة...عصبت على الاخير..
: هااااااااااااااااااااااااااااااااي..تراني عطيتكم وجه...عفرا...الزمي ادبك...وانت..يالاخو...انتبه للدرب..
عفرا وهي تحاول تسكت: ههههه...طيب..ان..هههههه..شاء الله...ياحلوكم يا السعوديين ويا زين سواليفكم توسع الصدر...ههههههههههههههه.....
سلطان يوم لاحظ كيف عصبت وكتفت يديني وقعدت اطالع برا: خلاص...اقطمي...نعبو دارك ماتعرفين تسكتين بالعتلك راديو....
حاولت عفرا تسكت وما قدرت..:ههههههههههههههه..رادهههههههههههههههههههه.هه هههههههه راديوووووو..ههههههههههههه
بالاخير شغلت الراديو...وكانت اغنية علاء الزلزلي...
ما بعيني الشكل الحلو..شايف اكثر من حلو..لبالي حبك انت..سرعه بالئلب سكنتي...ياما ياما اللون الاسمر..جنني اللون الاشقر..مابسهر لوما عيونك هن اللي خلوني اسهر...يا سلام..ياسلام..حبك بدو كون...مجنون مجنون هالعيون...يمكن وداك الئدر..تردي عن ئلبي الضجر..ويمكن على بالك خطر..تكوني لعيوني النظر..
تاملت الرمال الذهبية..اللي اخذت ترسم لوحه جميلة وهي تعانق السما الزرقة الصافية..دايم كنت اعشق البر..اعشق جووه..خشونته...حرارته بالنهار..وبرودته بالليل...السراب اللي فيه..جباله الكئيبه...البل اللي تتمشى فيه...وكأن ماهمها بالدنيا شي...الرعاة بوجيههم الحزينة... البريئة ..
الكادحة .. السودا من قوة الشمس...
تذكرت ايام اول...يوم كنا نروح كل جمعه للثمامه... ومرات نبعد...مرات نروح 150كيلو عن الرياض او حتى 200 او 300 كيلو...انا وبيت جيرانا...اذكر امي يوم تتفق مع امهم..وحده تسوي الغدا وتحطه بحافظات وتجيب السلطات والشطة والملاعق والاشواك.....والثانية تسوي الفطاير والشاهي والقهوة والحلى وتجيب الموية والفناجيل والكاسات..... ووحده تآخذ الكورة والورق.. والثانية تآخذ المسجل عشان نرقص كلنا على اغاني الطقاقات... ونتفق انا والبنات على الاشرطة اللي نجيبها..
ضغطت على يدي بقوة...وانا اتذكر ابوي...ابووووووي..ما تدري وين بنتك رايحه؟؟..ماتدري عن مصيرها؟؟...بتروح لمستشفى المجانين...بنتك مجنون يا يبه...بنتك انجنت يا يبه...انتم السبب باللي انا فيه..لو مارحنا للمدينة..لو ماسافرنا بالسيارة يا يبه...لو ماصديت عن الطريق يا يبه ...عمري ماراح اسامحكم على ترككم لي..عمرررررري...
وانتي يا يمه...ملكه..بنيتك اللي كنت تراهنين فيها العالم..اللي كنت تراهنين بعقلها عن مية رجال.. تصوري يا ميمتي....بتدخل المستشفى..ومو اي مستشفى يا ميمتي..بتدخل مركز الصحة النفسية...يمه حراااااااااام عليك يا يمه..ليش تركتني ومتي؟؟..ليش حاكيتي ابوي وهو يسوق.. ليييش؟؟ ...هاذي خياااااااانة...خيانه لبنتكم الوحيده...خياااااااانة..رميتوها عند عمها اللي بيقطها مثل مابيقط اي مجرم..اي انسان قذر..اي انسان ماله اهمية...


انتبهت بعد لحظات..انا الجيب موقف..وان عفرا وسلطان نزلوا منه...تلفت حولي لقيتهم برا...يركضون ويصارخون باعلى صوت...تنفست بعمق..ومسحت دموعي اللي غرقت برقعي...
ونزلت من الجيب..
قلت وانا اسوي نفسي فرحانه: هاااااااااااااااااااي....لا تسبقوني يالخونه...
ورحت اركض ورا عفرا...
سلطان وهو يحاكيني ويرفع ثوبه عشان يلحق عفرا: روحي يمين...يمين...عشان تقفطينها من هناك...
: لالالا..شوفها رايحه يساااار...عفرااااااااااااا يا حمااااااااااارة....لا تسبقين يالخاينه...
واروح الحقها واركض وراها وانا رافعه عبايتي شوي عشان اقدر اركض....بس لا اله إلا الله...طلعت الطعس قبلنا... وشفناها وهي تركض باسرع ماعندها.....ووصلت فوق...
عفرا: يااااااااااااااااااااااااااااااااااي..وووصلتتتتتتت تتتتتتتتتتت( وحاطه يدينها حول فمها عشان يصير الصوت عالي وتناقز مبسوطه)
: عفااااااااااااااااااااارييييييييييييي يالدبه...
وسبقني سلطان وصلها...واخذوا يتضاربون وانا لسه ماوصلت تعبت وانا اركض...
سلطان: يا حيواااانه..عرقلتيني متعنية انا اللي فزت...
عفرا: اقوووول...انا اللي فزت..وكل شي مسموح بالحب والحرب..
سلطان: حب بعينك...صدق بنات قليلات ادب..مايصدقون يتزوجون عشان يتكلمون بكل الممنوعات...آآآآآآآآآآآآآآآآىي
عضت عفرا سلطان بقوة ورفسته على بطنه وهجت منه...شفت سلطان يقوم مترنح من ضربتها ويقول: واناااااااااااااا ولد ابوي يا بنت سعود..اني لااصفقك...واكفخك واخليك تقرين اني انا اللي فزت...
ضحكت من كل قلبي على جنانهم...سبحان الله...علاقتهم غريبة...طول الوقت وهم يتهاشون...ويتناقرون لكن علاقتهم قوية مع بعض..وكل اسرارهم عند بعض..بعكس علاقة سلطان وبدرية...ما يتكلمون إلا نادرا ومع هذا علاقتهم ززززززفت ودايم يتهاوشون..
ريما ومحمد...اعتقد انهم راح يطلعون مثل سلطان وعفرا من ناحية محبتهم لبعض...تنهدت بقووة...وانا اذكر ريما يوم تصيح بحظني...والله راح يكون فراقها صعب علي...لكن يله..هاذي هي الدنيا محطات لقاء وفراق..مثل القطار...انا القطار..واقابل ناس مرار وتكرار لكن لابد لي بالاخير من الفرقا..




: ياناس صلوا على النبي..نعنبو ذي الوجيه..طول وقتكم مناقر...قرووووا...
ووجهت كلامي لعفرا اللي فصخت عبايتها وتربعت على الارض...واخذت السندويشة من يدي: وانتي يامال العافية..كم عمرك؟؟؟..
عفاري وهي تآكل ومبسوطة وبشفاحه: 24 وبدخل قريب الخمس...
قلدتها بتريقة: اربع وعشرين وبدخل قريب بالخمس...( وصرخت فيها) يابنت الناس قريب بتدخلين الخمس والعشرين.. وبتعرسين.. وبتصير مسؤولياتك قد الدنيا...بيكون عندك رجل وحموات...وام زوجك...وجيران...وبيصير عندك بعد فترة كم ورع تربين فيهم...ويمكن توظفين وتصيرين مدرسة..
قاطعتني عفرا: عماااااااا...تفاولين علي..( وبلعت لقمتها) اول شي حبيبي جاسر...راح يجيبلي خدم وحشم...واخواته على عيني وراسي لكن مثلهم مثل جيراني بشوفهم بالمناسبات الكبيرة...امه.. يابعد هالدنيا ياخالتي حورية...بحطها بعيوني..وعيال..ماراح اجيبهم إلا بعد كم سنة..
سلطان: يااااااااااااااويلي...ويدري جاسر عن مخططاتك الصهيونية مع خواته..
عفرا بقوة عين: طبعا لاااااااااااا..
ناولت سلطان ساندويشته والتفت له وقلت: وانت يامال العقل...هالحين عمرك ست وعشرين..وتارك بيت اهلك؟؟..نعنبو دارك...مين اللي بيقوم بالبيت؟؟..ابوووك؟؟..انا اشهد انك مانتب صاحي..ياخي..خل عمي يرتاح..تراه ماعد هو بصغير..مشاء الله عمره فوق السبع والخمسين..
ضحك سلطان: هههههههههههه....ملكه..والله انك مثل جدتي الله يرحمها...
ضحكت: ههههههههههههه...الله يرحمها..للاسف ماقابلتها..
وقعدنا نسولف لوقت متاخر..وبعدين رجعنا البيت...



في البيت...


كنا جالسين كلنا بغرفة المعيشة اللي بالدور الثالث....انا وعفاري وبنات العم سعود وريما وعمتي نورا....طبعا هاذي هي الغرفة الوحيده بالدور الثالث...مساحتها كبيرة مرة..ومقسمينها كذا قسم.. قسم جلسه مكسكية مأثثها سلطان على ذوقه..وقسم جلسه هندية..وهو اللي جالسين فيه هالحين..
القسم المكسيكي...روووووووعه..الاثاث اصفر غامق واحمر قاني..هذا الكنب متموج مع بعض..طبعا الارضية خشب..ومفروش عليه مفارش تريكو ملونه على اشكال مثلثات متداخله...فيه راس ثور كبير معلق فوق الشباك الكبير الوحيد....وفوق الكنب فيه قطع اقمشة مرة انيقة مرتبة فوقه...
القسم الهندي..عبارة عن اربع كنبات كبار...ثنتين منجدين بقماش هندي فوشي..وثنتين منجدين بقماش بنفسجي وفيه نقوش ذهبيه بارزه...والسجاده اللي على الارض حرير كبيرة تشمل اللونين هاذي..


كنا حاطين فطاير وشاهي وقهوة وحلى...وقاعدين نسولف ونخطط على زواج عفرا...
سماح بحماس: لا..شوفي خليه يلبس دقله أحلى من المشلح....
: لالالا..وشو دقله؟؟..وعععععععععع..المشلح ازين....
عفرا: والله ما ادري...( واكلت حبة كروسان) ماتفرق عندي...مشلح..دقله..كله واحد..( وكملت بغرور) جاسر حبيبي مزيوووووووووون...لو وش مالبس...لو يا بقميص النوم بيغطي على الكل..
روعه وهي تغص بالكوكيز اللي تآكلها: وعععععععععع....انت من ضاحك عليك..ترى رجلك يجيب المرض..مفارقة الزين...صح ابيض..لكن ملامحه عاااااااادية...( وتنهدت...بطريقة رومانسية وهي ترمش بعيونها) يا زين سلطان زينااااااااه...هذا المزيون صدق..ولا خالكم ابو حاجب مشروخ..يا حلوووووووووووه..
قاطعتها ميران بعصبية: رووووعه!!!!!! احترمي الجالسين...
طالعت بميران..ماتوقعت ابدا انها راح تجلس معنا..احس كأن فيها شي تغير...حتى بدرية ماشفتها نهائيا ومن الصبح وهي جالسه مع ريما وعمتي نورا...يعني البنت فيه شي مغيرها..
كانت رافعه شعرها فوق راسها بطريقة مرتبة مرة...ولابسه تنورة سودا توصل لنص الساق..وهاينك عريانه سودا...ولابسه عقود لولو طويلة..وخاتم انيق مرة...وحاطه مكياج ولا احلى لعيونها بالشدو الاسود والروج الفوشيا الغامق...
عفرا وهي تطالع بروعه بغيض: اقول...ترى ريلي مغطيهم كلهم...بعدين ابو حواجب مثل ماقلتي..جذااااااااااب...لكن ريلي مزيوووون..
وكملت وهي ترفع عيونها للسقف: يارب احفظه لي من العين....
عمتي نورا وهي تطالع بعفرا: يا حيااااااااااتي..والله ولا كأنك اول وحده بتعرس..
الكل: هههههههههههههههههههههههههههههههههههه
عفرا: ماماتي حرااام عليج....
وبوزت مسوية نفسها زعلانه....اخذت انا حبة كروسان بالجبن..وخليت عمتي نورا تصبلي كاس شاهي...
: طيب..ماحددتوا ....متى العرس؟؟؟...
سماح+عفرا+ روعه: إذا رجعتي من امريكا بالسلامه...
قلت وانا اقطب حواجبي: وشوووووووو؟؟؟؟..لا والله ترى كذا بالزعل قسم بالله..( والتفت على عمتي نورا) يا عمه يرضيك بنتك تأخر العرس...
عمتي نورا وهي تشرب قهوة: ايه يرضيني...العرس موب طاير....وانتي يابنيتي حلاة العرس..لذا راح ننتظرك ليما ترجعين بالسلامه باذن واحد احد...وبعدين..عمك طمني..ان العلاج تطور هناك..ويمكن ماتاخين غير شهر على الكثير...
تنهدت وغرقت عيوني: ماراح اصوم رمضان هذا....
: ليس على المجنون حرج..
التفت لمصدر الجملة وكلنا التفتنا كانت بدرية...توها راجعة من برا.. كانت لابسه فستان ابيض دانتيل...فتحته كبيرة على الصدر...ورافعه شعرها ذيل حصان..وحاطه مكياج كامل...
عمتي نورا: بدررررررررريه...!!!!!!!!!
طالعتها عفرا : والله الميانين بهالدنيا كثر...عيل حتى انتي ماعليج لا صلاة ولا صيام...
عمتي نورا بعصبية: عفرااااااااااااااا
وقفت عفرا وقالت بعصبية: صراحه الدنيا صارت ضيق..عن اذنكم...
وطلعت...وراحت روعه بعد..تمخطرت بدرية بمشيتها لين ماجلست قبالي وطلبت من امها فنجال قهوة..
لاحظت نظرات بدرية وميران....كانت ميران صاده عن بدرية وبوجهها نفور وقرف..وبدرية كانت تطالع فيها بلا مبالاة....
بدرية: صرااااحه..راح يكون لج فقدة يا ملوووكه..
: طبعا...مو انا حلاة البيت..عند اصحاب البيت( وشددت على كلمة اصحاب البيت وكملت) لذا عارفه انهم راح يفقدوني...وانا بفقدهم..لكن... السؤال هو هل راح تفقديني؟؟...او هل راح افقدك؟؟..
عمتي نورا بعصبية: يووووووه...وشفيكم بنات...طبعا راح تفقدك بدرية يا ملكه...انت بنت عمها قبل اي شي ثاني..
بدرية بصراحه: لا ماراح افقدها...إلا بنرتاح ان وحده من الدخلاء على البيت تركته وريحتنا...
تحركت سماح بضيق...وطالعت بميران..بينما انا تركت كاسة الشاي اللي بايدي..وقمت عن الكنبة الهندية اللي لونها فوشي...
:والله..فقدتنيني...مافقدتيني.. ماتفرق عندي كثير...واحلى مافي الروحه لمسشتفى المجانين...ان كل المجانين اللي هناك ما يجون نقطه في بحر جنونك...
وقفت سماح معي..بينما لاحظت ان فيه نظرة سريعه تبادلتها بدرية مع ميران..مافهمت مغزاها بذاك الوقت..
انتثرت القهوة على ايد بدرية فاحرقتها..وصرخت...بينما طلعت ميران جري ورا سماح..وانا طالعت بعمتي نورا وببدرية وريما اللي نايمه على الارض..وتركت الغرفة....


في غرفتي..


كنت قاعده اكتب رسالة لسارا خويتي... واعلمها عن معظم الاحداث اللي صارت....وعلمتها على اني راح اروح اتعالج بامريكا....لكن ماوضحتلها وش نوعية المرض... طلبت منها إذا بتجي برمضان لدبي..انها تشوف سماح...علشان تخطبها لخوها...

وبعد ماارسلت الرسالة مباشرة...انقفلت الكهرباء فجأة..فزعت بمكاني ولا قدرت اتحرك... تذكرت ذاك الموقف..وقعدت ارتجف بقوة..لا ياربي..اكيد اتخيل..لالالا ماراح يصير شي..هذا الشي يتحرك...لاااا..هاذي وساوس: اعوذ بالله من الشيطان الرجيم..بسم الله علي...بسم الله والله اكبر..

بعد نص ساعه من الرعب وانا قاعده ارتجف تحت فراش السرير......
سمعت طق على الباب..
قلت بذعر وصوتي يرتعش وانا ضامه البطانية بقوة على جسمي ومغمضة عيوني: ميييييييييييييين؟؟؟
سماح: ممكن ادخل؟؟..
تنفست مرتاحه وقمت من على السرير: ايه..تفضلي سماح...دخلت سماح وماسكة شمعة بايدها...ودخلت بعدها روعه..وكمان ماسكه شمعه بايدها...
قلتلهم وانا آخذ ولاعه من درج تسريحتي واولع الشموع اللي منتشرة بالغرفة: حيا الله من جانا..
ضحكت روعه وهي تجلس على الارض وتربع وتحط الشمعة قدامها: جينا نسليك...خصوصا ان رحلتك بعد ثلاث ساعات...
سماح: ايه...نبي نكون آخر وجيه تشوفينها هنا..
: ياحلووو ذي الوجيه...الله لا يغير علينا....
وجلست يمهم على الارض..
وقمنا نسولف مدة ساعة تقريبا...
بعدين انفتح الباب....ودخلت عفرا وهي تسحب بشمعتها وصحن فطاير بالشوكلاتة الحااارة...واكواب كابتشينوا انتشرت ريحته بالغرفة...
وجلست معنا على الارض وقالت بوناسة: والله يوم سمعتكن تقرقن ماقدرت انام...عاد قلت يابنت..روحي لمطبخج اللي عمرج مادخلتيه وسوي فيهن معروف بذا الليل الطويل...وادخل واقوم ادعبس يمين وشمال...يمين وشمال..وين الاكواب الكبيرة..وين النسكافيه..وين الحليب البودرة..وين ذا السكر...الموووووووهيم..هذاني خلصت..فاشربنه بالعافية...
وبعدها بنص ساعه..سمعنا طق الباب....عاد كلنا استغربنا...شوي يوم انفتح وكانت ميران..ماسكة شمعة معطرة بريحة القرفة وداخه وهي لابسه روب قصير حرير احمر..وشبشب احمر على شكل دب..وشعرها متناثر حول وجهها...
ميران بصوت يترجى: ممكن اسهر وياكم؟؟...
طالعوا فيني كلهم..ولاحظت ان عفرا عبست..وحسيت اني انحطيت بموقف ماله داعي...لكن توكلت على الله واعتمدت على احساسي..
: اكيد..تفضلي..ماتحتاجين دعوة..انتي من اصحاب البيت..
لاحظت انها ارتاحت وهي تجي وتجلس يمنا...وكانت احلى جلسة بنات اجلسها بحياتي..


بعدها بساعتين....دخل عمي...
وطبعا كانت لابسه بنطلون اسود ضيق..وتي شيرت احمر..ورافعه شعري...وواقفه مع البنات اللي كانوا ميتين صياح...عيونهم حمار وماسكات كارتين المنديل..وكانت عفرا وسماح متاثرات لآخر حد..حتى اني جد خفت عليهم..
عمي: يله يا ملكه...مابقى وقت..بسرررعه...الله يصلحكن عطلتنها...
عفرا وهي ماسكتني بقوة: باباتي واللي يعافيك..خلها معنا اكثر..طيب يوم على الاقل...
وضمتني سماح من ورا بقوة...وجات روعه وميران وكلهم قاموا يصيحون....
عمي: لاحووووووووووووول...بسسرررعه..خمس دقايق بس..بنتظرك تحت يا يبه...
: ان شاء الله عمي....
والتفت على البنات وانا احاول ابعدهن: يلا بنات...ترى وراي سفرة تقص الظهر..ابي اوصل لهناك وانا مبسوووطة لا تنكدون علي...
قالت روعه وهي تحط بشنطتي روايات عبير اللي احبها وشالها الوردي: عشان تذكريني لأني اعرف انك تحبين هالروايات..وطلبتها من المغرب..وجديدة ولا نزلت هنا...
سماح وهي تعطيني قطعة قماش مطرزة عليها صورة بنت شعرها احمر: هاذي انتي..حاولت ارسمك زين للكن ماقدرت..إذا بغتيتي تسلين نفسك...كمليها..ولا تنسيني..
ميران وهي مرتبكة: انا عارفة اني ماسويت اي شي زين لك من دخلت هالبيت...لكن..خذي هذا المصحف..شريته من الهند قبل كم سنة...
واخذت المصحف اللي ميزته انه مطرز بخيوط الذهب والفضة...ومحشي باللولو الطبيعي...
اخذت المصحف منها وضميتها بقوة وقلتلها من قلبي: انا مسامحتك يا ميران..وصدقيني بذكرك بالخير...
عفرا وهي تشاهق: انا مارااح اعطيج شي..لأن..آآآآآآآآآآآآآآه..كذا... كاني افاول بعدم شوفتج..احبج يا ملكه... يارب يتفير هالمستشفى قبل لا توصلينه عشان يردوووونج هني..
حاولوا البنات يهدونها...بس علا صوتها يوم دخلت عمتي نورا عشان تنزلني لعمي حاولت اهدييها لكن ما قدرت...وتعاونو عليها بنات العم ناصر وهم يبعدونها عني بالقوة...وقطعني شكلها وهي تصيح ومنهارة...


