من اللي كانت فوضويه وغير نظيفه

وتغير وضعها وكيف وكم مده كانت كذا وكم المده وهي متغيره وكل التفاصيل
لان اعاني من هالشي
كنت نظيفة ومرتبه واهتم بنفسي كل يوم لبس واسسوارات وشعري مسشور ٢٤ ساعه
ويوم عمري ١٦ صف اول ثانوي تقريبا
فصلت من المدرسة صديقتي الوحيدة
وكان زواج اختي نفس الوقت تقريبا
اختي تزوجت وتعبت وحن بعد تعبنا كلنا
وخلاص من بعدها صرت اجلس في غرفتي وهي فوضى وما ارتاح اذا حد رتبها ابغاها مخبصه
والغرفة ماكانت لي بس ماكان حد يجلس فيها الا انا
كنت اباها فوضى عشان ماحد يجلس معي
اتوقع يوم فصلت صديقتي جاني اكتئاب مع تعب الزواج
خلاص من ذاك اليوم لليوم وانا اعاني
خصوصا وقت كنت متزوجه ٦ سنوات
كان زوجي يدور الزله واذا نظفت يقول بافتح الدروج
وكلما نظفت شي دور شي ثاني
وامه واخته مدعين انهم انظف ناس ويحسسوني اني الوسخه
وهله اللي ع ابيه كل وحده بشغاله وصحتهم زينه ويشتغلون ونفس الشي يحسسوني اني م اسوى
واليلا كله من راس ولدهم كان يحطمني
كنت يومياً انظف المطبخ بس الاواني ما ارتبها
ويدخل يقول وش ذا المطبخ
وانا قدلي عليه ساعه
حرفيا يابنات استغربت اني لازم اجلس عليه ساعه و١٠
عشان كذا نسخ في عقلي اني كنت انظف واهتم
بس هو شككني في نفسي وحسيني بالعجز
واختي تشوف محاولاتي وانا اجاهد رغم ان عندي ارق مزمن وفرط تفكير واروح لهله شبه يومي
وتقول وصلتي مراحل ماشاء الله عليك
بس هو كان دوره سلبي وكان دايم يمشكلني عالشغل
واخر الايام قبل نتطلق اخترع مشكله مو عشان الشغل لاني كنت منظفه بس هو اخترع عذر عشان يكبر المشكلة
المهم اني تطلقت وصرت معاد اوجع نفسي في المحاولات اني انظف وارتب لاني مستنزفه ع مدى ٦ سنوات او اكثر
اللي استغربته اني مره رحت لبيت دكتور هندي انا واخوي عشان يصلح سن لي عشان ماحد ينط يقول وش وداك
هو في سكن عمال ماكان موجود الا هو منهم
مغسلتهم نظييييفه وبيضا وعليها سلك واسفنجه
تخيلو وهو سكن عمال
كنت ناويه اجيب شغالة تخدمني وتريح امي
لان خواتي ماينفعونها زين
وهي ماتطلب بس تحتاج فهي تنفع نفسها
وانا مقدر ازبط اموري دايم واذا خدمت امي مره مرتين واهتميت بالتنظيف مره مرتين صعب جدًا استمر