من اللي بتقضي العيد لوحدها تجي تقولنا وش بتسوي يوم العيد

السلام عليكم ورحمه الله وبركاته
كيفكم حبايبي كل عام وانتم بالف خير وصحه وسلامه
مثل ماهو باين من العنوان :icon36:

من اللي بتقضي عيدها وحيده اكيد زوجك وعيالك معك الله يخليهم لنا
بس بعيده عن اهلك والفله والوناسه وناس داخلين وناس طالعين وابتسامه الوالده ذاك اليوم تكفيك عن الدنيا كلها وخواتك حوالينك وتتلبسون وتتزينون وتستقبلون الاقارب وتقهوون والبخور والزين كله
وبعيده عن اصدقائك يعني مافي الديره اللي انتي فيها ولا صديقه لك يعني مافيه احد بيجيك ولا بتطلعين لاحد

وجيران مايرضون يتعرفون ولا يدخلون ويطلعون لك __

في الحاله هاذي وش مخططكم وش بتسوين من قومه الصبح
والله بنات حالتي حاله ابي اهلي ابي اقارب ابي جيران لكن الحمدلله ع كل حال وناويه اسوي اللي ع افرح بعيد ربي وافرح زوجي وولدي مهما كان وش اسوي يعني اجلس حزينه
لا ابدن بفرح وهاذا عيد وكل الناس بذاك اليوم ان شالله فرحانه ومبسوطه حتى لو بين اربعه حيطان

عن نفسي اشتريت حلويات للصغار اشكالها تجنن من كل شكل علبه وعلك والخ واشتريت اورجنزا علشان اوزعها فيها وبحطها بكيس وبعطيها زوجي يعطي جيرانه لصغارهم ابي احس بجو العيد خخخخخخ وابي افرح الصغار ابيهم يحسوون به مالت احس عيد المدن يطفش وشارين العاب ناريه وطراطيع عاد مدري لافضى زوجي بنطلع بر نفجرها مع نفسنا :icon36: ههههههههه واكيد ببدا يومي من فجر ربي قهوه وبخور ولبس جديد وبلبس ولدي لو كان صاحي وبتقوا واكيد بكلم وبعايد اللي له حق ع اي شي بس احس بالعيد

والحين اللي مثل حالتي تجي تقول لنا كيف بتفرح بالعيد بالرغم انك لحالك

الله يفرحنا فيه لافاقدين ولا مفقودين يارب
ويتمم ع الجميع فرحتهم
وينصر اخواننا المستضعفين في سوريا


يالله بنات شدوو الهمه وفرجونا وش سويتو ووش بتسوون نبي ناخذ افكار من بعضنا


استودعكم الله 