طلعت من الغرفة..ولقيت محمد واقف عند السلالم..وكانت عيونه حمرا وخشمه احمر...واعطاني كورته اللي يحبها وقالي : شوفي موقعها ياسر القحطاني..ويوسف الثنيان..وسامي الجابر..
وكمل وهو يرفع راسه: احتفظي فيها..عشان تورينها الناس هناك..ويعرفون ان ولد عمج لاعب حقيقي...
ضميته بقوة..
قال وهو يمسك عبرته: خنقتيني يا ملكه...
قلت وانا آخذ كورته: خلاص..متاكده ان البنات بيحسدوني في امريكا...
وبست خده ونزلت الدرج بعد ماغطيت وجهي....
سلطان وعمي سعود كانوا تحت..ولاحظت ان وجه سلطان مسووود...
وصلني المطار سلطان وكان عمي سعود معاه..وطبعا عمي كان لابس بذلة..وكان شكله مرة جدي ويخوف..اول مرة اشوفه كذا مقطب وشكله عملي....غصب يكرهونه منافسينه بشغله إذا كذا شكله يوم يقابلهم..اكيد يثير الرعب بقلوبهم..


وصلنا المطار...وكنا متاخرين..فبسرعه بسرعه..خلصنا اجراءتنا وطلعنا ركض على الطيارة...
لاحظت كيف مكيفات الطيارة باااااااردة...وتقشعر بدني...ولاحظت كيف وجيه الناس مكفهرة...وكيف اكثرهم متشائمين..ولا حسيت ان للسعاده اثر في وجيههم...
ارتعش قلبي..وغمضت عيوني بقوة..تفائلي يا ملكه..تفائلي..

جلست انا وعمي سعود جنب بعض..وحطني جنب الشباك مثل ماطلبت...ماسولفت معاه...سرحت بحالي... اقلعت الطيارة..وحسيت ان خلااااااااااص قرب اجلي....
طالعت بوجه عمي..كان يطالع بالاب توب حقه باهتمام..ويحاول انه يسوي بعض البيانات اللي تخص شغله..
واخذت اتامل الناس اول مااستوت الطيارة بالسما... طالعت بوجيه الناس بالمقاعد الثانية...اممم.. حرمة شايلة طفلها وتضمه بقوة وهو يصيح...قطعني شكلها...اكيد مريض..الله يشفيه...او يشفيها... يمكن تبكي لأنها عارفة مرضها..او يمكن تبكي لأنها عارفة مرضه....
وطيب هو...هالطفل الصغير..ليش يصيح بهالحرارة؟؟...يعني معقولة قلبه محسسه باللي راح يصير اول مايوصلون لبلاد العم سام؟؟!!!!!!!

صديت عنهم..وحسيت اني متطفلة...انا عارفة ان معظم اللي بالطيارة راح يتعالجون...لأننا موب وقت اجازات....يعني معظمهم نفس الحالة..الله يعنيهم كلهم..ويعنيي معهم...
بعد دقايق...وزعوا علينا اوراق فيها ستين سؤال عن نفسك وعن سبب جيتك لامريكا..وتنهدت وانا اتامل الورقة اللي شكلها ما يبشر بالخير..
طالعت خارج الطيارة..وانا اشوف انوار دبي تصغر وتصغر..حتى اختفت نهائيا...وغمضت عيوني عشان انوم..يمكن.... للمرة الاخيرة!!!!!


حسيت بايد قاسية تحرك كتفي بقوة...فتحت عيوني ببطء وقلت: عفراااا...قفلي الشباك...وانقلعي براااااااا...
: ملكه..ملكه..قومي بسرعه...ترانا وصلنا....
فتحت عيوني وش هالحلم المزعج؟؟..تحركت شوي..وضربت بشي قاسي..اييييييييي...طرف المقعد..مين هاذي؟؟...لاحظت المظيفه وهي تبتسم لي وتسال عمي إذا احتاج مساعده...اووووه..انا بالطيارة...
تحركت على مقعدي..وحاولت اقوم وتذكرت الحزام..فرحت فتحته بسرعه..ومديت ايديني بقوة لآخر مدى...
عمي: يله..افصخي عباتك ورتبي شكلك...
طالعت عمي للحظة مو فاهمة وش السالفة؟؟؟
: عمي...وشهوله افصخ عباتي؟؟..
عمي بضيق وهو يوقف عشان يطلع شنطتي من فوق المقاعد: هالحين الوقت مايسمح تلبسين العباية..وبالمستشفى ماراح تلبسينها...فافصخي عباتك بسرعه...
: عممممممي...الله يخلــــيـــــــــــــــتك...
عمي بصوت مرتفع شوي: بسررررررررعه...( وطالع فيني بطريقة)...
قمت وانا مستحية وطالعت حولي..شفت شاب جالس لسه بمكانه وكذا عائلة ماطلعوا...
شلت برقعي في البداية بعد ما اعطاني عمي نظرة ثانية..وشلت شيلتي وعبايتي..واعطيتهم عمي اللي دخلهم داخل الشنطه باهمال...
رحت الحمام..وحسيت اني شوي واطيح على وجهي..يعني شكلي غلط..مررررررررة غلط..قبل شوي شايفني مستترة وش زيني...وهالحين...الله يسامحك يا عمي...
دخت الحمام..وغسلت وجهي...ورتبت شكل شعري...ولبست جاكيت مخرم فوق التي شيرت الكت الاحمر..
تاملت وجهي الخالي من الزينة...وعيوني المتنفخة...وحسيت بالقهر من عمي...ليش يسوي فيني كذا؟؟؟..ليييش؟؟..كان طيب معي..وحنون..وفجأة صرت احسه يبي يمسك علي الزله...شكلي كانت آخذه مقلب فيه...
رجعت لعمي ولقيته ياشرلي من بعدي عند باب الطيارة..ولحقته عجلة...


دخلنا المطار..ولاحظت انهم شددوا التفتيش على شناطنا..اول ماشافوا الجواز الاخضر...وحسيت بالضيق...اجل لو اني لابسه عباتي الله اعلم وش كانوا بيسوون فيني؟؟
وقهرني الرجال وهو يطالع بالجواز ويرجع يطالع فيني...عدة مرات ويسالني عن بعض المعلومات ويتكلم بطريقة..فضيعه....طيب..كافي ماحنا كتبنا لكم كل بياناتنا بالطيارة وبالتفصيل الممل...
واخذوا يسالوني عن اغراضي..وانا اشرحلهم بدون هذرة وبصبر.. وبجمل قصيرة واضحة..
وعمي لاحظت انه شوي وينفجر..وهم يمسكون الاب توب..حقه ويقلبونه بين ايديهم...ابتسمت له عشان اهديه.ولاحظت انه هدا شوي..وابتسملي بعد..


اخيرا..اعطونا شناطنا وطلعنا خارج المطار...كان الجو ماطر بشدة وبااااااااارد..فشديت ملابسي علي...بينما عمي راح يتكلم مع راعي التاكسي اللي شكله هندي....وبعدين اشر لي عشان اجي اركب...وركب هو قدام وانا ركبت ورا..
...وقررنا بالسيارة انو من الافضل اني اروح المستشفى مباشرة بدون تأخير..او بالاصح هو قرر وانا خفت منه فوافقت على طول..


بالمستشفى الصحة النفسية الحديث...
: لاااااااااااااااااااااااااااااااااا.......اتركوووو وووووني...إلا...شعري!!!
الفصل الخامس عشر

تالمني ذكرى ذيك الايام...ذكرى المهانة والذل والتحرش!!...نظرات الشفقة في وجوه الأطباء ونظرات الخوف في وجوه الممرضات...والنظرات البلهاء الصرفه في وجوه المرضى..او بالاصح المجانين..


عوملت ببشاعه...مسكوني..وكتفوني..وحلقوا شعري على الصفر..بعد ما شافوا آثار الضرب بجسمي وقروا التحليلات اللي ارسلها الاطباء من الامارات..

احتاروا في البداية..واختلفوا الاطباء يحطوني بغرفة انفرادية؟؟..ام يحطوني مع المرضى الثانيين؟؟...وبعد مجادلات عديدة..اقتنعوا ان العلاج الامثل هو انهم يخلوني مع المرضى لفترة..عشان يشوفون سلوكي..ويقررون بناء عليه إذا احتجت الحبس الانفرادي..( مثل ماسميته) او لا؟؟....

بعد ثلاث ايام....
: I like u're hair...
طالعت ب لورا اللي كانت تبتسم لي ببلاهة...مارديت عليها...يعجبها شعري...هههههههه .. ليش هو في شعر اساسا؟؟...مسكينة لورا...جنونها مستفحل...ولا اتوقع ان في امل بعلاجه...تشوف اشياء مانشوفها..تخاطب ناس احنا مانخاطبهم...تتخيل اشياء مرعبة وفظيعه...وبالليل تقعد بالساعات تصيح..واهي بالغرفة اللي جنبي...
قمت من مكاني..ومشيت ببطء في الحديقة الواسعه..طبعا هاذي فترة الاستراحه او الفسحة مثل ماسميتها..يطلعونا نتمشى ونشم هوا...وبعدها يرجعونا لغرفنا..والبعض الآخر يجلس على الكرسي الكهربائي..والبعض الآخر يحبس في غرفة صغيرة مرة..وكلن على حسب حالته..



طالعت ب هيلين اللي كانت تقص اوراق اشكال والوان...كراتين صغيرة وكبيرة..اورق كتب..اغلفة مجلات... وتحطها فوق بعضها البعض وتراكمها جنبها..رحت لها..
: Hi Helen
هيلين وهي تاشرلي اجلس: Come..and have a seat... we have to finish before6:00pm
الترجمة: تعالي..واجلسي..لازم نخلص قبل الساعه 6 مساء..
:O.K...Give me one of these papers
واخذت اساعد هيلين بشغلها..كنا نقص الاوراق..ونكتب عليها مواصفات ولدها جوي..اللي عمره خمس سنين واهي قتلته بنفسها..لأنها حسبته الشيطان متلبس في صورة ولدها.. ..هيلين مصابه بانفصام شخصية..بعد ما اقتلت جوي..واخفت جثته ببراعة..خيل لها عقلها..انه ضاع منها... وراحت لمركز الشرطة وعملت بلاغ...ومن ذيك اللحظة وهي تكتب مواصفاته وتوزعها على الناس...وطبعا بعد التحقيق والتحري...وبعد ما اكتشف الاطباء والشرطة..انها هي اللي قتلته.. امرت المحكمة انها توضع في هذا المصح...

طبعا هيلين...تصير شرسة جدا لو في احد حاول يقولها انها هي اللي قتلت ولدها....تجن.. وتحاول تقتل هالشخص..عشان تتاكد من ان اي احد مايدري عن اللي هي سوته...
يمكن تستغربون كيف اجلس معها...لكن عادي..انا بالنسبة للجميع مثلها...طبعا فيه مجانين خطرين مرة..لكن هاذولي ما نشوفهم نهائيا...ولا يطلعونهم بالمرة..حتى ان بعضهم من سنين ماشاف النور..

شفت وحده شعرها ذهبي طويل شوي..وعيونها ملونة تقرب مني..
:Hi....u're the saudi girl...are'nt u?
الترجمة: انت البنت السعودية؟؟
هزيت راسي لها: Yes...what do u want of me?
الترجمه: ايه...وش تبين فيني؟؟
ابتسمت وهي تجلس جنبي وقالت بالعربي المكسر: انا فلستينية الاصل..لكن..مارهت لفلستين من ئبل!!..
ارتحت لمن عرفت انو في احد عربي بهالمكان: والله؟؟..I'm so happy...ماتوقعت ان في احد عربيHere
ضحكت: مين ئالك؟؟..فيه كتير بنات ئرب هينا..
رديت: والله؟؟..I didn't see theme before...طيب..What is u're name??
ردت وهي تطالع بعيد: Nores...
قلت وانا اكتب على الورق: نورس؟؟...pretty name..بس غريب وغير مالوف...my name is Malaka...
حكت شعرها: آآآه...ملكه..nice.....
وقمنا ندردش شوي...بالعربي...واخذت احكيلها عن السعودية..وانطلقت اتذكر ابوي بحرارة...
اول ما ذكرت اسم ابوي..لاحظت انها سرحت وبدت ترتعش..وعيونها تلمع بقوة..وبدون ما انتبه لاحظت ان دموعها بدت تنزل..واخذت تحك جسمها بصورة جنونية...وقفت كلامي..و
قلت بقلق: نورس..what is wrong with ya??
نورس: آآآآآآآآآآآآآآآآه..آآآآآآآآآآآآآآآآآآآه....بدو يزبهني..بدو يزبهني...( بدو يذبحني)..
حاولت اهديها..فصرخت فوجهي..وضربتني بقوة...واخذت تضربني اكثر لمن حاولت امسكها.. تركتها...فهربت بعيييد.. وقاموا بعض الرجال والبنات يلاحقوها ويضربوها بقوة..وهي تصارخ وتحاول انها تبعدهم عنها..ويجرونها بشعرها...حطيت ايدي على فمي وغمضت عيوني ما ابي اشوفها وهي تنضرب بوحشية...

صرخت هيلين بعد لحظات:Thay want 2 kill my baby...
الترجمة: يبغون يذبحون ولدي!!
وتركت اوراقها وبالمقص اخذت تضرب الناس المجتمعين...ضميت نفسي بقوة ودفنت راسي بين ركبي..وقعدت اصيح..ياربي ليمتى بيصير فيني كذا..خلاص..تعبت...تعبت.. مالي إلا ثلاث ايام وشفت اللي ماينشاف..
وكالعاده..جووا رجال الامن والممرضات..رجال الأمن اخذوا يضربون المتجمهرين بقوة على روسهم واكتافهم..والممرضات حاولوا يسعفون المصابين..
هيلين كتفوها بقوة..وسمعتهم يقولون: لغرفتها السابقة..
مسكينة هيلين..راح يردونها لغرفتها الانفرادية..ارتعشت بقوة...وكمان اخذوا كذا واحد من الشرسين وحطوهم بغرف انفرادية...اما نورس البنت الفلسطينية الاميركية..شفتهم يشيلونها وجسمها كله دم...
حاولت اوقف..لكن الخوف من رجال الامن شل حركتي..
بعد خمس دقائق تقريبا...قرب واحد من رجال الامن مني وقال:Hi.....sweety
كان شكله بشع مرة... وفي فمه سيجارة مهملة..وريحته بشعه..وكرشه متدلية من فوق حزام بنطلونه...وفي عيونه نظرة مخيفه خلتني ارتجف غصبا عني..واغمض عيوني بقوة وانا ابكي..واشاهق..مد ايده عشان يحطها على كتفي... ولمس كتفي بقسوة... وحاول انه يجر ملابسي من جهة كتفي....صرخت فيه..وحاولت اهرب منه...لكنه مسكني بقوة...اخذ بايدي بعنف..وقام يسحبني...

رحمة ربي انقذتني لمن جات وحده من الممرضات وصرخت فيه:Stop Tom ...or... I'll tell Mr.Ramsy
الترجمة: توقف...ولا راح اقول لسيد رامزي..
حارس الامن بعصبية:Go 2 the hell....
وسبها بعصبية وبقذارة ... وطالع فيني للحظات...وتفل علي....وبعد عن المكان وهو يتوعد ويهدد..وشفته يروح لاصحابه اللي مثله بالضبط..وهم يطالعون فيني متوعدين....
قالت النيرس بحنان:I'm here...no one can do anything bad 2 u..baby.
الترجمة: انا هنا..محد يقدر يسويلك اي شيء سيء..
:I'm scared
بكيت بقوة..وانا ارتعش..ياربي وش اسوي..إلا شرفي...أنا خااااااااااايفه...


في الغرفة..


تمددت على السرير..وغطيت نفسي بقوة..كان في الغرفة اربع اسرة لمرضى آخرين..طبعا كلهم حريم..احنا مانجتمع مع الرجال إلا في الحديقة...
كلهم معهم نفس المشكلة حقتي..بس انا احس ان بيني وبينهم فرق..هما متوحشات.. ومقطعات انفاسهم بطريقة بشعه..حتى ان في وحده قاطعة اصابعها الصغيرة الاربعة...
سميت بالله..ونسيت كل اللي حولي..اساسا مآخذه حبتين منومتين...يعني كلنا بنوم واحنا موب شايفين الدرب!!!


:I'm fine....thanks...
ابتسمت للدكتور براحة وانا اخلص جلسة الاستماع اليومية...كنت احب اتكلم معه..احس براحه..ابحر واسولف في الماضي..اتذكر ديزني لاند... ميكي ماوس..تويتي..وكل الالعاب الحلوة...
اتذكر ابوي وامي... امي بوجهها الحنون ويدينها الرقيقة....ابوي...بصرامته وحنيته بنفس الوقت...واعتمادهم علي..
مهاوشاتي مع اخواني...اتناقر معهم دوم...اعارضهم دوم... ونسوي ببعض مقالب...ونضحك بالاخير...
اتذكر حياتي في المدرسة الثانوية...شلل الثانوي...رفيقات الثانوي...جهودنا بثالث ثانوي...استاذاتي الحبوبات...نصايحهم لنا...واعجابنا فيهم...بشخصيتهم الصارمة....وكيفية تحكمهم بالفصل...وكيف يخلون اللحظات المملة بغاية المتعة...
بدايات الجامعة..التسوق للجامعة...سارا..والاستاذات الجدد...ولغتنا الانجليزية المكسرة في البداية...وثقتنا بانفسنا الي نتظاهر فيها...
الصراحه كان احلى شي يصير في جلستي في هالمستشفى....هي مع الدكتور رامزي...اللي هو اساسا مؤسس المستشفى...رجال في بداية الاربعينات او اواسطها...تبين على شكله سمات الرحمة والعطف والطيب والتفهم...وكان يخليني اجلس بمكتبه..بعكس معظم المرضى اللي في نفس حالتي...واللي يحطونهم بغرف مغلقه مافيها اي شيء..غير كرسي....ويراقبونهم من خلف القزاز...

بعد اسبوعين....

اخيرا وافقت ادارة المستشفى اني احصل على دفتر وقلم..كانوا مترددين بهالشيء...وانا كنت حاسه اني محتاجته...طلبتهم كثير..وانهرت كثير...لكن..كانوا اقوى من ان دموعي تأثر فيهم...وقالوا اني ممكن استخدم القلم كسلاح لي...او كأداة لقتل نفسي...في اي لحظة..وهم مايبغون يغامرون....
اقترحت على الدكتورة سونيا...واهي دكتورة هندية حبوبة ومتفهمة....ان تراقبني وحده من الممرضات...واني استخدم القلم والدفتر بس نص ساعة يوميا..اعبر فيها عن نفسي... عن يومياتي...عن ذكرياتي..عن الامس والحاظر والمستقبل....وافقت بعد تردد كبير...
وهذاني اليوم جالسة في الحديقة....كمكافأة لي لأني ما شاغبت ابدا خلال الاسبوع اللي فات..
فتحت الدفتر الجينز بشوووق...وكتبت باول صفحة" بسم الله الرحمن الرحيم" اهدي مشاعري مغلفة لمن يستحقها مع جزيل الشكر لاهتمامه بقراءتها!!!!"
فتحت ثاني صفحة...وكتبت تاريخ اليوم والساعه والمكان....وبديت اخط بعض الخواطر المختلطة..

