الله يوفق الجميع ياليت كتبوا الاحتياج بالتوضيح اسم القرية ومسافتها والطريق هل هو معبد او بر حتى يستفيد الجميع

انا خريجة احياء من عام 1424 وابغى اقدم على الرياض
ياليت جميع الخريجات يتفاعلون

مافيه قرية تبعد عن الرياض 400كيلو ؟؟
المحافظات لي تبع الرياض حريملا وثادق والعينة _الرماح _المزاحمية_
الرماح ابعد شيء 120كيلو فقط والباقي قريبه من الرياض
ام 400 كيلو فيه اتوقع انه الدوادمي وهذي لها اختيار يختلف

في قرى في المجمعه تبعد عن الرياض اكثر من ٤٥٠ كيلو
والمشكله ان الاحتياج مو في المجمعه او القرى القريبه المشكله الاحتياج في القرى البعيده من الرياض وغير الخدمات الزفت
ادرسوا الموضوع من جميع النواحي قبل ما تقدمون على اي خطوه
اتمنى للجميع التوفيق

انا دراسات عام 1424 هـ قدمت على الرياض واللي حولها
وقدمت على الاحساء والدمام بعدين حذفتها ومتردده اخليها او احذفها
اخاف من الغربه وعندي طفل عمره خمس سنين ومتعلق مره فيني وزوجي يقول استحاله تاخذينه معك
يعني توهقت مره وتوكلت على الله وخليت ابعد شي الدوادمي
اسأل الله العظيم اذا كان فيها خير لي يقربها لي واذا فيها شر لي يصرفها عني