من اللي ساكنه بمنطقه غير منطقه اهلها

مادري وش اقول لك بس الله يعينك الغربه والله صعبه بس هذا حال الدنيا والحمد لله

الله يخلي لك امك يارب ...انا مثلك بديره بعيده عن امي بس دامني اسمعها بخير انا بخير وهذا حال الدنيا ماتجي على هوانا انا بالشمال وهي بالرياض خذت وقت على بال ماتعودت ياكثر ماكنت اصيح ابي اشوفها بس يوم تدري اني بكيت عليها تعاتبني وتقول لا تطفشين زوجك بكثر بكاك انا طيبه وبخير لاتشغلين بالك والله كلامها مثل الثلج على صدري ويوم عرفت هالشي يضايقها تركت البكا والتفت لنفسي ولزوجي وعودت نفسي اخلق لي جو ومع العيال التهينا والله لايشغلنا الا بطاعته
اذا عندكم دار تحفيظ سجلي فيها وتعرفي على صحبه زينه
ومع الوقت تشغلين نفسك بشي مفيد

ياارب الله يطول بأعمار امهاتنا ولايحرمنا منهن ..
اختي فخامة والله نفس حالي ذبحني الهم والتفكير ماعاد اقدر انااام ولا اكل ولا انبسط بوقتي كل همي كيف اتاقلم كيف اسلى كيف اشغل نفسي معي اعراض حمل واتمنى اني فعلا حامل حتى اشغل نفسي و اللي عندي ما يبيني اطلع ابدا عقليته مقاربه للاولين اذا الحرمه مالها حاجة بالطلعه مو لازم وماجربت اقوله عن التحفيظ لاني اصلا ما ادري اذا عندي تحفيظ بالمحافظه اولا توني جديده ما اعرف شي بس مو متأقلمه ولا مبسووطه الله يفرجها

هلين اختي

اول شي قولي الحمدالله على كل حال

ثاني شي انا مثلك بعيده عن اهلي

وبقولك مثل ماقالولك اقلمي نفسك مدام هذا كلامك بتفكرين فيه ومقتنعه عمرك ماراح تغيرين شي بحياتك

كوني علاقات. تعرفي على احد من مدينتك
جارات. اصدقاء اي كان. لاتحكرين نفسك ببيتك وخلاص اذا ماحاولتي انتي ماراح تغيرين شي

زوجك اذا مصلي مسمي يخاف ربه قولي الحمدالله تفكيره يتغير. مع الايام والعشره
شكلك توك متزوجه لاتاقلمتي على المدينه ولا زوجك

مافي شي ياعمري يجي عل. كيفنا اكلمك من واقع تجربه بعيده عن اهلي. ماجلست اندب حظي

الحياة ببدايتها اقلمي نفسك على ماكتب الله لك من نصيب بالديره اللي تقولين
كوني معارف لك تروحين لهم تنبسطين معهم. دام مدينتك مافيها اماكن ترفيه

زوجك صدقيني اذا واحد يخاف الله هذا المهم اي كان ساكن لو بجحر
شوفي مصايب غيرك واحمدي ربك هي جت على تفكير بس مو سكر ولاضرب ولاعلاقات ولا زنا ولا فتن هالدنيا

اول زواجي زوجي كان يخاف الله مصلي مسمي بس مفي اهتمام مع اصحابه دايم مع الايام الحمدالله تغير للافضل
بالدعاء اولا والمداومه على الاذكار وسورة البقره

ملخص كلامي اختي ارضي بنصيبك وامك الله يطول بعمرها لاشافتك مرتاحه ومبسوطه هذا اللي تبغاه
لاتشتكين عندها. بعدين تشيل همك قولي الحمدالله على كل حال
والحين المسافات قربت بالجوال والمكالمات كلميها يوميا والحمدالله .وان حصل زياره كل فتره. الحمدالله

حبيبتي الله يكون بعونك ياارب