اخواتى الحبيبات جاتلى رسايل خاصة كتير تسالنى عن الشنطة
وسبق وعملت لها ورشة بس سيبت الاخت احب اتغير تكلمها لكن برضو البنات كانوا تعبانين فيها ومش فاهمينها
النهاردة جبتلكم طريقة جديدة وسهلة جدا جدا لتقفيل الشنطة من الكشكشة الى البطانة باذن الله
نشوف مع بعض
دة جسم الشنطة بعد شغل ال 3 مراحل ( زيادة __ اعمدة ثابتة __ تناقص )
وكمان لفينا على جسم الشنطة كلة من جميع النواحى بغرزة حشو حتى تكون متماسكة
هانجيب خيط ونطبقى اتنين وندخلة بين الاعمدة بحيث يلف الخيط كلة حول الشنطة من الجهتين
يعنى ناحية من الشنطة هايكون فيها جزء الخيط المتصل بالشكل دة
هانمسك طرف الخيط دة ونسحبة من خلال الشنطة عشان يسهل علينا عمل الكشكشة وتطلع مضبوطة
اضبطى الكشكشة حسب رغبتك واربطى الخيط بعقدة
انتبهوا بقى
الكشكشة عند فتحة الشنطة
هانشتغل سطرين حشو
السطر الاول هانشتغل غرزة حشو ونفوت غرزة
السطر الثانى هانشتغل غرزتين حشو ثم نفوت غرزة
وبكدة هاتكون الكشكشة مرتاحة معانا
اشتغلى بعدها اربع او خمس سطور غرزة حشو فوق كل غرزة
بحيث تكون الجزىء الى اشتغلناه يكفى محيط اليد ( هايظهر المقصود فى الخطوات القادمة )
لا تقطعى الخيط اشتغلى بالعرض علشان نعمل اليد وطول الجزىء اللى هانشتغل بطول اليد ( هايظهر المقصود فى الخطوة القادمة )
تابعونى ولا احد يرد لحد ماخلص الجزء دة
وهنا طريقة جديدة لعمل يد الشنطة
هانجيب خرطوم رفيع يباع عند بائعى الادوات المنزلية او سلك كهرباء سميك شوية ينفع برضو طبعا طولة مساوى لطول اليد اللى عملناها
هانغطية بشريط لحام الكهرباء او سكوتش براحتك المهم انك تمسكى طرفية
هانحط اليد على الجزء الى اشتغلنا بالحشو ( فتحة الشنطة واليد )
ونخيط حولية بابرة وفتلة واول مانصل لطرفة الاخر نقفلة كويس من الناحية الثانية
ودة شكل الشنطة بعد ماخلصت الكشكشة واليد
وبكدة بتكون الكشكشة واليد اصعب جزء بالشنطة خلص
انتظرونى ببطانة الشنطة ايضا باذن الله