ابحث عن حب كالخنجر..
ابحث عن حب لم يخلق..
كجرح اجفانه لم تطبق..
ابحث عن حب يحملني
ويسافر في البحر الازرق..
ابحث عن حب لا يغرق..ويبحر في الموج كزورق
...ويسافر من دون شراع كقارب بمثله لم يخلق..
ابحث عن حب كالزلزال قوة وجماله كالزنبق..
يقتلع جبالا لا تقلع..
هادىء كنسمة صيف ولو صح التعبير ارق!!!...
ابحث عن حب ياتيني مبتل وسماؤه تشرق..
كليلة صيف شرقية تغتسل في نهر ازرق..
ابحث عن حب إذا جاء تسلل كنسمة صيف..
لايطلب اذن لا يسال.. يتسرب كخيوط الطيف..!!
..ابحث عن حب منتصر وطبوله دائما تطرق..
ابحث عن حب يتسرب كرذاذ الماء..
او قطرات تنزل معتاده في فصل الشتاء...
ابحث عن حب يحملني ويرتحل في البحر الازرق..!!..



بعد ثلاث اسابيع

يا الله اليوم اول ايام رمضان...اول رمضان اقضيه بدون اهلي...اول رمضان اقضيه بدولة غير السعودية...اول رمضان احس فيه بالوحشة والخوف والالم...اول رمضان..و آآآآآآآآآه..ما اصوم فيه..
غرقت عيوني بالدموع...يمكن انا المسلمة الوحيدة بالمكان...الباقيين كلهم مسيح ويهود وملحدين...مين اللي بيحس بمعاناتي؟؟....
لو كلمت ادارة المستشفى بيقتنعون...للاسف لا...ماراح يقتنعون...شلون اقنعهم ان الصوم هذا فريضة علي...يقولون اني مجنونة...لكن انا عاقلة..يمكن تعبانة..مريضة...اعاني من شد اعصاب...لكن مو مجنونة..
لو اني مجنونة...ليش يحرقني قلبي على اني ماراح اصوم...ليش يحرقني قلبي على اني ما اسمع صوت الآذان... ليش يحرقني قلبي وانا اتذكر كل العشر الآوخر اللي من الاعوام اللي فاتت واللي كنا فيها بالحرم... ليش احس بوحشة تمتد وتتوسع وتحتويني بين حناياها؟؟؟....



قلت لنورس اللي كانت واقفة جنبي وانا مفجوعه ومتاثرة حيل: طيب....go 2 DOC. Ramsy...and and tell the hole story
نورس وهي تضم نفسها: راه يئتلني...ماراه يرهمني..( راح يقتلني..ماراح يرحمني)
حطيت ايدي على كتفها: نورس....لازم احد يقولهم..هذا تحرش..واغتصاب..
غرقت عيونها دموع: ما بئدر ئلن...انتي ئوليلن...Plz...u're my best friend
تنهدت وضميتها بقوة...فأخذت تبكي بحرارة....مسكينة نورس..واحد من رجال الامن يغتصبها كل ليلة...وما تقدر تقول لاحد....خايفه حيل...انا بعد خايفه...لأني لاحظت نظراته لي..كل مايشوفني...وخصوصا اني اشتكيت عليه كذا مرة....فحاسه انه بيسويلي مصيبة...
مسحت دموع نورس..وقلت لها: خلاص...ماتشيلي هم..انا راه ائلن.....
ابتسمت لي نورس وبعدت عني..:Thank you very much
تأملت جسمها النحيف وهو يختفي بين المرضى الي يركضون او جالسين بالاركان...او يهربون من بعض..هزيت راسي وانا افكر لمين اقول عن حالة نورس؟؟...

خلصت جلستي مع الدكتور رامزي...وحسيت براحة كبيرة بعد ماعلمته عن رمضان..واهمية رمضان عندنا كملسمين..وانو نفسي اصومه...فوعدني انه راح يفكر بالموضوع..لكن ما اتحمس مرة...بس بيني وبينكم ارتحت كثير..على الاقل بيفكر ما رفض على طول..استغليت انه يتأملني....وهو يضيق عيونه...كأنه عارف وش افكر فيه...
فقلت له بدون مواربة:...I have 2 tell u something
دكتور رامزي:Go ahead
فركت اصابعي ويديني بعصبية:about Nores...
حك جبهته مدة ثواني بعدين قال بصوت عالي:Yah...I know her...
ارتحت شوي...وعطيته موجز مهم لكل المشكلة ....ووقفت بسرعه..وقف معي..وكان مذهول...ولا صدقني...وقال لي ان الكلام اللي اقوله قوي مرة ومحتاج اثبات...فطلبت منه انهم يسوون لها كشوفات...وعلمته اني خايفه منه بعد...واني لاحظت نظراته لي...
صرفني الدكتور...وعرفت ان ذاك الرجال خلاص انتهت وظيفته في هالمستشفى وارتحت كثير....



شكل الغروب قمة ف الجمال....الشمس تذوب وسط الجبال...وتختفي وتودعنا...يا شمس سلميلي عليهم...وعلميهم انهم ببالي....وش صار لاهلي؟؟..وش صار على عفاري وزواجها؟؟؟...وش صار على مساعد؟؟؟!!...وش صار على بدرية والبنات؟؟؟...ريما وحمودي؟؟..انا مرة خايفه...قلبي قابضني حاسه ان في شي مو زين...
حلمت بعفاري حلم ابدا موب زين...شفتها متشحة بالسواد...ووجهها الابيض غرقان دموع...وتطالع فيني وتصرخ بالم...وماسكة فستان عرسها الابيض بين يديها...فستان عرسها الغالي الامع اللي كانت عليه قطرات دم...
ياااااااااااااااربي احمي عفاري....واسعدها وزوجها من جاسر وتمم عليهم فرحتهم...
بعدت عن الشباك...بعد ماسمعت صراخ وبكاء عالي...طلعت من الغرفة اللي انا فيها..ورحت اتتبع الصوت...الصوت الصراخ والبكاء والعويل اللي قاعد يعلى...
شفت رجال الامن متجمعين عند غرفة...ولورا قاعده تأشر بهستيرية وتصارخ... وهيلين ضامة نفسها بقوة...وش فيه؟؟؟...مين اللي بالغرفة؟؟...
ركضت بسرعه ودفعت نفسي بقوة بين النيرسز والمرضى...وطالعت قدامي عشان اشوف وش الشي اللي مخلي الكل مرعوب وخايف؟؟...
كانت نورس!!!....نورس البنت الجميلة الفلسطينية الرقيقة...اللي كل مافيها طفولي.. جسمها ووجهها ابتسامتها....نورس اللي تمثل الصديقة الوفية رغم جنونها.... نورس اللي رحلت بكل بساطه عنا...وتخلت عني وعن البنات الثانيين...نورس اللي كانت شانقة نفسها...وراسها متدلي على رقبتها ومغطي وجهها الفاتن...ورجولها متدلية من فوق الكرسي الطايح على الارض...
عضيت شفتي بقوة...وقعدت اصيح..وضربت نفسي عشان اصحى...الا نورس يارب...ضميتها بقوة...وحاولت اشيل الحبل عنها...لكن خلاص..الموت كان اسرع مني.. الموت اخذها وانهى حياتها...طاحت جثتها على الارض وطحت انا معها..ضربت وجهها بقوة...ومسكت يدها الباردة..مسكوني النيرسز واخذو يسحبوني بقوة لبرا...بس عييت اتحرك... وقعدت اضربهم بقوة عشان يخلوني معها....
شفت بعض الممرضين جووا من بعيد... قعدت اصارخ....مابي...بس لآخر مرة...حرام عليكم..كانت صديقتي....ليش ماتت؟؟؟...ليش انتحرت؟؟...ليش يا نورس لييييييييييش؟؟.. كتفوني بقوة.. اثنين من الممرضين...عريضين طوال....وسحبوني على غرفتي... بدون رحمة....ورموني على السرير..وجات الممرضة وهي معها الابرة وغرزتها بذراعي... وتركتني...





الساعه 6:00ص في عز البرد

يوووووووه التعذيب اليومي...يآخذونا مجموعات..مجموعات...ويدخلونا حمام كبير مرة...مافيه اي شيء..غير خراطيم الموية....يجمعونا جنب بعض..ويقعدون يمررون علينا الموية الباردة القوية من فوق لتحت...مع التركيز على وجيهنا...

سحبتني الممرضة بسرعه...انا واللي معي بالغرفة...وخلونا نفصخ جاكيتاتنا الثقيلة الشتوية...ونجلس بملابسنا الخفيفة....شفت الزمر اللي طالعه من الحمام وهم يرتعشون ووجيههم مزرقة...وشفايفهم مبيضة...حاولت اني اعترض ...اتكلم....لكن ما اهتموا فيني. اخذوني بعنف...وانا حاسه ان اصابعهم قاعده تقطع ذراعي...
ودخلونا الحمام هذا..وقعدت ارتعش بقوة... من وطت رجلي على البلاط المبتل موية... كنا ثمانية....حريم...مسكت عاملة التنظيف..خرطوم الموية او اللي... وفتحتهاعلى اقوى شي..وقامت ترشنا فيه...اخذنا نهرب من الموية..والممرضات يصدونا بقوة...ونطيح على الارض..ونحاول نقوم...فنطيح من جديد..على وجيهنا او ظهورنا..
انا لقيت لي ركن في الحمام فوقفت بجنبه....فأخذوا يركزون علي الموية بقوة...وانا اصارخ بصوت متقطع بسبب البرد اللي حسيت انه قطع جسمي....حطيت ايديني على وجهي...وقعدت اصيح وادعي ربي انه يخفف علي من البرودة اللي احس فيها...او يآخذ روحي...ماعادت عيشة اللي اعيشها هنا.....
وتذكرت شكل نورس يوم ذبحت نفسها...كانت مبتسمة... قعدت ابكي اكثر...ودموعي تحفر مسار لها بخدودي....والله وارتحتي يا نورس..من العذاب اللي كنت تشوفينه هنا.. حالات الانتحار حاولي الست من دخلت هالمستشفى انا ما الومهم..والله ما الومهم...لكن انا؟؟؟...شلون انتحر؟؟..انا عاقلة موب مجنونة....يعني راح ادخل النار...!!!
حسيت بايد ثقيلة وكبيرة تمسكني بقوة وتسحبني وانا كلي موية...فتحت عيوني..فشفت Tom...وقعدت اصارخ عليه...واحاول ابعده عني بقوة...لكنه كان اقوى مني...شفت المرضى كيف يرتجفون ولا هم قادرين يعترضون...اما رجال الأمن الثانيين فيصرفون بأعجاب بشجاعة Tom النادرة....صرخت فيه بقوة....فصفقني بعنف...وطحت على الأرض....
سحبني من شعري واخذ يقومني بالقوة....ويكمل طريقه....حاولت امخشه لكن وجهه كان بعيد عني...فعضيت ايده بقوة..حطيت كل قوتي بهالعضة....فآخذ يصارخ.... ويحاول يسحب ايده من فمي...لكن انا كنت عارفة ان نهايتي راح تكون لو قدر يسحب ايده...حسيت بضرب على ظهري..بالعصا...فتركت ايده...بينما طالع فيني توم وهو يطالع بيده اللي فيها دم وهو مقهور...واخذ يسبني بالفاظ قذرة...والرجال الثاني ماسكني بقوة من يديني...
غمضت عيوني...لأني ما اقدر اسوي اي شيء...اي شيء!!!...

الفصل السادس عشر

فتحت عيوني بتردد....خايفه...مابي اعيش اكثر...مابي اتذكر...ابي اموووت...ابي اندفن وانا حيه...بس انسى كل الاحاسيس المفجعة اللي حسيت فيها....
احاسيس القرف...احاسيس الصدمة...احاسيس المهانة..احاسيس الالم النازف من قلبي... احاسيس التوسل والتمرغ تحت احذية اللي يسوى واللي مايسوى...
عضيت على شفتي بقوة...آآآآآآآآآآآآآآه....صدمة...كل اللي صار صدمة...مثل صورة ضوئية تشوفها...لكن مو قادر تتذكرها بتفاصيلها البشعه الدميمة القذرة....
انتفضت بقوة..وانا اتحرك على البلاط البارد..خلاص كاااافي...والله يا عالم كاااافي.... ما استاهل اني اعيش كذا...استغفر الله العظيم...استغفر الله العظيم....انا ما اقنط من رحمتك ياربي....لكــــــــــــــن.....انا...آآآآآآآآآآآه. ..
وقفت بضعف وانا اتسند على الجدار.....مو قادرة امشي زين...جسمي ضعيف بسبب كثرة الادوية اللي آخذها....
ما اعرف كم يوم لي وانا هنا....بهالغرفة الصغيرة...اللي مساحتها ثلاث بثلاث...تلمست الجدران...وحطيت اذني عليها..وغمضت عيوني بقوة...مابي افتح عيوني...مابي اشوف الواقع المر...مابي امواج حلمي والخيال تتكسر بكل بساطه على صخرة هالواقع القاسي.. مابي امطار حلمي تسير سيول جارفة على طبلة حياتي...
حاولت اصم اذني بقوة...عن الضحكات اللي تتردد حولي....ضحكاتهم....استهزائهم فيني.. ضحكات ذوليك الرجال...اللي ماتهمهم إلا الرغبة...اللي فقدوا مشاعر الانسانية الراقية...وصار حيوانات بدائية مالها هم إلا غريزتها وبس....
لمست راسي بالم..ضرب راسي بالجدار بقوة.. Tom...آلمني...ضربني ثلاث مرات...لين ماحسيت بالدم يسيل على جبيني...حار ودافق....
ما اكتفى بكذا....حاول يقطع ملابسي...لكني تمسكت فيه بقوة... مسكت رقبته بقوة ... مخشته..بطريقة لا ارادية....ومسكوني اصحابه...واخذوا يضربوني برجولهم.. وما اكتفوا بهالشيء...اخذوا يوطون على اطراف اصابعي برجولهم....
وتركوني للحظات...
في هاللحظات...شفت انا الفرج...ايه الفرج...شفت قلم طاح من واحد فيهم....سحبت نفسي له...وخبيته بثنايا اكمامي...
بعد لحظات...طلع توم سيجارة وقام يدخن بشراهة..وهو يمسك رقبته ويطالع فيني بكره..ويتفل علي...وانا مو قادرة اتحرك...قاعده ابكي بس ماحد يسمع صوتي... واللي يسمعون صوتي هم عمال التنظيف وبعض الممرضات وحرس الامن والمرضى اللي مالهم لا حول ولا قوة....
قعدت ادعي ربي بصمت....انا راح اذبحه واذبح نفسي....خلاص...ياربي سامحني... سااامحني...وارحمني من عذاب النار...انا مجرد شخص مجنون ضعيف فقد الاهلية للعيش بوسط هالوحوش...
لازم اصير وحش مثلهم...عشان اقدر اعايشهم...وانا خلاص...طفحت...تعبت.. قررت اصير وحش مثلهم...
قرب مني Tom...فجودت ايدي على القلم..واول ماقرب مني...طعنته بأقوى ماعندي... وانا ادعي ربي من كل قلبي انها تصيبه..لأنها لو ماصابته راح يذبحني بيدينه الثنتين....
الطعنة رغم قوتها...جات على عظم الحرقفة...وكشطت جلده بقوة...لكنها....للاسف.. ماكانت بالقوة الازمة...


الاحد....


النيرس الفلبينية: she didn't eat...
الدكتور الجديد: I see....she is soo thin
النيرس بعطف:She hasn't been talking since monday
الدكتور الجديد:Immmmmm....we have 2 call her parents
النيرس:I think they heat her...
الدكتور: me 2...but i think she needs 2 talk with them..


طالعت فيهم وهو يروحون من قدام الفتحة الصغيرة اللي في الباب... وصدى كلمت الممرضة يتردد في اذني...يكرهووووني!!!....يكرهوووني....!!! طيب..وش سويت انا..عشان يكرهوني....انا عمري ما آذيتهم...انا عمري..ما عاملتهم بطريقة سيئة.. انا احب كل مافيهم....انا احبهم كلهم...حتى بدرية...رغم كل شي سيء فيها...إلا انها بنت عمي قبل اي شيء...صح اني حبيت زوجها...بس القلوب لها طبعها الخاص...وانا مو ذنبي اني جميلة..وان مساعد حب جمالي...
هههههههههههههههه....ضحكت بصوت عالي...جميلة؟؟؟؟...انا ملكة....جميلة؟؟... اضحك على مين...على نفسي..اكيد...
طالعت ببقعة الموية الصغيرة..اللي بحفرة بطرف الغرفة...لأن الارضية مو متساوية..
طالعت بوجهي...شعري طال شوي...احمر مثل ماهو... عيوني فقدت لمعتها...شفايفي جافه متقشرة....بشرتي باهتة..
تأملت ايدي...ايدي اللي كانت بيوم ناعمة...رقيقة...صارت ايد خشنة..بشعة المظهر...
بكيت...تصوروا بكيت...ما تحملت اشوف نفسي اذوي وانهار....انا ماعدت حلوة... ماعدت انثى...فقدت كل شي حلو فيني....انا مجرد هيكل عظمي..مشوه الملامح...
ضربت الموية بقوة بايدي..مابي...مااااااااااااااااااابي...مابي اشوف نفسي...انا اكره نفسي...اكرررررررررررررررره نفسي.....آآآآآآآآآآآآآآآآآآآآآآآآآآآه....اكررررهك يا عمي...اكررررررهك......الله لايسامحك...حسبي الله عليك...حسبي الله عليك يا الظالم...
انفتح الباب علي...ودخلت الممرضة علي وهي ماسكة صحن اكل...صرخت فيها بقوة ورميت الصحن على الارض...وطردتها من الغرفة وقفلت الباب....وجلست وراه عشان ماحد يفتحه....

ماشاء الله من جد قلم مبدع وفكر مشوق الله لايضرك.
كملي لاني ناسختها عندي احب القصص اللي مثل كذا بالعاميه يسلمووووووو

وينك يالله كملي قصتك وربي اني من اليوم احتريك بشووووق
خخخخخخخخخ متحمسه موووووووووووت

الفصل الواحد والعشرين

إلى متى ياسيدي ابقى هناا؟؟؟
ابعثر روزنامة الايام والاحلام؟؟؟
ابوح في الوقت الضائع
واحلم في الوقت الضائع
واحب في الوقت الضائع
واخلص في الوقت الضائع
واعيش انتظر...فرحة الوقت الضائع...ولا تأتي!!

انا وقفت مكاني لحظات..مو مستوعبة الدعوة اللي دعتها علي البنت...كانت وقحه بشكل غريب...
وافي: مرااام!!!....
: آهاااا..مرومه المشهورة!!
وابتسمت لها ابتسامه واسعه اهي فهمتها زين...كانت ابتسامة تحدي واضحه..
حطيت ايدي بايد وافي وقربت منه كثير...
: هاا حبيبي... ما تعرفها علي!!
لمس وافي خده للحظات..وطالع فيني وابتسم ببرود...وكأنه يقول لعبتك واضحه وضوح الشمس...
وافي وهو يجرني ويتقدم ناحية البنت المفجوعه واللي فاتحه عيونها على الاخير تطالعنا...
: هلا مرااام....كيفك؟؟...
وتصورا قدام عيني صافحها بشكل جدا عادي ولا كأنها وحده من محارمه...الخد بالخد ... واليد باليد..
مرومه وهي تطالعني بغرور: اشتقتلك كثييييييير...
رفعت عيوني للسماا وكأني اقول معقولة وافي مجنني على كل كبيرة صغيرة وبنات خالاته بالشكل هذا..
وافي وهو يطالعني منحرج: ماعرفتك على ملكه...زوجتي!!..
هزيت راسي لها وانا ابتسم: فرصه سعيده اني اشوفك يا مرومه..!!
مرومه بنعومه ودلع بايخ: هاا..وانا الاسعد...خصوصا ان وافي موجود...
وطالعت فيه بهيام زايد..ياربي ودي اقلع عيونها...بمكياجها الكثير...وملابسها الانيقة جدا..وشعرها اللي يتطاير بنعومه حول وجهها وجسمها...آآآآه ياليت شعري طويل...!!
قربت من وافي...ومسكته بقوة مع ايده الثانية...وهي تبتسم له...وكأنها قاعد تقولي هذا لي..انا حسيت الدم قاعد يغلي بعروقي..اهو زوجي ولا زوجها.. انا عمري ماسلمت عليه ... ولا عمري كلمته بهالدلع الزايد عن الحد.. صدق بنات ماعاد فيهم حياا!!!
قلت لوافي يوم بدينا نمشي: حبيبي!!..
طالعني وافي: هلاااا...
قلت وانا اتكلم بدلع زايد اقلد الاخت اللي وراه: الاغرااااض....ما اقدر اشيلهم..اخاف المناكير يخرب ويتخدش...
قطب حواجبه للحظات وكأنه مو مستوعب اني قاعده آمره بطريقة غير مباشرة...وكنت قاعد ادعي ان وافي مايفشلني قدامها...
هز وافي راسه وجا يسحب ايده من الآنسه المدلـله...بس هزت راسها رافضه ومشت معاه راجعه للاغراض..
شال الاغراض اللي طاحت من ايدي ورجع وهي ماسكة بايده بقوة...كنت راح اضحك لولا ان الموقف ما يناسب الضحك...فعشان كذا ابتسمت له بطريقة اهو فهمها...زين...فهز راسه وكأنه يقولي مو مثل ما تفكرين...لكني طنشته..وسبقتهم راجعه على المطبخ...وانا اسمع ضحكاتهم العالية...


