حبوب ماكس هير من جي ان سي... هذي الحبوب من وين خذيتيها والقاها عند قزاز ولا لأ

بسم الله الرحمن الرحيم
السلام عليكم

جزاك الله خير وجعله الله في ميزان حسناتك

الثوم في البدايه الاستعمال كم مرة في الاسبوع وياريت فضلا لا امرا تحطين لنا جدول يومي باللي كنتي تسويه لاني والله محتاجه النفسيه بالمره تعبانه من حال شعري وهذي يزيده بعد

وهل كنت تستخدمين الحنا وكمان الشامبو

اسفه على كثره الاسئله ووالله راح ادعيلك في صلاه اليوم

جرح الغزاله..لا حبيبتي..خوذيهم من محلات جي ان سي..وهي منتشره في الرياض..وتلاقين واحد جنب مستشفى وصيدلية الحبيب بطريق الملك فهد...

حبيبتي..بنت الخطاب...الله ينولك الي في بالك ويرجع لك شعرك باكمل عافيه...

بالنسبه للثوم.اسويه الحين من مره الى مرتين اسبوعيا..

وجدولي العلاجي كالاتي:
اولا استخدمت منتج هير فانتاستيك وهو يحتوي على ثلاث قوارير بلاستيك.وهو اعاد حيوية شعري وعطاه لمعه..وهيأه للتحسن..واستمريت شهرين وراء بعض مستمره عليه..

بعدين جبت امبولات اكرينوال من قزاز واستمريت عليهم اربعة شهور متاليه..اضافه الى اني اتناول فيتامينات ماكس هير من جي ان سي..

وبعدها بديت استعمل الثومه والبصله..مرتين بالاسبوع وهو اني اجيب الثومه واقسمها نصفين واجيب الدبوس واحك سطح الثومه الين يتفتت وافركة بجلدة شعري ونفس الشيء بالنسبه للبصله..بعد..

اضافه اني قمت اعمل خلطة المحلب مع زيت النارجيل مع زيت اللوز مع بيضه مره في الاسبوع...

اضافه الى اني ازيت شعري بدابر املا يوم وراء يوم...وطبعا اتناول فيتامينات ماكس هير يوميا..مع استعمال تونيك سورسير يوميا ايضا...

بالنسبه للحنا..ابدا مايناسبني..ولا احطه...لانه يعدم لي شعري ..وكل وحده وطبيعة شعرها...

وبالنسبه للشامبو..نسيت اقولك اني من بديت مراحل علاج شعري وانا قاطعه
الشامبوات..واستبدلتها بصابون الغار..وبصراحه..وقف تساقط شعري..واستعاد شعري ..قوته ..ولمعته..ولله الحمد ...

والحمد لله شعري ..صارت حالته افضل بواااجد..ولله الحمد والمنه والشكر..

اتمنى اختي..تحصلين نتيجه...مثلي..بس اوصيك بطولة البال..تراني بكمل سنه وانا ماشيه على طريقتي...
فاتمنى منك طولة البال والصبر والامل بالله...

والله يبلغك ما تتمنين ..يااارب:27:

بسم الله الرحمن الرحيم
السلام عليكم ورحمه الله

جزاك الله خير والله يعطيك العافيه

سؤال اخير ما ودي اطول عليك شعرك جاف ولا لا لان انا شعري دهني وبعدين الثوم يمكن يكون قوي على فروه الرأس ممكن احطه مع شويه زيت والبصل والثوم بنفس الوقت ولا لا (اسفه صاروا عشره اسئله :23:)

اختي انا استعجلت وشريت الحبوب بس اللي علبتها كحلية وعليها وردة حمراء ما ادري اذا هذا اللي تقصدينة او لأ

ياريت توصفين شكل العلبة لو سمحتي ..... ومشكورة على ردك ....