بصراحه انا احس ان الوحم ماله دخل في شيء ابد وهذي طبيعة اجسام
بحملي الاول توحمت في البداية وبعدين خلاص وجبت بنوته
وفي حملي هذا توحمت الى الشهر الخامس والى الان انا في التاسع تجيني زومة كبد ونفسيتي زي الزفت وثقلي غيروحتى شكل بطني غير عن بنتي وقالوا لي بالسونار انها بنت
والله اعلم

انا عن نفسي حملت بولدين والتعب الوحيد اللي حسيته الترجيع لمدة 5 شهور الاولى تقريبا

لكن لمه حملت ابنتي كانت دايم ارجع وكرهت زوجي والبيت واكل البيت وتم الترجيع واللوعه معاي الين الشهر الاخير ونفس الشيء اللحين بحملتي هاذي

والحمدلله رب العالمين

الحمدلله على كل حال

انا بحملي الاول كان متعب خصوصا في الشهر الثاني واستمر التعب لي اخر شهر بالثامن واضطروا يولدوني طلق صناعي ...وطبعا كانت بنت تسحر القلوب ماشاء الله عليها


والحين حامل توني في بداياتي للحين ما حسيت بوحام ولا شي الله يسهل علي ويرزقني بالذرية الصالحة ويرزق كل محرومه يا رب عاجل غير اجل ..

ان شاء الله بارادة رب العالمين الحمل الثاني يكون ولد عشان افرح فيهم ^_^ دعواتكم يا بنات

وحامي بهذا الحمل نفس وحامي ببنتي وعرفت اني حامل ببنت سبحان الله نفس الوحام بكل شي والسونار تاكدت انها بنت

حملي في بنتي مان قوي جدا
كنت اكره ولدي بشكل ما تتصورونه
و كان حملي ثقييل مرره و صعب
و حملي في اولادي كان خفيف و اهون