في المطبخ..لقيت حصه وصيته..ابتسموا اول ماشافوني...كانت خدودي محمرة..وكنت فحمانه...ناولتني حصه كاسة ماء...
حصه وهي تبتسم وبحنان: عساا ماهبلتبك مهاا...تراها مستخفه من عرفت انك بتجين...
: يا حبيلهاا..الله يخليها لك...قمر مشاء الله..
صيته وهي تشوف بنتها الصغيرة تصيح: هااا يا بعد قلب امك...وشووو؟؟..مين اللي طقك عشان اكسر له راسه؟؟..
ابتسمت للبنت الصغيرة...كانت تزنن..نعومة..وكيوت...ببشرتها المحمرة وشعرها الناعم القليل...
اعطيتها الحلاوة اللي سويتها للاطفال..وانبسطت وراحت تركض برى عشان تعلم البزران الثانيين...
قالت حصه: والله انك تعبت نفسك...يا شيخه جيتك لنا تكفي...
: لااا تعب ولا غيره.. الحمدالله كلها شوية فطاير وصينية حلاا...
حصه وهي تحط ايدها على كتفي: صدق ان وافي عرف يختار...
صيته وهي تطالع بره من الشباك: مرااام مع واافي...
حصه طالعتني وبعدها راحت بتشوف مع صيته..
صيته وهي معصبه: اااه يا قليلة الحياا...لو هي بنتي كان ذبحتها وشربت من دمهاا...ولا كفاني..
حاولت اني ما افكر بكلامهم وانا اعطي البزران اللي تجمعوا عند باب المطبخ الخارجي واعطيهم من الحلويات..
حصه: الغلط على وافي..مفروض يعطيها كلمه يحبها قلبك...لكن اخوي رهيف..ما يحب يجرح احد...
صيته: يا شيخه!!...هي ليش ما تستحي؟؟..الحيا منفصخ منهاا..واحد عمره مافكر يتزوجها ولا يبيها..بس اهي مصرة عليه...
حصه وهي تلفت لي: ملكه..ترانا تعمدنا نقول هالحكي قدامك..
طالعت فيهم وحاولت اثبت صوتي: ليش؟؟..
ابتسمت صيته بشراسه وبأعلى صوت: لأنها راح تحاربك بكل الطرق...
رفعت حواجبي وكنت بقولهم..ياليت تقولون غير هالحكي...لأني تعبت من الحروب اللي خضتها بحياتي..
: انا واثقة من وافي!!..وعارفه انه يحترمني حيل...
ابتسمت حصه: وافي يحبك يا ملكه...لكن ان كيدهن عظيم..
وافي..يحبني!!..مين قال كذا؟؟..وليش متأكده؟؟..كان ودي اسالها..استجوبهاا لكن قررت اني اسكت وانا اسمع صوت وافي قريب من المطبخ...
دخل وافي المطبخ لوحده....ووقف يطالعني فترة شوي طويله..حتى اني حسيت ان الدم بيتفجر من اذاني...بس كنت اتظاهر اني ما اشوفه...
وافي:كاسة ماء...يا حصه..
طالعت بحصه اللي كانت مشغولة...فرحت صبيت له كاسة ماء...وطبعا مايحتاج اقولكم انه في البيت...يكب كاسة الماء لو لمستها...
ناولته الكاسه...بس كان رافض يآخذهاا...
ببراءه مطلقة: هاا حبيبي..الموية!!
اخذ الكاسه وهو يبتسم لي بتكشيرة انا عارفتها...
صيته وهي توقف قباله: وافي..وش المصخرة اللي نشوفها؟؟..
وافي وهو فعلا مو فاهم وش تكلم عنه: وشو؟؟..اي مصخره؟؟...سوت ملكه شيء؟؟..
صيته: حاط حرتك بالضعيفه...لااا يا حبيبي...إلا الاخت مرام...
وافي وهو يمد بوزه: صـــــيته!!...
صيته وهي ميب مهتمة بنبرة التهديد الواضحه: لااا صيته ولا غيره...ياخي توك معرس..ارمي عليها شيلتها إذا اقبلت لك...
وافي وهو يطالعني: صيــــــته....ما تشوفين انه مو وقت هالموضوع...؟؟..وهالقمر واقف هناا يطالعنا ببراءه...
طالعتني صيته وبدل ماتسكت كملت: ايه الموضوع كله عشان ملكه..ياخي احمد ربك.. صدق انكم الرجال ما يملا عينكم إلا التراب..
تنهد وافي بملل وجاا يطلع: تراك ذبحتينا...بنت خالتي واعرفها من كناا صغار...وشفيها.. بعدين ملكه راضيه...اشتكت لك؟؟..
صيته وهي تلحقه: وإذاا هي راضية..انا ماارضى..لو انها بنتي كان ذبحتها يا شيخ!!...
طنشها وافي وراح..ابتسمت غصبا علي ابتسامه غريبة...تقدرون تقولون ابتسامة نصر.. لأني عرفت ان اهل وافي موب راضيين عن هالعلاقة...



رجعت انا وصيته واللي هي على فكره اكبر مني بس بتسع سنين...للصاله من جديد... كنا شايلين القهوة وصواني الحلى اللي انا مسويتها..
واول ما دخلت لاحظت ان كل اللي كانوا يتكملون سكتوا...فعرفت وتاكدت اني كنت محور الموضوع...
حطيت القهوة على الطاولة..ومسكت الفناجيل..ودرت على الحريم وانا اصب لهم..حسيت بنظرات خالات وافي الحسره..وكأني موب عاجبتهم!!..بينما جدته اشرت لي اجلس جنبها يوم خلصت..جيت وجلست جنبها... والصراحه تنقال...حرمه جدا قوية ومتسلطه.. لكنها طيبه حيل..يعني صدق اللي مايعرفك ما يثمنك..
كنت اسمع لسواليفهم بدون ما اعلق...انا مرة صغيرة...ما ادري شلون امي تزوجت وهي بعمر 15سنة...كيف كانت تصرف مع الحريم هاذولي..
يعني صيته تقريبا كانت اهي اصغر المجموعة... ووحده جنبي..وكانوا يتصرف مثلهم بالضبط...الحرمه الصغيرة الي جنبي..كانت ماسكه جوالها تقرا فيه....
ابتسمت لي: ممكن طلب؟؟...
رديت لها الابتسامه: آمري..خلص فنجالك؟؟..تبين حلى؟؟...اجيبلك شيء..
ضحكت الحرمه بنعومة: لااا يا قليبي...ابيك بس ترسلين لي رساله جديدة على جوالي إذا ماعندك مانع...
:...............
كملت الحرمه: وتكون رسالة حب قوية..عاااد انت عروس...مثلي!!
ابتسمت لها: آآه عروس...انت...ابتسام؟؟؟..( وكنت احاول اتذكر اسمها لأن صيته عرفتني على القروب كله)..
ابتسام: ايه..توني متزوجه لي ست شهور...زوجي يصير ولد خالة وافي...
: آآه..ياهلااابك....حضرتي عرسي؟؟...
ابتسام وهي تعتذر: لاااا لاسف...كنت مسافرة عند اهلي....
: حلووو...مشاء الله...
وكملت وانا حاسه اني بموت من الفشيله: للاسف ماعندي جوال يا ابتسام..
فتحت فمها وكأنها مو مصدقة...واعتذرت بسرعه: سوري..حيل مصدومة..فيه احد ماعنده جوال؟؟..
سمعتنا الجده فقالت: وش هوله الجوال؟؟...ماغير مضرة واذى...ويطنطن طول الوقت.. والله...هذا جوالي طول وقتي راميته...ولااا كل بعد فترة يآخذون يغيرون جهاازه..والله انها ماتفرق عندي كل ابوهم...
وكملت وهي تدور جوالها بجيبها: ودامك يا ابتسام تقولين انه موهييم..اجل انتي احق فيه من غيرك يا ملكه!!يامرت الغالي اللي مايرد لنا طالب...
سمعت كلمات متفرقة من اللي جالسين: آآآآآآآآآآآآه..وشهوله؟؟..ماله داعي..يا جده خليه معك..وافي بيشتري لها غيره..
قلت وانا اهز راسي باعتراض: ابداا يا جدتي..لا يمكن آخذه...
الجده وهي معصبة: ترفضين الهدية يا مره!!
قلت وانا خايفه ومرتبكة: ماا قصدي...
سفهتني وحطت الجوال بشنطتي الصغيرة..وغيرت الموضوع...: يا ووويلي...ما ادري وش تحطن بهالشناط الصغيرة...ياله الواحد يدخل يده...
صيته من آخر المجلس وبأعلى صوت: الموضه يا ميمتي...
الجده: والله ان هاليهود اثروا علينا بكل شيء...قالوا الموضه قالوا...
ابتسام وهي تهمس لي: مشاء الله عليك..كسبت الجده...انا ياما حاولت لكن المحبه بالقلوب..
ابتسمت لها منحرجه...واشرت لي نطلع نتمشى..فستأذنت من الحريم ومن الجده اول.. وطلعت مع ابتسام..
ابتسام وهي تغمزلي: يله..دقي على زوجك!!
: هااا...ليش؟؟...مايحتاج؟؟...
ابتسام وهي تضحك:ههههههه... إلااا..بوريك شلون يخافون من جدتهم..بتشوفين كيف بيرد عليك بكل الرسمية اللي بالدنياا...
طالعت بابتسام ومسكت الجوال بتردد..وكأني تذكرت شيء...: ما اعرف رقمه...
ابتسام وهي تطالع معي بشاشة الجوال: والله؟؟...طيب...اكيد مسجل هناا...
فتحت قائمة الاسماء....ادور ببطء ليما لقيته وافي...يا الله اسمه يجنن...
ابتسام : اسم رجلك يجنن..اما انا الله يخليه لي..اسمه يفجع..بس مع هذا اموووت فيه.. ولا اتخيل حياتي بدونه لحظة وحده...
كل العرايس مثلك يا ابتسام إلا اناا!!..
: اممم..هذا رقمه...طيب..وش اقوله؟؟...
ابتسام وهي تفكر: بس اسمعي صوته!! وبعدين بنرسل له رسايل غزل قوية..
هزيت راسي وانا ادق بتردد..واحس حلقي بدا يجف..عااد كنا بعيدين مرة..فحولناا في هدوء غريب..وكنت اشوف البزران وهم يسبحون..مع البرد...داخل الغرفة الزجاجية...
تعالت دقات قلبي اكثر اكثر..وانا اسمع صوت الرنات...رنه ورا رنه..
اخير رد وافي....صوته يجنن بالتيلفون...صوته حلو بكل وقت..
وافي بثقل: يامرحباا مليون ولا يسدون...
وافي: الوووووو...يا السلطانه ردي علينا!!...
ابتسام قاعده تسمع معي..وميتة ضحك..
وافي وهو يكلم احد جنبه: شكلي جدتي كالعاده نايمه فوق جوالها...كخخخخخخخ...
واسمع صوت واحد جنبه وشفت ابتسام ميتة به الصوت فعرفت انه رجلها: يا حبيلها جدتي.. والله ان الحظاره حرام فيهاا....
اشرت لي اقفل..فقفلت الخط..وانا قلبي ينبض بقوة فضيعه..
ارسلت لي رسالة..قريتها نهبلت...
: ابتسااام..لآ يمكن ارسلها..هاذي مررة قليلة ادب...
ابتسام وهي تهز كتوفها: عاادي...وش فيهاا؟؟..تراك زوجته...
: لااااا...مرررة استحييييي...شلون راح اشوف وجهه وانا مرسلة له كلام زي كذاا..
سكتت ابتسام..وهي تدور رسالة ثانية وارسلتها لي...وعييت ارسلها...وبالاخير ارسلت لي آخر رسالة...وهي اللي قررت ارسلهاا..
(( صاحبي محتـــــــــــــــاج لك شعر وشعور...واحتياجي شي ماكان باختياري...في غياب الشمس وش ذنب الزهور؟؟...والمطر لا شح وش ذنب الصحارى؟؟..اللقا لحظات والغيبة شهور...تقصر الخطوات ويطول انتظاري!!))
وضغطت على الارسال وقعدت انتظر....اما ابتسام فأخذت ترسل لزوجها رسايل...فدق عليها وقاموا يسولفون..حسيت بالم بقلبي...هذا هو الزواج...مو الحياه اللي اعيشها... يا قلبي تعبت من قوة احاسيسك..ما ادري متى تموت وارتاح من هالعذاب؟؟...مارد وافي
الرسالة..واستغربت اناا..وبعدها بخمس دقايق تقريبا...دق على الجوال... اشرت لابتسام .. لكنها كانت بعالم ثاني مع متعب حبيب القلب..
توهقت..وبالاخير قررت ارد بس واسمع صوته...
وافي وهو معصب: الووووووو...
خفت وتوقعت شر..صوته كان معصب موب مثل قبل شوي...
وافي: ملكه...ردي علي!!


وافي: ملكه ردي علي...بسررعه!!
: هلااااء...
وافي وهو يآخذ نفس عميق: وينك؟؟؟..
: ااااااه..مع ابتسام مرت متعب....قريب من المسبح..
وافي وشكله مولع: طيب...تعاليلي ورى المسبح....بتلاقيني واقف هناك بالركن.. بسرررعه...
ودعت ابتسام ورحت ببطء امشي ...انا عارفه انه بيهزئني وبيتكلم علي...لكن هالمره ماراح اسكت له...انا مو عبده له...انا حره بنت احرار...وافي بالذات من بد هالبشر كلهاا لازم يعرف اني اقدر عليه وعلى عشر مثله..
قعدت اقوي قلبي بهالكلام وانا اقراا بعض الاذكار حق لقاء العدو..
وصلت اخير للمسبح فلفيت من ورا الغرفة الزجاجية..ولقيت وافي واقف مثل ماقالي بالركن...بس كانت عنده مرومه!!
لا يكون ناوي يهزئني على حسابها...
ابتسمت وانا اقرب منه..ولاحظت ان مرومه الدلوعه التافهه كانت تطالعني بتحدي...
: هلاااا حبيبي..شبيك لبيك ملكه بين ايديك...
حسيت وافي ارتبك..وكنت راح اضحك على وجهه...بس اكتفشت بابتسامه عذبة...
وافي وهو يحك شعره: هلاااا..آآآه..اممم...
وطالع بمرومه منحرج ما يدري وشيقول...
مرومه وهي تطالعه بغرام: وافي..توعدني اسوق الجيب حقك بعدين...!!
وافي وهو يبتسملها: اكيد حبيبتي...!!
انا حسيت بغثيان قال حبيبتي قال...حبك برص وهم وغم يا حمار...بس تصدقون رغم اني مولعه من جواتي لكن اللي يشوفوني يقول حيل مبسوطة وتبارك هالشيء اللي قاعد يصير...
: مرومه عيوني..ليتك تخليني انا ووافي شوي...ابيه بكلمه!!..على انفراد..
مرام فتحت عيونها للاخير...ورفعت خشمها بغرور وصرخت بدلع وعيونها تدمع: واااااااااااافي!!!
وافي وهو شكله كاره هالشيء: آسف مرام...بس اوعدك انها كلمتين...وارجع لك عشان نركب السيارة!!
هزيت راسي بنعومة وانا مبتسمة بتريقة....يا حياتي على الحب المتدفق..لو كان معي مسدس كان فرغته فيهم هالحين...بس لاااا..انا اوريكم...وما اكون ملكه!!
مرومه اللي انصدمت ان وافي صرفها بهالطريقة..امتلت عيونها دموع..وتركتنا وركضت بسرعه وسمعنا صوتها وهي تصيح..وشفناها وهي تروح عند مجموعة بنات شفناهم يطالعون فيناا كلناا...
وافي: كان لازم تكلمينها بهالطريقة!!
: لااا ابدا..كان مفروض بس آخذها بالاحضان واقولها الف مبروك عليك الرجال اللي مفترض يكون رجلي...
مسكني بقوة مع كتفي: خلك ساكته دام النفس عليك طيبه!!..
صرخت: مانيب ساكته...وبعد ايدك عني...بكل بساطه..تبوس خدها...وتمسك ايدهاا...ليش واحنا عايشين ان شاء الله؟؟..هاااا...تكلم...قووووووووول...
وافي وهو منقهر: كاااافي..لا تخلين اتوطى ببطنك!!..
رفعت راسي ومشيت من قدامه: ما تقدر...ولا راح اسمحلك فااهم؟؟..انا موب لعبة عندك ... كافي اهانات وصياح وتعب نفسي ومعنوي....انا اقبل اي شيء...إلااا انك تهيني قدام الغرب يا وافي!!..
مسكني وجرني بقوة مع كتفي...وانا اصرخ فيه واحاول اني اضربه بقوة..عشان يتركني.. ورجعت ضربته مع كتفه بقوة....فمسك ايدي ولفهاا...
صرخت بالم: وافييييييييي...يا حمااااااااار!!!...آآآآآآآآآه اهىء اهىء...
وقعدت اصيح بسبب الالم اللي حسيته...
قال واهو يدور مفتاح الغرفة اللي معاه: ابيك تنطقين هناا..مفهوم...!!
قلت بعصبية: لاااااااء...ماراح اجلس هنا..والله لاسويلك فضيحه..انا مانيب كلب عشان تحبسني هناا...
وضربته بقوة على كتفه وصرخت: انا انحبست شهرين اثنين بغرفة قذرة..اتجرع انواع الضرب والتحرش...وانت!!...بالذات من بد هالبشر كلهم...ماراح تحبسني فاااهم؟؟...
سكت يوم حسيت ان صوتي عالي مرة...وان في هدوء غريب حولناا...وافي كان يطالعني بطريقة غريبة...فمه مفتوح...وحواجبه مرتفعه بذهول...
مسحت دموعي اللي نزلت بسرعه عشان تغطي وجهي..
: اكرههههههههك....اكررررررهههك...انت ولااا شيء...فاااهم ولا شيء...
اكتسى وجهه تعبير غريب..تعبير صدمه بذهول بحزن بلا مبالاة..باشياء كثيرة اجتمعت..
دخل المفتاح بالباب وفتحه..واشر لي ادخل..حطيت ايدي على رقبتي...كان حلقي يعورني بسبب الصراخ....
سمعت صوت حركه وانتبهت للحركه من تحت الاشجار...وكأني شفت رجول...يعني فيه احد سمع حوارنا الرومانسي الجميل!!
دخلت الغرفة مستسلمه ودخل وافي وراي...

فتحت المكيف على الحار...وفسخت الفرو اللي لابسته..كان وافي واقف ورا الباب ومتكي عليه..يناظرني بنظرات غريبة...
: وشفيك؟؟..اطلع برااا...ما ابيك..ولا ابي شوفتك...قفل الباب بعد..مايهمني...احرررقني.. ما اهتم....انت عديم احساس...انت من وشو مخلوق؟؟...قووووووووول...
وافي وهو يبلع ريقه: ملكه!!...خلااااص...
: لاااا موب خلاص...عمره ماخلص...ليش تكرهني يا وافي؟؟..لييييييش؟؟..وش يدريك وش الي كان بيني وبين مساعد؟؟..على اي اساس حكمت اني احبه؟؟..ليش قررت وادعيت وحكمت وقضيت وخلصت..
فتح فمه بسرعه بيرد بيتكلم..لكن بدل من هذا كله..
وافي بكآبة: مو هذا المهم...المهم انك بدل ما تاكدين لي انك شريفه...رحت وخنتيني معاه..ولااا حطيتها بجارتك المسكينه اللي عندها اطفال...
:اطلع براااا...ما ابي اشوفك هالحين...اطلع برااااااااااا روح معى مرومتك الصغيرة الدلوعه...
وكملت وانا ارتعش: سؤال صغير بس؟؟...بس؟؟..ليش تزوجتني؟؟..ولا تقولي علشان تحمي بدرية مني؟؟....لأن هاذي اكبر كذبه بالعالم...
مسكني مع كتوفي واخذ يهزني بقوة: كذااا...تزوجتك عشان اريح هالبشر منك..تزوجتك لأني مابي سلطان يتزوجك....ولا ابيك تهربين مع مساعد..ولااا ابيك....لغيــ...
: وشووووو؟؟..كمممممممل...اجرحني اكثر...هيني اكثر...يا حقيييييير...انت حشرة تااافه..
ضربته بقوةعلى صدره..لدرجة اني شكيت إذا يحس..رماني بقوة على السرير وطلع بعد ما قفل الباب حق الغرفة...



