صدقيني كلنا مبتلين ....... وكان الله في عونك
ربما يبتلينا ربنا ليسمع صوتنا ونناجيه فيفرجه عنا بعد ان تضيق بنا السبل وتنقطع الحبال
كلمات رائعة ووافية وكافاية وشافية من الأخت الفاضلة Rosee
لعلاج هذه المشكلة والتي عانيتم منها أختي الفاضلة (the-moon) أعانكم الله في فيما انتم فيه ووصيتي لكم الدعااااااااااااااااااااااااااااااااااااااااااااااااااااااااااااااااااااااااءءءءءءءءءءءءءءءءءءءءءءءءءءءءءءءءء
اللهم ياسامعا لكل شكوى ورافعا لكل بلوى أكشف ضر أختنا الفاضلة وارزقها حياة سعيدة واجعل ما أصابها تخفيف لذنوبها وارزقها الصبر والثبات اللهم آمين

ماقصروا الكل في النصايح .. خاصة الدعاء .. الدعاء ..الدعاء

برأيي تصرفاته ناتجة من تربيته.. وبالذات الريال اذا كان جاف ..بعض الرجال مايعرفون يتصرفون مع الحرمة و لا يعرفون يعاملونها .. خاصة اللى بعدين عن الدين .. اللي ماعندهم ثقافة اسلامية ..

اهم شي انج ماتقصرين معاه ..عطيه كل حقوقه ....حاولي تفهمين شخصيته و تعرفين شو هواياته .. حاولي تسولفين معاه اكثر ..طلعي منه الكلام في كل شي .. شغله ..طفولته ..اهله .. اقصد اهتمي فيه هو كانسان اكثر .. يعني انتي جربتي الدلع و الرومانسية و مايابت نتيجة جربي هالجانب الثاني ..

و في نفس الوقت لا تبالغين .. و لا تكونين طموحة و تنتظرين على كل فعل خير تسوينه جواب ..الموضوع يباله صبر ..

مثل ماقالن حاولي تشغلين وقتج .. وقت الفراغ من الاسباب اللي تخليج تفكرين و ايد و تحاتين.. لا تهملين نفسج ابدا .. لانه يأثر في نفسيتج .. و اكيد بياثر فيه يوم من الايام ..

يمكن الغربة والدراسة او العمل مأثرة فيه .. ترا الغربة يا انها تقرب يا انها تبعد .. اتوقع اذا رديتوا البلاد الوضع ان شاءالله بيتحسن ..

اما عن اهله .. معظم الحريم يعانون من هالموضوع الا من رحم ربي .. وطبعا الفاشلين في حياتهم الزوجية تحصلينهم لاصقين في اهلهم .. ماقول غير الله يعينج و يصبرج ..

باذن الله بيتبدل ..و بيعرف معدنج .. انتي ماقصرتي .. مصيره يلاحظ الجوهرة اللي عنده :)
العيوب اللي فيه باذن الله بتتغير ..

الطلاق اخر شي تفكرين فيه .. صح انه في عيوب وايدة بس بعده احسن عن غيره ..

الوحدة تدور راحتها النفسية بالطلاق ..بس الاهل و المجتمع مايرحم للاسف.. وينقلب الموضوع ضدج ..
معظم الحريم مطبقين هالمثل ( ظل راجل و لاظل حيطة)..

الله يصلحه و يهديه و يهدي سركم ..

اولا : ابتكلم معك ( عامي ) ومتاكد انك ستفهمينني .

ثانيا :فكرة الطلاق شيليها من بالك ولا تجيبي طاريها على لسانك ابد .. ولا مجرد التفكير فيها ..

فقط ازمه وستزول ان شاء الله قريبا جدا .. بس انتظري يتخرج وينهي دراساته وترجعون لارض الوطن ..

ثالثا : انتي ذكرتي سلبيات زوجك فقط .. ولم تذكري ايجابياته .. ولكني قرأت ان له ايجابيات كبيرة جدا معك .. اذا اعرفي ان هناك زوجات ليس لازواجهم اي ايجابيات .. وش رائك ؟؟ ومع ذلك صابرين وعايشين .. ويتنمون السعاده الابديه بالجنه تعويضا عن السعاده الوقتيه بالدنيا ..

رابعا : زوجك ليس الوحيد في هذه الحاله .. ولا تستغربي هذا الشيء من الازواج .. لان اغلبهم ( جاف ) مع زوجته .. ( حنون ) مع اصدقائه وعمله ..

وانما الذي نستغربه ان هناك رجل و زوج واحد ليس به عيوب من زوجته .. وهذا نارد حدوثه واعترف بذلك ..

كنت بالغربه بالبلد اللي انتي فيه وهناك زملاء معهم زوجاتهم .. اقسم بالله انهم تضايقوا منهن رغم كونهم ملتزمين جدا جدا جدا .. ولكن ضغوط الدراسه ومصاريفها والسكن والتأمين وغيره شيء مزعج جدا .. فلا يستطيع الزوج التوفيق بين كل هذه وزوجته عنده ولها اطفال بعد ..
لان الزوجه وحدها تتطلب اهتمام كبير جدا وتفرغ ذهني من الزوج لقضاء الحاجات والجلوس مع زوجته والتمشيه والاكل في المطاعم .... وغيرها .. وهذا ليس متوفر في زوجك طالما انتم في غربه مؤقته ..او ربما ليس من هوياته هذا الشيء .. ولكن مع الرقت حتما سيتغير .. ولكن عليك الصبر حتى ترجعون للوطن ..

وايضا هل يمكنك العوده للوطن وترك زوجك وحده في الغربه ؟؟ ولو لمده ثلاث شهور فقط ..

المهم .. اصبري .. وتحملي .. وضحي ..

ولكن الاهم من ذلك كله ان تكثري من الدعاء وخاصه في اخر الليل بان الله يشرح صدرك وييسر امرك ويسهل طريقك .. ويهدي زوجك ..

ولي عوده للاجابه على اسئلتك ..

شوفي حبيبتتي الطلاق ماهو حل .....ولا تعتقدين أنك بلحالك في هذا الكون البيوت أسرار ..وعديه أبتلاء من رب العالمين ..أصبري عليه واحتسبي الأجر وتذكري الحمدلله أن فيه أحتساب للأجر ولا كان رحنا فيها ما تشوفين الغرب يقدمون على الأنتحار عشان ما عندهم ايمان و صبر و احتساب..


عليك بالدعـــــــــاء وأنا عاذرتك على جفافك لكن حاولي معه وفرصة عندك انترنت والله انه وسيلة عظيمة للأستفادة عليك بالقراءة عن هذه المواضيع....

السلام عليكم واعتذر لتاخري بالرد عليكم اخواتي
واحة امل اللة يسعدك كما اسعدتني اجابيك برجوع الامل لي مرة اخرى وللة يسخر لك زوجك ويخليكم لبعض شكرا غاليتي على النصيحة :26:


الاميرة حياك اللة وانا معك لو عندي شي الهى فيه وافرغ الشحنا ت الموجوده عندي كان نغير الحال بس انا في غربه وماعندي شي اقدر اروح له او اغير جو
اما اهله فصدقيني ماعمري رحت لهم الا والهدايا معاي للوالده واخواته مع اني انصدمت فيهم ولا وحده من خواته عطتني هديه الزواج فقلت يمكن طبعهم كذا لكن اكتشفت انهم يهدون للزواج بس ليه ماهدوني الله واعلم وعمري ماقلم له لاتعطي اخوك والا اختك بالعكس صدقيني اعينه على الكرم والهديه ومشكوره على الدعوه الحلوه اللة يجزاك الجنة:26: