من اللي اهلها يحبون التحطيم

السلام عليكم

كيفكم يالغوالي :)

انا عندي اهل الله يهديهم يحبون شي اسمه تحطيم .. في كللللل شي

وبالأخص اخواتي هم 5 اخوات وانا اصغر وحده فيهم

انا عندي مبلغ من المال يمشي حاله فكرت ازود عليه قرض وافتح لي مشغل بس شاورتهم بالموضوع على طول تحطيم انتي خليك ببيتك وعيالك وش تبين بالمشغل بتخسرين فلوسك ومحد جايك واخرتها بتعرضينه للتقبيل ومحد مشتريه منك هذا كلامهم بالحرف الواحد

انا احب ارسم صلحت تحت الدرج عندي بالبيت وخليته مرسم ويوم جو مره يزوروني انهبلوا وقالوا ايش انتي مسويه يالمجنونه خليك ببيتك وعيالك ودرسيهم وخلي عنك الرسم وخرابيط ما تنفعك لا دنيا ولا آخره . لو مخليته مخزن يضف قرابيع عيالك انكان احسن لك

انا متخرجه من سنوات كثيره وفاتحت ابوي اني ابي اكمل دراسة الماجستير اذا يقدر يساعدني هم بس سمعوا بالخبر وجتني الانتقادات ( بعد ما شاب راح الكتاب ) انتي مو وجه دراسه .. درسي عيالك احسن .. الخ الخ الخ والله اني ضاق صدري مررره ادري بتقولون حساسه بس عمري ما سمعت منهم كلمة تشجيع

حتى في ابسط الاشياء لو ابعمل عزيمه في بيتي يقولون ما يحتاج تحطين حلى كثير ما يحتاج وما يحتاج وما يحتاج تزينين الاطباق وكل شي ما يحتاج خصوصا محده منهم الله يهديها مررررررررره


وابي اسالكم يا بنات هل فيه مشكله لو كملت دراسة الماجستير وانا بعمر كبير ؟ هل هو عيب والا حرام والا مثلا ما راح الاقي احد بسني والا ايش السالفه