بعد ساعه من الصياح المتواصل فتحت علي مهاا باب الغرفة بس الداخلي...قمت على طول من السرير وفيني نية خناق مع هالوحش الدب الحيواااااااااان وافي...
شافتني مهاا وهي بعد كانت عيونها حمرر: شفتكم وانتم تهاوشون!!...."
وحطت يدها على فمهاا وقامت تصيح...وهي تسكر الباب اللي وراها...
كملت مهاا وهي ترتجف:" توقعتكم تكونون مثل متعب وابتسام...لكن...صدمتووني.."
بلعت ريقي ومسحت دموعي :" مهاا حبيبتي...الحياه مو مثل ما انت معتقده..الحياه فهي تشابكات كثييييييير..."
مهاا وهي تطالعني وتمسح دموعي:" بس خالي وااافي....وعدني انه راح يعااامل زوجته برقة..."
مافهمت شيء من اللي تقوله..
كملت مهاا وهي تصيح اكثر:" كل الرجال مثل بعض...رغم انه دوم كان يحلف لي انه غير عن ابووووي..."
وقفت وضميت مهاا بقوة: "مهاا حبيبتي...اي رجال يختلف مع زوجته...واللي صار بيني وبين وافي شيء عاادي..."
مسحت خشمها بمنديل انا اعطيتها اياه وقالت وهي ترتجف: ليش قفل عليك البااااااااب؟؟.."
ابتسمت لها: لأني طردته وكسرت له راسه وقلت له مابي اشوفك..."
وكملت وانا احاول اضحك: فأدبني بطريقته...!!"
ابتسمت مهاا وكأنها تحاول تصدقني: يعني خالي وافي طيب معك؟؟.."
: طبــــــــعاا..صدقيني ان احلى ايام عمري مع خالك...بس انا عصبت عليه عشان الهبلة بنت خالتكم ذي.."
مهاا وهي تمسح دموعهاا:" مرااام؟؟.."
وقلدتها انا:" مروووووومه!!"
قمنا نضحك ومسحت دموعي...ورحت اعدل مكياجي عشان اطع معاها...
مهاا وهي تشوفني اعدل مكياجي:" تصدقين....اني حلفت ما اتزوج ابد...بس خالي وافي هو اللي اقنعني اني اتزوج..وقالي ان اصابيع ايدي موب سواا..."
وكملت وهي توقف وراي: "لمن شفت متعب وابتسام..انبسطت بس كنت اقول لنفسي خالي وافي هو اللي راح يثبت لي هالشيء...خصوصا بعد تجربته مع خطيبته الاولى...ومع عفااري..بنت خالتي نوراا.."
رفعت راسي بسرعه: عفااري...ليش؟؟...وش السالفه؟؟.."
مهاا بارتباك: ماقالك عنهاا؟؟.."
: "لااا...بس اللي اعرفه ان بينهم مشكله كبيرة...لكن نسوها بعد قضية جاسر الله يرحمه ويغمده الجنه..."
مهاا وهي ترجع شعرها ورا اذنها: "يا ستي السالفه عاادية...انت تعرفين بيت خالتي نورا مشاء الله قصر..."
هزيت راسي ولفيت اسمعها باهتمام...
كملت وهي تجلس على التسريحه: "وله عدة بوابات ... يا ستي كان خالي وافي زايرهم... المهم خطيبته الاولى كانت موجوده في ذاك اليوم... وكانت متفقة مع اللي تحبه انه يجي يشوفها هنااك...طبعا عفاري ما كانت تدري عن الموضوع نهائي....لكن لسوء حظ عفاري ان الرجال يوم نط السور...كانت هي بذاك المكان...وسمعته وهو ينادي اسم خطيبة وافي ... من الصدمه...ما قدرت تسوي شيء..وهو يوم شافها ارتبك وحاول يهج...لكن اللي شافه وهو ينط السور وعفاري واقفه..."
سكتت..فكملت اناا وانا حاطه ايدي على قلبي: يااا ويلي وافي...هو اللي شاف عفراا وحسبها تعرف الرجاال؟؟..."
هزيت راسي متأثرة..ياربي وش ذا الحظ؟؟...إذا ماصدق عفاري والسالفه من سنين فمعقولة راح يصدقني والسالفه مالها ايام؟؟..
مهاا وهي تحلفني: بس الله يخليك لا تقولين لأحد...ترى والله ماحد يدري بذا الموضوع غيري انا وعفاري..."
تنهدت وانا اقوم : مسكين وافي...وش هالصدمات اللي يشوفها في اللي يقربون له...عفاري كانت تقولي انها ياما حلفت له انها بريئة بس ماصدق"
مهاا وهي تأيدني بهزة راس: صح...خالي حمل عفاري كل سبب تعاسته خصوصا بعد ظنه ان عفاري بنت تمشي مشي بطاال.."
: بس لازم نعلمه..حرااام..لازم يعرف انه ظالمهاا"
مهاا: ياما حاولت اني اقوله...بس عمره ماعطاني وجه..."
كملت مهاا وهي تغير الموضوع: طيب..دامني مبسوطه على خالي..ودامك تحبينه... امشي اوديك للبدروم..تشوفين صور رجلك يوم كان صغير..وكل ذكرياته..كتبه دفاتره.. ملابسه..العابه..كل شيء يخصه."
دخلنا البدروم الكبير بس نوعا ما مظلم...وكان بااااااااااااااارد..لدرجة اني سمعت صوت طقطقة اسنان مهاا وهي تشد الكوت حقها بقوة على جسمهاا...راحت للكراتين مغبرة بالركن ولحقتهاا بسرعه...
حسيت بخوف فضيع مع ان عندي مناعه من الحشرات والفئران...لأني تعودت عليهم بالمستشفى...
مهاا وهي تأشر لي بالكشاف: هنااا...
جيت وراها وجلست قريب منها..وكان فيه صندوق خشبي كبير فيه اغراض كثيرة... طالعت بالاغراض..وحسيت بمشاعر غريبة تخنقني بقوة...
تأملت اللعب الصغيرة..سيارت مغبرة...سوبرمان وسبيدر مان..مجلات باسم..لقيت تي شيرت قديم ازرق وابيض..غصبا علي حظنته بقوة...ما اتخيل شكل وافي وهو صغير... اكيد قمر...
مهاا: ياعيني على الحب!!"
بتأثر رديت عليها: ودي آخذ كل اغراضه.."
مهاا: تحبينه؟؟..."
سكت ماعرفت وش ارد...وهزيت راسي بصراحه: لسه!!"
ابتسمت وحط ايدها فوق ايدي: اقدر صراحتك...لكن صدقيني راح تحبينه...خالي ينحب.. خالي غير!!.."
:ههههههههههههه...لااا يا شيخه..اظن الغرور صفه متوارثة بالDNAعندكم"
مهاا وهي تمسك كتاب جلدي كبير وتعطيني ياه: وانت الصادقة"
فتحته بتردد...وافي...هذا البوم لصوره...كان يبتسم ببلاهة وهو ماسك كورة ولابس لبس الهلال...وشعره الاسود الكثير منتفش...وركبته مجروحة..وعيونه تلمع..ماكان جميل.. كان عادي..لكني حبيت الصورة غصبا علي...حسيتها تمثل وافي الحقيقي...وافي الطيب.. اللي كان قبل لا يتزوجني...مثل مساعد...اللي صار مجنون لمن عرفني وحاول يدمرني.. مثل سلطان اللي فقدت الحياة بهجتها عنده..لمن تزوجت غيره...
قلبت الصفحات...صور مختلفة لمراحل زمنية متغيرة...وافي وهو واقف مع اصحابه قبال مدرسته.. وافي وهو يسوق السيارة.. وافي وهو يفرش اسنانه ومصورينه اصحابه بامريكا ... وافي وهو ماسك ثعبان كبير وحاطه حول رقبته..
اعطتني مهاا البوم صور ثاني..وقامت تشرح لي كل صورة وش مناسبتها.....وهاذا الالبوم كان صور متنوعة للعائلة...صورة لحصه وهي شايله وحده من بناتها الكبار بين يدينها....صورة للجدة وهي واقفه في المرزعه جنب الغنم...صور لاحداث كثيرة ومهاا تذكرها وهي جدا مبتسمة...وكنت استمع باهتمام...
: مهااا...ممكن طلب؟؟.."
مهاا وهي تسكر الالبوم: آمري..."
: امممم...ابي صورتين لوافي...وابي التي شيرت حقه...واللعبة حقته..."
مهاا وهي تبتسم: اكيد...هاذي كلها حلالك...اساسا اغراض رجلك...المزرعه كل شبرها فيها لك..."
: ولا تعلمين احد عنها..خصوصا وافي"
مهاا وهي مستغربة: انن..شاء الله.."
طلعت صورة وافي وهو ماسك الكورة..وهو لاف الثعبان على رقبته ودخلتهم بالشنطه.. و اخذت لعبته السوبر مان الصغيرة..وحطيتها بالشنطه...واخذت التي شيرت وضميته بقوة ... وكأني احاول اضم وافي من خلاله...لا تسألوني ليش سويت كذاا؟؟؟.. غصبا علي والله.. مع اني ما احبه...بس حسيت ان ودي اضم هالطفل بكل القوة اللي عندي...
مهاا وهي تبتسم: خلااااص...لو درى خالي عن كل هالغرام والمشاعر كان ما ترك دقيقة..."
طقيتها على كتفها بمزح: دبـــــــــه..عيب عليك...!!
مهاا :ههههههههه..ولااا تقول لسه ماحبيته...وهي..."
سكتنا انا ومهاا نسمع رنة الجوال القوية...
: مهاا...جوالك...
مهاا طلعت جوالها من جيبها وهزت راسها بمعنى لااا موب حقي...
تذكرت ان معي جوال انا الثانية..فتحت شنطتي وطلعت منها الجوال..وكان وافي هو اللي يتصل...خفت...
مهاا: مين؟؟...خالي؟..."
: ايـــــــه...مهاا خايفه..احد درى انك فتحتي الباب علي؟؟..."
مهاا بارتباك: لااااء...محد درى..اخذت المفتاح بدون محد يدري وجيت فتحت عليك الباب..."
سكت الجوال..وخفت وعضيت على شفايفي ووقفنا انا ومهاا..
مهاا: اكيد فتح الغرفة ومالقاك... يا ويلي منه...بيكسر لي راسي"...
: آآه..اممم..طيب...وش السواة؟؟"
رجع الجوال يدق بالحاح اكبر...وطاح من ايدي من شدة الخوف والربشة...وتمينا انا ومهاا مكانا نطالع مصروعين بالجوال...
بالاخير ما عدت احتمل...فشلت الجوال وضغطت على الزر الاخضر...
: الو...ووو...وو..."
وافي وهو صوته منبح وقاعد يلهث:آآآه...وو...وينك؟؟...."
:آآه...هنااا...قررريبه..."
وطالعت بمهاا...اللي اشرتلي عشان نطلع بسرعه فوق...عشان ارجع لغرفتي...
هزيت راسي ولحقتها...
وافي واهو يآخذ نفس عميق: وووووووينك؟؟.."
روعتني صرخته واشرت لمهاا بخوف...
سحبت مهاا مني الجوال...: الوووو..___ايه يا خال___لااا عادي...___أنا اللي فتحتلها الباب___لا تصرخ علي____طيب..اهي جايه تستان.._____ان شاء الله___ولا يهمك"
طالعت بمهاا وهي تقفل وعيونها مليانه دموع...وشفايفها ترتجف...
: مهاا حبيبتي..وش فيك؟؟.."
صرخت فيني وهي تبكي: يقول انه مايبي يشوف وجهي ولا يبيني ادخل باللي ما يخصني.."
وركضت تطلع الدرج...لحقتها وانا حاسه ان قلبي بيوقف...طالعت بالاماكن من حولي... ومالحقت مهاا...رحت لمجلس الحريم بسرعه..ابي اهرب من مواجهة وافي..خلني ااجلها ليما اقدر...
بس يا فرحه ماتمت...حسيت بايدي شوي وتنكسر...كانت يد وافي قابضة علي لدرجة اني حسيت ان لحمي بيتقطع من قوة مسكته...كنت راح اصرخ بوجهه..بس خفت يوم شفت شكله...سحبني معاه لغرفتنا اللي كانت قريبة من البدروم...
دخلني اغرفة وسكر الباب...انهار على الكنبة جالس..وقام يتحسس جيبه بتعب...يدور عن سيجارة...
طلع سيجارة..اخيرا وحيده يتيمة مثلي..لقاها بجيبه....ولعها بارتباك وايده ترتجف...
وافي واهو يطالعني وانا ماسكه التي شيرت بايدي: حق مين؟؟.."
طالعت بالتي شيرت القديم وضميته بقوة لصدري: حق ولد صيته..."
قطب حواجبه: وليش معك؟؟.."
: لللل..لأني اخذته منهاا..عش..عاشن اعطيــه...الشغالات"
وافي وهو يفرك راسه بعصبية: صرخت على مهااا..انت السبب"
: بكت بسببك!!..طلبت منهاا انها ما تتدخل فينا؟؟...ليش يا وافي؟؟.."
وافي بعصبية: مايحقلها تفتح لك الباب بدون ما تقولي؟؟.."
ووقف ورمى السيجارة وفركها بقوة برجله...حسيت بالعطف عليها..مسكينه..ماتت..تفتت .. انتهت...
وافي وهو يحط يدينه على الجدار اللي وراي ومحاصرني بشكل مخيف!!: توقعتك هربت..."
:................
غمض عيونه بقوة: حسبت..ان..احد من العمال آذاك!!..
:...........
وافي وهو يفتح عيونه الحمر وينتفض:كنت راح اقتلهم...عارفة وش يعني اقتلهم؟؟..يعني انهي حياتهم بكل بساطه...
: واااااااااافي...اهىء اهييييييء..
حطيت ايدي على صدره...
قال لي وهو متعذب ويضحك في نفس الوقت: لكني تذكرت..اي حقيرة خاينه بايعه لسمعتها انا تزوجت!!
صرخ فيني بقوة: آآآآآآآآآآآآآآآآه...ليش انت؟؟...ليييييييييش؟؟..ليش حبيت مساعد؟؟...ليش غررت بسلطان؟؟...ليـــــــــــــــــــــــــه؟؟.."
سحبني بقوة له...ضمني بقوة لصدره... يدينه كانت تعتصرني بقوة...حسيت انه يعذبني بهالطريقة..وقعدت ابكي مو عارفة وش اقول...كل مافيني يتنافض...انا ندمانه.. على كل شيء...وعلى اي شيء..بس ما احب ان احد يتعذب بسببي!!...انا اللي فيني كافيني..
بعدني عنه بقوة فجأة..وكأنه تذكر فجأة مين انا؟؟.. حسيت بظهري يتكسر...لأني انصفقت بالجدار بقوة...ابتعد عني ببطء..قعد يطالع بوجهي بألــــــــــــــم..
وبالاخير اطلق رصاصته الاخيرة علي: ما ابي اشوفك خارج هالغرفة..مفهوم؟؟"
حطيت ايدي على فمي ومارديت عليه واهو يطلع ويقفل الباب علي.


كنت راح اطق...من الطفش اللي فيني وانا ادور بالغرفة وماعندي غير التلفزيون اتفرج عليه..اقلب من قناة لقناة النوم مجافاني..ولاني قادره افكر غير بوافي...ردة فعل وافي.. كلام وافي...افكار وافي...احاسيس اللي تنعفس وتتغير من تشوف هالوافي؟؟..
حسيت بضيقة فضيعه وانا ارجع اضم التي شيرت بقوة لصدري...آآآآآآآآه..وش اللي قاعد يصير فيني يا رب؟؟..ياليتني ما رجعت من المستشفى ابدا...اقلها عيشة المجانين ازين من عيشة الناس العاقلة...
فصخت ملابسي..ولبست بنطلون بيجاما..ولبست التي شيرت حق وافي..مشاء الله كان واسع علي...رغم انه لطفل عمره عشر سنوات...مشاء الله على وافي...جسمه عريض من يومه..
دخلت تحت الفراش..بعد ماقفلت اللمبات...كنت اشوف البطل شلون قاعد يهين البطله بالفيلم...يضربها بقسوة بحزامه...ويجرها من شعرها للدرج...ارتجفت..على قسوة وافي...ألا اني لا يمكن اتصور انه يضربني بهالطريقة...وحتى الكف اللي صفقنياه قبل... كان كف لأنه طلع عن طوره للحظات..ولااا ما اتوقع انه راح يعيدها مرة ثانية...
شفت البطلة وهي تهج وتقفل الباب بوجه البطل...وتروح للشباك..مجنونة بتنتحر..كنت اعصابي مشدودة مع الفيلم لآخر درجة..وما انتبهت للباب اللي انفتح ولكن اللي شدني ريحة الاكل...فالتفت ادور مصدرها...كان وافي..



التقت نظراتنا...وجمدت حركتي...اتذكرت اليت شيرت اللي انا لابسته...غطيت جسمي بسرعه...
طالعني وافي...يكن مستغرب من حركتي...وحط الصينية حقت الاكل بالطاولة اللي قريبه من الكرسي...
ثواني ودخلوا خدامتين شايلين كنبة صغيرة ثانية...حطوها محل ما اشرلهم وافي..
وافي وهو يقرب مني: يله قومي كلي...!!"
:..........
وافي وهو يحط ايده على الجدار فوق راسي على طول: وش فيك؟؟...كأنك مخترعه؟؟"
:.........لااااء...
وقلت وانا اغطي نفسي اكثر: اطلع بره شوي...ابي..اغير ملابسي...
وافي وهو مستغرب: وش هوله؟؟؟..نص اللي بالبيت ناموا ماعندا البنات...
احترت وش اقوله؟؟...وبدون اي تفكير: صراااحه..لابس لبس..شوووي..خااالع..فياليتك تطلع بره...عشان اغير..!!
ابتسم بسخرية وقام يضحك وكتوفه تهتز..ورجع راسه على وره...
: قلت شيء يضحك؟؟...هاا؟؟.."
وافي وهو يجلس على الكنبة: لااا ابدااا...ماقلتي شيء يضحك...خلك منسدحه على هالسرير ليما يصبح الصبح...الصراحه مافيني اتحرك..تعبان ابي آكل وانووم!!"
انتظرت دقايق...وبطني تعورني بسبب الجوع....وكنت شوي واصيح بالاخير...قمت من على السرير..وجيت جلست على الكنبة اللي قبالته..
طبعاا ما يحتاج اقولكم شلون وجه وافي قايل وهو يطالع بالتي شيرت...حتى اللقمة اللي كان يآكلها وقفت في حلقه..وقام يكح...
صبيت له كاسة ماء وناولتها اياه..شرب الكاسه كلها...وطالعني وهو يهز راسه...
قلت وانا اعض شفتي: الغرفة حيل دافية..وانا كل ملابسي ثقيله...عشان كذاا...."
وهزيت كتوفي..ومديت ايدي اخذ الملعقة اللي قدامي...
وافي وهو يحك رقبته: هذا التي شيرت...آآه..حق ميـــن؟؟.."
ابتسمت وانا آكل بسرعه: حق ولد صيته...نظيف وصيفي...هههه..."
وافي وهو غير مقتنع: كأني شفته قبل!!...بعدين غريبه على صيته تجيب هالتي شيرت معهاا في عز البرد!!.."
ابتسمت ابتسامة بكش كبيرة: هاا حبيبي...غلطت...الشغاله وحطته...كل...ليش ما تآكل؟؟.."...
حرك الملعقة في الصحن حقه..وقام يطالعني ويرجع يطالع بصحنه...بس من غير ما يآكل..
وافي فجأة وانا قاعده آكل بسرعه: مكتوب على جبيني هندي؟؟.."
:حبيبي...ليش تقول كذاا؟؟.."
حمرت خدودي...انا قلت حبيبي..وش سالفتي؟؟..حسيت بحرارة فضيعه تزحف باوصال جسمي...بلعت ريقي كذا مرة...
وافي وهو يبتسم: وش قلت؟؟.."
طالعته بتردد..وهزيت راسي بمعنى ماقلت شيء..وحسيت نفسي انسدت عن الاكل..قمت ببطء عن الكنبة...وكان لازم امر من قدام وافي عشان اروح السرير...مسكني وافي بقوة من يدي...شهقت بقوة..وسحبت ايدي منه...ما اعرف ليش ارتبكت مرة..
وافي وهو يمد بوزه شوي: لايق عليك..."
طالعته للحظات مو فاهمه وش يقصد...وحمرت خدودي يوم فهمت انه يقصد التي شيرت ...
وافي وهو يسرح بزمان مضى: كان واسع علي كثير....اذكر اني قعدت زعلان يومين يوم عيا ابوي يشتريه... كنت ابيه بالذات...اصحابي ضحكوا علي وقالوا لي ان يوسف الثنيان موقع عليه..."
ابتسم بحزن وهو يكمل: يوم مااات ابوي....الله يرحمه ويغفر له... حلفت اني ماعاد البسه ابد...ورميته بالصندوق ولا عااد فتحت الصندوق مرة ثانية.."
ارتعش صوته شوي: كنت اعتقد انه مات بسببي...."
دمعت عيوني...وحطيت ايدي على فمي...ولاحظ وافي اهتزاز كتوفي...والدمعات اللي تساقطت على يده..وقف..وحسيت انه ضاق صدره... وشال صينية الاكل وراح...بينما انا قفلت التلفزيون...ورحت تمددت على السرير وغطيت نفسي وحاولت انوم...


ماقدرت انوم..الوقت متأخر ووافي مارجع لي مرة ثانية...رحت لبستلي جاكيت دافي وشبشب وطلعت من باب الغرفة الخارجي...
سمعت نباح كلب...فارتجفت بقوة...وحاولت اني اكون قوية وامشي اكثر..بس ماقدرت فجلست عند الباب ارتجف بسبب البرد..وادق على وافي اللي ماكان يرد علي!!
غفيت بمكاني للحظات..بس قمت على هزة يد وافي...فتحت عيوني على وسعهم..ودخل الغرفة وسفهني..
تركني بمكاني لوحدي..غرقت عيوني دموع...ورفعت راسي اناظر للسما...اناجي ربي بصمت.. حاسه بضعف وخوف من كل شيء..واولهم وافي...هالغامض الغريب...اللي دوم يتركني وحيده..ما ادري متى بيحس فيني؟؟...انا مابيه يحس فيني..انا ابيه يحن علي.. كافي يتم..ما استاهل يتم اكثر...
دخلت الغرفة بعد مامسحت دموعي..شفت وافي منسدح على السرير وكان صاحي يقرا حاجه بالجوال...سكرت الباب وقفلته..
: وين انام؟؟.."
وافي بلامبالاة: شافيه مكان غير السرير...."
: وانت؟؟"
وافي: انا بنوم بعد على السرير..الصراحه جسمي متكسر...ومافيني على نومة الارض.."
انسدح على بطنه ودخل راسه تحت المخده..
ترددت بمكاني للحظات...ثمن رحت فصخت الجاكيت..وجيت تمددت على السرير انا الثانية...كنت نايمة بآخر طرف السرير..يعني اي حركة بسيطة مني واطيح على الارض ...
كنت عارفة انه ما نام..واغلب الظن انه يراقبني..وانا ماكنت قادرة انوم.. كنت زعلانه من نفسي..كنت عتبانه على حالي... ليش اركض وراه؟؟... ليش ادور رضاه؟؟...ليش انا افكر إذا هو اكل او شرب؟؟..وهو..؟؟..جاوبوني هو..وافي...القاسي عمره مافكر فيني...
اعتقد اني من الاشياء اللي لمرت على باله ازاحه مثل ما يزيح اي ذبابه تزعجه بالجو... هذا انا بحياة وافي..فاهمين مجرد ذبابة..
جاني هالسؤال: وهو...القاسي...وش مكانته بحياتك؟؟...ليش مهتمة فيه؟؟
تقلبت مرتين بملل على سريري... ما ادري...اللي اعرفه اني اكرررههههه كثير...بس اشفق عليه...يحزني.. ما احب الانسان اللي عايش بعالمه الخاص...
تردد علي سؤال ثاني مزعج..انت متأكده من كرهك له؟؟...
كان ودي اصرخ بنفسي...اكيد اكرررههههه انا اعرف مشاعري اكثر من اي احد ثاني في هالدنيا....بس هذا زوجي..عيلتي...ماعندي احد غيره...لو طلقني وين راح اروح؟؟... اروح لعمي اللي رماني مرتين...مرة بمستشفى المجانين...ومرة عند وافي؟؟..
وافي بصوت نايم:خلاااااااااص كافي تقلب على السرير..."
انفجعت ماتوقعت انه لسه صاحي...جلست وطالعت فيه..كان نايم..مغمض عيونه بنعومة.. شعره الاسود متناثر حول وجهه بخشونة..مثل نسر اسود.. ملامحه...خشمه فمه عيونه.. كله كله يجنن...مديت ايدي بتردد...كان ودي بس المس الجرح اللي بحاجبه...بس بالاخير اكتفيت اني هزيت كتوفي ورجعت نمت..



الساعه 5:30ص


تمغطت بكسل على سريري...كنت اسمع صوت الماء في الحمام...طالعت بجهة وافي.. لمستها بتردد كانت لسه دافية...قمت من على السرير...ورحت للشنطه ادور لي لبس..
طلع وافي من الحمام...وهو لابس روب الحمام..جلس قريب مني...فقام يطلع اغراضه.. اخذت لي بنطلون جينز وبلوفر ناعم احمر ريفي...وقمت دخلت الحمام...
اخذت لي شاور سريع..ابي اطلع اتمشى مع وافي..كنت متأكده ان معظم الناس نايمه في ذا الوقت وحسيتها فرصه..لا تسألوني فرصه لايش؟؟..انا نفسي ما ادري؟؟...خصوصا ان النور توه بدا يشعشع...
خلصت لبس ومشطت شعري بسرعه وطلعت من الحمام... كان وافي على وشك يطلع..
: وافي.."
التفت علي: هلاااء.."
: صباح الخير" وابتسمت بنعومة.
وافي وهو مستغرب: صباا..ح النوو..ر"
: ابي اطلع معك اتمشى...ممكن؟؟.." وناظرت فيه ببراءة متعمدتها...
هز راسه بفتور: ممــ...كن.."
حطيت عطر خفيف وروج على الطاير ولحقته على برا..
: تبي تآكل شيء؟؟.."
وافي وهو مدخل يدينه بجيوب الترينق:لاااء..مو مشتهي..تبين؟؟.."
: لاااء..."وسألت بعد لحظات: فيه حيوانات؟؟...هنا؟؟.."
وافي وهو يهز كتوفه: ايــــــه..."
سكت شوي...بعدها كمل: تبين تشوفينها؟؟.."
هزيت راسي بحماس...إذا معي وافي ما راح اخاف من الحيوانات ابدا...
رحنا جهة الحيوانات اللي بعيدة مرة...عن البيت...
اخيرا وصلنا لصندقة الحمام...
صرخت بحماس: حمااااااااااااااااااام"
ورحت فتحت الباب بدون ما افكر ودخلت جوه...
: وااااااااااااااو...شوف من كل شكل؟؟...شوف الرقاص؟؟..."
وجيت اخذت حمامه كانت منعزله بمكانه ما تمشي...يا حياتي كانت رجله مربوطة بخيط مو واضح...ويألمها كثير...
: وااااافي..." وعضيت على شفايفي..
جاا وافي وجلس جنبي على اطراف رجوله مثلي بالضبط..
: هااتي عنك.."
شرحت له وانا اتألم:شوف...رجلهااا..اوووه يا حياتي..."
اول مرة اشوف وافي يبتسم من قلبه واهو يتألمني: لااا تبكين..."
: اصلااا ماكنت راح ابكي...بسس..."وحطيت ايدي على خشمي وكنت خلاااص على وشك اصيح من شكل الحمامه المسكينه..
وافي وهو يحاول يفك الخيط بمهارة وبسرعه: هدي اعصابك ملكه.."
: خلني امسكها وانت فك الخيوط عنها..."
عطاني ياها فمسكتها بنعومة..وقعدت اداعب راسها وهي تتخبي مني وتهدل بصوتها الحلوو..
اخيراا قدر وافي يحررها من الخيوط اللي ناشبة برجلها...
: تقدر تطير؟؟.."
وافي وهو يمد يده يمسكها: تعالي نشوف..."
: خلها معي..الله يخليك.."
هز راسه موافق وطلعنا من الصندقة وقفلنا بابها...مديت ايدي للمسا ابي الحمامه تطير..وعيت تطير واستغربنا انا ووافي...
وافي بعد لحظات: هاذي ملكه...."
طالعته مستغربة وش قصده...
ضحك: مثلك...ترددين مية مرة قبل لاتسوين الشيء اللي فعلا تبينه..."
: من خااف سلم..."
وابتسمت بنعومة وانا ارجع اضم الحمامه لصدري..
: حمامتي...ملكه...بتشوف راح تطير.."
ورفعت يديني مرة ثانية للسماا...فطارت الحمامه من يدي وراحت للسما...تتبعتها بعيوني..ولحقتها...بس بالاخير وافي خلاني ارجع من جديد...
: ابي اطعمهاا....الله يخليـــــــــك..."
وافي وهو يعطيني كيس الحب: يلـــه"
ابتسمت بشكر ودخلت القفص وحطيت بيدي حب كثير ونثرته بكل مكان وخليت بعضه بايدي...فتزاحمت الحمامات على ايدي..وبالاخير بعد ماخلصت..وطلعت لوافي... لقيته واقف يدخن ويطالع بالسما ...بملكه...
تركت باب الصندقه مفتوح...فطار الحمام كله مرة وحده بشكل افواج... كان منظر روعه ...
وقفت جنب وافي نتأمل السماا بصمت...حسيت ببرد فضيع يدخل جسمي...لأن شعري مبلول..بس مع هذا ماكان ودي اتحرك من جنب وافي...جنبه يدفيني...احس تطلع منه اشعاعات حااارة... احس نفسي جنبه مثل ورقة سلطوا عليها ضوالمشس من خلال عدسه مكبره...حرارة قصوى...تشعلني...
سمعت صوت الكلب فطلعت مني آهة خوف....وما اعرف ليش تذكرت بوبي...تذكرت شلون وافي ذبحهه..تذكرت اشياء كثير..
وافي وهو يحاول يمسك ايدي عشان يهديني: لا تخاافين بعيد مرة.."
حسيت باصابعه تلامس اصابعي بس بعدت عنه بسرعه: لااااء...الصوت قريب..."
وكملت وانا ابعد عنه: انا لازم ارووح..برجع البيت...يمكن جدتك صاحيه.."
وافي وهو يوقفني ويلفني اقابل وجهه: ملكه؟؟... وش فيك؟؟...قلتلك بعيد..."
حسيت باحاسيس مجنونة وغريبة...فقلت بتمرد وكأني انتقم من وافي: لو سمحت... ابعد ايدك عني...لأنها تقرفني...روح لمرومتك.. وخليني لحالي..."
وتركته وهو واقف مصدوم بمكانه..


لقيت جدة وافي صاحيه...فرحت يمها وجلست انا وياها نتقهوى...كنت اتكلم واتظاهر اني سعيده...لكني كنت كارهة نفسي بقوة..ليش عاملت وافي بقسوة؟؟..ليش رديت له الصاع صاعين؟؟... انا عمري مافكرت ارد لحد الشيء اللي سواه فيني... حتى ريم ومساعد وكل اللي اكرههم..ماافكر آذيهم...فليش صبيت كل زعلي على وافي...
تحركت بملل وانا اغمض عيوني واسوي مساج لجبيني بسبب الصداع اللي احسه...
سمعت صوت جدة وافي عرفت ان في احد جا... فتحت عيوني ببطء...شفته.. كان واقف يطالعني ببرود...صديت عن نظراته اللي تقتلني وتطعني وتدمي قلبي... ما احب ان احد يكرهني..ما احب ان احد يحقد علي...
صبيت له فنجال قهوة....فأخذه بدون ما يطالعني وهو يسولف مع جدته بامور المزرعه.. وفهمت من كلامهم ان الجده عايشه بالمزرعه...مو بمكان ثاني...ووافي قاعد يقنعها تجي تسكن معه...
الجده: المكان ياله يكفيك انت ومرتك.."
: بالعكس يا جده..إذا ما شالك المكان انا نشيلك بعيونك.."
وافي بإصرار بدون مايطالعني: يا ميمه... الله يهداك وش ذا الحكي...انت مانتب مثقله علينا...بعدين الرياض ادفى من ذا المكان اللي كله صقيع..."
الجده: بس انا احب اشوف الخيل والابل.... ما اقدر اجلس بوسط المدينة وانحرم من هالمكان الزين..."
:طيب...ياجده نقدر نجيبك هنا كل ربوع وخميس وجمعه..."
الجده وهي تشرب فنجالها وتمده لي: لااااء..ليش اضيق عليكم والمكان هنا واسع..."
وافي بزعل: وإذا لا قدر الله مرضتي...احتجت لينا.."
الجده وهي تحسم الكلام: الاعماار بيد الله..."
ناولتها فنجال القهوة...ولاحظت فنجال وافي المليان مثل ما هو...ارتفعت نظراتي ببطء..وشفت عيونه كيف مخيفه... كان يطالعني وكأن وده يقتلني...ماقدرت اواجه نظراته اكثر فتركت القهوة وقمت بروح اي مكان بس موب عنده...



مر الوقت سريع الصباح..وكنت انا مع مهاا وابتسام وحنان طول الوقت...جالسين عند النخيل نسولف ونشرب شاهي...وفي قمة الوناسه....شوي يوم طلعت مهاا من شنطتها البوم صور..
مهاا: اسمحي لي يا ملكه..ما قدرت اوريك الصور من قبل لأني نسيتهم..."
قطبت جبيني اي صور؟؟!!...
شفت الالبوم على شكل قلب...فتحته بتردد..وطالعت بالصور حقت زواجي...
كانت مرتبة على شكل قصة....فيها صور لي وانا صغيرة مرة..وصور لوافي.. وبعدها صورنا بالثانوي...واخيرا صور الزواج...
كنت اطالع بالصور وكأني قاعده اطالع بصور زوجين ما اعرفهم...الصور او يمكن مهارة المصورة بالاصح....خلت الصور تجي بشكل حميم..حمار خدودي...نظرات وافي...لمعة عيونا...اشياء كثيرة...
حنان برومانسية: يارب اتزوج واحد مثل خالي وافي...يا ناس كل ملح ورمانسية الدنيا مجتمعة فيه"
مهاا: ياااااااااه...صوركم يا ملكه تجنن...مو مثل صور العرسان الثانين....فيها شجن.. حب.. شوق..رومانسية"
ابتسام وهي تآخذ صورة وافي: يا ملحه رجلك يا ملكه....مشاء الله عليك..محظوظة.."
مهاا: سمي على خالي...وبعدين عيـــــــــــب...عندك رجلك وصاجتنا.."
ابتسام وهي تضحك: ههههههههه..الله يخليلي متعب..عن كل رجال الدنيا والله...رغم ان مافيه زين..."
وكملت وهي تتنهد: تصدقون بنات..الحب مايعتمد على الشكل...الحب اشياء اكبر... مشاعر...سامية مالها شغل لا بمراكز ولا بفلوس..."
وكملت وعيونها تدمع: شوفوني اناا...لاني بمركزكم الاجتماعي...ولا اهلي مثل اهاليكم.. انا عشت طفولة معذبة عند زوج ام مايرحم...عشت اسوأ ايام حياتي...ليما جا متعب وخطبني....اهلي مافكروا يرفضونه لأنه غني...وماكنت اعتقد اني راح احبه بسرعه.. كنت اشوفه منقذ.. وكنت دوم اعامله باحترام..لأني اعتبره هبة من الله لي...لكـــن..الحياه معه وضحتلي...انه لولا قدر الله صار له شيء..راح امووت...انا بعده على طول.. ودوم ادعي ربي..انه يآخذني قبله لأني ما اتحمل اني اشوفه يتألم.."
حنان بنعومة: يعني إذا تزوجت راح احب زوجي مثلك؟؟..ياااااااااااااااي.. متى اعرس؟؟"
ضحكنا كلنا على براءة حنان بس انا ضحكتي ماكانت من قلب...كلام ابتسام حسسني بنقص كبير ....خلاني اغار غصبا علي.. شوفوا الفرق بين حياتها وحياتي...اهو ماكان يعرفها مع هذا حبهاا.. اما انا يعرفني ومع هذا يكرهني..
ابتسام: اكيد ربي راح يسعدك بانسان ماكان لا على البال..ولااا على الخاطر.."
مهاا وهي تمد بوزها: وانااا؟؟...ياحظي مغصوبة على ولد عمي..اللي ما اطيق شوفته.."
ابتسام بحماس: شوفي اعظم الحب...جاا بعد كره شديد...وهالنظرية معظم الحريم بيثبتونها لك..."
مهاا وهي تناظرني: اناا مابي مثل اللي تقولين....انا ابي مثل خالي وافي وملكه.."
وكملت وهي تمسك ايدي: قصة زواجهم من اروع قصص الحب بالعالم..."
قطبت حواجبي مستغربة...حب...قصة زواج؟؟..وش مهاا قاعده تقول..وانصت لها باهتمام انتظرها تكمل..
الفصل الثاني والعشرون
بكيتك لين ملتني عيوني...صبرت وطال انتظاري
حرام النوم ماقرب جفوني ...وانت للاسف مانت بداري...
اناجي غربة الليل وشجوني...واراجع في هوى قلبي وقراري
عسى ماتكون خانتني ضنوني..او انه خاب في الحب اختياري..

