بنات بدون مقدمات طويلة
انا بنت مثلي مثلكم عايشة حياتي طبيعي
شي منكد حياتي وهو أني واقعة بذنب مابي أجاهر فيه (....) أتمنى فهمتوني
والصلاة آه يالصلاة والله كلي خجل من ربي وانا اكتب لكم بعد أني وحدة كنت ادمان مواقع الدردشة ومن الليلة بعد ماعرفت أنها قربت عشر ذي الحجة وبيني وبينها يوم
قررت أغير حياتي للأبد ويشهد الله ان كل حرف اكتبه صادقة فيه
اول شي عاهدت ربي عهد بعدم دخولي مواقع الدردشة دعيت بثلث الليل الأخير قلت يارب أشهد علي اني مادخلهم
ثانيا الذنب اللي اقولكم عنه عاهدت ربي عهد اني مارجع له ولو وسوس لي الشيطان اني ارجع له على طول رح أتوضا واصلي واستغفر
ثالثا والاهم الصلاة عاهدت ربي احافظ عليها بالدقيقة والثانية .. ليش لمن يكون عندنا مشوار للسوق او حفلة او دوام او اي شي نخاف ونكون دقيقين بالموعد ؟ ليش نفس الشي مو مع الصلاة
انا قررت من الليلة أكون انسانة جديدة ويشهد الله علي أمامكم اني ماعود لهم ماحييت اولا رضا لربي اللي ستر علي وعشان ارضيه عزوجل ثانيا عشان تغفر ذنوبي اللي حاجبة اجابة دعائي ثالثا عشان اهلي والثقة اللي عطوها لي والله انهم ماقصرو وكسرنا اني اسوي ذَا الشي قدامهم وهذا عهد امام الله
لكن يابنات جنني الوسواس وهو يقول لي إنتي خاينة اهلك والحين تسوين ملاك قدامهم وش ماتسوين إنتي خائنة وغبية خسارة كل شي عطوه وجابوه لك وحتى جوالك ترى كل اللي شفتيه يدرون فيه الناس ومحدن يحبك لأنك قذرة
يابنات هل فعلا انا خنتهم ؟ والله تبت مارجع لهم جوالي كمان ابي افرمته وارجعه جديد من كل شي شفته استغفر الله ؟ هل انه مايمحى ويرجع
صحيح بنات ابي أصلي ركعتين توبة لله وأبدا تغير حياتي ولكن معي العذر الشرعي ؟ هل توبتي صحيحة وانا بالعذر الشرعي وتنفع بدون صلاة
أبي الكلمة الطيبة مخنوقة
الحين استغفري كثير وسبحي لين تطهرين وصلي ركعتين