أولآ الحمد لله على كل حال ,, والله يرحمك يا ياسمين ويرحم جميع أموات المسلمين ,,
انا بصراحه حبيت اكتب ذا الموضوع لأني سمعت كلام كثير وإشاعات حول وفاة بنت خالتي ياسمين الله يرحمها ولذلك راح اكتب القصه بالتفصيل :
ياسمين الله يرحمها لا تعاني من أي مشاكل صحيه ولله الحمد ..مثل ماسمعنا انهم يقولون فيها قلب والخبرمؤكد من خالتي تقول: ماكانت تعاني ابد من قلبها ومافيها إلا العافيه !!
استيقظت صباح السبت باكراً حيث انها قررت ان تذهب إلى الكلية لأنها من بداية هذا الترم وهي لم تداوم أيام السبت ثم عملت الفطور قبل استيقاظ خالتي .. خالتي قالت لها لا تذهبي اليوم ! قالت ياسمين الله يرحمها : لا مو كل سبت أغيب ! اليوم راح أداوم !!!!!
ثم ذهبت إلى الكلية ...
وفي الساعة 10 إلا ربع كانت متجهه إلى المحاضره حيث انتهى وقت البريك وهي في طريقها مرت بطاولة صديقاتها وابتسمت لهن واتجهت الى المحاضره ثــــــــم أغمي عليها وسقطت والبنات اللي معاها اتجهن بسرعة الى الشؤون وكان رد احد الموظفات :يالله هناك بلا دلع بنات!! ...
اجتمعوا البنات ع ياسمين وحاولوا يسعفونها واتصلوا الكلية ع الهلال الاحمر في تمام الساعة 10:56ص وكانت الاخت منيره العبدان تضيع الوقت مثل ماقالت احد طالبات الكلية التي كانت موجوده وقتها اسمها "لحظة حزن"
http://www.s-qu.com/forum/t59595-6.htm
((الاسعاااااااااف مالهم دخل
البلا بالحارسات
لان الاسعاف جاي مع الباب القريب لمبنى الاداره والباب هذا يقفل وقت الدوام للموظفات
مايفتح الا الصبح واتوقع الظهر لان فيه باب ثاني لطالبات
انا شفتهم ساعه اقسم باللله على مايلبسن اعبيهم ويسدون الفتحه من الجدار للجدار يغطون الباب بعبيهم والبنت يمديهم شبعت موت
طبعا يقالهم غطوا شي بالعكس الاسعاف من دخلوا شفناهم وشفنا روسهم يععني لو هم داخلين ابرك
القهر ساعه يتلبسون عباياتهم الخالات ومنيره العبدان تناظرهم وتهاوش ابعد يابنات الباب بنص الساحه وساعه على مااانفتح
يعني رجال الاسعاف شلون بيدخلون من باب مقفل نهائي وقت الدوام لان الباب مو رسمي للكليه ))
الهلال الاحمر كانوا عند باب الكلية الساعة 10:59ص ولكــــــــــــــن لم يسمح لهم بالدخول !!!
ياسمين الله يرحمها يقولوا البنات اللي ماسكينها انها صحت شوي(إفاقة الموت).. وناظرت وهمست بكلمات بس ماسمعنا ايش قالت ! إن شاء الله انها كانت تنطق الشهادة ...
وحتى اني سمعت من كذا طالبة في هذه الكلية كلية اعداد معلمات المرحلة الإبتدائيه ببريده تقول كل مامرينا من عند حارسات الامن ماغير يدعون علينا ويقولن (الله لا يكثركن من بنات ؟؟؟؟ .. وغيرها من الدعاء على الطالبات .. ويقولن دائماً متنرفزات منا !! بصراحه لا تعليق (( هذه مشاركة من طالبة في كلية التربية في أحد الصحف الالكترونية
http://www.burnews.com/news.php?acti...set=0&id=14092
((لاانسى هذا موقف في كلية التربية الادبية ببريدة وانا على مااقول شهيد لانه امام عيني عندما رفضت الحارسات دخول رجال الاسعاف لانقاذ حياة مريضة مغمى عليها والسبب يردن اخلاء الساحة كلها من الطالبات وتغطية الفتاة بشكل كامل رغم خطورة الموقف وخطورة الانتظار لو دقائق قصيرة على حياتها...
ارجوا من الجهات المختصة وضع قوانين رادعة لمثل هؤلاء المتهاونات )) ....
وهناك حكي اخر وتقدروا تسألوا وتسمعوا من طالبات الكلية كيف يعاملوهم حارسات الأمن
ثم قالت احد حارسات الامن لمسعفي الهلال الاحمر اعطنا النقالة عشان نسلمكم الطالبة ؟؟ استغرق هذا الحكي قرابة 9 دقائق عند الكلية ثم سلمت ياسمين للمستشفى الساعة 10:12ص .. وكانت في العناية المركزة قرابة 40 دقيقة لكن الله أراد أن تفارق هذه الحياة ..
أخذت لمغسلة الأموات ,,,,,, وشاهدت خالتي ابنتها البكر ياسمين رحمها الله وقد لفت في كفنها .. وكانت تصارخ وتقول : أنتو تمثلون علي!! كل هذا تمثيلية .. اقتربت من ياسمين وقالت : ياسمين قومي نروح للبيت !! ........... حالة خالتي يرثى لها .. والحمدلله كان وجه ياسمين رحمها الله مبتسمآ ..
ونقلوها للأسياح وصلوا عليها ودفنوها في قصر العبدالله الله يرحمك ويغفر لك يا ياسمين وجميع اموات المسلمين .. آمين يارب العالمين
منقول