ركزت على كلام مهاا لآخر حد..وكلنا قربنا روسنا منهاا..
مهاا وهي تتذكر وضامة يدينها بقوة وبنبرة رومانسية حالمه: تذكرون ملكة بدرية؟؟.."
كلنا هزينا روسناا بصمت....
كملت وهي تبتسم زيادة: كلمني خالي وافي ذيك الليلة...كان حيــــــــــــــــل مبسوط... تعرفون ليش؟؟.."
انا ما هزيت راسي بس ابتسام وحنان طالعوني وكأنهم يطلبون مني جواب...فما قلت شيء ...
كملت مهاا بحماس: اتصل علي يقول...شفتها يا مهاا..شفتها...ملكة جمال الكون..حبيبتي.. مستقبلي... زوجتي...كل اللي ابيه من هالدنياا.."
قطبت حواجبي مو مصدقة.. وافي هذا كان انطباعه عني لمن شافني؟؟..حبني؟؟.. استحاله .. مافيه حب من النظرة الاولى..!!
كملت مهاا وهي تضحك بنعومة: ههههه....اممم...يقول كنت لابسه اصفر..يقول كل شيء فيك غريب.. كأنك جايه من عالم اثيري موب موجود...شعرك ...لمعة عيونك..."
تابعت مهاا وهي تنتهد" شبهك بالغجر مرة..وشبهك بنفسه مرة ثانية..كان يقول هالبنت تشبهني يا مهاا.. والله تشبهني..."
حنان بحماس: طبعاا..عشان كذا قال خطبولي في ليلة الملكة...اناا توقعته متأثر عشان بدريوه حبيبة القلب..لكن علشان شايف له شوفة!!"
ابتسمت مهاا: وشافك مرة ثانية بعد ومرة ثالثة ومرة رابعه ومرة خامسه..."
طالعتها وكأنها مجنونة وتذكرت المرات اللي قالت بلمح البصر..دمعت عيوني.... وماحبيت اجلس اكثر..
ابتسام: الله..مررررررة روعه..مشاء الله عليك يا ملكة..ربي عوضك عن اهلك بوافي"
: ايـــــــه الله يخليه لــ...ي" قلتها بهمس علشانهم بس...ولا اي عوض يعتبر وافي ؟؟!! ..ولا مين اللي بيعوضني عن هلي!!
مهاا وهي تنتهد: يقول ان المرة الثانية شاف فيك جانب ثاني غريب... شاف جانب خيالي ... شاف جانب رومانسي.... كنت تكلمين الهوا والنجوم وكأنك تكلمين شخص قدامك.. وطبعا هالشيء هبل بخالي اللي هو اساسا شاعر...فتصوري لمن يعرف ان حبيبته اللي اختارها على طول..فيها جانب خواطري.."
: وافي شاعر؟؟..."
مهاا بحماس: ايـــــــــــه واحلى شاعر بعد....تراه ينشر قصايده في بعض المجلات تحت اسم العنيد.."
حنان وهي تطالعني: اساسا خالي فيه كل شيء زين...فيه حنان...فيه حب..فيه طيبة قلب.. فيه رومانسية غير...فيه صبر..فيه غيرة... فيه كل شيييييييي تبيه المره من رجلها"
: والله؟؟....يمكن.."
طقوني كلهم على كتفي وقلدوا صوتي: يمكن!!"
: طيب...وثالث مرة وين شافني؟؟.."
مهاا: شافك عند المسبح..تخيلوا يا بنات انقذهاا..انقذهاا خالي.. شوفوا الوناااااااااسه"
ابتسام: ياقهرررررر ليتني ماعرف اسبح!!"
حنان: انا بتظاهر اني ما اعرف اسبح...علشان ينقذني..زوج المستقبل!!"
: والله ما تظاهرت انا فعلا ما اعرف اسبح.."
مهاا وهي ترجع لمحور الكلام: يقول عفرا الحماره بدل ما تنادينه نادت واحد عندهم اسمه زيد..."
قاطعتها بحرارة:اسمه يزيد...بعدين... لا تقولين حمااارة...اهي ماقصدها بس من الخوف الواحد مايفكر زين.."
وقعدت اتذكر ذيك اللحظات وارتجفت... وعضيت على شفتي....آآآآآآآآآآآآآه يا وافي...اثرك حبيتني وكرهتني...من قبل مايكبر حبك رجعت وقتلته..معقول فيه حب بالسرعه هاذي؟؟.. ولاا انتهى باسرع من بدايته؟؟؟
تتوقعونه لسه يحبني؟؟...استحـــاله...وش بيحب؟؟..قولوا لي...بيحب وحده يعتقد انها خانت اهلها وتجرأت وخانت زوجهاا..ليتني ماعرفت كل هالحكي ياليت...
قطع افكاري صوت مهاا وهي تكمل: المهم...جا الاخ هذا اللي اسمه زيــد..."
: يزيد!!" صححتلها وانا محترة..
مهاا بلا مبلاة: المهم...اللي هو...عاد تصدقون انا كرهته..تصوروا واحد شعره طويل وويلبس نظرات وملابسه كأنه جاي من الشارع...الصراحه اكره الملابس ذي.."
حنان بملل: وش علينا منه..كملي عن خالي وملكه..."
مهاا: ايه..خالي وافي يوم سمع صوت صراخ عفرا طبعا جا ركض بيشوف وش السالفه ... لمن جا لقا الاخت ملكه..على الارض..والاخ يزيد على وشك..يحتل حقوق خالي ويلمس زوجته المستقبلية..."
الكل ماعداي ضحكوا على اسلوب مهاا: ههههههههههههههههه..."
ابتسام: والله يا ملكه حركات...ثنين جو ينقذونك موب واحد بس...."
مهاا بنفس الحماس: لحظه...اسمعوا المقطع الحاسم.."
: مهاااااااا...حشا صرت فلم انا وخالك...يله قفلي السيرة..."
مهاا وهي تغمز: تستحيييييييين؟؟..."
حمرت خدودي الحيوانه...ماراح اقدر اشوفهم مرة ثانية إذا دروا عن هالموضوع... صدق وافي مايستحي يوم يكلم بنت اخته كذاا...
مهاا: يا بعد قلبي يا خالي...خلاص هونت ماتستاهلون وحده تقولكم قصة غرامه..."
ابتسام وحنان احتجو بقوة: لااااااااااااااااااالاااااااااا الله يخليك قولي...لا تسكتين"
مهاا وهي تاخذ نفس عميق: يقول شافها مرة تكلم ورودها بالليل...وفي ذيك الليلة قال عنك كلمة وحده...يامهاا حبيبتي مغرورة...مغروووووووووورة..."
ابتسمت مهاا لي وضربتني على خصري: بس ولا يهمك انا دافعت عنك...وقلت يحقلها إذا مثل ماقلت يحقلها تشوف نفسها عليك انت...."
وكملت مهاا وانا اشرب الشاهي البارد: المهم....يا ستات...شافها مرتين بعد وهي خايفه من الكلب اللي هناك...يقول كانت صغيرة حيل...بفستانها الواسع..وبشعرها الاحمر المتناثر على وجهها....يقول كل ماحاولت امنع نفسي من التفكير فيهاا لأني اعرف عيوبهاا... بس الاقي نفسي غصبا علي افكر فيها...على كثر عيوبها إلا ان الكل يحبها هناك.. لدرجة اني حسيت نفسي واحد من جمهورها.."
طالعت بمهاا مستغربة: جمهورها؟؟؟.."
مهاا بحماس: ايــــــــــه.. ماسمعت قصيدته عنك...؟؟..."
: لاااااااا( بصوت خافت بطيء)..
مهاا: قال فيك يا ستي قصيده روووووووعه اسمعوا..

جمـــال وود وعيــون ودلال وكـــــــبرياء شــــعور..
وفتنــــة تخذل عيـــون النهار وينــــــطفي نـــــــوره..
ولك في خافقي صـورة تلاشت بين ضي ونـــــــور..
واخاف اسكت من الفـرحه وتنطق باسمك الصورة ..
عرفتك وانتــهت رحلة قســاوة دربي المــــــــهجور..
والا يا جــملة ايــــام الجفــــا والصـــد مشكــــــورة..
خـــــذتني للجفا عزه واخذنــــي للعنــــــــــاد غرور..
واخاف اكون بعــــــنادي حبيـــــب ومــــات بغروره
واذا كانت مسافــــــات الخيــــــانه للغــــــرام قبـــــور
وش اللي يجبر العاشق يخــــــون ويحفـــــر قبوره؟؟؟
وش اللي يجـــــــبر الشاعر يدور للشــــعر جمهور؟؟
مدام انت مـــــحبينه وعشــــــــاقه وجمــــــــــهوره...

ابتسام بحماس: واااااااااااااو....وش اللي يجبر الشاعر يدور للشعر جمهور؟؟..."
مهاا: شفتي شلون خالي يحبك...حتى لو قسا عليك شوي..."
: .................
حنان: الغريبة يا ملكه...ان خالي جات له فترة وسكر على موضوع الزواج نهائيا ولا كأنه فكر فيه اساسا...وكل ماسألناه كان يتهرب مناا ولا يعطينا وجه..."
:...................
ابتسام: اكيد انه كان يبيها مفاجأة؟؟..."
مهاا: ايــــــــــه...صح....وش السالفة ذيك الايام..ايام عيد الفطر ورمضان واللي قبلها بشوي..."
: اممممممممممممم..."
ماكان عندي حكي اقول...فوقفت بملل...
: مالكم شغل....وش بيدريني عن خالكم...يله امشوا نتمشى"
وقفوا معي وهم موب عاجبهم الحكي اللي قلته بس احترموا سرحاني وسكوتي وقاموا يسولفون بلحالهم...


وصلت عند الجلسه الخارجية اللي الكل جالس عندها وانا حاسه بضيق غريب..كل هالضيقه لأني عرفت ان وافي كان يحملي مشاعر فيما مضى؟؟؟.. كيف كانت راح تكون حياتي؟؟..اكيد قمة المتعة.... لكن بعد مساعد...وآآآآآآآآآه من مساعد...الله يسامحه بس... هو وافكاره الغبية...خرب علي حياتي وكان راح يموت...
جلست في آخر المجلس..وكنت في عالم ثاني...بس جاتني صيته وهي شكلها طاقه من الدنيا...وكانت شايله نونو صغنووووووون بيديها..
صيته بأعلى صوت مثل عادتها الازلية: ملكه إذا ماعليك امر....شيلي منو...بروح جوه اشوف وش قاعدات هالشغالات يسون بالمطبخ؟؟.كل وحده قاعد تدربي راسها ميب دارية وين ربي حطهاا...."
:من عيوني...هاتيها عنك...."
وشلت منيرة الصغنونة اللي كانت توها تفتح عيونها المكحلة...ربي يحفظها من العين ما احلاها...
صيته وهي تروح: إذا طفشتك تعاليلي لم المطبخ.."
: لااا ماراح تطفشني..."
وحطيتها بحظني وقعدت الاعبهاا...وكانت صغيرة حيل..يمكن ماكملت شهر.....الاعب شعرها الخفيف الاسود...
: دامك انت ورجلك تحبون هالبزران...وراك ماحملتي؟؟..."
انحرق وجهي من سؤال جدة وافي...وطالعت بحصه كأني ابيها تنقذني...
حصه وهي تصب الشاهي لجدتها: الله يهداك يا ميمة...البنت توها معرسة...ماعدنا مثل اول...الوحده من تعرس وبطنها قدامها..."
الجده بأعلى صوت: ليييييييه وشفيهاا؟؟....مصيرها بتحمل مصيرها بتحمل...حتى لو هجت من تعب الحمال...اخرتها بتجيب لها كم من بزر يشيلون اسم رجلهاا.."
وكملت والوضع موب عاجبها: لاااا والاخ زوجها..مسوي فيها حظاره...يقول.. بعد خمس سنين..ياويلي على عمري...يعني راح اموت وانا ماشفت ولد الغالي..."
قاموا اللي بالمجلس يهدون باعصابها وانا ساكته بمكاني وجهي رايح فيها وبالاخير شلت البزر وقمت من مكاني.....


في الطريق وانا ماشية المطبخ....شفت بنات خالات وافي اللي ماحتكيت فيهم نهائي ومن ضمنهم مرام وكلهم واقفين عند وافي...كلهم كانوا متحجبات...باستثناء الآنسه مرومه... اللي كانت متعلقة بذراعه بحرية...حسيت بحرقة بقلبي...بس طنشت...وكملت مشيي للمطبخ ...
اول ماوقفت عند باب المطبخ...لقيت مريم وصيته يسولفون...
صيته: تعبتك البنية؟.."
: لااا ابدا...بسم الله عليها ملاااك..."
مريم وهي تجي يمي عشان تبوس منو: يا سلااام...بحضن اللي ماتعرفينهم ساكته وانت مجننه امك.."
ضحكت لأن منو قامت تصيح يوم باستها مريم...
قعدت الاعبها بنعومة..احرك اصابعها الصغيرة الوردية...وابوس خدها الناعم...
سمعت حس وافي يوم دخل المطبخ...كان واقف وراي على طول... شفت منو تبتسم له بنعومة وشوي وتضحك بقوة...
الشيء اللي انا متأكده منه ان مافيه مرة تقدر تقاوم جاذبية وافي.... اذا منو اللي تصيح مع الكل ولا تبتسم بوجه احد...يوم شافت وافي قامت تكركر براحه...
وافي: مشاء الله حنونه!!.."طبعا قالها بتريقه للمعلومية بس..وبصوت واطي...
: اكيـــــــد....واكبر دليل اني احن حتى على اللي قلوبهم حجر...مو مثل ناس توزع الحنان بكيفهاا"
لفني جهته: وش قصدك؟؟...مية مرة قلتلك لا ترمين حكي.."
: انت شايف ان هذا وقته؟؟؟!!"
وافي وهو يميل فمه بشبه ابتسامة: آه..صح..نسيت ان في ناس قاعده تشوف الزوجين الجديدين بعيون رومانسية..."
: مخدوعين...لأن فيه ناس قايله لهم قصص حب...وهمية!!..."
طالعني وهو يعض على شفته ووجهه صار الوان...
وافي بحرارة وبصوت واطي: وش قصدك؟؟."
: ابداا سلامتك...وش اللي يجبر الشاعر يدور للشعر جمهور؟؟.." وطالعت فيه وانا ابتسم بحقد له....
وافي قام يحوس بجيبه يدور له طبعا سيجاره كالعاده...يابنات جاتني فرصه انتقم منه..مثل ما ابي... لا يمكن اضيعها ابداا....لو يصير اللي يصير...
ابتسمت: لو دريت انك ذايب في هواي..كان صارت علوم!!"
طالعني باحتقار وهو يرمي سيجارته بفمه ويولعها بسرعه: وش قصدك؟؟...تكلمي...قولي ..اصلااا....عمرك ماراح تفهمين... اني كنت اتسلى...وكنت اضحك عليهم...لأنهم كانوا صاجيني بسالفة الزواج..."
: تسلى !!! .....اصلااا انا عكسك.. ماكنت ادري انك موجود.."وابتسمت بتشفي..
وكملت وانا اطلع من المطبخ: اساسا..انت ماكان لك اي مساحه بتفكيري...كنت اشوفك عابر سبيل..لا اكثر ولا اقل...حتى شكلك ماكنت اعرفه...يعني لو اشوفك بالشارع ما عرفتك ..."
وافي ووجهه مبهت: طبعاا..كان تفكيرك بحبيب القلب...ولاا اقول حبايب القلب..احسن وافضل واصح!!"
وبكل حقد رمى سيجارته على الارض ودعسه بقوة..واخذ بنت اخته مني بالقوة...
وافي وهو يشيل البنت اللي تصيح: ما احب بنت اختي تلطخ بقذارتك!!....عن أذنك.."
ارتعشت شفايفي بقوة..وحسيت اني ابي ابكي...لكني مسكت نفسي بالقوة يوم شفته يروح لمرام...طيب...يا وافي...انا اصلااا قوية...ولا يمكن انهار...وتشوف كيف راح اخليك تحرم نوم الليالي!!...



رحت انا وحصه نتمشى عند اسطبلات الخيل...كانت حصه حيل مبسوطة فيني... وتعرفني على كل مكان بالمزرعه...وتحكي لي عن طفولة وافي...والحق اني كنت اسمع لها باهتمام...ااي شيء فيه سيرة وافي...لابد اسمعه باهتمام...غصبا علي... هالرجال ساحر ... كل صفاته فيها سحر...تمرده..جبروته...سخريته..حقده...سااحر وسااخر للاسف ..
حصه بحماس واحنا ندخل الاسطبل: بوريك وافي..."
: وافي؟؟!!!!" وكنت مقطبة حواجبي ومصغية سمعي لهاا...
حصه وهي تروح لواحد من الخيل: تعالي شوفيه....توه صغير...عمره ست سنين بس.."
طالعت لوافي باهتمام...يااااااااه...كان جميل...يشبه لوافي كثير...اسود وكله عضلات.. وصوته يوصل لآخر الدنيا...ويوم يتحرك فيه جاذبية رائعه...
حبيت وافي الحصان... كان يشبه وافي الانسان...بس مع فارق بسيط ان الاخير مليان حقد وكره ...بينما اللي قدامي...كان خالي من المشاعر...تصدقون مرات الافضل يكون الانسان بدون مشاعر...عشان لا يتعب ولا تتعب اعصابه..
كان ودي اركبه...لكني ماقلت عن رغبتي هاذي وما اعرف ليش؟؟.. لمست شعره بحنان وقعدت اداعب خشمه واطبطب عليه....وسولفنا بحرارة انا وحصه عن الخيل والمزرعه والجو!!بعد لحظات استأذنت حصه مني بتروح تجيب لنا حليب وترجع...وطمنتني ان ماحد يقرب هالجهة نهائيا...


: ها حصيص..... تبين تركبين اي واحد؟؟.."
صرخت لمن سمعت صوت الرجال: آآآآآآآآه"
...وتخبيت ورا وافي على طول...طبعا رجولي كلها باينه ...الرجال وقف لما سمع صوتي...
: آآه...ارجع...اررجع وراك!!...حصه ميب فيه!!"
الرجال شكله ارتبك مرة...وهالشيء بان على صوته..
: ..مين؟؟...ابتسام؟؟!!"
رديت عليه وانا قاعده اصب عرق وخايفه موت...خصوصا ان وافي قام يتحرك بملل لأني ماسكته...وقام يرافس برجوله...ويصهل بأعلى صوت...
: لاااا مانيب بابتسام...انا..مرت وافي"كنت شوي واصيح...اساسا صوتي اختنق بقوة...
الرجال بارتياح: ياهلااا بملكه....ياهلااا با ام مشاري...كيفك يا الطيبه؟؟.."
ام مشاري...لالالالا...هذا مشاري...ياويلي وش راح اسوي..وتذكرت كلام وافي لي باول ليلة زواجي...كان يعتقد اني معجبة بمشاري....
: الحمدالله بخير...انــ...ــت شخبــ...ـارك؟؟..."
مشاري وصوته يبعد: والله بخير...اسف على ازعاجك...قالولي البزران ان حصه هي اللي هناا...بس يالله..تآمرين بشيء..."
: ما يآمر عليك عدو!!"
واتنفست براحه وانا اشوف ظهر مشاري وهو يطلع مع باب الاسطبل...
اول ماطلع مشاري رجعت حصه ومهاا وكان وافي معهم...لاحظت ان وافي وقف اول ماشاف مشاري..وبعدوا عن باب الاسطبل ..مدري وين راح الله يستر لا يتهاوش مع اخوه علشاني...
قلبي كان يرقع باقوى صوت...وحسيت ان الدنيا حولي احترت...وان الجو انقطع منه الهوا ..والاكسجين... كنت ارتعش بقوة...وشفايفي ترتعش..وعيوني مو قادرة افتحهاا...يا بنات للمعلومية هذا اسمه الخوف...
وانهبلت مهاا اللي مسكتني بقوة اول مابغيت اطيح على الارض... ركضت حصه يمي: وراك يا ملكه؟؟؟...." وحطيت يدها على جبيني وصرخت بمهاا: المره مسخنه..."
كانت مهاا بتروح بس اشرت لها انها ما تروح....وحسيت بغثيان غريب...رحت يم سطل كان بالركن..وفرغت كل اللي بمعدتي فيه...
حصه بارتباك: ملكه...وش فيك؟؟.."
مهاا وهي تبتسم: اكيــــد حامل..اكيد.."
حصه تأشر لبنتها: عيب..."
كنت ارتجف وانا امسك كوب الحليب الدافي....اللي تناثر على اطراف ايدي...فأخذته مهاا اللي كانت تأملني مبسوطة...
: مانيب حامل...انا متأكده.." وشربت شوي من الحليب...وسندت ظهري للجدار الخشبي ...
حصه وهي مستغربة: توني تاركتك مافيك إلا العافية...وش اللي صار؟؟.."
مهاا: يمه..."
حصه: لبيـــــــه..."
مهاا وهي تمسك ايدي: والله انها عين ام فلان...تعرفينها اعوذ بالله..من شافت ملكه وهي ماغير تمقل((تتأمل)) في مرت خالي.."
حصه وهي تضرب بنتها على فخذها بقوة: عيــــــــــــب...ام فلان...تصير خالتي يا قليلة الحياا..."
مهاا وهي تحك فخذها: يا ميمتي الله يهداك...انا قلت اللي متأكده منه...تراني ما تسذب( ماكذب) عليك"
حصه وهي تطالعني بحنان اموي: وراك يا ملكه؟؟..ما تبين تقولين..."
: مشاري...مشاري..."
حصه ومها استغربوا: بلاه خالي؟؟.."
: خفت انه يشوفني..." وحطيت ايدي على صدري...
حصه وهي تضحك وتضمني:ههههههه... كل هذا حياا...(والتفتت على بنتها) نعنبو ذا الوجه تعلمي من مرت خالك"
مهاا وهي تضحك:ههههههههه...يا ميمتي... عـــــــــــادي...ياما شافونا رجال من غير عبايات...ربي ماراح يحاسبك عليهاا..."
حطيت ايدي على الارض ابي اقوم..ماحد فاهمني...يااويلي من وافي...راح يذبحني... راح يذبح اخوه...
ساعدوني امشي معهم...ورجعنا للفله وكانوا بيحطوني بغرفة النوم حقتي بس عييت بشكل هستيري..ورحت اجلس معهم على الغداا مع ان مالي نفس...
مشاء الله كانت السفرة فيها من كل الاصناف الانواع...بس مع هذا ماطب فبطني شيء.. رغم ان مهاا اللي قررت خلاص اني حامل..ملت صحني من كل نوع...وكانت تتأملني وهي حيل مبسوطة..حتى انها ما اكلت غير شوي من كثر الحماس...
: مهااا...انا موب حامل..." قلتلها بصوت واطي..
مهاا وهي تفرك يدينها: ماتدرين يمكن!!...الواحد مايقدر يتأكد من هالاشياء.."
فركت جبيني بملل وش اقولها هالثورة...ياخوفي تروح تقول للكل عن الشيء اللي اهي تعتقده.. وبعدين وش راح يرحمني من وافي!!...
تذكرت المسدس وكيف بغى يذبح مساعد...يمكن هالمرة يفرغه فيني ويدفني.. اساسا عادي محد راح ينتبه اني مختفيه...لأن ماوراي اهل تسأل...



جات لي مهاا وهي تركض بعد الغدا بساعه: ملكه ملكه...تعااااالي معانا..."
وسحبتني وانا مو عارفة وين اروح..ولبستني عباية من عباياتها...
: مهااا ....وشووو؟؟...وين بنروح؟؟.."
مهاا بحماس وهي تعطيني الشيلة: بيسوون سباق سيارات...ياااااااااي...وناسه..."
: مين اللي بيسوي السباق؟؟.."وقفلت عبايتها اللي على الكتف زين...وضبطت اللثمه على وجهي...
مهاا وهي تناقز مبسوطة: خوالي..وافي ومشاري.."
بلعت ريقي بخوف...ولا قدرت اقول كلمة وهي تسحبني بسرعه ونطلع نركض بسرعه يم الاندكروزر...
مهاا بحماس وهي تركب قدام عند الطارة: يله يله مرررررررة متحمسه... ونااااااااااسه ...."
انا ركبت وراها وقفلت الباب..كنت متوقعة ان وافي هو اللي معنا...بس لمن سمعت صوت اللي قاعد قدامي....!!
مشاري: يله يا بنت حصيص....انت قدها وقدوووووووود!!
مهاا وهي ترفع صوت المسجل...: بصدم مراموه وخالي...بخليهم يعرفون اني صدق بنت رجال..."
مشاري وهو يضرب كفه بكف مها بقوووة: اييييييييييه هذا اللي نبيه...يله حركي الجيب بسرعه ..."
انا دوروني ماعاد تلاقوني...احاول افتح الباب...ببطء...لكن خلاص طاح الفاس بالراس.. لأني شفت عيون وافي..تلاقينا رغم بعد المسافه...انا قريت اللي فيهم...قريت كره وحقد واحتقار ينقط منهم....وهو قرا الل في عيوني خوف وارتباك فضيع...
حسيت اني مرضت..حتى ان حرارتي زادت...وقعدت اتنافض..وطحت على الكرسي مغمضة عيوني...
مهاا وهي تحرك الجيب: شوف..شوف خالي شلون يطالعناا....طيب يا خال..."
مشاري وهو يلتفت يطالعني: عسا مابك شر يا ام مشاري؟؟..."
فتحت عيوني ببطء: لااا ابد...بس...احس بخنقة شوي..."
مهاا وهي ترتجف: خنقه!!...تبين نفتح الشبابيك..؟؟"
هزيت راسي بقوة...يعني لااااء..
مشاري وهو لسه يطالعني: متأكده انك بخير؟؟.."
هزيت راسي له بتأكيد....فطلع منديل من جيبه وناولني اياه...شكرته بهمس... مايحتاج اقولكم ان هذا كله قدام عيون وافي اللي تقدح شرر!!...
فتحت مهاا الشباك وقامت تضحك: هع هع...شوف خالي...شكله منقهر انا خذينا ملكه قبله..هع هع.."
مشاري وهو مها يسوون حركات يقهرون وافي... لكن وافي سفههم وركب الجيب...جنب ست الحسن والدلال اللي جالسه قدام الطاره..سافره وشعرها يتطاير حول وجهها...آآآه ليتني اقطعه...
ضحكت غصبا علي..تذكرت يوم كنت صغيرة...وبنات جيرانا كانوا دوم يغارون من شعري لأنه طويل وناعم...هالحين انا صرت اسوأ منهم...
تحركت مرام وتحرك وافي بعد ما اعطى واحد من الرجال واعتقد انه متعب زوج ابتسام اشارة البدء للسباق...
انطلقت مهاا بأقصى سرعه ومشاء الله شكلها متعودة على السواقة... ومشاري رافع صوت المسجل لاقصى شيء...وقاعدين يصفقون بحماس...ومهاا تلف على جهة مرام عشان تحد السيارة!!
: مهااااااااااااا....يا مجنونة انتبهي..!!"
كنت ماسكه بمقعد مهاا وانا ارتجف....
مشاري: عليهم عليهم!!....يله بسررررررررعه...دوسي اقوى....اقووى..."
مهاا وهي تبطء السرعه شوي: لحظه لحظه..."
ووقفت نهائي.... لاحظنا ان جيب مرام ووافي وقف...
مها بقلق: وشوووووووو؟؟...."
مشاري وهو يدق على وافي: مادري..لحظة...الحمااااااار مايرد علي!!"
عورني قلبي غصبا علي...انا عارفة ليش مايرد عليك يا مشاري...
: يمكن مرام خافت!!"
مشاري: اففف منهاا هالبنت...قلت لوافي خل حنان بس عياا.."
مهاا وهي تصفق: اساسا حنان قدهاااا صدق بتصير حماااس..."
:وشفيهم؟؟.."
مهاا وهي تصارخ بقهر: آآآآآآآآآآآآه...شوفوا خالي الدب...هو اللي يسوق...غير مكانه ... غش...غش.."
مشاري وهو يفك حزامه: خليني اجي مكانك بسرعه...."
مهاا وهي تهز راسها: لاااااااااء انا قدها يا خال!!..."
انا ربطت حزامي..والله ان وافي مو ناوي على خير..ياخوفي يصدم فيناا....حطيت ايدي على رقبتي..احس بجفاف فضيع...وغمضت عيوني وانا احس بالدوخة تقتلني...تعصرني .. هالحاله كانت معي لمن كنت بالمستشفى...كنت لمن اشوف توم والثانيين غصب علي ارتعش وتصيبني هالاغماءات...
شفنا وافي يمشي بسرعه مجنونة باتجاهنا...فحركت مهاا بسرعه وهي تشد حزام الأمان.. في البداية مشاري ومهاا كانوا انواع التريقة والتصفيق....بس آخر المسابقة...
صرخ مشاري: من جــــــــده ذا؟؟.."
مهاا وهي بدت تخاف: وشفيه خالي وافي....؟؟..يمه يخوف..مايعرف يلعب....."
وحاولنا اننا نهرب منه...بس و كأن شيطان مسيطر عليه...وانا قعدت اصيح بصوت مكتوم ووترت اللي بالسيارة اكثر مما هم متوترين...والتفت علي مشاري يهديني بكلامه.. وانا حاطه يديني على وجهي وابكي بقوة...
قلت وانا متروعه: وقفووووووا....وقفوا بسررررعه!!.."
مهاا وهي بعد متوترة" طيب.....لحظة بس خليني الف!!..."
مشاري بعصبية: خلاص وقفي هناك عند النخيل..."
وقفت مهاا فجأة وطبعا مايحتاج اقولكم ان كلنا صدمنا باللي قدامنا....انا صدمتي جات اهون من مشاري ومهاا اللي حسيتهم يتألمون...
مهاا وهي تمسك راسها: ايييييييييييي...توبه..ماعاد ابي اسوق...ولااا بيسمحون للمره انها تسوق والله ورحنا وطي..."
مشاري وهو يمسك صدره: اي يا ضلعي....احس انه انكسر..مالت عليك يا مهاا..كل سواقتك زينه ماعاد توقيفتك والرويس.."
مهاا وهي تشرح لمشاري بحماس: بالعكس الرويس هين مرة...بس الفرمله صعبه حيل ... مشاء الله يعني كيف توقفون بهداوة ؟؟..."
والتفتت علي وكملت: ملكه حبيبتي...خوفتك..!!"
قلت وانا امسح دموعي بالمنديل الثاني اللي عطاني اياه مشاري الطيب: لااااء بس توترت حيل... تذكرت حادث اهلييييييي..."
وحطيت ايدي على خشمي وقعدت اصيح بمرارة....رجعت مهاا عندي ورا وقامت هي ومشاري يهدوني بكلامهم...
مشاري: يا ملكه ادعيلهم بالرحمه..ما راح يفيدهم بكاك..."
مهاا وهي تضمني وتبكي معي: آآآآآآآآآآه انا السبب...كان مفروض مآ اخذك معي..."
مشاري: يله تعوذوا من ابليس...الميت ماتجوز عليه إلا الرحمه..."
قلت بحرارة: ماني مصدقة موتهم...كل يوم احس انه مجرد حلم...احس اني بقوم كالعاده.. وبتجهز للجامعه وبروح لابوي عشان يوصلني...مووو مصدقة انهم ببساطه ماتوا.... كلهم .. "
وقفت صياح يوم شفت الجيب حق وافي يوصل جنبنا...
مهاا وهي تمسح دموعها رفعت صوتها بجفا: خييييييييييير..جايين تشمتون فيناا..."
ماناظرت جهة وافي إلا اني كنت متأكده انه يطالعني..
وافي بصوته العذاااب: دامكم مانتم قدها ليش لعبتوبها!!"
كنت عارفة ان هالجملة لي..
مشاري: وش اللي سووينا..هي منافسة بنات...يعني مفروض انت ما تدخل.."
وجلس مشاري قدام وطنش وافي ولف السيارة وحرك..


لمن رجعنا البيت...كانوا الكل منهبلين علي وعلى مهاا بعد ما شافوا السباق الحامي بيناا.. ولدرجة ان حصه كانت شوي وتصيح وهي تلمسني انا ومهاا ميب مصدقة عيونها اننا لسه عايشين..
وافي لمن رجع وقف... الكل كان يتكلم عليه...بس عيونه كانت علي انا ولا طالع بحد غيري .. وهالشيء خلاني امووت خوف.. عيونه الحمر.. سجايره المشتعله وحده ورا الثانية.. الازعاج اللي حولنا...كل هالشيء خلاني اجلس مع الحريم ولا احاول احتك معه...
حصه وهي تهمس بأذني: روحي شوفي رجلك....كنه يبيك!!"
طالعت بحصه وعيوني مفتوحه على الاخير: ها؟؟...قالك شيء؟؟.."
حصه بحنان: لااا ماقال لي بس ولدي واعرف وشلون يفكر يا ملكه... مدري ليش احسه انه ضايق..اكيد انت بتعرفين له!!..يمكن خاف يوم شافك تصيحين...!!"
: لااا ما اتوقع...يمكن...لأنكم تكلمتوا عليه...عششااان السرعه.."
حصه وهي تطالع بالسما: اناا ندمانه...لكن وش اسوي..وش اقول؟؟.. هو اول مرة يتصرف بهالطريقة.. كان شوي ويصدمكم..."
بلعت ريقي بخوف...وهربت من عند حصه ونظراتها..ولا رحت يم وافي اللي كان جالس مع الاخت مرومة وحنان ومهاا اللي كانت حيل زعلانه عليه وتعاتبه وتتكلم على بنت خالة امها الدلوعه..اللي شوي وتقعد بحظن وافي..
اول مالفيت ورا البيت..مسكتني ابتسام اللي كانت ماسكة جوالها...
ابتسام بفرح: واااااااو..وناسه يا ملكه...ليتني ركبت معكم..."
: كان جيتي!!"
ابتسام بقهر: زوجي يعيي...يقول هذولي عيال خالتي... لو انهم خواني عاادي.."
: اهاا....."
وسرحت افكر بوافي وطوايف وافي... لو تدرين يا ابتسام وافي وش يفكر؟؟..يفكر اني ابي اخوه.. اني ابي اغري اخوه الصغير المصرقع....ياررربي سترك... خااايفه حيل... خايفه تصير مصيبة بيني وبين وافي...
ابتسام وجوالها يدق:لااازم اروح هالحين...هذا متعب وعدني يمشيني عند الخيل.."
كنت بقولها لا تروحين بس ابتسمت بالغصيبة: مع السلامه..."


رحت لمجلس الحريم الخارجي... بعد مابدلت ملابسي بغرفة مهاا... كنت لابسه بنطلون جينز ناعم وبلوفر اخضر انعكس على لون عيوني بشكل مرة حلوو....
كان الوقت تقريبا العصر... والاغلبية نايمين...الجده كانت نايمة....وثنتين من خالات وافي الكبار... رحت يم عجوزنا...وقعدت احوس ادور بطانية ثقيلة عشان اغطيها...



تمددت اشوي ابي ارتاح..بس ما امداني اغمض عيوني..إلا ومجموعة بزران جايني وماسكيني مع ايدي..
: وشو؟؟..هاا يا بعد عمري..وش تبون؟؟.."
واحد من البزران: خالة مهاا تقولك تعالي لمهاا"
: قولوا لها تعبااانه..."
البزر الثاني بترجي: لالالالا....الله يخليك بتسوي لنا مسابقة بالمسبح...وتقول ماراح اسويها الين ماتجين.."
طالعتهم بيأس وقمت معاهم..ورحنا ركض لمهاا اللي عند المسابح...
مهاا اول ماشافتني: زييييييييين وافقتي تجين.."
: يا مهااا....حرام عليك تعذبين بهالبزران عشان يسوون اللي انت تبين..."
وقلدت البزر: خالتي مهاا تقووول.."
ماتت ضحك مها: هههههههههههه يقطع شيطانك..اوقفي بس لمي..ترى بنسبح بعدها..."
: وشوووووو؟؟...بررررررررررد....بعدين ما اعرف اسبح.."
مهاا وهي تكلم البزران وتكلمني: يله اوقفوا بصف مستقيم....وش فيك الله يهداك هنا دفا.. ماتحسين بالدفاا..؟؟...وإذا على السباحه فيه لستك كبير وفيه فلينه تشوفينها هناك.. وخلك باللي موب عميق..."
: مهااا..ماجبت ملابس سباحه..."
مهاا باصرار: مقاسي ومقاسك واحد...بعطيك لبس من حقاتي..."
: اناا انحف منك!!" وبغرور..
مهاا وهي تطالعني وفاتحه فمها: لاااا والله....اقول احمدي ربك ان مها بنت آل بتعطيك من ملابسهاا يله اسكتي ترا صجيتينا موب قادره ابدا.."
سكت مضطرة..ورحت اساعد البزران عشان يوقفون بصف واحد...وانتظرنا دقيقة وصفرت مهاا عشان تبدا المسابقة....
كنا متحمسين انواع التشجيع والصراخ والتصفير للبزران.. عاد انا صراحه ماشجعت غير ولد صيته ماعرف غيره...بعدين كافي انه ولد اخت وافي فشيء طبيعي راح اميله اكثر من البقية...
مهاا وهي تصارخ: بسرعه...بسرررررررررررررعه...لا تخليه يسبقك... يا غشااااااااش شفتك.. مطرود...يله برى برااااااااااااااااا.."
!!...
قعدت اضحك على حركات مهاا التلقائية والطفولية...تشبه عفاري كثير...ياااااااااااه اشتقت والله لعفاري وسماح...ما ادري متى راح اشوفهم..ودي اسولف معهم ونرجع مثل اول... اول ما جيتهم كيف كانوا يحترموني ويحبوني...قبل ما اصير ضيفه ثقيله عليهم لدرجة انهم تخلصوا مني مرتين بابشع طريقة...
تنهدت وانا اشوف مهاا توقف المسابقه وتطرد البزران عشان ينظف المسبح... وما انتبهت إلا وهي تأشر لي..
: نعم؟؟.."
مهاا وهي تعطيني المفتاح: لا تخلين احد يدخل...بروح اجيب لك ملابس من ملابسي.. وبجيب اللستك اللي خالي وافي انفخه..."
: ان شاء الله..."
وقفلت باب المسبح وقعدت اطالع بالماء وانا سرحانه..ارتعشت وافي.. وافي في مرحلة زمنية معينه ارتبطت ذكراه بذكرى الماء والمسابح والغرق...تنهدت بمرارة..وهالحين وش ارتبطت ذكراه فيه؟؟..ارتبطت بالالم والمرارة والحقد وكل المشاعر السلبية اللي يثيرها فيني...
طق الباب حق غرفة المسبح..فرحت فتحته.. كان وافي...وقفنا متنحين..ما كان متوقع يشوفني.. ولااا انا بعد!! حاولت اسكر الباب بسرعه...فضربت برجله وصرخ بألم...
فجأة قدر يدزني داخل وقفل الباب وراه: اخيرا لقيتك!!"
بلعت ريقي بخوف:.............
وافي وهو يحط ايده على رقبتي: وش الاستعراض السخيف اللي سويتيه عند مشاااااااااري ؟؟.."
حاولت ادزه بعيد عني كان راصني على الجدار ويضغط على رقبتي بدون تفكير....
: آآآآآآآآآآآآآآآآآآآآآه.....ماسويت شيء..فكنييييييييييييييييي"
وافي وهو يصرخ بوجهي:ماسويتي شيء..كل هذااا وما سويتي شيء...الله يآخذك...قولي آآآآآآآمين....ناوية تفضحيني عند الكل...!!"
بكيت بحرارة وانا احاول ابعده كان راصني على الجدار بقوة ويدينه تحوط رقبتي...
صرخت فيه وانا احاول امخش وجهه: خلنييييييي.... انااا حررررررررررررة ...فاااااهم ؟؟ ... فكنييييييي...اصلك حقيييييييييير..."
وافي وهو يشيل يده عن رقبتي:هذا بس تحذير بسيط....عشان ماتقربين من مشاري الايام الجايه...ولوو...بس سمعت انك كنت وياه...قسم بالله لاذبحك ولا يهمني..."
وكمل وهو ينفض يدينه وكأنه متقرف من دموعي:على الاقل بخلصهم من عقربة قذرة..."
كنت جالسه على الارض احاول امسح دموعي والمس رقبتي اللي تألمني..مجنون.. اكيد هالرجال مجنون...اكرررررررههههه...اكرررررررررررههههههه...
صرخت فيه: اكررررررههههههههههههك...يا حثاله..."
طالعني من فوق لتحت: ماطلبت حبك...ولااا ابيه..."
لاشعوريا صرخت فيه: صح...لأنك ماراح تحصله...اساسا انا عطيته لشخص يستاهل مو واحد مثلك...."
وندمت على الكلمة اللي قلتها..لأنه رجع علي بسرعه....بس لميت نفسي بقوة كنت ميتة خوووف منه..!!
سمعت صرخته وهو يضرب بأيده بقوة في الجدار...وطلع وخلاني..
شفت مهاا جايه وصدمت بوافي...وكأنه تكلم عليها او قالها شيء... رحت بسرعه يم المسبح وغسلت وجهي زين...كذا مرة...
جات مهاا وجات وراها حنان وابتسام ومرام معهم....
اعطتني مهاا الملابس..فرحت بدلت بسرعه بالحمامات اللي داخل الغرفة...كان شورت وتوب بس مطاطي شوي...
رجعت لهم...وكنت خايفه موت من المسبح اللي مو عاجبني اني ادخله...بس توكلت على الله ودخلته...
وجات مهاا وراي وابتسام ومرام وحنان...وكانوا طبعا كلهم يسبحون عادي...وسحبوني وانا لابسه اللستك.وجيت معهم بالنص...كنت خايفه حيل...اشوف الموية تحتي.. عميييييييقه مالها قرار..
مرام بدلع ماصخ: فيه احد مايعرف يسبح في هالزمن؟؟..."
طالعتها وكان ودي اخرب مكياجها الثابت..الله يخلي التاتو...
: ايه اناا.." طبعا قلتها وانا اقلد صوتها الناعم حيل..وابتسم...
حنان فهمت تريقتي فماتت ضحك: هههههههههههه.....بالعكس احلى..هذا يدل على النعومة..."
مهاا كانت تسولف مع ابتسام ويغنون بأعلى صوت ويلعبون بالموية...لكن اناا ماقدرت اتسلى وياهم...تفكيري كان بوافي... خنقني...يمكن المره الجايه يذبحني...هالرجال يخوف .. يخوف حيييييييييل.....
حسيت ببرودة مفاجئة تقبض قلبي بقوة... وامتلت عيوني دموع.. تتوقعون لو اني متزوجة مساعد كان صار هالشيء؟؟..لا يمكن...لأنه دوم راح يخليني بأحظانه... دوم راح يحبني. راح يسأل علي.. ماراح يخليني انوم لوحدي...
طفرت دموعي بغزارة

ابداااع